الكيزان وفن صنع البطولات الوهمية !!!

دي اب كرشولا ولا حلايب !!





القادر الله ..




_________________
تعديل من اجل اضافة صورة

وقت الكانت مهمة ليكم قدر ده جريتوا منها ليه ؟؟

ووقت الكنتو اقوياء وشجعان للدرجة دي خليتوا الثوار يقعدو فيها شهر كامل ليه ؟؟

يا ناس اخافوا الله .. والله النفاق والدجل البتمارسو فيهو ده سخيف ومقزز جدا

اب كرشولا شالوها منكم الثوار حمرة عين وقعدوا فيها شهر كامل (نايمين فوقها قفا) وبرضو ما احتفلوا بهبالة زي دي
حاولتوا ترجعوها .. دمروا ليكم فيها اربعة متحرك بالتمام والكمال
مليشياتكم هربوا ورفضوا مواجهة الثوار .. واخيرا زجيتوا بالطلبة المساكين والموظفين الغير مدربين وحرقتوهم في الفاضي دون جدوي
استعينتوا بالمرتزقة من القوات التشادية والاستخبارات البريطانية البتخبركم بتجمعات الثوار وتحركاتهم برضو فشلتوا من ارجاعها

والان وبعد انسحاب الثوار منها تكتيكيا جيايين تتفاصحوا قدر ده !!


ارجو الراجيكم .. والله تاني نوم مافي .. فريق فريق .. قرية قرية .. مدينة مدينة .. لحدي الخرطوم

اولاد ام زقدة

طيب ورونا يا ايها الاقوياء الشجعان .. متي سيتم تحرير حلايب وشلاتين والفشقة ؟

هل نعشم بفرحة زي دي قريبا من داخل حلايب ؟

واللع صحي

والله نفسي اعرف حاجة واحدة فقط

النياشين الموجودة في اكتاف قادة الجيش ديل .. منحوها ليهم بسبب شنو ؟؟
ياتو حرب قاتلوا وابدعوا فيها حتي يمنحوهم هذه النياشين؟؟

جيش (جـ بـان) لا يعرف الا القتال ضد شعبه يتشدق بالبسالة والشجاعة في حين ان اراضيه محتلة بكامل مواطنيها!!
جيش لم يقودوا حربا واحدة مع دولة اجنبية طول عمره يملك في اكـ ######## من النياشين ما لا يملكه قادة الجيوش الامريكية
الحرب الوحيدة التي قادته ضد دولة اجنبية ادت بهزيمته هزيمة نكراء .. حتي هذه الدولة لم تكن دولة مستقرة بل دولة ناشئة !!
معركة هجليج كشفت ضعف وهوان هذا الجيش الذي يقوده الارزقية ذوات البطون المنتفخة


بدون خجل جايين تحتفلوا بمدينة زي اب كرشولا الانسحب منها الثوار .. الناس البشيفوكم في التلفزيون ديل يقولوا عليكم شنو؟؟؟

Quote: واللع صحي

ابو الحس اخبارك ايه

والله الناس ديل حيرونا .. يجعلون من الحبة قبعة

واللــــــــــــــــــــــة الكيزاان ديل يحيروا الزول ...

Quote: ارجو الراجيكم .. والله تاني نوم مافي . فريق فريق .. قرية قرية .. مدينة مدينة ... لحدي الخرطوم

يا أخى إختشى
حسى ما بتخجل تقولا بالفم المليااان كدا
هكذا تفضخون ما بدواخلكم
سكان القرى والفرقان والمدن المافيهم جيش ديل ذنبهم شنووو
:
:
:
ياخى ابقوا قدر المسئوليه واهجموهم معسكر معسكر وكتيبه كتيبه وقيادة عشااان تعرفوا الطفا النور منو
ولاد ام زقدة
تحياتى

Quote: ياخى ابقوا قدر المسئوليه واهجموهم معسكر معسكر وكتيبه كتيبه وقيادة عشااان تعرفوا الطفا النور منو ولاد ام زقدة تحياتى

محمد الحسن طيب المعسكرات والكتائب والقيادات دي مراكزها وين .. في الفيافي والوديان والجبال البعيدة .. ولا مو صاح؟؟


وليك نفس القدر من التحايا يا صديق

بالله عليكم تعالوا شيفوا الكوز (البـ ليد) ده عامل شنو هنا !!

حصريّاً: صُور هلْكى ما يُسمّى بالثّوريّة (شالوها حُمْرة عين)


فاتح ليهو بوست طويل وعريض وجايب ليهو صور ضحايهم بتاع دارفور وجبال النوبة القديمة وعارضها علي اساس انو هو ضحايا اب كرشولا !!

وكمان عارض الصور بدون ادني اخلاق واحترام لقداسة الانسان ولا مراعاة لمشاعر القراء

هولاء الناس قد (تحيونوا) اي صاروا كالانعام .. والله صحي او كما يقول البشاري

ودا برضو واحد غبي تاني !!

من داخل أبوكرشولا....فيديو...


جايب ليهو فيديو بيثبت براءة الجبهة الثورية من اتهاماتهم لها بالسرقة وسوء معاملة المواطنين وهو ما عارفها
الفيدو اجريت فيها بعض الفبركة من الامنجية ولكن هناك جانب واضح يثبت حسن اخلاق الثورية
الرجل تحدث عن الجبهة الثورية بكل ايجابية ناسك سحبوهو طرف وملوهو كلام اخر !! شوفو النفاق والدجل الكيزاني

الثوار يتفقدون المواطنين وبتطمأنوا علي احوالهم علي الدوام .. يا لهم من كرماء

ولكن بعد التهديد والتلفيق والتملية الحكاية اصبحت اخخخخخخخخخخخ

شفت الكيزان ديل

إمرأة سفاح فى أب كرشولا .. تحمل فأساً وتنحال بها على رؤوس الجرحى!

بدون تعليق ما عليكم الا الضحك وقول سبحان الله

في حين ان اب كرشولا لم يمت فيه ولا دجاجة .. ولم يذكر المواطنين مثل هذا الفيلم المرعب علي الاطلاق !!

سر الفتاة البيضاء فى الهجوم على أم روابة .. فكوا معنا هذا اللغز؟

وهنا ستشاهدون فيلم (سر الفتاة البيضاء) الحلقة الكاملة !!

Quote: احمد سليمان محمود على ...عافي منك....برّدت قلبي..اضرب حثالة العفني من غير رحمة وتحت الحزام.

ووووب علىّ أنا مالى بشربوا بى القهوة ... ووووب علىّ.


مفهوم يا حبيب .. هون علىّ نفسك!

بريمة

بريمة الست انت الذي كتب الكلام ادناه ؟؟؟

Quote: الحبيب أسامة خلف الله سلامات ... الأعتداء على السلطة شيئ .. والأعتداء على أهلنا الأبرياء شيئ أخر .. 281جملة قتلى أهلنا في المنطقة .. 40 فتاة عذراء مغتصبة، 30 إمرأة محصنة تم عقد زواج لهن من أكثر من رجل، فتاة واحدة أغتصبها أكثر من 10 رجل بالتناوب .. 5 جثة تم التمثيل بها من أهلنا، 23 ألف نازح من أهلنا وهم على وشك بداية موسم الزراعة .. وأقول لها لك .. ليس أمام خيار .. ولو كنت في السودان لكنت في أول المتحرك إلى إبى كرشولا. بريمة

الكلام من هذا الخيط هل المجاهد ود الباوقة .. نزل السودان فى إجازة .. مجرد إستفسار؟

طيب يا بريمة الان اب كرشولا في ايدكم .. اين جثثك الـ281 ؟؟
اين هذه الجثث يا مسيلمة؟؟

يا محمود بالله ما تزنّق علي الجماعه كدا يعني لو ما عملو كدا يلقو مناسبه يرقصو فيها وين
انا لمن فتحت التلفزيون ولقيت الرقيص قلت خلاص بعانخي اكيد صحي ورجع احتل مصر
لقيت الميت كل ب

عبد الرحيم محمد حسين عليك الله امشي استراحة محارب وتعال امسك وزارة البيئة عشان دي مافيها ارواح وسيادة بلد واصلو البلد ######أنه مافيها حاجه تو سخها زيادة

الصديق الزبير الف مراحب

والله يا حبيب الناس ديل امرهم بحير عديل كده .. يا اخي ديل بقدموا لينا اعلي الامثلة في النفاق والدجل ..
يا اخي اكاذيبهم دي بقت ما بتنطلع حتي علي الشفع الصغار ..
الحاجات البتحصل في تلفزينوهم ده والله العظيم من شدة ما بايخ ومقرف .. والله العظيم بيعمل طمام للزول ..

تستغرب وتدي الدنيا عجب عندما تدرك بان هؤلاء وبعقليتهم دي حاكمين السودان لاكثر من 23 سنة !!

Quote: الكيزان وفن صنع البطولات الوهمية !!!

يا باش سلامات
طبعا حتى الساعة لم يدخل مليشيات ابوريالة الغازية اب كرشولا فالحقيقة انهم تاكدوا من انها خالية تماما من قوات الجبهة الثورية
وبذات الخطة المحكمة الاولى حيث دخلت قوات الجبهة وخرجت لتنصب كمين لمليشيات المنتصر وكل اولئك الاوباش من الغزاء الذين من اسمائهم
التي لا صلة لها باهل السودان جميعا خلي ناس ابكرشولا فدخلوا بكل حماس ارهابي فتم القضاء عليهم بالكامل
ثم هم الان على ابواب ابكرشولا دون التوغل فيها حتى الساعة خوفا من تكرار ما حدث لمليشيات المنتصر ومين ما عارف من اوهام مسميات ابوريالة ورئيسه
من ماجوري جماعة الاخوان المتاسلمون الارهابيون بفهمهم الفاشي الوافد في السودان

وحتى الان هم ليس في محاولة التوغل داخل ابكر شولا وانما الدفاع من هجمات قوات الجبهة الثورية في اطراف اب كرشولا
وسرعان ما قام ابوريالة لاصدار بيان بالتلفون فقط يعني كل القنوات الفضائية في الخرطوم ومراسلي القنوات الاقليمية لم يجد ابوريالة كاميرا ولو بتاع الجيش ليضعه امامه لاذاعة
بيانه مما جعل البيان مثل اشرطة الارهابي السابق بن لادن او سلفه الظواهري وطوالي رئيسه الراقص الفاشي قام صداري بعمل حفلة من الكرتون لاظهار البطولة في القيادة العامة
بناس تابيتا والسيسي وابوساطور واخرين من المجندين الجدد لتاكيد ولائهم للفاشية اكثر من تاكيد استرداد ابوكرشولا بجعير واضح انه خطاب الوداع؟ هذا كل ما في الامر لا اكثر ولا اقل؟

وفوق هذا قام مليشياتهم الارهابية في الاسافير بصياغة بيانات ابدا لا يسطرها الا هم من حيث الانحطاط الاخلاقي والفقر اللغوي في انها تصريحات لرئيس الجبهة الثورية الفريق مالك عقار يقر بالمعركة كمان؟
مع ان المعركة لو حدث اساسا هم عندهم قناة تلفزيون شعب السودان بكامله محتلة عندهم يرقصون فيها لربع قرن فقط ما قادرين يصوروا لنا معركتهم
في ابوكرشولا وكمان محاولة اجبارنا على الاقتناع بان الفريق مالك عقار هو الذي اقر بذلك دا اللهم الا اذا الفريق مالك مقبوض عندهم ايضا مفروض يتم تصويره يتحدث وليس كتابة عرضحالات بلغة ركيكة
لا يسطرها احد في السودان الا كوز ارهابي منحط وفاقد لانسانيته بالكامل؟
وهكذا هم في صناعة الكذب وتصديقه وكمان يفرضوا علينا ان نصدقهم وهنا يتضح انحطاطهم الكامل لا محال؟

الكمرد الاخ المناضل عربي لكم التحية ايها المناضلين البواسل


القول ما قلته يا صديق .. الكل يعلم ماذا جري وماذا يجري في اب كرشولا .. الا هؤلاء المخادعين
هؤلاء الطواغيت يحاولون جاهدين خداع الناس وتصوير انفسهم بابطال اشداء كذباً وبهتاناً ولذلك تراهم ينغمصون في تلفزتهم بالتهليلات والتكبيرات متشدقين ببطولات وهمية لا اساس ولا وجود لها !!
لقد اسقطتم ورقة التوت عن هذه الحيكومة وكشفتم زيفها وضعفها

ناس يدفنون رؤوسهم ولا يستطعون حتي التحدث عن ارضهم المغتصبة التي تدنسه جنود دول اجنبية لا يستحقون الاحترام

معركة هجليج اكدت لنا باننا لا نملك جيش .. بل هم ثلة من الارزقية الجـ بناء (ذوات البطون المنتفخة والاوداج المتورمة) الذين لا يعرفون سوي المتعة
الفرار من ارض المعارك اصبحت سمتهم .. الراحات والمتعة باموال الغلابة قتلت قلوبهم ..
يديرون المعارك عبر الريموت كنترول من علي البعد من داخل غرفهم المكندشة ويدفعون بابناء المساكين الغلابة في الصفوف الامامية للمعارك تارة باسم الجهاد وتارة باسم العرق
ولكن الان فقد وعي الجميع .. لا سوق لتجار الدين والعرق .. ابناء الغلابة وعيوا وحملوا السلاح مطالبين بحقوقهم .. فمن اراد ان يقاتل الان فعليه ان يحمل السلاح بنفسه ويقاتل

هؤلاء هم الابطال الذين يصدعون رؤوسنا في التلفزيون .. نفس الذين يتشدقون بالبسالة وحمرة العين .. ولكن عندما تقول ليهم حلايب تلقاهم يزرطوا زرييييييط .. والله صحيي



انظروا الي هذا الجـ بان الرعديد الذي يجبن من ان يتفوه بكلمة واحدة يثبت سودانية حلايب ويتجنب بكل الوسائل التطرق للحديث عن سودانية حلايب الحبيبة ..
هؤلاء العبثيين الجبناء هم انفسهم الذين يحتفلون ويتشدقون بالانتصارات الوهمية ويهللون ويكبرون بما يسمي بـ(تحرير) اب كرشولا ويجعلون منها بطولات!!

والكارثة لم يتوقف عند هؤلاء فحسب بل يطال جيشهم المسيس الذي لا يعرف الا الدفاع عن مصالح هؤلاء الكيزان الارزقية

جيش يري اراضيه مغتصبة ومدنسة بواسطة جيوش اجنبية (حلايب وشلاتين والفشقة) ولا يستطيعوا ان يقولوا لهم تلت التلاتة كم
جيش يغض الطرف عن تحرير اراضيه المغتصبة بواسطة جنود دول اجنبية ويستميت في مقاتلة شعبه طول الوقت ويسميه انتصارات !!

هل يشرفكم هذا الجيش يا جماعة ؟؟

Quote: King Lear · U.K.F College Of Engineering and Technology,parippally المعوق عقليا بريمة ،،،تعلم أصول اللغة الغربية بعدين ادعي العروبة،،،قلت لي تنحال

ووووب علىّ أنا مالى بشربوا بى القهوة .. ووووب علىّ.

أب كرشولا سبب وجعى .. وووب علىّ.


بريمة

بالله عليك يا باشمهندس تمعن في هذا المسخ المشوه العميل الاسلاموي الذليل يتحدث بدونية وانكسار لارضاء المذيعة التي ظلت تقول نعم نعم لانكسار هذا الذليل الحقير كيف؟
وقارن مع خطاب العلطجي مجند فهم الاخوانجية الوافد الفاشي السفاح البشير بالامس بصدد اب كرشولا وهو يتحدث ضد ابناء شعب السودان برعونة وانحطاط كيف؟
وهذا الذليل يتحدث الى المذيعة المصرية بخنوع ووضاعة كيف وكمان زعلان كيف يجرؤ مساعد فطيس السجم دا عن اراضي السودان المحتلة من قبل مصر؟

والمذيعة بصراحة بصدد محاسبة البيه مرسي في تصريحاته وهي بصدد البحث عن تاكيد تصريحات مرسي الا ان العلطجي حامل عفن مفاهيم الاخوانجية الارهابي الارزقي قد انكسر مطيعا
مادحا العلاقة مع المستعمر المصري مطبلا لدرجة ان المذيعة اعطاها درجة عظيم عظيم وبسمة استفزازية لهذا الدعي الطنبال ذيل الاخوان المتاسلمون في السودان؟ فتامل؟؟؟

ليخرج مرسي بريئا وتم تحميل الطين لابن السودان موسى محمد احمد طبعا الذي اصبح ضحية حقيقية وهو صاحب حق فعلا؟
تذكر زمان قلنا انو حكام السودان تاريخيا تنصبهم مصر الاستعمارية لرعاية مصالحها وتاكيد تبعية السودان لها لا اكثر ولا اقل

و بكل جدارة استطاعوا تصدير الاخوانجية الخوافون الارهابيون الى السودان وتوصيلهم الى سدة السلطة في السودان بالتعاون مع الطائفية التي هي ايضا صناعة مصرية بالكامل
وابدا في هذا المواقف الدونية الانحطاطية مع مصر الاستعمارية لا يختلف عن الصادق ولا نميري ولا الازهري ولا عبود ولا المحجوب
ولا هم يحزنون كلهم واحد عبارة عن ايادي مصرية منصبة في بلاد السودان ولكل منهم دوره وفق الزمان والمكان طبعا

وحتى حكام الفترات الانتقالية حيث قال سوار الدهب بالفم المليان يا ريد نظل تحت التاج المصري؟ الذي تم الغائه في مصر نفسه بينما نحن مازلنا نقبع تحت التاج المصري فعلا حتى الساعة
فانظر لهؤلاء الاوغاد كيف ان هذا المجند المصري الذي ظل يقتل شعب السودان كالذباب وفي نفس الوقت ينصاع كالك ل ب الوفي للتاج المصري الاخوانجي كمان؟

ودا مش انبطاح وحسب وانما عمالة برذالة كمان فهذا المسخ الرذيل يقاتل في الحدود مع جنوب السودان الذي مازلنا شعب واحد مهما فعل هؤلاء الاوغاد الممسوخين
كما يقتل اساس جيش السودان منذ بعانخي مرورا بادم ام دبالو في جبال النوبة ضد الغزو/ المصري/ التركي/ الانجليزي
ويرتكب الابادة الجماعية في دارفور من حراس حدود السودان غربا وشمالا معا ؟
وهكذا هم حكام السودان منذ الاستقلال فهذا المسخ يجسدهم تماما جميعا ويعبر عن مسلكهم كارذل انواع نخب السلطة العملاء في المنطقة منذ الاستقلال ولا عزاء

يا اخي دا مش فضيحة دا عار حقيقي للسودان وانكشاف تاريخي لهؤلاء العملاء الاراذل المنكسرون في قتلهم لشعبهم والسؤال لماذا بس كل هذا البطش والقتل الانتقامي التاريخي
لشعب السودان وتمزيقه واهدار ثرواته وبيع مواقفه كشعب مستقل ؟ والانكسار بدونية ورذالة للغزاء المستعمرون العرب عموما والمصريون تحديدا؟
فقط بسبب تاكيد انهم عرب وجزء من العرب في بلاد العرب وليسوا باعتبارهم سودانيون اولا وحكام كيان جغرافي ذات مستقل وله سيادة ابدا وانما مجرد جالية عروبوية في بلاد السودان ليس الا؟
شكرا لك

شكراً يا كمرد علي الشجب والادانة .. بالمناسبة ان كان هذا السودان ملك للشعب لرمي بمثل هذا الارزقي المعتوه ال######## الي مزبلة التاريخ من غير رجعة ..
ولكن نسبة لان السودان اليوم هو ملك لهذه الزمرة الفاسدة فلا يوجد اي جهة يحاسبه علي هذا الخزي والخيانة الوطنية



سنعود للمواصلة بعد الدوام انشاء الله

إن شاء الله تكون عِرفتا البلـيـد مِنو يا تـافِـه

غرِّد مَعي على تويتر