عاجل: الخرطوم الآن .. على حافة السقوط ..

حصار من جميع الاتجاهات وفي كافة الجبهات على محيط الخرطوم ..
انعدام كامل للرؤية والمواطنون يلتزمون منازلهم ويترقبون انجلاء الموقف ..
القصف الهوائي المكثف تسبب في تعطل شبكات الكهرباء والمياة وأغرق العاصمة في ظلام دامس
والي الخرطوم طمأن المواطنين بقوله (نوموا قفا) فإذا بهم يصحون على أصوات الانفجارات ووابل من السماء يهبط فوق رؤوسهم ليلاً ..

الأجواء الخرطومية الآن غائمة ومغبرة و تبشر بخريف مبكر ...
وما عاصفة ليلة أمس .. والرذاذ المنتشر في سماء الخرطوم الآن ..
إلا وفد المقدمة الذي يبشر ببداية سقوط الأمطار ...




..
..
إعلام الجبهة الثورية المضادة ..

هههه وامتلأت الشوارع بالزومبي
صحي امبارح خليه ساكت، غبار + مطرة = طين

في ابي كرشولة أُخذوا على حين غرة
ان شاء الله الخريف برضو ما يباغتهم لكن الخضر ما عليهو خوف عندو خبرة في التعامل مع المفاجآت الغير سارة ودونكم (لبعة) بني صهيون

سلامات أخ مهدي ..
على حد زعم ناس الجبهة الثورية انو الخرطوم حا تسقط فجأة ...
يعني قبل ما تسقط نيالا والله الفاشر والله الأبيض .. القوات ممكن تخش (توشك) الخرطوم وتسقطها ...
مافي حاجة غريبة .. المطرة زاتا زي ما قلت بتجي فجأة فوق راس عبد الرحمن الخضر ... أسع قلنا ننبه ناس الولايةة..
..
جماعة من حناكيش الجامعة طلعوا في مظاهرة أيام نميري .. وكانوا بهتفو .. تسقط تسقط ..
ناس الأمن قبضو واحد وسألوه .. تسقط شنو؟
قال: المطرة ...

تحياتي أخ معتز ..
من لم تقتله الجبهة الثورية في الهامش ..
قتلته ( أم كبق) في العاصمة ..
وما لبلد ميت إيلام.





من لا يعرف أم كبق يستعين بالناطق الرسمي للجبهة الثورية المضادة .