Post: #1 Title: لو اعتمدت البرازيل على نيمار Author: طلحة عبدالله Date: 06-03-2013, 08:05 AM Parent: #0
بطولة كأس القارات تشمها قدحة وستخرج من الدور الأول لنهائيات كأس العالم حتي لو أقيمت كل مباراة في بيت لاعب من لاعبيها يتبع .......
Post: #2 Title: Re: لو اعتمدت البرازيل على نيمار Author: محمد عمر الفكي Date: 06-03-2013, 08:09 AM Parent: #1
هههههههههه وحشتنا والله يا طويل العمر قمت على التنظير تاني؟
Post: #3 Title: Re: لو اعتمدت البرازيل على نيمار Author: طلحة عبدالله Date: 06-03-2013, 08:12 AM Parent: #1
لولا أخاف أن أشق على عشاق السامبا لقلت ان هذا الود الضعيف ( نيمار ) ما هو إلا (وارغو) برازيلي .. الكلام دا بناء على مشاهدتي له في مباراة البرازيل وانجلترا الودية أمس .. ناس برشلونة ديل عوراء واللا شنو ؟
Post: #4 Title: Re: لو اعتمدت البرازيل على نيمار Author: حيدر بشير Date: 06-03-2013, 08:15 AM Parent: #3
العزيز طلحة
لك التحية و الاحترام
و الله انا قلت نفس الكلام دا امس لى الزول القاعد جنبى ( ما الجنبك ) لانه برشلونابى متعصب لامن كنا بنشاهد فى المبارأة
بس فات على انى اشبه بى وارغو دا
Post: #5 Title: Re: لو اعتمدت البرازيل على نيمار Author: طلحة عبدالله Date: 06-03-2013, 08:18 AM Parent: #4
حبيبي محمد عمر الفكي وهل عهدتني أقول كلام ساي ؟ أنا مما لقيتو بشبه أنس النور قنعت من خير فيهو .. ههههههههه
Post: #6 Title: Re: لو اعتمدت البرازيل على نيمار Author: طلحة عبدالله Date: 06-03-2013, 08:24 AM Parent: #5
عزيزي حيدر بشير غايتو الولد دا قدامو 12 شهر قبل بداية كأس العالم وفي الأثناء سيلعب ضمن صفوف البارسا عندو فرصة يتصلح ويبقي برازيلي وحينئذ احتمال تكون عندو بعض المساهمات.. لكن كونو يكون زي البرازيليين العارفنهم فعايز ليهو شغل تقيل لمدة أربع سنوات على الأقل .
Post: #7 Title: Re: لو اعتمدت البرازيل على نيمار Author: ياسر منصور عثمان Date: 06-03-2013, 08:28 AM Parent: #6
البراميل الصفراء...لن تحرز حتى المركز الرابع في كاس العالم التي تنظمها..
المنتخب ضعييييييييييييف وليس به مواهب ..
Post: #8 Title: Re: لو اعتمدت البرازيل على نيمار Author: طلحة عبدالله Date: 06-03-2013, 08:40 AM Parent: #7
فعلا والله يا ياسر المنتخب دا ضعيف جدا وما فيهو أية ريحة بن .. أظن (الجركانات الصفراء) وصف أدق ..هههههههه
Post: #9 Title: Re: لو اعتمدت البرازيل على نيمار Author: ياسر منصور عثمان Date: 06-03-2013, 09:29 AM Parent: #8
Quote: أظن (الجركانات الصفراء) وصف أدق ..هههههههه
ادق وبس..؟
هههههههههههه
بالعت ياخ
بس ياها الجركانات الصفراء
ههههههه
Post: #10 Title: Re: لو اعتمدت البرازيل على نيمار Author: Maawya Hussein Date: 06-03-2013, 09:42 AM Parent: #9
ههههه طلحة لو نيمار دا لبس الابيض كان كلامك حا يكون غير :(
بعيد عن نيمار الاربعه اهداف حقت امبارح فيها ابداع وفنيات وموهبه عاليه جدا
Post: #11 Title: Re: لو اعتمدت البرازيل على نيمار Author: اسلام عبد الرحمن عمر Date: 06-03-2013, 09:53 AM Parent: #9
يا طلحه ازييك ياخ انت والزول القاعد جمبك
ياخ ماحرام تقييم الراجل من كوره واحده ..
كدى عليك النبى خش ال يو تيوب واكتب نيمار ,, والله تشوف العج العجاب ( ما العجب الماعجاب بتاعناههه)
ونحنا قفلنا على ثنائية الود نيمار والبرغوث ولمحات الرسام انستا فى كوتتنا بتاعت الابداع بتاع
السنين الجايه دى ..
اها دخلت فينا الشكك ياخ ,, ان شاء الله كلام مايطلع صحى
Post: #12 Title: Re: لو اعتمدت البرازيل على نيمار Author: الصادق صديق سلمان Date: 06-03-2013, 10:05 AM Parent: #3
ود امبعلو الحقيقة طلحة
Quote: ناس برشلونة ديل عوراء واللا شنو ؟
هم ماعوراء لكن انا اعتقد انو نيمار حا ينتهي بسرعة الصاروخ يعني ممكن يكون أساسي موسم او موسمين بس
Post: #13 Title: Re: لو اعتمدت البرازيل على نيمار Author: usama Babiker Date: 06-03-2013, 10:46 AM Parent: #12
والله كلام طلحة عين الحق ونيمار ده انا رايي فيه من زمان بانو لاعب عادي جدا جدا ...
Post: #14 Title: Re: لو اعتمدت البرازيل على نيمار Author: طلحة عبدالله Date: 06-03-2013, 11:09 AM Parent: #13
يتبع .....
Post: #15 Title: Re: لو اعتمدت البرازيل على نيمار Author: Maawya Hussein Date: 06-03-2013, 11:25 AM Parent: #14
لو قلنا نيمار لاعب عادي جدا ..وطيب ومال ناس هيثم والعجب ومهند وكاركيا ديل نديهم ياتو وصف كروي :)
Post: #16 Title: Re: لو اعتمدت البرازيل على نيمار Author: طلحة عبدالله Date: 06-03-2013, 11:25 AM Parent: #14
يا معاوية حسين صدقني لو الولد دا جاء الفريق الملكي كان أضربت عن تشجيعو زي ما قاعد اعمل مع المريخ منذا أيام بقي يلقط لينا في الاسكراب والأرجوزات من مجاهل أفريقيا .
يا اسلام أنا كنت منتظر كورة زي دي بالضبط عشان أشوف الشويفع دا بعمل شنو ؟؟ وعلى العموم الحكم دا ما نهائي لأنو عندو سنة كاملة لى قدام قبل كأس العالم .. ومن خلال لعبو مع برشلونة الموسم الجديد ح تتعرف مويتو .. لكن مبدئيا كدا ما عندو حاجة .
يا الصادق أنا من رأيي إنو الولد دا من هسع منتهى .. ضعيف البنية واللياقة الذهنية .
يا أسامة مشكلة نيمار إنو محسوب برازيلي عشان كدا الناس ما بتقيل بموهبة أقل من موهبة رنالدو ورونالدينهو وبيبيتو واتا ماش .
Post: #17 Title: Re: لو اعتمدت البرازيل على نيمار Author: طلحة عبدالله Date: 06-03-2013, 11:27 AM
يا معاوية بالغت لكن أقل لاعب برازيلي بلعب في أقل الدوريات العالمية لا مقارنة بينه وبين أعمامك ديل .
Post: #18 Title: Re: لو اعتمدت البرازيل على نيمار Author: طلحة عبدالله Date: 06-03-2013, 12:02 PM Parent: #17
في مباراة البرازيل وانجلترا الودية أمس على ملعب الماركانا لاحظت أن الود نيمار حاول كثيرا استعراض مهاراته في المحاورة والتخلص من الخصم ففشل إلا مرة واحدة أو مرتين وعندما كان في وضع عادي ولا وجود لضغط من الخصم عليه . وبعد مرور أكثر من نصف ساعة على المباراة دون أن يظهر اللاعب في أية لقطة أو لعبه تؤكد ولو بنسبة قليلة جدا مقدراته وأنه لاعب يمكن الاعتماد عليه في هجوم السامبا خلال الإستحقاقات الدولية المقبلة، قلت ربما أن اللاعب موضوع تحت الرقابة من قبل الانجليز فبدأت أدقق في هذا الأمر ولكن للأسف بدا لي وكأن لاعبي أنجلترا لا يلقون له بالا بل وحتي عندما تصله الكرة يتعاملون معه ببرود ويقتلعونها منه ببساطة شديدة . وحاولت أن أجد له عذرا آخر يتعلق بالنواحي النفسية باعتباره لاعب صغير السن ويلعب أمام فريق بحجم انجلترا ووسط حشود جماهيرية هائلة إكتظ بها أكبر ملاعب العالم، غير أن هذه النظرية أسقطها منطق أنه في هذه الحالة لابد من لمحة أو حركة أو لفتة تؤكد على مقدراته البدنية والمهارية، فلم أر منه لا تسديدة ولا مراوغة ولا أية لعبة جمالية بما يقنعني أن اللاعب يختزن من الإمكانات ما يمكن أن تتفجر إبداعا في وقت لاحق . لن أبالغ أبدا لو قلت ان الود نيمار كان في هذه المباراة عالة وخصم على المنتخب البرازيلي قياسا على الظهور المتواضع له ولا أدري لماذا إحتفظ به سكولاري حتي نهاية المواجهة وهو الذي كان يحتاج لفوز يعدل طريقه ويرفع معنوياته ويبيض وجهه أمام جماهير السامبا التى ضاق بها ملعب الماركانا على سعته، قبل الدخول في معمعة بطول القارات المقبلة ، خصوصا وأن هذا الفوز سيكون على منتخب بحجم انجلترا، مع ملاحظة أن الأنجليز أيضا لم يقدموا المستوي المأمول في المباراة .
Post: #19 Title: Re: لو اعتمدت البرازيل على نيمار Author: محمد عبدالرحيم Date: 06-03-2013, 12:12 PM Parent: #17
والله انت طلحة متعة مش تنظير
بصراحة كلامك كلوا في السلك ..... وفريق البرازيل ده اقل من عادي
ومبرووك عليهم ناس برشلونة ..... جركانة صفراء كما قال طلحة متعه ههههههههههههههه
تحياتي لك ولكل المتداخلين
Post: #20 Title: Re: لو اعتمدت البرازيل على نيمار Author: طلحة عبدالله Date: 06-03-2013, 12:30 PM Parent: #19
مشكور يا محمد عبد الرحيم حقيقي امكانات ومقدرات الود دا محتاجة إعادة نظر في تقييما .. من وجهة نظري إنو عمر عبد الرحمن لاعب العين الإماراتي أفضل منه بمراحل.
Post: #21 Title: Re: لو اعتمدت البرازيل على نيمار Author: طلحة عبدالله Date: 06-04-2013, 09:37 AM Parent: #20
Post: #22 Title: Re: لو اعتمدت البرازيل على نيمار Author: محمد سنى دفع الله Date: 06-04-2013, 10:49 AM Parent: #21
سوف تصل الى نهائي الكأس كأس العالم المعلقين قالوا في المباراة الأخيرة ان فريق البرازيل يضم احرف لعيبة العالم ويفتقد للتجانس الجماعي وحينما يجد التجانس سوف يبهر العالم نيمار موهوب وحريف ومبدع وسوف ترة يا ايها الشرير كنا عايزنو في ريال مدريد لكن سوف نشجعه في البارشا برضو لانو فنان
Post: #23 Title: Re: لو اعتمدت البرازيل على نيمار Author: Yassir Tayfour Date: 06-04-2013, 11:31 AM
Quote: يا أسامة مشكلة نيمار إنو محسوب برازيلي عشان كدا الناس ما بتقيل بموهبة أقل من موهبة رنالدو ورونالدينهو وبيبيتو واتا ماش .
Post: #24 Title: Re: لو اعتمدت البرازيل على نيمار Author: ياسر منصور عثمان Date: 06-04-2013, 11:58 AM Parent: #23
صدقوني ...نيمار صنيعة اعلامية
Post: #25 Title: Re: لو اعتمدت البرازيل على نيمار Author: HAIDER ALZAIN Date: 06-04-2013, 12:13 PM Parent: #24
انا غايتو سقفت على كدة يا صديقي طلحة..
وسوف ارجع لهذا البورد واذكر الاعضاء والقراء ببوستك هذا بعد شهور معددوة من الان لو ربنا حيانا ومد في الآجال..
وسأقول لهم هل تتذكروا عندما كتب الاستاذ طلحة عبد الله كذا وكذا وكذا ..
وعندها صدقني برضو ورغم انه كلامك في الغالب الاعم وبنسبة 99.9998% حا يتحقق لكن ستجد برضو من يلاوي ويناتل في بُعد نظرك الثاقب ..
شكراً لنشرك المعرفة والوعي عبر هذا المنبر الهالك أهله
Post: #26 Title: Re: لو اعتمدت البرازيل على نيمار Author: Yassir Tayfour Date: 06-04-2013, 12:20 PM Parent: #23
بالتأكيد يا طلحة نيمار ما في مستوى رونالدو، رونالدينو، بيبيتو .. إلخ، لكن لمساته تدل على إنه في طريق الكبار، في الوقت الراهن البرازيل ما عندها لاعب قادم غيره.
Post: #27 Title: Re: لو اعتمدت البرازيل على نيمار Author: طلحة عبدالله Date: 06-04-2013, 01:28 PM Parent: #26
يا حيدروف الحبيب والله ما عارف أقول ليك شنو غير أشكرك وأتمني أن أكون عند حسن ظنك وعلى قدر ثقتك فيني دائما .. سيأتي اليوم العايزو يا صديقي وستري .
Post: #28 Title: Re: لو اعتمدت البرازيل على نيمار Author: طلحة عبدالله Date: 06-04-2013, 01:34 PM Parent: #27
أستاذ محمد سني غايتو لو غلاط ساي وعاطفة وما شابه فالبرازيل ممكن تشيل الكأس مش تصل النهائي بس لكن لو منطق ومقاييس فصدقني المنتخب الشفتو قدام انجلترا دا يحتاج لمعجزة عشان يصمد .. بالنسبة للولد نيمار ومالم يتطور خلال 12 شهر من الآن وحتي موعد كأس العالم المقبل فهو لن يقدم ولن يؤخر بل وسيكون عالة على منتخب السامبا ومن الأفضل لسكولاري أن يبحث له عن مهاجم يمكن الاعتماد عليه . تقديري واحترامي يا رجل .
Post: #29 Title: Re: لو اعتمدت البرازيل على نيمار Author: طلحة عبدالله Date: 06-04-2013, 01:36 PM Parent: #28
يا طيفور صدقني لمساتو دي ذاتا الخلتني أقول الود دا ما نافع .. غايتو إلا كان عندو لمسات تانية داسيها في مكان سري . تحياتي يا حبيب .
Post: #30 Title: Re: لو اعتمدت البرازيل على نيمار Author: طلحة عبدالله Date: 06-04-2013, 01:41 PM Parent: #29
ياسر منصور أيوة نيمار صناعة اعلامية وساعده على الانتشار إنو برازيلي .. لكن صدقني يوجد أفضل منه .
Post: #31 Title: Re: لو اعتمدت البرازيل على نيمار Author: omer osman Date: 06-04-2013, 02:25 PM Parent: #30
Quote: ما بتقيل بموهبة أقل من موهبة رنالدو ورونالدينهو وبيبيتو واتا ماش .
رونالدو منو !!!! غايتو حب الناس مذاهب يوم واحد ما عجبني لعب الزول ده !!! روماريو and ريفالدو العب منو واحرف منو بمليون مرة ومالقو نص الصيت والغني اللقاهو رونالدو !!!
Post: #32 Title: Re: لو اعتمدت البرازيل على نيمار Author: طلحة عبدالله Date: 06-04-2013, 05:38 PM Parent: #31
يا جنابو القلتهم ديل ممتازين ما فيهم كلام ورونالدو كمان يكفي رونالدو انو كان بسجل أقوان وأقوان حاسمة وغالية جدا .
Post: #33 Title: Re: لو اعتمدت البرازيل على نيمار Author: Maawya Hussein Date: 06-04-2013, 09:35 PM Parent: #30
Quote: صدقوني ...نيمار صنيعة اعلامية
والكلام الشايفنو قدامنا في اليوتيوب دا صناعة بلي استيشن ولا ياهو نيمار الواحد دا
Post: #34 Title: Re: لو اعتمدت البرازيل على نيمار Author: Maawya Hussein Date: 06-04-2013, 10:24 PM Parent: #33
