ياجماعة بجد انا اسف

لكن ده حال البلد



مصلاتي والفجر البعيد
والدعوة ليه ما بتستجيب؟!
مخلاتي والزاد الكمل
والسكة ما بانت قريب
ضاعت حدود الامكنة
واتشوهت كل الخرائط
عم الخراب في كل جيب
شاهت ملامح الاغنيات
واستوطن اللحن النحيب
ما كان عشم نخلات ضفاف النيل
تهبهب في السموم
لكن خريف العينة اصبح زي غريب
المطرة لابتصب
ولا نيلا بفيض
والناس تتاوق لي نهار اصبح كئيب
شمسا بتجلد في الوشوش
عرقا بسيل
من محنة الجو السخن
ومآسي تحرق للقليب
كتمت
والحر بيلفح جوة
في عمق الوجيب
هربت نسايم الفرحة
من بلدا
توشح بالخراب
وين الايادي الكان بتنده لي السما
يارب تجيب
لبست مآذن هادي المدينة
توب غريب
شفاف وتحت التوب عري
ودينا عجيب
والناس متلتلة بالديون
ماهية السجم الرماد
لا تكفي دين
لاحق ملاح
لا حقنة للشافع تجيب
آآآآآآآآآآآآآآآآآآه يابلد
لما المدارس والمدرس كانو زي
الانبيا
علمونا
انو التتار ماضي انتهى
لكنهم
ما عرفو
لمن يدور عجل الزمن
ببقوا التتار جوة البيوت
يملونا بالخوف الرهيب
يابوم مليت الجو نعيق
وين البلابل ، العنادل
والقماري
وغنية تفرح للحبيب
وبس

*

حميل بالجد..صورة تطابق الواقع.

الفين سلام يا دكتور

غايتو نقول الشكية لى اب ايدا قوية
لكن ياهو الحال فلا تأسف للقول

(حميل بالجد..صورة تطابق الواقع.)


طيب يا سمعة مش لازم تتغير؟

شكرا سمعة

حبة فوق

وتاني فوق

قليلاً من التفاؤل

Quote: عما قريب الهمبريب يفتح شبابيك الحبيـب والحال يطــــــــــيب يا محمد أحمد تستجم البيت يتــــــــــــــــم تتلم تلــــــــــــــــــم تفــــــــــــــرح فرح تحلم حلــــــــــــــــم كم تطمئن......... ********** حقك يجيـــــــــــــــك لا فيهو شــــــــــــــك ويفوتو هــــــــــــــــم والعدل يعــــــــــــــم وتغـــــــــــــــــني أم كادت تجـــــــــــــــن كبر الولد جوه السجن فاقداهو هي......... *********** دا كلو كلو ينتهــــــــــــى زولاً تريدو وتشتهـيـــــــه تلقاهو فــــــــــــــــــــــي لا فى السجــــن لا مختفي لا يقولوا ليك ما تمشي ليه ************* عما قريب الهمبريب يفتح شبابيك الحبـيب.