المطلوب مقترحاتكم و توصياتكم لعمل تطبيق الاندرويد Windows Android

سلام و تحية
سوف نقوم فى الفترة القادمة بانشاء تطبيق app لنظام Windows Android انشاء الله ......ارجو ان تساعدونى بمقترحاتكم و توصياتكم حتى يخرج التطبيق app ليلبى ويرضى طموحات كل الزملاء , الزميلات و زوارنا الكرام
وشكرا
بكرى

دا خبر جميل جدا ياريس ..

والله لما عملت الـapp بتاع الايفون .. المغسة كتلتنا نحنا ناس الاندرويد


في انتظار المنظراتية صبري طه ومن لف لفه

يا هندسة بالله شوف لينا اول حاجة موضوع التطبيق على الايفون والأيباد ..
عندي ملاحظات كتيرة على التطبيق لدرجة اني كتبتها في مفكرة ..
فياريت يحصل تطوير للتطبيق ..

تحياتي ..

شكرا لكم

Quote: يا هندسة بالله شوف لينا اول حاجة موضوع التطبيق على الايفون والأيباد .. عندي ملاحظات كتيرة على التطبيق لدرجة اني كتبتها في مفكرة .. فياريت يحصل تطوير للتطبيق ..

وانشاء الله يا حبيبنا هشام عبادى نحاول نعالج هذه المشاكل فى نسخة 1.2
و تشكر للمرور

تحياتي الأخ بكري أبوبكر

والله ده خبر سار جدا
لانو الواحد بحتاج تصفح المنبر في أي لحظة
يعني بقينا مدمنين عديل كده
المنبر بنلقي فيهو تقريبا كل أخبار السودان والدنيا

ياريت يا ريس عند التصميم أن تراعي فيهو
لمن تكبر الصفحة بواسطة الاصابع تظهر كل الصفحة
وردود البوست رأسيا وبدون الحوجة لتحريكها أفقيا.


تسلم

Android Apps are java based, Google has a complete kit and tutorials for App creation. I would recommend it if you intend to provide too much functionality..




If you are not well versed in Java, you may wish to try App Inventor, an easy WYSIWYG platform. It comes with an emulator that allows you to view how your App will look in the mobile... I taught it to my students.. it is relatively stable ... developed by MIT

You can find it here,
http://appinventor.mit.edu/


App Inventor uses HTML5, that's why it runs over your browser.

سلام يا باشمهندس
ياريت لو تشرك المبرمجين في عمل التطبيق اكيد ح يطلع نسخة جيدة

سلامات
لو في امكانية follow the post و تكون بتنبيه يكون مية مية

يا ريس ..
الآيفون لم يصل للمرحلة المطلوبة من
برنامج يعبر عن (سودانيز) أون لاين!!


ياخ الواحد يفحّط في الشاشة لمن كفرات أصابعينو كملن!!

هههههه يا رمادي،

انا عندي حل كان قبل كده اقترحته لي ود الحبر لكن ما مشى لي قدام، المهم (ما بتاعت تبارك)

انك تعمل ستايل للموبايل يعني حتى html والمقاسات تكون مظبطة على الموبايلات ودا منفصل كونوا التطبيق يكون ايفون
او اندرويد، يعني الشغل في السكربت زاته ما التطبيق.
التفاصيل برسلها ليك

غايتو ده البوست الوحيد صاحبي ود المدير ما بدخلو
جوالو نوكيا ثلاثة تسعات وشاشتو ظهرية

-
اندرويد ده يكون فاكرو طبق طائر

Quote: غايتو ده البوست الوحيد صاحبي ود المدير ما بدخلو جوالو نوكيا ثلاثة تسعات وشاشتو ظهرية - اندرويد ده يكون فاكرو طبق طائر

الحمد لله الزينا كتار

share the code for developer in github.com

سلام، وما فهمت عبارة وندوز مقرونة مع اندرويد.. وكويس جيتو لإقتراحنا الزمان لما بديتو اىفون..
أدينى فرصـة ولو الله هون والوكت إتبارك حأجيك بتطبيق ارجو ان يكون ذو فائدة..

بس اظبط تناسب الأبعاد والخطوط. لو احتجت مساعدة برسل ليك السورص كود بتاع جافـا تعدله كما شئت

ملحوظـة: استعملت template of layout لتطبيقى السابق لنظام الرى، لذلك فوق ترى irrigation (شغل سرعة والقطر قام معليش)

يرفع للأهمية


شكرا يا ريس .. اذا جهزت النسخة التجريبية خلينا نجربا وندي راينا فيها للتعديلات المطلوبة

ولابد ان نؤكد بانه للاهمية جعل المنبر العام هو الصفحة الرئيسية للتطبيق .. وليس صفحة المقالات


شكرا بكري والاخوة المتداخلين

لسلام عليكم الأخ بكري، والصلاة والسلام على رسول الله

من أهم الاشياء في نظري الملاحظات التالية :

-ضرورة عدم اختيار كل المواضيع في المنبر للعرض نسبة لعدم أهمية كثير من المواضيع ، يمكنك اختيار بوستات معينه للعرض في الآب

-خاصية إختيار مواضيع معينة حتي يمكن الرجوع اليها

-ياحبذا إذا قمت باختيار بوست كل شهر كاجمل بوست ، هذا أيضا يساعد على الإرتفاع بمستوى المنبر

-هل يمكن تصنيف البستات حسب الموضوع ، أدبي ، سياسي، نكتة ، حتي يتمكن القاري من متابعة المواضيع حسب الاهتمام الشخصي

-ماهي معايير رفع بوستات معينه في أعلى المنبر ، في أحيان كتيرة أجد مواضيع أكتر من عادية في أعلى المنبروة مواضيع جيداً جداً تضيع في الزحمة

-أتمني أن تجد البوستات التي تدعو لعمل الخير إهتمام أكثر منك حتي تكسب أجراً في الدنيا والاخرة

-مراعاة سرعة التحميل والبساطه في التصميم، كلمة كان التصميم سهلاً كلما كان أنفع

تحياتنا لك وأتمني أن تقبل النصح فما اردنا إلا الأصلاح

والصلاة والسلام على رسول الله