على عثمان يعد بحل مشكلة مياه بورتسودان

حصل وعد رسمى وشعبى من ولاية البحر الاحمر كان فى زيارة للقصر الجمهورى على وعد هذه المرة من على عثمان بحل مشكلة مياه بورتسودان وقد نادى المؤتمر الوطنى فى بورتسودان باستقبال ايلا ووصفه ببطل التنمية والجدير بالذكر ان عمر البشير امام الكاميرات وكل الجماهير فى بورتسودان وعد بحل مشكلة المياه وقال لاتسالوا ايلا عنها لانى ساتكفل بحلها وللاسف الكلام طلع فشوش وتمثيلية حسب حديث وزير السدود فكيف نصدق وعد على ورئيسة كذبة وعلى الملاء ولا ادرى مالذى يفرح اعضاء المؤتمر الوطنى الذين حصلوا على وعد نائب عمر البشير الكذاب

هل دا يعني ان ايلا (فلتة زمانو) عجز عن حل المشكلة
ايلا معذور ... مشغول بتهيئة الكورنيش (لسياح الداخل) وناسي الموية التي جُعل منها كل شيء حي
حقو ناس بورتسودان يقيّموا اداء ايلا بعيدا عن العنصرية التي جعلت البعض منهم يؤيد ايلا عمال على بطّال

صباح الخير الاستاذ نوريت

سلام وتحية هاشم و مهدي

بالنسبة للوالي الطاهر إيلا ماأعتقد من العدل نتهمو بإنه إهتم بالكورنيش وبس....وأي زائر لبورتسودان ممكن يلاحظ الفرق الواضح في كل الخدمات.... مشكلة المياة مشكلة إتحادية أي المفروض حلها يكون من الحكومة الإتحادية ...وما عارف علي عثمان حيحلها متين وآخر علمي أنه جالون الموية من السقايين بقا ب4000...ومياه آبار ما معروف نظافتها ...والدنيا قبايل صيف ورمضان...الله يستر علي أهلنا في بورتسودان والسودان جميعا...

تحياتي

نوريت والمتداخلين ..سلامات ..

كل الحكومات وكل المسئوليين الذين زاروا بورسودان اوعدوها بحل مشكلة المياه ولم نرى حلا حتى الآن
الكل يوعد وهو يعلم انه يكذب واهل الشرق يعلمون ذلك ورغم ذلك لازمون الصمت..
يامصعب انسان الولاية يستفيد شنو من كورنيش ومن اسفلت وصينية وغيرها من الشكليات والبلد تعاني من شح المياه ؟
مشكلة الموية ضمن مسئولية الحكومة الاتحادية ومفروض تسهم في حلها ولن تفعل
امثال ايلا ووزارءه يتجارون بهذه الازمة ولهم شركات تناكر تبيع المياه لمواطني الولاية

لا ادرى لم كل هذا الصمت !!




تحياتي ،،

شكرا ياود القاضى وناس المركز ديل اصلا خير مافيهم ووعودهم فشنك
الله فرجينى