Post: #1 Title: كيف نبني طابق فوق .. والساس تحت نزا Author: علاء سيد Date: 05-29-2013, 10:14 AM
لمتين حنتجافا نضارا من عيبنا
والدنيا شوافة ..
ايدك على ايدي .. نتصافى نتعافى
والهمة للهمة نجمع سوا اكتافا
شان عزة .. وفجر المنى العزة
رحم الوطن وااااااااااااحد ورضعنا من بزة
النيل وياهو النيل .. لية يعني نتجزا
كيف نبني طابق فوق والساس تحت نزا
والطبلة مابطيق مفتاحا لا الرزة
الباب قصاد الريح واقف علي لزا
وكل الهنا الضقنا .. لا طاب ولا لذا
مليون معزة وميل معقولة تتهزا؟؟!!!
Post: #2 Title: Re: كيف نبني طابق فوق .. والساس تحت نزا Author: شهاب الفاتح عثمان Date: 05-29-2013, 10:25 AM Parent: #1
Quote: مليون معزة وميل معقولة تتهزا؟؟!!!
يعلم الله اتهزت ..
حبابك صوت وكلمة وحضور ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #3 Title: Re: كيف نبني طابق فوق .. والساس تحت نزا Author: علاء سيد Date: 05-29-2013, 10:47 AM Parent: #1
على هامش الذاكرة ...
نفاج بين جار وجار لم يغير مابينهم من ود ..عادات التعامل مع الدقيق !!
بت الحلة .. تمشي الهوينا فتدنو النظرات ارضا" (ليس فوقا") كانها تشكر الشارع لعودة هذا (العرض) محفوظا".. بغض النظر عن ملامح هذه البت (الحلة) كانت الدعوات تحفها هالة من أدب الوطن
وفي اقصى بقاع الغرب .. تجد في ركن القرية .. كنتين ( الشايقي ) !!
Post: #4 Title: Re: كيف نبني طابق فوق .. والساس تحت نزا Author: علاء سيد Date: 05-29-2013, 11:02 AM Parent: #3
مازلنا نمارس التخلف الفكري كلما نتعاطى مع الوطن ومازال مسلسل التشرزم والتحزب ونزعة العرق الإنسان رخيصة .. مستمر لايوقفه سوى اعلانات بيع الضمير والزمة ... وما ارخص الاثمان ؟؟!!
لاي شئ سيفضي هذا الصراع الدموي القبلي العرقي ؟؟!!!
ماهي المحصلة وماهو الغرض ؟؟
Post: #5 Title: Re: كيف نبني طابق فوق .. والساس تحت نزا Author: علاء سيد Date: 06-02-2013, 05:40 PM Parent: #4
Quote:
يعلم الله اتهزت ..
حبابك صوت وكلمة وحضور ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
د. شهاب تحية ممدودة بحجم المسافة بينك والوطن
قيمة الوطن غائبة تماما في ظل التداعي الفكري والحمق السياسي .. مازالت تحركنا نزعات تتم تغزيتها من اصحاب مصالح
... ولي عودة يادكترة
Post: #6 Title: Re: كيف نبني طابق فوق .. والساس تحت نزا Author: tarig almakki Date: 06-02-2013, 08:31 PM Parent: #5
كلماتك جميلة يا علاء يبدو أنك تحس بوجع لا يضاهيه وجع حتى تخرج منك مثل هذه الكلمات
Post: #7 Title: Re: كيف نبني طابق فوق .. والساس تحت نزا Author: علاء سيد Date: 06-03-2013, 10:26 AM Parent: #6
Quote: كلماتك جميلة يا علاء يبدو أنك تحس بوجع لا يضاهيه وجع حتى تخرج منك مثل هذه الكلمات
الوجع راقد ياطارق .. بس عبرة الحلق خانقة الحروف
Post: #8 Title: Re: كيف نبني طابق فوق .. والساس تحت نزا Author: سرالختم عباس Date: 06-03-2013, 10:53 AM Parent: #7
علاء علي خطو الكبار كلمات جميلة وادتنا احساس أبونا محجوب شريف
Post: #9 Title: Re: كيف نبني طابق فوق .. والساس تحت نزا Author: tarig almakki Date: 06-03-2013, 10:03 PM Parent: #7
الأخ علاء سيد بعد التحية أدعوك للإستماع للنص أعلاه وخصوصاً من الدقيقة 3:16 وهي قصيدة لصديقي الشاعر الشاب أحمد الريح حمد النيل أحمد الريح العليش كتب هذه القصيدة وأصبح يعرف بها وهي بعنوان الزحزحة وله زحزحتان والأخرى معنونة بزحزحة أبو نواس
عندما ندرج نصوص الآخرين يجب علينا نسبها إليهم حتى نحفظ حقهم الأدبي لا أن نتباهى بها على أنها من صميم أفئدتنا تمنيت حينما سألتك عن النص أن تصحح مساره وتنسب الكلام لقائله لكنك تماديت فيما أنت ذاهب فيه فإضررتني إلى ما جاء مني
Post: #10 Title: Re: كيف نبني طابق فوق .. والساس تحت نزا Author: علاء سيد Date: 06-04-2013, 07:50 PM Parent: #9
Quote: الأخ علاء سيد بعد التحية أدعوك للإستماع للنص أعلاه وخصوصاً من الدقيقة 3:16 وهي قصيدة لصديقي الشاعر الشاب أحمد الريح حمد النيل أحمد الريح العليش كتب هذه القصيدة وأصبح يعرف بها وهي بعنوان الزحزحة وله زحزحتان والأخرى معنونة بزحزحة أبو نواس
عندما ندرج نصوص الآخرين يجب علينا نسبها إليهم حتى نحفظ حقهم الأدبي لا أن نتباهى بها على أنها من صميم أفئدتنا تمنيت حينما سألتك عن النص أن تصحح مساره وتنسب الكلام لقائله لكنك تماديت فيما أنت ذاهب فيه فإضررتني إلى ما جاء مني
الاخ طارق ...
تحية طيبة .. تتبعها اطنان من الود
بصراحة انا لم اشارك بالقصيدة في مسابقة امير الشعراء .. ولم امدح بها امير المؤمنين(بتاع اليومين ديل) لانال من وراء ظهرها العطاء
حينما تتحدث عن صميم الافئدة واستلاب حق الاخرين يجب عليك ان تفهم كيف تقيم الاخر اولا .. وثانيا .. وعاشرا وبعدها تكون صياغة الطرح بدون الجنوح للفظ البوبار والتباهي
المهم في الامر انني اقتبست جزء من القصيدة لانني وجدتها تعبر بصدق عن الحال وتلخص فكرتي التي اردت طرحها (تماما")
والاهم انني اشتممت رائحة السخرية في تعليقك الاول لهذا تابعت على نفس النهج فكان ردي عليك (عبرة الحلق خانقة الحروف) .. وهو مايشابة نص زحزحة في قصيدة بت من ورق ( عبرات هواي لو سدسدن حلق تحن لي زول سواي ....) وان جيت معشق نمرة 5 طوالي .. حماسك ثوري جدا"
جزيل الشكر على التنبيه .. وحسن النية
Post: #11 Title: Re: كيف نبني طابق فوق .. والساس تحت نزا Author: علاء سيد Date: 06-04-2013, 08:13 PM Parent: #10
لمتين حنتوحد نتحل من ضيمنا
والدنيا بتفرق ...
يدك على يدي .. نتحل من قيدنا
لضميرنا والزمة نرفع علم عيدنا
شان خاطر عيون سودان
وفجر المنى الحيران
النيل وياهو الكان .. ليه نقتل الامكان
كيف نبني طابق فوق .. والساس صبح غرقان
والطبلة ماقدرة قفل .. فقدت معاني امان
الباب قصاد الباب وصفو البسيط حرقان
وكل الهنا الضقنا .. مالقينا ليهو معان
مليون مساحة وميل .. تخنق من الدخان؟؟!!
كدي ياطارق فتش النص دا حق منو
Post: #12 Title: Re: كيف نبني طابق فوق .. والساس تحت نزا Author: tarig almakki Date: 06-05-2013, 00:21 AM Parent: #11
أهم شي يا علا إنو الموضوع ما شخصي أنا ما بعرفك ولا شفتك قبل كده بالنسبة للنص موضوع الخلاف فالنص ده خاص جداً عندي لعلاقتي بالشاعر وأتمنى إنك تكون مصدق كلامك القلتو ده لأنو جد ما فيهو أي منطق إنت نزلت نص بتاع زول من غير ما نشير لي صاحب النص . كان أحسن تعتزر بدل ما تسوق مبررات ما منعا فايدة
سلام
Post: #13 Title: Re: كيف نبني طابق فوق .. والساس تحت نزا Author: علاء سيد Date: 06-06-2013, 08:25 AM Parent: #12