شراكة ذكية مع محمد الحلو

هذا اقتراح شراكة ذكية مع محمد الحلو الذي نطالع كاركتيراته كل حين اعلي المنبر , كان قد كتب اكثر من شخص عن تمكن الاخ محمد الحلو من الرسم الا انه كاركتيراته دون المستوى , وانا قد لاحظت هذا الامر , وهذا امر طبيعي تماما كما اعتقد , في ان الكاركتيرات موهبة لا تتأتي لكل الاشخااص , كما في الغناء فهناك شاعر ينجر الابياات وهذه موهبته واخر ملحن قدير يجيد موسقة هذه الابيات الشعرية ولكنه لا يملك صوتا صدوحاا يؤديها به وثالث هو فنان مودي يمتلك حنجرة ذهبية ولكنه ليس بشاعر او ملحن , وفي النهاية تخرج من بين الثلاث الشاعر والملحن والفنان اجمل الاغنيات , وبالمقابل وبماا انك زول رسام الا ان خيالك التعبيري فقير فاقترح عليك ان تبحث عن من تنشئ معه شراكة انت احدهم ينجر الفكرة وانت ترسمها وثالث يعلق عليها او ناجر الفكرة من يعلق عليها المهم تكتفي انت بالرسم .
بامكانك مراجعة الرابط افكار كاريكاتيرية ....

Quote: فاقترح عليك ان تبحث عن من تنشئ معه شراكة

كلام صح
مثل الثنائي المصري مصطفى حسين واحمد رجب
(أحمد رجب صاحب الأفكار و مصطفى حسين صاحب الريشة)

Quote: شراكة ذكية مع محمد الحلو

اساسي

فيها والا أفسيها

العزيز أساسي
سلام عليكم
كثيراً ما أسمع بالشراكات الذكية ، ولكنني حتى الأن لم أعثر على تعريف دقيق لهذه الشراكة الذكية فهل تضلت علينا بتعريف مختصر ولو في شكل كاركتير ؟؟؟


وأنا من هنا أطالب بوجود علم جديد أسمه ضبط المصطلحات حتى نعرف حدود كل مصطلح (إرهاب ، تدخل دولي ، خونة وعملاء ، وطني غيور ) حتى لاتكون هذه المصطلحات مطية لكل شخص هههههههههه



تحياتي





يوتيرن : - متلومين معاك والله يا عم !!!

انت جيب الفكرة وخلى الحلو يرسم وانا بعلق
وبالتلت ...











ــــــــــــــــــــــــــــــــ
تفتكر يا ساسنا الحلو ممكن يكون (غبى) و يقبل الشراكة (الذكية) دى ؟؟؟

Quote: انت جيب الفكرة وخلى الحلو يرسم وانا بعلق وبالتلت ...

انا غايتو بجيب الفاضى , عشان القسمة تبقى ساهلة على اربعة


_______________________________

يا D.K مولد الدرويشه دة فوتيه مالك , ولا المواضيع البتقدح فى الهوية دى ما معاك؟

Quote: تفتكر يا ساسنا الحلو ممكن يكون (غبى) و يقبل الشراكة (الذكية) دى ؟؟؟

طيب يا تحية كاريوكا ما تطلعي الحلــو من (الورطة) دي واقبلي انت.
اصلك جنك لبط وكية ومرات مرات حشرية ..

لووووووب يا احمد التجانى
قالوا الونسة بالمهلة
تصدق وتامن بالله انا البوست من يطول ويتطاول كدا واكون ما فتحتو قبل كدا
اصلى ما بمشى عليه ...
يعمينى ويطرشنى بقولوا فى شنو بس كل ما اشوف اسم ود البشرى فى اخر تعليق بضحك ..
اقول الله شاف لى من البرى .. الله هونينى ..
وكمان قلت لى بتكلم فى الهوية ؟؟ تانى لوووب
لكن والله مشتاقين ياخ من بعد اساسى .. وين انت ؟؟

يا دينا هو من ناحية البري حاصل والله أكذب عليك!!
لكن كان دايرة تضحكي جد, اقري مداخلات وهبة, طعمية زي الطعمية قاليك, زي ما جات في الكتاب :)
يا اساسي لو موضوع الشراكة الذكية دا نجح اقترح تبدو بيها, كاريكاتيرات جاهزة ولي قدام ممكن تتطوّر لإسكتشات عديل كدا

الله يجااازى محنك يا اساسى .... ياخى طلعتا الفنان دا ملوص
:
:
:
:
:
مع التحيات لله الزاكيات

شكرا شباب

ما دام محمد الحلو عمل رايح

انا بحول الاقتراح لحسن موسى الشهير ( بحسن زلابيا ) كان ينفع فيهو

يا أساسي الحلو صعب جدا يشاركك لسبب بسيط جدا وهو اعتقادو بان موهبتو في الرسم لا يمكن أن تكون مرهونة أو محل مقارنة
بكابشن وقفشات مهما كان ذكاء و س خ رية وعمق هذه الكباشن والقفشات .. ودا طبعا غرور واضح بيؤكد عليهو أكتر عدم اهتمامو بكلام
الناس هنا عن ضرورة السعي لتجويد تعليقاتو بما يتناسب وموهبتو في الرسم ..
للأسف اخوك الحلو فاكر انو الكاركاتير دا مجرد تناسق وانسجام في خطوط الرسومات بس .
ايه رأيك يا أساسي تشارك الأستاذة دينا خالد فهي برضو ما شاء الله عليها عندها روح الدعابة والظرافة خسوسا عندما يتعلق الأمر
بى حاجات أهل العوض بما فيها من مسواك وجنا جداد .. ههههههههه ولووووووووووووب

حسن موسى حا يرسم ولا حا يعلق ولا حا يدي الفكرة ؟!!

موقعو وين بالضبط في الشراكة دي ؟!