Post: #1
Title: الفسيخ والشربات ..
Author: تيسير عووضة
Date: 06-04-2013, 08:52 AM
لكل شخصة وشخصة في هذه الدنيا حق إعتقاد أن الفسيخ "يمكن" أن يصبح شربات
لكن ماذا عمن يصرون ويكسرون رقابهم ورقابنا لإقناعنا بأن الفسيخ هو زاتو الشربات؟
ـــــ
والله فترنا بي الله واحد!
|
Post: #2
Title: Re: الفسيخ والشربات ..
Author: الطيب عثمان يوسف
Date: 06-04-2013, 09:04 AM
Parent: #1
*** ممكن نفهم حاجة ؟
|
Post: #3
Title: Re: الفسيخ والشربات ..
Author: تيسير عووضة
Date: 06-04-2013, 09:08 AM
Parent: #2
ياهو كدا يا جنابو
بس شيل التاء المربوطة من أي شخصة من الفوق ديل
(قد) يستقيم المعنى؟
|
Post: #4
Title: Re: الفسيخ والشربات ..
Author: تيسير عووضة
Date: 06-04-2013, 09:14 AM
Parent: #3
نعلم أن للحقيقة عدة أوجه
ونتفق على ترك مساحات للآراء المخالفة
لكن عمى بصر أو تعامي بصيرة مامعانا !
|
Post: #5
Title: Re: الفسيخ والشربات ..
Author: تيسير عووضة
Date: 06-04-2013, 09:23 AM
Parent: #4
في البوست دا سأقوم بإستعراض كتير من الآراء التي لا تزال تمجد وتهتف باسم الحكومة السودانية
إستعراض ساكت بس بدون تحليل زاتو
محتاجة أفهم:
كيف ولماذا لايزال هنالك من يظن أو يرى خيراً في حكومة المؤتمر الوطني!
|
Post: #20
Title: Re: الفسيخ والشربات ..
Author: محمد حمزة الحسين
Date: 06-04-2013, 02:48 PM
Parent: #5
| Quote: في البوست دا سأقوم بإستعراض كتير من الآراء التي لا تزال تمجد وتهتف باسم الحكومة السودانية |
حسى عليك الله يا تيسير فى زول مصر يعمل من الفسيخ شربات اكتر منك
لا تنهى عن خلقِِِ وتأتى مثله ..... ما عارف شنو كدا لا تفعلى لانه عـــــــيـــب
لانو دى قناعات ناس .. تعبر عن ذواتهم ولذا تجدينهم يميلون حيث السلف ساتيسفاينج
فما عليك الا ان تحاوريهم باللتى هى احسن لبيان وجهة نظرك المغايرة تحت مظلة ويبقى الود
| Quote: إستعراض ساكت بس بدون تحليل زاتو |
عشااااان كدا انا شايف احسن تحللى عشااان نقدر نستفيد ويمكن نلقا طريقة نرد بعيداً عن نظرية الفاضلابى
:- والله الا يكون في أصبعك 
Quote: محتاجة أفهم:
كيف ولماذا لايزال هنالك من يظن أو يرى خيراً في حكومة المؤتمر الوطني! |
يا تايسير دى عايزا فهم يا خــــــــــــــــيتى
ماااااا لانو ما فى بديل مقنع على الاقل حتى الآن
اهااااااا شوفتى كيف
:
:
:
:
:
مع التحيات لله الزاكيات
|
Post: #6
Title: Re: الفسيخ والشربات ..
Author: محمد البشرى الخضر
Date: 06-04-2013, 09:29 AM
Parent: #4
Quote: نعلم أن للحقيقة عدة أوجه
ونتفق على ترك مساحات للآراء المخالفة ! |
وين الكلام دا؟ هنا !!
غايتو هنا صاحب الرأي المخالف شيطان عديل كان ما طلع عميل و أرزقي و ووالغ في دماء الشعب :)
| Quote: لكن عمى بصر أو تعامي بصيرة مامعانا |
دي غايتو اغرب ظاهرة في سودانيز
تقول ليه ياخي قلنا ليك دي ما عنز, اهديك ليها اجنحتها و منقارها و ريشها, عاين ليها ح تطير.. اهو طارت
يقول ليك لأ برضو عنز
|
Post: #7
Title: Re: الفسيخ والشربات ..
Author: مرتضى احمد عبد القادر
Date: 06-04-2013, 09:41 AM
Parent: #6
| Quote: إستعراض ساكت بس بدون تحليل زاتو |
ايوه كده .. إستعرضيهم كلهم بالله وبي كدا تكوني وضعتي البيض كلو في سلة واحده والعايز يشوت يقول جوز/دسته ما خسار
|
Post: #9
Title: Re: الفسيخ والشربات ..
Author: تيسير عووضة
Date: 06-04-2013, 09:56 AM
Parent: #7
كل مرة يا مورتا ألقى لي كلام يوجع الفؤاد أستخسر أفتح بيهو بوست
لكن من هنا وجاي كلو حيكون بي جاي
أها نبدا بالسيدين والمساعدية ولا يفتح الله؟
|
Post: #8
Title: Re: الفسيخ والشربات ..
Author: تيسير عووضة
Date: 06-04-2013, 09:42 AM
Parent: #6
Quote: وين الكلام دا؟ هنا !!
غايتو هنا صاحب الرأي المخالف شيطان عديل كان ما طلع عميل و أرزقي و ووالغ في دماء الشعب :) |
التعصب والتطرف مسيطرين هنا وغير هنا
المصيبة إنو تراشق إتهامات وأوصاف مقذعة من الجانبين كبيرهم ما يهدي صغيرهم ياقول حبوبتي !
أما دماء الشعب المسكين دا فأي زول والغ فيها
وأنثى الأنوفليس أولهم ..
كنت دايرة أستشهد بي مثل العنزة دا لكنو بذكرني الحبشي قمت خليتو 
|
Post: #10
Title: Re: الفسيخ والشربات ..
Author: HAIDER ALZAIN
Date: 06-04-2013, 09:59 AM
Parent: #8
غايتو البعرفها انه حالنا بقي زي شيلدون في البيج بانج ثيوري عندما يقول :
بس اوعك ي يا تيسير تكوني عاوزة تدرجي في امثلتك لمناسيب الحكومة امثلة بالسيد(ح) وباوقة وبيانات الصوارمي وناس هيع كع كرع الله اكبر قتلنا الخوارج..
تكوني بالغتي موبالغة العنزة الطارت
تحياتي
|
Post: #12
Title: Re: الفسيخ والشربات ..
Author: تيسير عووضة
Date: 06-04-2013, 10:10 AM
Parent: #10
يا حيدر الموبالغة الجد ياها الكاركتير دا
أنا بضحك وببكي في وكت واحد لو دا الحال
بالنسبة للأمثلة من كل بستان شجرة بس الأغلب من برة
ولا شنو؟
|
Post: #11
Title: Re: الفسيخ والشربات ..
Author: tmbis
Date: 06-04-2013, 10:00 AM
Parent: #8
انت الكلام دا ووين يا ميســي .. جوه واللا بــره ..؟
|
Post: #13
Title: Re: الفسيخ والشربات ..
Author: أيمن الطيب
Date: 06-04-2013, 10:10 AM
Parent: #11
كامل تضامنى مع الأخ ميسى.....
تمبس عصرت على الراجل شديد ياخ,,
|
Post: #14
Title: Re: الفسيخ والشربات ..
Author: تيسير عووضة
Date: 06-04-2013, 10:14 AM
Parent: #11
جوة وبرة يا تامبا
عندنا درر ما بتتفوت هنا برضو
ـــــ
في الحقيقة البوست كان عن برة بس
لكن تاني قلت الزيت لو ما كفى ناس البورد .... إلخ إلخ
|
Post: #15
Title: Re: الفسيخ والشربات ..
Author: تيسير عووضة
Date: 06-04-2013, 10:21 AM
Parent: #14
آخر تصريح للصادق المهدي أشعرالناس بالغثيان
بالبلدي كدا
الناس بطنها طامة
طامة كبرى !
الصادق المهدي يا سادة "يحذر" من إسقاط النظام بالقوة
ــــ
نحلل ولا مافي داعي؟
|
Post: #16
Title: Re: الفسيخ والشربات ..
Author: محمد عبد الماجد الصايم
Date: 06-04-2013, 10:33 AM
Parent: #15
| Quote: نحلل ولا مافي داعي؟ |
انصح بتحويل العينة لمختبرات خارجية!!
|
Post: #17
Title: Re: الفسيخ والشربات ..
Author: tmbis
Date: 06-04-2013, 11:22 AM
Parent: #14
| Quote: تمبس عصرت على الراجل شديد ياخ,, |
والله يا ايمن الراجل قاعد يتكلم لينا في كلام خارم بارم ساكت ولا بيخش الراس ونحن زاتو حاجة بتخش الراس بجتهدو ليها دي ما عندنا ليها راس
..
Quote: في الحقيقة البوست كان عن برة بس
لكن تاني قلت الزيت لو ما كفى ناس البورد .... إلخ إلخ |
..
طيب بالمناسبة دي معاك سلطت دكوة وكتري لينا البصل والشطـة.
|
Post: #18
Title: Re: الفسيخ والشربات ..
Author: علي محمد الفكي
Date: 06-04-2013, 11:57 AM
Parent: #17
خليك على ناس بره
المحلي شغال بالدفرة
لا عندو اكيدة ولا عندو نجيضة
الغريبة الحال على الكومين ..
كنت عاوز اكتب الفريقين لكن لقيتة كثيرة ..
|
Post: #19
Title: Re: الفسيخ والشربات ..
Author: سفيان بشير نابرى
Date: 06-04-2013, 12:45 PM
Parent: #18
سلام يا تيسير
ياخ تحللي شنو و بطيخ شنو !! و فسيخ و شربات شنو !!؟
انتي بفى ما عندك سالفة و لا كيييف!!!؟
سيدين شنو و المساعدية شنو العايزة تعملي بيهم خوته
و تهدري زمنك و زمنا بيهم!!!؟
يا جماعة لو في زول قريب من تايسا دي
يشوفه مالا!!!؟
|
|