اليساريون الشماليون يردون إسقاط النظام على جثث أمهات الهامش-طه جعفر

Quote: كبر بالمناسبة امي في الخرطوم و هي ام حالها كحال امهات اهلي في جبال النوبا و دافور وجنوب النيل الازرق فكلام عيب !يعني اي زول في الخرطوم هو عدو ليكم و لا إيه؟ مين هم الاهالي عندك؟ و المدنيين يعني الخرطوم كلها دفاع شعبي؟ هل تعلم يا كبر ان كل قوات الشرطة من عناصر شرطة العمليات هم ليسو من اولاد الخرطوم هم في الحقيقة من نفس مناطق الهامش هم حماة النظام ايضا !!!!!!!!!!!!!!!!!!!!!!!!!!!!! يا كبر الكلام العنصري السخيف لا حاجة لنا به النظام دا قاعد برضو في الفاشر و في دارفور و في كردفان و في اي حتة موش الخرطوم و بس الحل هو في انتفاضة شعبية جسورة تسقط النظام سيظل العمل العسكري محدود الاثر و مؤلم و كثير الضحايا من غير نتيجة

طه جعفر 27-04-2013, 09:10

Re: عاجل : هجوم على ام روابة و السميح و الله كريم و أ بو كرشولا ..
---------------------------------------------------

Quote: يا كضاب خلينا في موضوع ام روابة اخبار ام روابة شنو هذه العمليات يا كضاب لها اهداف سياسية و قد انجزت و لقد كسبنا المعركة معكم بالكامل انتقايل العمل العسكري دا مبارزة السودان تحكمه عصابة من اللصوص الفاسدين الذين لا يقدرون علي حماية تراب و الدفاع عنه و هذا هو الدرس ايها الحرامية الكذابين و سيتم فضحكم كل يوم الي حين ان السقوط الكامل للنظام و المحاسبة العسيرة حتي علي مثل هذه البوستات يا كضاب

28طه جعفر -04-2013, 01:26
Re: النجيضة ..الابيض آمنة وكلو فى محلو

طه جعفر هنا نموذج مصغر للانتهازية الشمالية التي تسترخص أرواح أبناء الهامش في خضم صراعها مع السلطة في الخرطوم
لكنها في الوقت نفسه تصرخ أن ابتعدوا عن أهلنا ولا تقربوهم بنيران الحرب !
فللحرب ديارها وللعمليات مناطقها وللرصاص ضحاياه بالوراثة والجغرافيا والتاريخ

Quote: كبر بالمناسبة امي في الخرطوم و هي ام حالها كحال امهات اهلي في جبال النوبا و دافور وجنوب النيل الازرق

كلام غاية في التناقض والانفصام

يا بكري ثبت البوست دا لو سمحت

عنوان كله تلفيق
عيب يا دكتور
هل طه جعفر قال ما كتبته انت في العنوان?
انت تريد ان تعطي انطباع و كأن طه جعفر قال ما جاء في عنوانك

متن البوست يقول غير ما كتبت يا دكتور
عيب

يا باش( مهندس) بدر الدين ياخي تحياتي
وشكرا لملاحظتك (الذكية)
فعلا العنوان يبرز طه نموذجا لما جاء في المحتوى

كن بالجوار

Quote: كلام غاية في التناقض والانفصام

السلام عليكم ورحمة الله د محمد الحسن
كلهم طينة واحدة
ونفس عقلية الاسترقاق العاملين هم ضدها
يتسترون خلف الحقوق زوراً
وما هم الا باحثين عن الظلم والجور
ونفوسهم تتوق اليه
وبكل جبن يدفعون بالبسطاء واهل الهامش ليكونوا كباش و وقود لاوهامهم .
لان عقلية السيطرة وحب الامتلاك والانتقام هى من تسيطر عليهم
وبإذن الله سيخيب ظنهم وهدفهم
ووكل يوم سينكشف جبنهم و زيفهم ونفاقهم
وادعائهم الحق والنبل
لأنهم ببساطة ليس لهم في قيم الفضيلة نصيب

شكرا يا أخانا الخالدي
وفعلا تناقضات غريبة
هل تصدق إن الكلام أدناه قد كتبه الأخ الباش (مهندس) بدر الدين احمد موسى مخاطبا طه جعفر

Quote: طه جعفر???!!! تتذكر كلام دكتور نافع: البكوس الدواس ما بقول عورتني! طه جعفر انت اول امبارح دي كنت مبسوط من الحرب و قلت انه ناس الثورية ان شاء الل يخشوا الخرطوم ذاتها قايلهم حا يوزعوا زهور هناك يا طه?ياهو جنس البتسميهو سقوط اخلاقي دا هو الحا يحصل! لن يأتي من الحرب الا الموت و الدمار و جنازير و سجون وسيطان عنج لجلد الشرفاء! دي شوفي يا طه! تتذكر اول امبارح لما قلت ليك "خير يا طه" انا كنت عارف اني حا اشوفك قريب في موقف زي دا و بتقول كلام زي دا

محمد اي سليمان

تحياتي

ياخ هندستني من وين? و كمان عملتها باش ياخ انا بتاع بقر ساكت هههههههههه

لا يوجد تناقض يا دكتور مش ممكن طه غير على الاقل جزء من قناعاته عن الحرب?
ما نقلته انت في هذا البوست عن طه لا يسند عنوانك
مالم تأتي بدليل ان طه قال انه يسعى لموت امهات الهامش كثمن لاسقاط النظام يبقى عنوانك غير مبرر و مضلل
و انت في عنوانك تقول اليساريون الشماليون و اظنني يساري و شمالي (ولدت في امدرمان و نشأت و ترعرعت فيها) و جغرافيا انتمي لمنطقة سنار و هي في الوسط او الشمال استنادا على رؤيتك للخريطة و اذا تفضلت و منحتني شرف اني يساري و من الشمال يكون عنوانك استحم لأني ضد الحرب و اعرف يساريين شماليين كثر ضد الحرب

ما كتبته لطه انا ليس فيه تناقض فانا من دعاة نبذ الحرب و السعى السلمي لاسقاط النظام و ارى ان ذلك اسهل و اقل ثمنا من تكلفة الحرب
طه في احد البوستات التي فتحتها انا (على ما اذكر) دخل و كتب كلام معاكس لما ادعو له انا, و لكنه عندما رأى فظائع ما ظهر مؤخرا في ابو كرشوللا و غيرها كتب ان هناك سقوط اخلاقي, و اردت فقط تذكيره ان الحرب لا تأتي بخير.
اتمنى ان يكون غير رأيه كلية في الحرب و لا تناقض في ذلك

Quote: يا علاء السيد يا محترم الجبهة الثورية قيادتها تتكون من عناصر تنتمي لأعراق سودانية مختلفة الحركة الشعبية قطاع الشمال مال عقار (فونج) جنوب النيل الازرق عبد العزيز الحلو (جبال النوبا) جنوب كردفان ياسر سعيد عرمان (جعلي مكابرابي من مواليد الجزيرة ريفي طابت) حركة تحرير السودان عبد الواحد محمدنور ( من الفور) مني أركو مناوي ( زغاوة) حركة العدل و المساواة جبريل ابراهيم ( من الزغاوة) و غيرهم كثيرون من ابناء قوميات دارفور الاماجد في صفوف الجبهة الثورية يقاتل ابناء و بنات من اقاليم السودان اجمعين اناس نعرفهم و بعضهم تربطنا بهم علاقات الدم و انا شايقي فكيف تكون هذه الجبهة العريضة عنصرية ...؟ عنصرية يعني ضد منو؟ من يقول ان الجبهة الثورية عنصرية و في الحقيقة هو عنصري و اسلامي كمان و غالبا ما يكون من اتباع حزب الفاسدين و مجرمي الحرب الحزب الحاكم بامر الله !!!!!!!؟ او زول طرطور منجرف و وراء دعاية النظام الفاسد ما لكم كيف تحكمون؟ يعني كل السودان عنصريين ولا كيف طه جعفر

سلامات يا محمد سليمان,,

لمن لم يسمعوا صوت السلاح من مسافات قريبة أو هؤلاء الذين لم يسمعوه أصلا,,
صوت الرصاص وجبخانة الأسلحة الخفيفة يكاد يلغى عمل العقل تماما فما بالكم
بالسلاح الثقيل والأسلحة الكبيرة!!!

الحرب ليست حلا والتغيير السلمى أجدى وأنفع ويحفظ الدماء ويبعدنا عن المرارات
رغم أن النظام فى أغلب الأحيان يدفع بالناس لحمل السلاح وقالوها وأعلنوها مرارا
أنهم يعرفون فقط لغة السلاح والعنف وأثبتت الأيام أنهم فقط يستمعون لمن بيده
سلاح!!!!

تأجيج الصراعات والنزعات القبلية والإثنية والعنصرية هى تكتيكات نظام يحاول إطالة
عمره بعد أن إستنفذ كل السبل والحال أصبح يغنى عن السؤال,,

لا أظن أن أحدا يفكر فى أن أبناء الهامش فقط هم من يجب أن يكونوا وقود حروب النظام
رغم أنهم كذلك ولكن هذا هو تفكير النظام المعلن والصريح,,

المخرج وين؟؟

تحياتى..

الأخ محمد إي وضيوفه الكرام
السلام عليكم
الحقيقة الأستاذ طه قرر موقفه الحقيقي من مسألة النضال المسلح،
في بوست الأخ عادل عبدالعاطي عن الكتلة التاريخية،
حيث وجه في ذلك البوست نقداً موضوعياً للنضال المسلح،
وأبدى انحيازاً واضحاً لخط النضال المدني!
أما مواقفه الأخرى التي قد يُفهم منها غير ذلك،
فعلى ما أظن هي من باب الاستثارة ورد الفعل الرافض
للإنقاذ جملة وتفصيلاً، وكذلك ربما هي البديل الذي لا يملك
غيره في ظلّ غياب حركة نصال مدني (ثوريّة)!
وموقف الأستاذ طه، هو موقف كثير من الأخوة العلمانيين
في هذا البورد، فليتهم تمسّكوا بالمبدأ، ونشطوا هم في
تأسيس ذلك البديل الثوري السّلمي!
هذا مع الاحترام

Quote: طه جعفر هنا نموذج مصغر للانتهازية الشمالية التي تسترخص أرواح أبناء الهامش في خضم صراعها مع السلطة في الخرطوم لكنها في الوقت نفسه تصرخ أن ابتعدوا عن أهلنا ولا تقربوهم بنيران الحرب ! فللحرب ديارها وللعمليات مناطقها وللرصاص ضحاياه بالوراثة والجغرافيا والتاريخ

مشكلتكم مع طه جعفر يحلها الله
طه جعفر موضوع لعداء الكيزان
طه جعفر موضوع لعداء امثالك و آخرين
ربنا يسهل عليكم
طه جعفر و آخرين موضوع لحملات عبد العزيز البطل
طه جعفر موضوع لحمات العداء من جماعة حاتم الياس

القصة شنو؟

لن ارد عليك يا محمد ايي سليمان
فانت من ضحايا معدل الذكاء المنخفض
و شكرا
قوم لف
و سلم لي علي اخونا
kabar

يا دكتور التحيات الطيبة، ياخي انتا فى اليساريين ولا فى السلفيين المحيرين ديل.
الحرب ضد الحكومة عندهم حلال فى سوريا حرام فى السودان. يذرفون الدمع السخين
على قتل المدنيين فى سوريا و لا يعبئون بقتل المدنيين السودانيين. عشان ناس سوريا
بيض يعنى و مدنيين السودان الضحايا سود؟ ام ايش الحكاية.


البشير يفرح و يتفاخر باغتصاب النساء المسلمات فى دارفور و السلفيين فى حلف أمين مع البشير و نظامه.

Quote: النظام دا قاعد برضو في الفاشر و في دارفور و في كردفان و في اي حتة موش الخرطوم و بس الحل هو في انتفاضة شعبية جسورة تسقط النظام سيظل العمل العسكري محدود الاثر و مؤلم و كثير الضحايا من غير نتيجة

Quote: مشكلتكم مع طه جعفر يحلها الله طه جعفر موضوع لعداء الكيزان طه جعفر موضوع لعداء امثالك و آخرين ربنا يسهل عليكم طه جعفر و آخرين موضوع لحملات عبد العزيز البطل طه جعفر موضوع لحمات العداء من جماعة حاتم الياس القصة شنو؟

حالة صارخة من البرانويا

Quote: مشكلتكم مع طه جعفر يحلها الله طه جعفر موضوع لعداء الكيزان طه جعفر موضوع لعداء امثالك و آخرين ربنا يسهل عليكم طه جعفر و آخرين موضوع لحملات عبد العزيز البطل طه جعفر موضوع لحمات العداء من جماعة حاتم الياس القصة شنو؟

والله يا طه زكرتنى قصة مجنونة مروى
المجنونه دى عايشه فى مروى
عندها شوال كبير شديد طوالى شايلاهو فى راسا
مليان علب صلصه فاضيه وغطايات حلل قديمه وملابس مهترئه الخ الخ من عدة المجانين
تنوم فى اى مكان وتاكل اى شئ

يوم جات ماره امام نقطة بوليس مروى وشوالها فى راسها
واحب العساكر ان يمازحوها
فنادوا عليها قائلين - يا فلانه نحنا لليوم لم نصرف راتب الشهر الفات
وبتمهل نزلت الشوال من راسها ورمته امامها وصفقت بيديها

وقالت - فلانه دى تتقطع ليكم يعنى
فلانه دى تشوف المويه الكسرت بى تحت وغرقت زراعة الناس
والا تشوف المحافظ المشى الدامر وللان ما جاء
والا تشوف ماهية العساكر الما صرفوا ديل .. !!

ــــــــــــــــــــــــــــــــــ

انتا تبرى من الجن يا طه .. !!