|
ماتبصبص للبت الحليوونة عيب .. ما تجيبي اسمه الهوا بقسمه
|
نحن معظم معشر السودانيون والسودانيات تربينا علي ان:
قولة احبك عيب .. ما تعاين لمشهد فيه قبلة عاطفية عيب .. تقعد تبصبص لواحدة حليونة جاتكم في البيت عيب .. تقول لمرتك يا روحي ولا يا حياتي عيب .. والمرة ما تجيب اسمه الهوا بقسموا وغيرها من المعيبات في القاموس العجيب
بيحكي لي واحد صاحبي بانه قريبه اتزوج من خارج نطاق العائلة وسكن مع اهله أها .. زوجته دي باين عليها مشبوبة العواطف .. صاحبنا بعد ما اخد دش وكده وخرج واهله متجمعين في الصالة
قامت المسكينة طوقته بيديها الحنونتين وقالت ليه نعيما بعد الحمام صاحبنا بكل دراشة قال ليها : بطلي العوارة دي
وأخر عاد بعد يوم حافل في الشغل قال يفاجئ المدام وكده بحاجة جديدة
بعد دخوله المنزل برضه قام مطوقها بيديه يعني قلدها وكده تمهيدا لتقبيلها صاحت بدون وعي: سجمي المات منو؟
عشان كده تلقانا فصيحين بس في الغنا
|
|
|
|
|
|
|
|
Re: ماتبصبص للبت الحليوونة عيب .. ما تجيبي اسمه الهوا بقسمه (Re: عمر الفاروق عبد الله الشيخ)
|
Quote: يفتش عن شلته القديمة .. يعود لاعبا كونكانيا مميزا يقضي الساعات الطوال علي طاولة الكونكان |
واحد صاحبنا ياعمر بعد ما دخل الفلم دة وخلص العسل ودخل في المسعوليات رجع لينا تاني في الوست والحريق ونحنا بنبداء من بعد العشاء لحدي ما نصلي الفجر وننوم ويكون صابح جمعه اها صاحبنا ده مستحلي اللعب ده يوم سالتو يابو الشباب أنته ما عوائل وكده .. قالي ياخ دي قروشة سااااي ... قلت لي اها لما ترجع البيت وش الفجر بتخارج نفسك كيف من المشاكل قالي والله بدخل اتسحب ذي الحرامي وشايل نعلاتي في يدي وعلى طرف أمشاطي عشان مايصحو واليوم ينقلب نكد ... حكيتها معاهوو وقلتليهو طيب الصباح النقه كيف عاين لي كده قالي الله كريم بعد تصبح الواطة ..........
كلامك كلووو واقعي ياعمر الفاروق شكرا لك
| |
|
|
|
|
|
|
Re: ماتبصبص للبت الحليوونة عيب .. ما تجيبي اسمه الهوا بقسمه (Re: عمر الفاروق عبد الله الشيخ)
|
Quote: معظم السودانيين الا فيما ندر .. بعد ما يلحسوا قشرة العسل في البرميل اياه .. وبعد ما يشيلوا القفة .. وتبدي المسعوليات .. ويصحبح "محمول" .. ويدخل في مواويل طويلة مع المدام يفتش عن شلته القديمة .. يعود لاعبا كونكانيا مميزا يقضي الساعات الطوال علي طاولة الكونكان ياخد الرموت بيمينه بحثا عن ..... و ..... ولما يوشوش صوت المدام في الباب يجيب ليك قناة طيبة
|
سلام يا الفاروق
الفي ما ندر ديل بكونو جماعة الوست.............. في نوع ما بجيب قناة طيبة لكن بدخل الحمام وبحتل ساعة جوه
| |
|
|
|
|
|
|
|