أمسكي عليك عيونك ديل .. أمسكيهن!

يعني انت ما عارفة نظرتك دي بتسوي في الزول شنو؟؟ ياخ سهام علينيك ديل لما يخشن الزول
ذي النبال .. يخلن الزول حالة انو مجروح .. ومن غير روح
حرام عليك ياخ
انت ما بتختشي يعين في داعي تعملي فيني كدا .. هسة انا باكاتي كلها مجهجهة لا عارف انوم لا عارف
اقوم .. حتى وشي مةن قفاي ما فارزو ..
تعملي فيني العملية دي وكأنك ما عرفة انو عيونك دي عملن فيني العملية دي ..
انا بعتبر الحركة دي غتاتة منك ساي .. لانو اصلاً ما بصدق انك ما حصل شفتي نفسك فس المراية
أكيد طبعا عندكم مراية في البيت .. البيت شنو ياخ اي شنطة بت اليومين دي ما بتخلا من المراية
دا كلللللو سيبك منو
اي عربية مبركنة في الشارع فيها مراية ممكن تكوني شفتي نفسك فيها

باختصار كدا انت ناوية تجهجهي باكتي !
اقول ليك ياخ انت جهجهتيها وانتهيتي

الله يسامحك ياخ





















____________________
شكرا الخالد اسماعيل حسن
شكرا محمد ميرغني

عموما كدا انا اتبهدلت وبعترف
















___________
وا شماتة الخال ود شيقوق

Quote: زوبعة في ملاعب الخيل امسكى عليك عيونك ديل امسكيهن وخلينى اللروح انفك من شبكة .. عيونك ديل دا شيتن اصلو ما شفناه لا فى الناس ولا فى الريل .. دا ما قدر الله جانا .. عديل .. بحار الشوق بلا ساحل ودايرات زى ملاعب الخيل اكون كضاب اذا عينيه شابن لى عيونك .. ديل .. مراكبى .. ضعيفه مابتقدر تلاوى الموجه عكس النيل .. سألتك بالذى سواك تمسكى .. عليك عيونك ديل يتاوقن ليه زى شباك منور فى ضلام الليل .. يكوركن ليه نص الليل يشابن ليه أنا الغرفان انا الضهبان وزى القشه ارجف فى مهاوى السيل .. عليك ذاتك تمسكى عليك عيونك ديل قليبى رهيف ومابيقدر على الهبباى فى عز الصيف اذا شديتى خايفه يقيف .. عليك دارجيهو فى الحجرات بجنب القيف .. عيونك ديل عيونك ديل .. محيط الهول قصدنى عديل .. منو البقدر على العقبات .. زمان نحن .. جمال الشيل حليل الحيل زمان ما انبته من صاقعة عيونك ديل ..