من الارشيف حكم منبرية

Quote: Title: Re: يا مناضلين عايزنكم في الخرطوم جوا Author: Kabar Date: 28-01-2011, 08:53 AM Parent: #3 Quote: اي زول فاتح ليه بوست من كمبويترو التلاجة مليانة بيرجر وسجك وربما ممنوعات وفي محفظته كرت صحي وعيالو في المدارس. وينادي في الغلابة امرقوا ويوصف ويقص ويرص كيف يمكن ان يغير الشعب الحكومة زمان ايام حرب الجنوب.. الجبهة الإسلامية كان بترسل ليها عشرة مجاهدين..و باقى الناس بتقعد في الخرطوم..و تلاجاتها مليانة..و بطونها مليانة..و لمن تقول ليهم مالكم ما مشيتوا في سبيل الشهادة يقولوا ليك بعين قوية..شوف العوير ده و زاد المجاهد الح يسويهو منو يعني؟.. مالك عليهم يا بيان يا صديقة.. يعني سوات زاد المجاهد دي براها ماها حسنة ولا شنو يعني معنى العبارة؟.. الثورات يا قريبتي .. ما عادت تروى بالدم..و انما بالبصيرة و خلق الوعي..و عمر البشير الليلة فاكر روحو الموضوع زي سنة 1989.. نط ليك في دبابة و اقفل ليك كبري ولا كبريين..و اهم حاجة تسيطر على الإذاعة عشان تتشرشح في النقة النضيفة المجيهة.. و تبقى عندك ثورة.. ابدا.. hell not ..!! الموضوع بقى انتفاضة ذكية و انتا ماشي.. و الحكومة مشكلتها القصر الجمهورية..و ده مشكلتو هينة..ممكن نأجروا ليها.. لكن يوم تصبح الصباح و تلقى الشعوب حايمة حولها زي اب كلدنق.. يبقى بعد داك.. تشيل شيلتها..!! البيخلق بذرة الوعي في طايوق زول/ة.. اخير من البيدي ليهو زول بندقية و يقول ليهو امشي ، بلا فهم، الدواس..!! و يبدو لي ناس المنابر من ناس القسم الأولاني..و الحشاش يملا شبكتو..!! و دمت.. كبر

تعليقنا : غايته ما عارف التلاجة دخلها شنو، امكن يكونو جاعوا شديد اليوم داك هههههههههههههههههههههههههههههههههههههه
بعدين تلاجة بيرقر وسجوك دي إلا تلاجة كافتريا في السوق العربي،
الفائدة المستقاه ، ما تبكتب بوست وانت جيعان/ة او لو ما فاطر ما تخاطر

حتلاقي من النوع ده كتير .... لو ناوي تدخل، الله يعينك.

الشخصيات المتناقضة بتحيرك كتير ، دائما بكون فيها نوع من االستهبال في الصغر
احكي ليك عينة من دفعة الثانوي واحد كان انصار سنة يرى حرمة التصوير والكلام داك ، تعرف لمن مشينا الجامعة الزول دا قرأ
تمثيل واتخصص تقريبا اخراج، اما التاني انصار سنة برضه لاقيته في الجامعةحالق قزعة ولابش بنطلون طوي، ولمن سلمت عليه لقيته
مجكس + مرق كيس الصعود وسفاه قدامي، طبعا الصدمة قوية شديد.
ديل شخصيات الدرب التالت