Post: #1
Title: جيرانا الحلوين الحبش . لو قاموا قفلوا الماسورة الكبيرة (النيل الازرق)
Author: عماد ساتي
Date: 05-30-2013, 00:50 AM
Parent: #0
بسدهم بتاع القرن دا ... موقف الحكومة حيكون شنو ....؟؟؟
انا بشوف انو الحكومة ما حتقول بغم ... ليه ...؟؟؟ عشان لو علاقتنا مع الحلوين ديل بقت كعبه حيستضيفوا معارضة النيل الازرق خاصة وحيعملوا للحكومه وجع راس ... عشان كده ممكن الحكومة تكتلنا كلنا بالعطش ولا يزعلوا الحلوين مننا ...
والله السياسه بالدارجى حلوه وساهله خلاس ... مويه بث ...
|
Post: #2
Title: Re: جيرانا الحلوين الحبش . لو قاموا قفلوا الماسورة الكبيرة (النيل الاز
Author: waleed nayel
Date: 05-30-2013, 01:02 AM
العزيز عماد سلامات
غايتو انا شايف انو السد من مصلحتنا تماما لتنظيم سريان الماء طول ايام السنه .كما اعتقد المزارعين علي الحدود سيجدون الماء كل ايام السنه
بالاضافه للكهربا ابو الرخا..........واخيرا مويتنا شايلينا المصرييين من دشلميه السنه خلي الاحباش احبابنا يحفظوها لينا او يشيلوها
|
Post: #3
Title: Re: جيرانا الحلوين الحبش . لو قاموا قفلوا الماسورة الكبيرة (النيل الاز
Author: عماد ساتي
Date: 05-30-2013, 01:08 AM
Parent: #2
لكن يا وليد المصريين قاعدين يحرشونا عشان نعنكب مع جيرانا الحلوين ... وحكومتنا الرشيده ما بتقدر تقول ليهم نهى ... عشان كده ما قدرنا حتى على التوقيع مع الدول التانية على تعديل اتفاقية مياه النيل بتاعت سنة 1929 عشان المصريين فقط حيتضرروا منها شديد ...
تحياتي
|
Post: #4
Title: Re: جيرانا الحلوين الحبش . لو قاموا قفلوا الماسورة الكبيرة (النيل الاز
Author: waleed nayel
Date: 05-30-2013, 01:40 AM
Parent: #3
عماد تحياتي
الموضوع ده لذيذ خالث خاصه جرسه( البلح)  بهناك السكليبه ماليه الانترنت اكعب حاجه فيهو خنوع وانبطاحه مجرمي الانقاذ او الانكاس
لو كانو رجال علي الاقل كانو جابو بيها حلايب
|
Post: #5
Title: Re: جيرانا الحلوين الحبش . لو قاموا قفلوا الماسورة الكبيرة (النيل الاز
Author: مدثر صديق
Date: 05-30-2013, 08:00 AM
Parent: #4
سلام
Quote: بسدهم بتاع القرن دا ... موقف الحكومة حيكون شنو ....؟؟؟
انا بشوف انو الحكومة ما حتقول بغم ... ليه ...؟؟؟ عشان لو علاقتنا مع الحلوين ديل بقت كعبه حيستضيفوا معارضة النيل الازرق خاصة وحيعملوا للحكومه وجع راس ...
عشان كده ممكن الحكومة تكتلنا كلنا بالعطش ولا يزعلوا الحلوين مننا ...
والله السياسه بالدارجى حلوه وساهله خلاس ... مويه بث ... |
....
اعتقد ان عدد الاثيوبيين في السودان كم مليون كده ......فما علي الحكومة الا طردهم ( والاستفادة من بعضهم ).......
ثم فتح معسكرات للمعارضة الاثيوبية ...و قليل من الدعم لارتريا .......
عموما...لا يوجد ضعف مطلق ...و كلا يمتلك ادوات قوة .......
|
|