قفة الخضار - أغنية ثورية سودانية جديدة كرت.. ومقال مرفق عن القفة

أغنية راستاوية تتناول فساد نظام الإنقاذ وقادته المفسدين ...

الشباب ما قصرو كتر خيرهم.
الساحة الفنية خالية من الفنان الذي يتناول قضايا المواطن كانت هنالك اسهامات للفنان ابوعركي البخيت ربنا اطول في عمرو وجد نفسو ((واقف براك والهم عصف)) ما معاهو زول وكما يقول المذيع عصام الشوالي ...الكثرة غلبت الشجاعة... ناس الامن حاصروهو واعتقلوهو وحاجات تانية حامياني. بقية الفنانين ان وجدو من الجيل الحالي ما فاضيين من لبس السلاسل وحرامي القلوب وغيرو..
اما الفنانيين القدامي والمخضرمين عملو حمد لبت ((لبتو)) وقالو بلا نضال بلا وجع راس والنضال اصبح في الصراعات الشخصية يوم نسمع ترباس خاتيهو قرض مع ود البادية وندي القلعة بتشاكل في العازفين وتقلع منهم قمصان اليوني فورم بتاع الحفلات وكده الجرايد شغاله باخيارهم والبشير مبسوط منهم.
الغريبة ناس قيقم وبلال موسي عملو نايمين من دعم المؤتمر الوطني الظاهر بقي إملح الجماعة يحكي لي واحد صديق قال:
راكبين بص المناقل وكان مشغل بلال موسي اغنية القمر خالها وعمها والشمس تشبه أمها وكان راكب معاهو بتاع كراكتير مشهور في تعليق علي الاغنية قال ليهو والله يا فلان الزولة البغني ليها الفنان ده تكون حارة حر....
عمنا بلال موسي ذاتو عمل نايم من الجماعه حتي اغنية ستة ستة جوني من النوم صحوني بقي ما برددها قالو ونومو اصبح للضهر شغال مديح وبعض من الحفلات بالكنجالات بعد الجماعة ما ملحوهو في كم رقصة من رقصات البشير الظاهر بعد رقصات الريس انتهي اي زول بشتت علي جهة تساسك منو في القروش ما تعرف وغالبا شايف اللقاءات الجماهيرية خفت .... بقيت ما زي زمان كسرة ..
بقيت مازي زمان
كنت بدورنا وتزورنا وتسعدنا ياأمل من زمان.
الناس زهجت من الكذب وبقت في القفة وغير كده الريس حلقو ما مساعدو.
القفة وما ادراك ما القفة ناس الانقاذ عاملين حميل منها لاول مرة في السودان اسمع بي حاجات زي دي:
تصدقو البصل ببيعوهو بي البصلة الواحدة...
تصدقو التوم ببيعوه بالفص.....
والدكوة ((الفول السوداني )) قدر ظروفك بي المعلقة الصغيرة.
موية الله الكان زمان ... كسرة ...
الكان زمان. راجع بعد يملأ الحنان
طال السفر والشوق فتر ياريت رجوعك كان زمان
ماكان زمان راهنت بيك الحب النبيل
لابرضى ذلة ولا هوان وقفت قدام الخلق دافعت جد .
الكان زمان تلقاها في السبيل برة الشارع حسي بقت في تولا.
نسينا الخطط بتاعت الانقاذ التي تتحدث عن الخطط العشرية ثم الخمسية عن الزراعة حسي دخلنا في العشرينات وبرضو نسمع.
قد صرح مصدر مسؤول في وزارة الزراعة بأن الوزارة تخطط لمواجهة وكبح ارتفاع أسعار اللحوم من خلال تشجيع صناعة الدواجن والاستثمار فيها وزيادة منافذ الاستيراد، لأنه من وجهة نظر الوزارة التي عبّر عنها وكيلها المساعد للثروة الحيوانية، الأزمات تخلق الفرص الاستثمارية، .... ............... يا الله ولسع ماشين في الكذب .
أها لما تجي تسأل عن سبب الغلاء اقولو ليك.
خضوع لقواعد السوق، وهي العرض والطلب، فوزارة الزراعة تلقي اللوم على جهات أخرى مهمتها مراقبة الأسعار وتقول: ''منتجو الدواجن شأنهم شأن أي منتجين آخرين في أي صناعة أخرى، وأنه في حال عدم وجود أي مبرر من حيث العوامل المؤثرة الطارئة التي تؤثر في ارتفاع تكاليف الإنتاج، سواء الثابتة أو المتغيرة، فإنه لا يحق لهم زيادة الأسعار................................ كلام والله بتاع متعلمين.
وتجي تسأل اصحاب المزارع اقول ليك :
الاعلاف والتقاوي والاسمدة غير متوفرة وفي السوق الاسود وناس الحكومة بتاجرو فيها عاملين شركات خاصة للاستيراد كان مغالطنا كسرة ....
لو مغالطنا ما مصدقنا
أسأل العنبة الرامية فوق بيتنا
خاينة يا دنيا وظالمة يا دنيا
قاسية يا دنيا وظالمة يا دنيا
العذاب ضقنا والشقا وعشنا
أمشي شوف شركات المتعافي الزراعية للاستيراد وهو منو الما عندو هجو قسم السيد نائب رئيس المجلس عندو شركة مبيدات يعني لو طلعنا من رسوم الحكومة للزراعة ونشتري الاسمدة نقع في يدهم تاني في المبيدات وحكاية الحصاد خليها ساكات اكسروها ليك كيف و ل اترجموها ليك كيف أغنية الفلم الهندي دي من اجل ابنائي .

الشفيف عبس كما يحلو لي مناداته .. ياخ مسالة الغناء مع الجماعة ديل مسالة صعبة خلاص ,, زمااااااان كان عندنا حلقة في الاذاعة في برنامج اسمو استوديو النجوم بيقدمو ابن مدني البار الباش مهندس صلاح طه المهم كان مستضيف شخصي الضعيف والاخ الاستاذ محمد بخيت فنان مدني المعروف والاخ المطرب عاطف السماني ، اها الحلقة بدت وجاء دور اخونا الفنان محمد بخيت قام عمنا صلاح طه قال ليهو بس ما تغني لينا نموت شهداء ديل علشان هس الناس تشتغلنا .. المهم بعد الحلقة في الونسة كده استاذنا محمد بخيت قال لي ياخ مافي عداد طاير كده قلت ليهو غايتو في حلتنا في عرس شهيد لكن ما عارفو متين ههههههههههههههه ..
لكن يا عبس عليك الله شوفي لي اخوك غنية ثورية حااارة كده خلي يمشي يلحق بيها اب كرشولا دي لانو الاوضاع هنا انت عارف وانا عارف ,, ولا شنو ؟؟
واصل من غير فواصل يا حبيب ونحن منتظرين نعاين ،،


تحياتي : ياسر العيلفون

Quote: الشفيف عبس كما يحلو لي مناداته .. ياخ مسالة الغناء مع الجماعة ديل مسالة صعبة خلاص ,, زمااااااان كان عندنا حلقة في الاذاعة في برنامج اسمو استوديو النجوم بيقدمو ابن مدني البار الباش مهندس صلاح طه المهم كان مستضيف شخصي الضعيف والاخ الاستاذ محمد بخيت فنان مدني المعروف والاخ المطرب عاطف السماني ، اها الحلقة بدت وجاء دور اخونا الفنان محمد بخيت قام عمنا صلاح طه قال ليهو بس ما تغني لينا نموت شهداء ديل علشان هس الناس تشتغلنا .. المهم بعد الحلقة في الونسة كده استاذنا محمد بخيت قال لي ياخ مافي عداد طاير كده قلت ليهو غايتو في حلتنا في عرس شهيد لكن ما عارفو متين ههههههههههههههه .. لكن يا عبس عليك الله شوفي لي اخوك غنية ثورية حااارة كده خلي يمشي يلحق بيها اب كرشولا دي لانو الاوضاع هنا انت عارف وانا عارف ,, ولا شنو ؟؟ واصل من غير فواصل يا حبيب ونحن منتظرين نعاين ،، تحياتي : ياسر العيلفون

حبيبنا وصديقنا ياسر العيلفون سلام وتحية
يا فنان ما سمعته بي ...
شي من لاشي بس كفاية علو بمسك أجد نصاح
ماذا أؤمل حيران ببكي وبأمل ولهان ببكي وبأمل ....... البلد هنا فيها امل اخيرمن انقطع الامل والشيء البسيط الموجود هنا هناك ينعدم ناسك نشفوها خلو البلد قرعوبه
كمان هناك مع اولاد بابكر صديق الفكاهم في الشارع زي ما قال الصديق عصام محمد نور العيشة بقت صعبة خليك قاعد معانا لما كلنا نلقي لينا مخرج
تحياتي وتقديري.

الدسيس اخوي .... مسكاقمي
يا حليل زمن الشيء يشيلوه بالقفة حسع صار بالمعلقة وقدر ظروفك

مناشدة عاجلة الي كل النشطاء و الناشطات حول العالم


بصورة الي المواقع و الصحف و المنتديات و صفحات التواصل الاجتماعي

أربعة و عشرون عاما من الذل و الهوان.. فليذهب نظام الظلم و الفساد الي مزبلة التاريخ ..

نداء الوطن ..

تحية النضال و الصمود ..

في اطار تدشين الحملة القومية لاسقاط النظام ندعو جميع الناشطات و النشطاء حول العالم بتبادل الرسائل النصية الرافضة لبقاء نظام المؤتمر الوطني في السلطة.. والتعبير عن تطلعات الشعب السوداني من أجل الحرية و الديموقراطية والسلام

نناشدكم في الذكري المشئومة لانقلاب الجبهة الاسلامية القومية (المؤتمر الوطني) ، بالمشاركة والتعبير عن احتجاجكم و رفضكم بكتابة رسائل نصية و تداولها مع الاصدقاء و الاهل و رفقاء العمل

اذا وصلتك رسالة نصية في هاتفك الجوال ، قم بتحويلها لاشخاص اخرين ، تضامنا مع الحملة القومية لاسقاط النظام في خلال شهر يونيو 2013 ..
معا من أجل ابتداع أشكال جديدة و فعالة لمواجهة نظام العنصرية و الهوس الديني..

عينات لرسائل نصية للتداول عبر الهواتف النقالة


فكو دربنا .. وجعتو قلبنا .. (أرسل)

الشعب يريد اسقاط النظام .. (أرسل)

فاسدين فاسدين .. تجار الدين (أرسل)

حرر نفسك يا سودان .. حرر نفسك بالعصيان .. (أرسل)

عاش نضال الشعب السوداني (أرسل)

30 يونيو .. يوم الغضب (أرسل)

لا تقف مكتوف الأيدي الوطن ينتظرك (أرسل)

حرية سلام و عدالة الثورة طريق الشعب (أرسل)

عائد عائد يا أكتوبر .. عائد عائد يا أبريل .. (أرسل)

يا خرطوم ثوري ثوري .. لن يحكمنا لصوص كافوري (أرسل)

أحرار و حريتنا في ايمانا بيك (أرسل)

أسقطوا الحرامية .. تجار الدين .. (أرسل)

كل الأيدي وقت تتماسك .. تكتب نصرك .. (أرسل)

اذا الشعب يوما أراد الحياة .. فلابد أن يستجيب القدر (أرسل)

الحرية لكل المعتقلين السياسيين (أرسل)

نتمناك موحد.. بي نيلك موسم.. لا قاعد مكتف .. لا واقف معسم.. (ارسل)

معا ضد نظام العنصرية و الهوس الديني.. (أرسل)

يا نساء السودان .. الوطن ينتظركن .. (أرسل)

فلنجعل and#1635;and#1632; يونيو عيدا للسودان .. وعزاء للكيزان .. (أرسل)

شارك في الحملة القومية لاسقاط النظام (أرسل)


FREE SUDAN (SHARE)

NO MORE DICTATORSHIP (SHARE)

BASHIR IS A WAR CRIMINAL (SHARE)

DOWN DOWN BASHIR GOVERNMENT (SHARE)

STOP GENOCIDE IN SUDAN (SHARE)

DOWN DOWN SUDAN REGIME (SHARE)

ALBASHIR TO ICC (SHARE)

UNITED WE STAND .. DIVIDED WE FALL (SHARE)

SAY NO TO RACISM.. WE ARE ALL HUMAN (SHARE)

Quote: الدسيس اخوي .... مسكاقمي يا حليل زمن الشيء يشيلوه بالقفة حسع صار بالمعلقة وقدر ظروفك

حمزاوري يا حبيبنا
سلام وتحية مشتاقين ليك يا الحبيب
اخبارك والاسرة الكريمة
حسي دي خليها ساكت مسحو وكسحو ونشفو حتي الاخلاق والتعامل الحسن كل اول ليهو اخر
تحياتي وتقديري

يا دسيس

ناهيك عن كل شيء

الغنية خلتني ابكي زي الشافع

Quote: محمد علي عثمان

تشكرات يا حبيبنا علي الدعم الفني والتقني برفع المفترع
مع تحياتي وتقديري

Quote: يا دسيس ناهيك عن كل شيء الغنية خلتني ابكي زي الشافع

الصادق سلام يا وجيه
بقت عليك حكاية الزول المشي لي بتاع العرضحالات اكتب ليهو شكوة للمحكمة بعد ما قال ليهو سبب المشكلة والراجل انتهي من الكتابه قال ليهو نقراها ليك.
الراجل صاحب المشكله بعد العرضحلجي انتهي من القراية قعد ابكي بطول حسو قال ليهو ده كلو فيني وانا ما عارف.
تحياتي وتقديري

Quote: Mohand Elnajme · الأكثر تعليقا · ‏سكرتير تنفيذي‏ في ‏المحفظة الاستثمارية‏ الدسيس ياااخ انت تتعلي ما تتدلي يا زول يا كتاب انت ... المنبر ده منك ويقيف ويكنس باقي القازورات مكسري الثلج ... من معارضة وحكومة ... رد · 1 · إلغاء إعجابي · متابعة المنشور · أمس في الساعة ‏11:22 صباحاً‏

سلام حبيبنا Mohand Elnajme
ممنون وشاكر للمتابعة
ربنا اديك الصحة والعافية وطول العمر
تحياتي وتقديري