والي الخرطوم يدعو للعودة للمركوب والكبك وتموت تخلي

والي الخرطوم يدعو لتطوير صناعة الكسرة والقراصة والعودة للمركوب والكبك وتموت تخلي

الخرطوم : محمد شريف :

أكد والي الخرطوم د.عبد الرحمن الخضر جدية الحكومة في توفير الامن الغذائي وتشغيل الخريجين وفتح فرص عمل للشباب للكسب الحلال ومحاربة البطالة وسعيها لحماية الصناعات المحلية وتطويرها كما ونوعا لتنافس المستورد وتوفر عملات صعبة للبلاد .
وشدد الخضر في حفل تدشين مشروعات تطوير الصناعات الجلدية باستخدام التقنية الحديثة ضمن فعاليات مهرجان التشغيل الثاني المقام بارض المعارض ببري على اهمية توطين صناعة الجلود ، ووعد باستيراد مزيد من المعدات الحديثة لانتاج صناعات جلدية محلية تنافس الاجنبية ، منوها الي ضرورة الاستفادة من الجلود السودانية المتوفرة مشيرا الي ان الخرطوم وحدها تذبح يوميا 5000 رأس من الابقار و1000 رأس من الضأن و200 رأس من الابل تصدر جلودها الي الخارج وتعود مصنعة باسعار عالية .
ودعا الخضر الي الاهتمام بالمنتجات السودانية القديمة وتجديدها وعرضها داخل وخارج الوطن بصورة حديثة وجاذبة، ونادي بتطوير صناعة الكسرة والقراصة وتصنيع احذية جلدية محلية تتناسب مع طبيعة بلادنا الساخنة وتنافس المستورد، مشيرا الي التفرد والجودة في صناعة «المركوب وتموت تخلي والشدة والكبك» ، وقال الوالي «لالوبنا ولا تمر الناس » و«ام صلمبايتي ولا كدكاي زول» .
وطالب الخضر بالخروج من النمط التقليدي للتمويل الاصغر بصناعة العطور والخبائز وتقديم افكار جديدة ووعد بتوفير التدريب والتمويل للمنافسة، وقال «ايد على ايد تجدع بعيد »، واشاد بدور مؤسسة التنمية الاجتماعية في دعم الشباب ، واعلن عن افتتاح سوق متخصص في كل محلية بالولاية لتسويق منتجات التمويل الاصغر انطلاقة من محلية بحري، وقال «الحشاش يملا شبكتو » ، واشار الي استمرار عرض المنتجات الجديدة بارض المعارض مجانا دون رسوم حتي نهاية المهرجان.
ودعا المدير العام لوزارة التوجيه والتنمية الاجتماعية بالخرطوم الدكتور التجاني الأصم قطاعات المجتمع الي ضرورة الاستفادة من التمويل الاصغر مشيرا الي دوره في تخفيف حدة الفقر وسط الشباب العاطل والنساء المعيلات .
واكد مدير مؤسسة التنمية الاجتماعية سامي الدين محمد سعيد استهداف 2000 مستفيد من الجنسين وقال ان المؤسسة ستسهم في توطين صناعة المنتجات الجلدية بالبلاد .

الصحافة

با عبد الرحمن الخضر انتو ما كنتوا بتلبسوها ما رجعتوا ليها مالكم؟

ما دعا لي لبس الجلود برضو زي أجدادنا القدماء !!

ذكرنا حديث نميري المخلوع حين قال

(الاستاذ فتحي الضو/ محنة النخة السود\نية)

خليك انت القدوة والبس التموت تخلي ونحنا بعدك مش انت تلبس الايطالي وتقول لينا تموت تخلي الله يورينا موتكم واحد واجد يا والي الغبرة

انتو موتو وخلونا نحنا بنمشي بدون ما نلبس

مركوب في عينك

حاااااااضر ياجناب الوالى أمرك ماشى وسوف ننتعل التموت تخلى وباقى الصرم والبراطيش .
لكن تعرف ليه ياوالينا الحبيب ؟
عشان نصفعك بيها فى وشك وفى مؤخرتك المتضخمة .

بعد هو يلبس واولاده ...كلنا بنكون تموت تخلي

Quote: عشان نصفعك بيها فى وشك

وانت الصادق حنبرطش جنس برطاش اصله عمره ما طاش
اليوم داك ابرطش ليك في الادبخانه جنس برطاش شي قربع وشي صرصار
وشي دوس بالنعال وهاك يا الوش بالنعال

ياعادل البرارى وماتنسى معاك (الهناية) المتضخمة .

لو سمحتم خلي يرسل لينا جوز تموت تخلي

يآحب البوست وزواره
انتو عارفين سعر المركوب اليوم بي كم ؟














...................
خلوها سآي أخير نلبس رطب

حكاية نرجع دي شايف اصبحت كتيرة
الرجوع إلى الدين ( التقول نحن كفار)
الرجوع إلى الكسرة
الرجعوع لتموت تخلي والمركوب
رجعونا لبطون أمهاتنا ونرتاح ثم ترتاحوا من خلقتنا دي
يا ريت لو بنرجع كان وصلنا زماااااااااان

كده خلي الوالي ده يورينا هو هسي لابس ياتو نوع من الجزم وبياكل شنو؟

[size=24]

قلناها زمانك وزول إشتغل بينا مافي
الخدر الخطر الخدر
لمن سلم الصحة للعالم الإستثماري المامون "نقنقتو "
ولمن "هم" ببيع المستشفيات وقفتو البلد علي قنقرة ضنبا
جاب البصات الصينية عاكستوهو بالركشات والأمجادات
هديك البصات واقفة في ميدان سباق الخيل
إتـهلهلت بقت زي عربات "الباسطة" الزمان ديك
وبسبب عكاسكن بقيتو تساسقو من جاكسون لي شروني
عمل ليكم "الحج المحلي" في الساحة الخضراء
الكعبة والصفا والمروة وعرفات
ومعاهن شواطين "شفتـهن بي عيني" يتناطو" للرجم
ركبتو قطعتو البحر الأحمر وكمان تمدحو
"قالو الحجيج قطع ..
قاصد نور البقع ..
قلبي زاد وجع..
وحماني القيد منع "
بالله عليكن مش براكن موجعين رقبتكن ومقيدنـها ؟؟
وأسي داير يتخلص ليكن من مباني الوزارات
عشان ينتصر لناس "الهامش"
وبالمرة ينضف وسط العاصمة المتلتلة
"طبعاً حا يبقي على الوزراء ووزراء الدولة والوكلاء!!...
يوديهن ليكن المناطق الطرفية الهامشية ؟؟
زول بعمل ليكن في أعمال زي وإنتو برضو تنقنقو
يقع ليكن في رقبتو إكسِرا ولا كيف يعني؟؟
يازول ما تشتغل بيهم الشغلة
وعديل كدا جليـهم
أصلهن ما شبه "نغنغة" وجنهن نقنقة
زمان عمي عبد الباقي كان زيك كدا
ممشي حالو زي الصلاة علي النبي
من تمغرب يشد "مركوبو" ويلوي عمتو ويافكيك
وين ؟؟
شاي المغرب مع ناس حسب الله
الزرائب مليانة بقر وضان وماعز
ناس إصرروا وناس يدرروا
ناس إعلفو وناس يعشو
وتحلف تقول السعية جاتن في سيرة
القصب والعدار والامباز وعيش الفتريتة الزي الرز
دا غير الحلابين
يجاروا بالجرادل تقول بطفو في حريقة
الحليب بالحِلل القوز
يسخنو بي شقيق السنط
حوش الديوان مليان ناس نضمهم درر
عبد الباقي بجي بنعصر من العصر
يعاين ويشفط ويشهد "ليلى هيل الله محمد الرسول الله"
وقدر ما الكفتيرة تجي بي عندو يردد "كُب لي تاني"
يمسح شنبو ويبلع ما تبقى من "رحيق الكأس" السابق
"كُب لي تاني"
ينقشط شاي بالحليب "المقنن" ويندرج يتراوح
وأول ما يصل عتبة بيتو يصيح
"يا خجيجة يا خجيجة ... خجيجااااااااا"
ومن يسمع "أياااااا زول" يقوم يرمي "فرمالتو"
"دحين الجريو دا عشيتي ؟؟؟"
بالا حاضر وردها غائب "أأكلو شنو آآآ عشاي ؟؟"
وباقي الكلام مقطعاهو في حشاها أوحنانا "بلغة هذا العصر"
" جريووو ... ؟؟
ها امي هييييييي خليني من سِعايتك ...
يا ها دي سعيتك و عمارك مع الرجال ؟؟"
طوالي يسب ليـها "مع إنو غرتو في جبهتو"
"إنعل د..... إنتي وشك دا أصلو ما وش سعاية"
أسمع كلام جماعتك "سير سير يا خِدير "
ولا تتلفت للمغرضين
تحمد سيدك
تقاتك لـهاتك
إذاعاتك مكرفوناتك
وقنواتك "فتوواتك"
تسبح بي حمدك
وتغني ليك في "العديلة"
((ياعديلة يا بيضا
ويا أمريكا سيري معا
الليلة شويم بقدرة الله
لمة النفرة بالجهلا
وحكومتو قاعدة في السهلا
الليلة شويم بقدرة الله
عمولتو الفي الأهل بـهلا
وبزورالرابعة عند أهلا
الليلة شويم بقدرة الله
يوم اتلمّت اليوناميد
تحاحي في الجنجويد
الليلة شويم بقدرة الله
هلالو الفي تشاد مريويد
ومنو مايدقرو قال ما بحيد
الليلة شويم بقدرة الله)).
الكبك
والشدة
وتموت تخلي
التقول نحن ماشين حفايا
دي ذكرتني عما لينا
واقف في تربيزتو في جزارة الحصاحيصا
إتلحو واحد ببيع "سراويل" الله يكرمكم
"سروايل .. سروايل ..
سروايل ... سروايل"
عمنا "نـهرو" كم مرة
"يازول ما تغور كدي ولا كدي خلينا نشوف السوق"
وداك مُصِر "سروايل .. سروايل .. "
نـهايتو
قال ليـهو "ياخوي تعال إنت قايلنا ماشين أمفكو ولا شنو ؟؟"
كبك أو شدة ما فرقت وليس في الأمر عجب
وأي نعال نموت نخليـها بتعمل لينا مشاكل عند توزيع التركة
صاح ولا ما صاح
ويا فصيح إن إبتليت ما تصيح
عموماً نحن ساهلين الكلام ناس الأحذية الايطالية إلا يقلبوها مصانع كريمات
سير سير يا خدير
ونحن وراك بالشدد والكُباكا
وما تتغشى فكلو حا "تموت تخلي" غصب حسنة
وقع ليك ؟؟


الخدر وحكاية "جريوو" عبد الباقي راجل خجيجة
"الحصاحيصا دوت كوم"
[/size]

طيب انتو جيتو تنقذونا من شنو
غايتو الانقاذ لامه النطيحه والمترديه
ابوكساوي في البرلمان والخضر في ولايه الخرطوم

الاخوة الكرام
ناذر محمد الخليفة
عادل البراري
محمد حمد احمد
قلقو
ادريس البدري
سيف مساعد
حامد الغبشاوي
سيف اليزل المكي
Aosman
المحبوب احمد الامين
الزبير صالح الزبير
و من الفيسبوك

خالد الطاهر
تاج م ابراهيم



شكرا لمساهماتكم القيمة و التي تحمل نقدا و اضحا لممارسات قيادات نظام الابالسة و فسادهم . المحزن جدا ان معظم قادة الصف الاول للنظام و منهم عبد الرحمن الخضر نفسه جاؤوا من اسر فقيرة و متوسطة الحال و هذا ليس عيب و لكن العيب انهم استغلوا الدين و السلطة ليثروا ثراءا فاحشا و تنكروا للبسطاء من شعب السودان و بدلا من مساعدة البسطاء داسوا عليهم بالجزم و زادوهم فقرا و جعلوا غالبية الشعب غير قادرا علي الحصول علي التعليم و العلاج و الطعام.

سلام
محمد علي عثمان
عشان اولاده وأاولاد ناس الحكومة يلبسو الماركات العالمية adidass /nike /puma
ويمشو إجازات شرم الشيخ وماليزيا وأوروبا بأموال هؤلاء الغلابة
ما سمعت بمثل بقول حكومة المؤتمر الوطني (يريد الشعب السوداني أن يكون أفقر الفقراء)
تحياتي