Post: #1
Title: أنا وحبيبتي والبحر في هاواي
Author: Dr. Moiz Bakhiet
Date: 06-02-2013, 05:29 PM
Parent: #0
أنا وحبيبتي والبحر في هاواي
بأي مدادٍ أي لغاتٍ
أي حروف أكنب عنك
وعن جناتك يا هاواي..
وبأي سحاب أعبر حسنك
عبر الأرض أسوق هواي
فوق جبالك سمق الزرع
وفوق تلالك نهض الضرع
وخيرك عم ربيع خطاي
المانجو النابض والأناناس
الشارب من أعطاف البحر
عبير دماي
غابات الموز وجوز الهند
تداعب شوقي
والأغضان ظلال بهائك
من أقصاك إلى أقصاي
وحقل البن النابت وعداً
خلف الشمس
تبث هواه هوىً رئتاي
وورق التوت يغطي جزلاً
عُري سحابي
ينفخ روح النشوة في أعصابي
إلى شفتيه هفت شفتاي
حتى (الشوكلاتا) في هاواي
تنبت ولهاً في الأكواب
وعطر الزهو وعبق الشاي
والتفاح يغازل همساً
في ذاكرتي همس حنيني
يعصر دفئاً
دمع الإلفة قطرة عشق
يغمر فيضاً ليل أساي
فأعود نضاراً شب بريقاً
جدد صحواً
في الأعماق بريق صباي
والرمان يغذي شفقي
بالألوان ونكهة توقي
يبعث بيني رسل الشهوة
طيف الفرحة في دنياي
وعنب شفاهك يا هاواي
يمص رحيقي
يستقبلني عند الشاطيء
موجة لهفٍ ضجة شغفٍ
أنة ناي
ظلال القمر تداعب ظلي
بين الرمل وموج البحر
وكرز الدهشة والباباي
و(جدية) روحي تسكن بيني
تزرع دربي بالأزهار
وبالنجمات تطوف رباي
و(عمرٌ) يمزج رمق الضوء
بسحر علاء
وروعة (يارا)
في (وايكيكي)
في (هونولولو)
في هاواي
فيا هاواي..
ماذا أكتب عنك
وكيف عليك أصوغ الشعر
وأوصف حسنك
كيف عساي
فكل حواسي تهرب مني
والكلمات تتوه بعيداً
كل حروفي ترحل عني
حتى الوحي وحلم رؤاي
فليس إليك يروم سبيلي
أو يتجرأ خطو دليلي
ليس إليك
يطول مداي.
|
Post: #2
Title: Re: أنا وحبيبتي والبحر في هاواي
Author: عاطف عمر
Date: 06-02-2013, 05:38 PM
Parent: #1
تحياتي وسلامات حبيبنا البروف معز
في مقامات شعرك نستمتع بس ....
تخوننا أحرف التعليق
ولكن
لو أراد أهل هاواى ( تسويقاً ) للسياحة في بلدهم لما وجدوا أجمل ولا أبلغ من هذه القصيدة
فيا صديقي
ما تقوم تكرم أخاك أبا العطف وتتنازل ليهو عن حقوق الملكية الفكرية للقصيدة دي
وعندي صاحبي محامي ( متلقي حجج )
ونقوم معاً نشوف شغلنا مع الناس دي
___________
كل المحبة
|
Post: #3
Title: Re: أنا وحبيبتي والبحر في هاواي
Author: الشيخ سيد أحمد
Date: 06-02-2013, 05:51 PM
Parent: #2
كالعاده ...حروف في غاية الجمال
هذه المره تكتسي بعباءة السفر والترحال.
وكما قال الريس "عاطف عمر" لن يجد اهل هاواي ابلغ من هذا لتسويق بلدهم.
تحياتي الاخ والصديق بروف.معز.
|
Post: #4
Title: Re: أنا وحبيبتي والبحر في هاواي
Author: munswor almophtah
Date: 06-03-2013, 00:13 AM
Parent: #3
صخب الموسيقى سلاسة النص ورمزية المفرده ياخ ما أحلى فاكهة التروبكال
وما أروع الشعر حين يحتويها ويضمها بساعديه ويلثمها برفق حان
|
Post: #5
Title: Re: أنا وحبيبتي والبحر في هاواي
Author: اميرة السيد
Date: 06-03-2013, 00:27 AM
Parent: #4
Quote: ..لو أراد أهل هاواى ( تسويقاً ) للسياحة في بلدهم لما وجدوا أجمل ولا أبلغ من هذه القصيدة
فيا صديقي
ما تقوم تكرم أخاك أبو العطف وتتنازل ليهو عن حقوق الملكية الفكرية للقصديدة دي
وعندي صاحبي محامي ( متلقي حجج )
ونقوم معاً نشوف شغلنا مع الناس دي
|
<<<<<<<<<<<<<<<<<<<<<<<<<<
عزيزي الشاعر الفذ د. المعز.....
دائما اميل نحو قراءة ألأدب والشعر اكثر من اي مادة اخرى او اي موضوع آخر.. لأن الشعر هو الذي يمنحنا القدرة على البقاء في هذه الدنيا وفي محيط النوائب التي تكلكل بجوانحها على صدورنا..فأشعاركم ايها الشعراء بلسم شافي لنا
.. وانا قريت اقتراح عاطف ومؤيداه 100 في الميه في الفكرة دي.. فنعم فإن أهل هاواي لن يجدوا أبلغ من هذه القصيدة تسويقا للسياحة في بلدهم.. وانا من هسع مشاركاه في حقوق الملكية .. لكن حقك محفوظ .. وحنحتفظ ليك بنسبة 20 في الميه من الدخل( وجه ضاحك) ونسبة 50 في المية لصاحب الفكرة عاطف ونسبة 30 في الميه لشخصي...وانا عندي استاذي استاذ في القانون الدولي المقارن.. وحيمسك القضية مجانا... وكدي انشوف ناس هاواي حيدفعوا كم؟؟؟ ومع اني متأكده لمن ناس هاواي يقروا القصيدة ما حنحتاج لمحامين .. براهم سيدفعوا ياعاطف لأ، القصيدة بليغة بالجد وتجعل قلوبنا تهفو لهاواي...
والله يديك العافية..
|
Post: #6
Title: Re: أنا وحبيبتي والبحر في هاواي
Author: عبدالعزيز عثمان
Date: 06-03-2013, 04:19 AM
Parent: #5
يا للبهاء،
وياللوحة المرسومة بالحرف النضر.
حرف عجنت صاحبه تجارب،منذ ان جاء من اقصي المدينة،جريحا،يمشي بين الزوايا والضريح،واضحا كضوء الشمس،محبا كمسيح.
الشاهد،لقد شف فيك ذاك الافق،ببهائه ونضاره،فصار نغمه نغمك،وسماحه سماحك، توحد وجدك وذاك الجمال،هبة الله الجميلة،والذي نفسه بغير جمال ،لا يري في الوجود شيئا جميلا،تحاياي.
|
Post: #7
Title: Re: أنا وحبيبتي والبحر في هاواي
Author: تبارك شيخ الدين جبريل
Date: 06-03-2013, 05:41 AM
Parent: #6
القبة ... اليلوح قنديلا ... شوقي وحساري الليلة ...
الناس يا بروف يكتبوا عن بلاد الفضيلة والروحانية ... تجي ترشهم بوصف الشوكالاتة وأشياء روحية أخرى؟
(بالله شفت بارتيندرات هاوايي ديل شديدين في الدواكر - جمع داكري - كيف؟ يجيبوهو بى امبريلا ترقش!)
.... المهم ....
|
Post: #8
Title: Re: أنا وحبيبتي والبحر في هاواي
Author: garjah
Date: 06-03-2013, 09:42 AM
Parent: #7
يا دكتور معز
مع كل نص ونحن نحبك اكثر
فلا تمل فنحن في خطراتك
Quote: (بالله شفت بارتيندرات هاوايي ديل شديدين في الدواكر - جمع داكري - كيف؟ يجيبوهو بى امبريلا ترقش!)
|
تبارك
بالله اشرح لينا الكلام ده ...الرطانة لزوما شنو؟
|
Post: #9
Title: Re: أنا وحبيبتي والبحر في هاواي
Author: اميرة السيد
Date: 06-03-2013, 03:11 PM
Parent: #8
| Quote: بالله اشرح لينا الكلام ده ...الرطانة لزوما شنو؟ |
>>>>>>>>>>>>>>>>
ايوه يا تبارك.. زي ما قال ليك قرجة . الرطانة لزومها شنو؟؟
والله يديك العافية
|
Post: #10
Title: Re: أنا وحبيبتي والبحر في هاواي
Author: أسامة البلال
Date: 06-03-2013, 03:37 PM
Parent: #9
شكرا يا معز علي اللوحات الشعرية الرائعة
يا بختها الهاواي
أذكر أول مرة أستمع إليك (وحقيقة أسمع بيك) كان في ثمانينات القرن الماضي ونحن برالمة. كانت ليلة شعرية في قاعة الإكزام هول EH وكان معك الشاعر الكبير ود بادي والشاعر اليمني نزار غانم وكانت قصيدتك برضو في شعر الأماكن والسياحة عن مدينة مدريد .
ليلة شعرية لا زالت في الذاكرة. وكنت أستغرب كيف الشعر الجميل دا يطلع من دكاترة يفترض فيهم الشدة والتعامل مع المواقف القاسية وتحمل منظر الدم والألم. بالمناسبة شنو سر أن أغلب شعراء جامعة الخرطوم من كلية الطب؟!
|
Post: #11
Title: Re: أنا وحبيبتي والبحر في هاواي
Author: تبارك شيخ الدين جبريل
Date: 06-03-2013, 08:01 PM
Parent: #10
Quote: ايوه يا تبارك.. زي ما قال ليك قرجة . الرطانة لزومها شنو؟؟
والله يديك العافية |
البارتيندرات (ومفردها بارتيندر): النوادل (ومفردها نادل) ويقال السقاة (ومفردها ساقي) ..
أما الدواكر (ومفردها داكري Daiquiri): فهي ضرب من الأنخاب المرطبة التي اشتهر نوادل الجزيرة بطرق تحضيرها ...
(حبينا نعبّر عن انفعامنا بالقصيدة والترطيبة التي نفحنا إياها البروف في خضمّ غلات ابكرشولا واغتيال السلطان والمتنبئ المسيختابي وحملة مقاطعة سعد قشرة!)
وكلٌ يغنّي على ليلاه ... والله ورسوله أعلم ...
... المهم ...
|
Post: #32
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-08-2013, 07:10 AM
Parent: #10
الأخ الحبيب أسامة البلال،
ليت أيام الجامعة المدهشة تعود فقد كنا في زمن جميل حفل بالنشاط الاجتماعي والثقافي والسياسي والرياضي،
ولعلك تذكر أن كلية الطب كانت ومضة تشرق بالشعر والشعراء كل أنواع النشاطات المختلفة،
ولا زلت أذكر تلك الليلة في قاعة الامتحانات على وجه التحديد
مع أنني قرأت أكثر من مرة في تلك القاعة الرهيبة..
كل مودتي وتقديري يا أسامة وأكرمك الله وأعزك ومتعك بكل ما هو جميل.
|
Post: #31
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-07-2013, 11:38 AM
Parent: #8
Quote: مع كل نص ونحن نحبك اكثر
|
ومع كل همسة حرف يا قرجة
أحبكم أكثر..
فمثلك من يجعل للزمان نكهة العذوبة
وللفرح طعم البقاء..
شكراً جميلاً لك
|
Post: #30
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 10:57 PM
Parent: #7
حبيبنا الغالي تبارك..
آاااااه من الشفتو في هاواي......
ونزلت ليك كمان شوية صور بعد ما بديت انت وبعض الأحباب طلبوا ونزلوا صور ..
تسلم كتير يا حبيب
ولك الود والأماني العذبة
|
Post: #25
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 02:01 PM
Parent: #6
تحيات بنكهة العذوبة وأريج المحبة
أخي الغالي عبد العزيز عثمان
وأنت تزين بأحرفك الندية كل أرجاء المكان..
شكرا مقدرا لك ولا زال الوطن يسعى من أقصى المدينة
ممهوراً بالجرح القديم..
|
Post: #22
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-05-2013, 08:28 PM
Parent: #5
الغالية أميرة،
يا لفرح البوست بك
وهاواي بزيارتك
تسلمي كتير ست الناس وأنا متنازل ليك عن العشرين في المية بتاعتي تماماً..
عاطر المنى وأنضر التحايا
|
Post: #21
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-05-2013, 01:25 PM
Parent: #4
الغالي منصور المفتاح،
دائماً ما تغمرني بلطفك
وتعتق دواخلي بأريج حرفك
وعذوبة كلماتك النبيلة..
لك المحبة والتقدير العظيم
دائماً وأبداً
|
Post: #13
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-04-2013, 12:20 PM
Parent: #3
جميل أنت كأزهار الربيع وحقول هاواي النضيرة الشيخ سيد أحمد يا حبيب
لك من الود أبحر وجبال
ومحبة دون انقطاع..
|
Post: #12
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-04-2013, 05:47 AM
Parent: #2
حبيبنا الغالي عاطف عمر،
يا للحضور السامي
ويا لبهاء كلماتك
شكراً نقياً مثلك ومحبة لا تنتهي..
لك كامل التفويض مع المحامي (متلقي الحجج) وكل حقوق الطبع والنشر والتوزيع يا جميل 
|
Post: #14
Title: Re: أنا وحبيبتي والبحر في هاواي
Author: طه إبراهيم عبد الله
Date: 06-04-2013, 03:25 PM
Parent: #12
عاطف عمر وأميرة السيد ومتلقي الحجج
شراكة معاكم فيفتي فيفتي أو أنفسها ليكم؟
وأقدم خدماتي الاستشارية لمحامي الطرف الثاني؟
مثال للتنفيسة التي تجهجه باكات متلقي الحجج وهيئة المحلفين:
يا سادتي الموضوع الأساس هنا ليست (هاواي) وإنما (هواي)
فالشاعر حصر موضوعه الأساس بين قوسين هكذا ( ) ووصفه بالروح التي بين جنبيه ..
وكل وصف سابق أو لاحق لـ (هاواي) إنما هو انعكاس لموضوع الشاعر الأساس ..
(السادة هيئة المحلفين الموقرة إن الدفاع يؤكد بالدليل القاطع أن أية كاميرا موبايل خمسة ميقا بيكسل
فما فوق يمكنها أن تنقل وصف الشاعر لهاواي إلى صور مادية مرئية ومحسوسة، ولكن لا توجد في الدنيا كاميرا
يمكنها أن تنقل وصف الشاعر لموضوعه الأساس إلى صورة من الصور المحسوسة ..
..
دكتور معز عصرت علينا مع جماعتنا.
قالت: شفت الناس بكتبو في ناسم كيف؟
..
التحية والاحترام للجميع
|
Post: #15
Title: Re: أنا وحبيبتي والبحر في هاواي
Author: haider osman
Date: 06-04-2013, 04:05 PM
Parent: #14
ظلال القمر تداعب ظلي
بين الرمل وموج البحر
وكرز الدهشة والباباي
و(جدية) روحي تسكن بيني
تزرع دربي بالأزهار
وبالنجمات تطوف رباي
و(عمرٌ) يمزج رمق الضوء
بسحر علاء
وروعة (يارا)
في (وايكيكي)
في (هونولولو)
في هاواي
-----------
معز الجميل كيف اخبارك..
تحياتنا لهم والسلام امانه ...وامنيات لهم بالصحة والعافية
|
Post: #16
Title: Re: أنا وحبيبتي والبحر في هاواي
Author: اميرة السيد
Date: 06-04-2013, 04:47 PM
Parent: #15
عزيزي طه..
على الرغم من علمنا ان اي كاميرا ما ممكن تنقل صورة اجمل من وصف شاعرنا د.المعز لأن كلماته الرائعة بحق هاواي لا يمكن ان تماثلها اي عدسة كاميرا تنقل صورة بدون احاسيس.. وكلمات الشاعر المعز صورة مليئة بالأحاسيس و المشاعر الدفاقة..
وعلى الرغم من انك ما حتكسب القضية .. لكن قررنا نديك 4 في المية عشان ما تعمل لينا شوشرة عند سلطات هاواي
واله يديدك العافية
|
Post: #17
Title: Re: أنا وحبيبتي والبحر في هاواي
Author: Osman Musa
Date: 06-04-2013, 06:03 PM
Parent: #16
شاعرنا العزيز د / المعز
سلامات
لو مشيت كداري يا دكتور بتخيل زي أقل من نص ميل وأنت حادف N من
ال Art Museum كنت حتلاقي يا دكتور مطعم سوري صغير أسمو ( مشمش )
بعمل ساندوتشات فلافل وليمون .
لو عينك كحلت العصافير الفايتات بي النفاج البعد برندة المطعم كان ديوانك بتاع هاواي أكتمل .
..
عاين ساندوتش الفلافل النتشة + الليمون الكارب = 17 دولار بس بيني وبينك يستحق
تقول لي عدس محطة كبوشية ؟؟؟؟
لك التحية
|
Post: #18
Title: Re: أنا وحبيبتي والبحر في هاواي
Author: Mahmoud Mustafa Mahmoud
Date: 06-04-2013, 06:45 PM
Parent: #17
الصور بالله يا شباب..
صحيح البروف حشد مجموعة هائلة من التصاوير بالغة الجمال..
لكن ... البحر ماااااااااااا بيابى الزيادة...ولاّ كيف؟؟
..
تحياتي وتقديري بروف معز عمر بخيت وضيوفه الكرام...
..
.
|
Post: #19
Title: Re: أنا وحبيبتي والبحر في هاواي
Author: تبارك شيخ الدين جبريل
Date: 06-04-2013, 10:29 PM
Parent: #18
خلي ناس الراكوبة يزوّروا الصورة دي كمان ... 
والله يا بروف لولا قبساتك وأمثالك من المبدعين الفرايحيين ... لانسلخت عنّا إنسانيتنا في هذه المعمعة ...
... المهم ....
|
Post: #20
Title: Re: أنا وحبيبتي والبحر في هاواي
Author: Osman Musa
Date: 06-04-2013, 10:43 PM
Parent: #19
وكمان والله يا تبارك
لو لا نوع صورتك المدروعة دي وشغل البروف
كان الوأحد قام جاري من ده منبر ومن دي دفسيبة وده كماج .
..
يا تبارك ياخ أكشح من صور هاواي بالدرب التحت قصاد ربوع ال Museum .
|
Post: #23
Title: Re: أنا وحبيبتي والبحر في هاواي
Author: عمر نملة
Date: 06-05-2013, 08:45 PM
Parent: #20
سلام دكتور سلام فنان سلام انسان
وحقل البن النابت وعداً
حتى (الشوكلاتا) في هاواي
تنبت ولهاً في الأكواب
اهديك من بلجيكا باكورة انتاجي من الشكولاته بنكهه سودانيه( لاول مره شوكلاته بطعم القونليز)
وشكولاته بطعم الهبهان والقهوه
اتمنى ان تسعدني باستطعامهما.
|
Post: #42
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-13-2013, 04:33 PM
Parent: #23
الجميل عمر نملة،
تحية يانعة لك من البحرين
معتقة بندى العذوبة
ونكهة المحبةلك في بلجيكا
حيث لي ذكريات رائعة في أنتويرب مدينة الماس
وأصدقاء في بروكسل وقد أحصيت عدد سلالم ووترولو قبل الصعود..
تقديري العظيم لك
|
Post: #41
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-13-2013, 07:58 AM
Parent: #20
Osman Musa
Quote: وكمان والله يا تبارك
لو لا نوع صورتك المدروعة دي وشغل البروف
كان الوأحد قام جاري من ده منبر ومن دي دفسيبة وده كماج .
..
يا تبارك ياخ أكشح من صور هاواي بالدرب التحت قصاد ربوع ال Museum . |
|
Post: #24
Title: Re: أنا وحبيبتي والبحر في هاواي
Author: Mahmoud Mustafa Mahmoud
Date: 06-05-2013, 10:37 PM
Parent: #19
| Quote: خلي ناس الراكوبة يزوّروا الصورة دي كمان ... |
حلوة والله يا معلم..
لكن البراءة مااااااااااا عندك..
آل يعني الولد ما شاف في هاواي غير المناظر الطبيعية والبحر وكدي...
هاواي دي في هواء الهوى الزي دا...
وما دام طار جنى الوزين يا دوب قلّ نوم العين..
أب كرشولا بتاع فنيلتك منك لُه؟؟
..
.
|
Post: #26
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 06:44 PM
Parent: #24
|
Post: #27
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 06:48 PM
Parent: #26
|
Post: #28
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 06:51 PM
Parent: #27
|
Post: #29
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-06-2013, 06:54 PM
Parent: #28
|
Post: #39
Title: Re: أنا وحبيبتي والبحر في هاواي
Author: عبد الله شم
Date: 06-10-2013, 05:06 PM
Parent: #26
الرقيق حرفا الجميل ادبا البروف معز عمر بخيت
تحياتي لك وانت بالحرف الجميل تنقل لنا ما لم تنقله كاميراتك وقد عشناه في اجمل وصف
مودتي ومحبتي لك
|
Post: #43
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-14-2013, 08:40 AM
Parent: #39
التحية والمودة والتقدير العظيم ليك أخي الحبيب عبد الله شم
منور الكون كلو والله..
وشكراً جليلا لك بنكهة فاكهة هاواي الساحرة
وصفاء بحرها وعذوبة احساسها
ورقة ازهارها الجميلة..
|
Post: #40
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-12-2013, 04:31 PM
Parent: #19
تبارك شيخ الدين جبريل
| Quote: والله يا بروف لولا قبساتك وأمثالك من المبدعين الفرايحيين ... لانسلخت عنّا إنسانيتنا في هذه المعمعة ... |
حبيبنا الغالي تبارك
أسعد والله وأعتز وأتشرف كثيراً بحديثك هذا
وهو تاج في رأسي
تسلم كتير سيد الناس
|
Post: #37
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-10-2013, 01:08 PM
Parent: #18
Author: Mahmoud Mustafa Mahmoud
| Quote: الصور بالله يا شباب.. |
عشان خاطرك يا حبيب نزلناها
تحياتي الحارة وعميق مودتي
|
Post: #36
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-09-2013, 05:29 PM
Parent: #17
حبيبنا عثمان موسى
تسلم كتير يا سيدي وربنا يديك العافية..
تعرف أول ما وصلنا هاواي والناس واقفة للتكاسي أنا عبرت الشارع ولقيت بتاع فان فاتفقت معاهو يوصلني شيراتون برنسيس كايولاني في وايكيكي وقاولتو على 50 دولار لأنو صف التكاسي كان طويل جداً. المدام اتكلمت معاي بالعربي فطوالي دخل علينا عربي وطلع من فلسطين.
أها الزول ده وصف لينا نفس المطعم السوري القلتو بس للأسف ما لحقت مشيتو..
ياخ أنا أجي هاواي البعيدة دي واسك الفول والطعمية، أمال الجان وأبو العباس ديل بعملوا في شنو ههههههه
ويا حليل عدس محطة كبوشية وبيض كبوشية المحرق..
|
Post: #34
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-09-2013, 10:02 AM
Parent: #15
حبيبنا الغالي حيدر عثمان،
والله مشتاقين بالأكتر
وين انت يا زول مختفي من كل الأماكن..
تسلم كتير سيد الناس
والأمانة وصلت..
|
Post: #33
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-08-2013, 08:35 PM
Parent: #14
طه إبراهيم عبد الله
Quote: السادة هيئة المحلفين الموقرة إن الدفاع يؤكد بالدليل القاطع أن أية كاميرا موبايل خمسة ميقا بيكسل
فما فوق يمكنها أن تنقل وصف الشاعر لهاواي إلى صور مادية مرئية ومحسوسة، ولكن لا توجد في الدنيا كاميرا
يمكنها أن تنقل وصف الشاعر لموضوعه الأساس إلى صورة من الصور المحسوسة ..
..
دكتور معز عصرت علينا مع جماعتنا. |
يا طه يا حبيب
عشان حركات جنس ده
جبنا الصور التحت
راااااحت عليك يا سيدي ههههههههه
ربنا يديك العافية ونورت البوست والله
|
Post: #35
Title: Re: أنا وحبيبتي والبحر في هاواي
Author: rosemen osman
Date: 06-09-2013, 10:40 AM
Parent: #33
سلامات د.معز ,,كيف أخبارك والأسرة الجميلة ..البوست نور بوجودهم
ما شاء الله ربنا يحفظهم
تحياتي للجميع
|
Post: #44
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-14-2013, 07:39 PM
Parent: #35
يااااااااااااااااه يا روزمين
ما أروع هاواي التي أتت بك..
ولك أنضر التحايا وللأسرة الرائعة
|
Post: #38
Title: Re: أنا وحبيبتي والبحر في هاواي
Author: مجاهد محمد الهادي
Date: 06-10-2013, 04:13 PM
Parent: #1
Quote: ولكن
لو أراد أهل هاواى ( تسويقاً ) للسياحة في بلدهم لما وجدوا أجمل ولا أبلغ من هذه القصيدة
|
ماشاء الله .. لديك قدرة في تطويع الحرف ومموسقته ودوزنته ظني أنها نادرة ووليدة موهبة متفردة
حفظ الله لك ذكرياتك .. عائلتك .. وكل من تحب
وزادك مقدرة فوق التي عندك وزان خطاك في كل الدروب
شكرا كتير حبيبنا الغالي
|
Post: #45
Title: Re: أنا وحبيبتي والبحر في هاواي
Author: Dr. Moiz Bakhiet
Date: 06-15-2013, 09:46 AM
Parent: #38
أنضر التحايا لك حبيبنا الغالي مجاهد
ومتعك الله بالصحة والعافية وكل من تحب..
وطمنا على الدكتور يا سيد الناس
مع محبتي الأكيدة.
|
Post: #47
Title: Re: أنا وحبيبتي والبحر في هاواي
Author: عمر نملة
Date: 06-16-2013, 12:31 PM
Parent: #46
سلام تحيه
اعود ثانيه لبوستك الشكولاتي وقد جذبتني هاوي وجمالها وجمال وصفك
ولااخفيك سرا اجذبني اكثر وصف الشكولاته ياليت تحدثني عنها في هاوي
لاني مهتم وادرس الشكولاته والان ان شاء الله باقي الامتحان الاخير وانال
دبلوم الشكولاته. وقد كان بحث تخرجي واعمالي عن ادخال النكهات السودانيه والافريقيه
والعربيه في الشكولاته وقد صنعت ثلاثه انواع
الاول شكولاته الداكنه (FONDANT CHOCOLATE) بالقهوه التنزانيه من جبل كلمنجارو بالهبهان
الثانيه الشكولاته الخمريه(MELK CHOCOLATE ) بالقنوليز والكبتشينو
الثالثه الشكولاته البيضاء(WHITE CHOCOLATE) بجبنة الغنم والتين والكراميلا
|
|
