اعتذار السودانيين بخصوص اعلان جريدة المبوبه السعوديه

بعد احتجاج كبير اجتاح مواقع التواصل الاجتماعى ومواقع الانترنت السودانيه ,,, والاتصال هاتفيا بصاحب الاعلان
الذى ورد بجريدة المبوبه الاعلانيه السعوديه بتاريخ 23/5/2013 والذى استثنى الجنسيه السودانيه دون سواها من التوظيف
اعتذر صاحب الاعلان رسميا اليوم الاثنين 27/5/2013 بجريدة الجزيره السعوديه عن الاعلان السابق وعزاه لخطأ من الصحيفة

الاعلان الذى ورد بجريدة المبوبه الاعلانية السعودية

اسف للخطأ غير المقصود بالعنوان

(اعتذار للسودانيين) وليس ( اعتذار السودانيين)

ماقصَر تب
له الشكر
الاعتراف بالخطأ برضو فضيلة

السلام عليكم اخي


ببقي البيان بالعمل

الكلام في الجرايد ساهل

Quote: السلام عليكم اخي ببقي البيان بالعمل الكلام في الجرايد ساهل

اهلا فريده

الكلام ورد فى الجرايد لذا وجب الرد عليه فى الجرايد كذلك

تحياتى

Quote: ماقصَر تب له الشكر الاعتراف بالخطأ برضو فضيلة

الاخ حيدر
الرجل عند الاتصال به هاتفيا وعد بالاعتذار رسميا عبر صحيفة الجزيره وقد فعل
وسيصدر اعلان عبر نفس الصحفيه التى ورد فيها الاعلان حسب قوله ,,,,,
لكن المعروف ان الخطأ فى الاعلان يمكن ان يكون فى كلمه او ترتيب كلمات او حروف قد تغير المعنى
لكن وجود جمله طويله عريضه زى ( جميع الجنسيات ما عدا السودانيين ) دى حاجه وراها كلام ,,,

تحياتى

طالما اعتذر ما لينا حق نطلب منو حاجة اكتر من كدة نحن ما مشاركنه في حلاله .... ولا شنو؟؟

اعتقد ذلك يا نادر ,,, فى النهاية له مطلق الحريه يعين سودانيين ام لا ,,, فقط بعيدا عن الاسلوب المذكور ,, والراجل اعتذر
فى النهاية الشغله فيها تقديم سير ذاتيه ومقابلات ,,, ممكن يكتب اعلانو بدون استثناء وهو حر يقبل سودانيين او يرفضهم

الإعتذار بالذنب فضيلة

بقينا ملطشة

ينبذوك وبعدين يعتذروا ليك


من يهن يسهل الهوان عليه

ان الأعراب اشد كفرا ونفاقا

الاخ ايمن حبابك

انت عارف يا صديق .. العيب ليس فيهم بل العيب فينا نحن ديل .. والله صحي
الحيكومة العفنة دي هي السبب في تلوث سمعة الانسان السوداني وجعله مكروها اينما حلّ
السودانيين كانوا في الماضي من اكثر الناس الذين يحذون بالاحترام والمحبة لدي الخليجيين بالذات
ولكن بعد مجئ الانقاذ .. اعتاد الناس علي ان يسمعوا كل ما هو اسوء عن السودانيين في التلفزة والاخبار والصحف
وبرضو الانقاذ هي السبب في تعذيب وافقار الناس وتشريدهم وجعلهم يفعلوا اشياء قبيحة لم يعتادوا علي فعلها من قبل (يعني زي جرائم السرقة والاحتيال وما شابهه)

يعني الانقاذ هي السبب بطريقة مباشرة او غير مباشرة .. ولذلك فما نلومهم بل نلوم انفسنا

اذا كان الغراب دليل قوم فلا وصلوا ولا وصل الغراب


لك الله ايها السودان

Quote: طالما اعتذر ما لينا حق نطلب منو حاجة اكتر من كدة نحن ما مشاركنه في حلاله .... ولا شنو؟؟

المسالة ليست بهذه البساطة يا عمدة

المسالة يكمن في كامل سمعة الانسان السوداني وموقعه من الاعراب !
المسالة يحتاج الي دراسة وتأني لاصلاح الخلل من اجل استعادة كرامة الانسان السوداني وهيبته وكبريائه
الاعتذار شيئ جميل بلا شك ولكن الاعتذار والسكوت عليه لا يحل المشكلة .. قد يكون الناشر له ما يبرره في فكرة استثناء السودانيين من التوظيف!

الحكاية محتاجة الي نظرة اعمق ..

ما الذي جعل هذه المؤسسة تستثني السودانيين وترفضهم ؟
ما هي أخظاء وعيوب السودانيين الذي جعلهم يكونوا منبوذين لهذه المجتمعات ؟
هل الاستثناء ورائه دوافع عنصرية ام دواعي احترازية ؟

كلها تساؤلات محتاجة لاجوبة وبرواقة ونفس بارد

شايف الاخوة من الفيس بوك زعلانين شديد ومتحاملين علي الناشر بغضب كبير

لكم الحق في ذلك .. ولكن اليس من الافضل ان ننظر الي توضيحاته ومبرراته ومن ثم نحكم عليه

قد يكون له ما يبرره يا جماعة .. انا شخصيا سمعت باشياء غير حميده يقوم به بعض السودانيين في الخليج .. لا ادري ان كان ذات السبب هو الداعي وراء استثناء السودانيين من التوظيف!

شخصيا متفق معاكم لحد كبير في عملية الغضب دي .. لسبب واحد وهو استخدام هذه المؤسسة لاسلوب التعميم (يعني كل السودانيين اكيد ما ممكن يكونوا كعبين)


فتشو في الاسباب يا جماعة!!

توجد خانة أساس.. في السيرة الذاتية
(الجنسية)
يعني العربي ده لو ما عايز سودانيين.. ممكن يوقف جمب الفاكس.. واي سيرة ذاتية مكتوب الجنسية (سوداني) يشرطها طوالي..


لكن الموضوع.. وراهو استهزاء.. والخطأ غير وارد أبداً.. في مثل صياغة هذا الإعلان..


-***-
المثل القديم مالك زي التقول ودر لو
ما قالو الاضينة اكفتو و أتعزر لو


**
والإعتذار أيضاً... يؤدي نفس الغرض.. إعلان.. بهوان السوداني على الناس!