نافذة الفيسبوك - ما لها وما عليها

فتح بكري أبوبكر نافذة الفيس بوك (وكانت لفتة جميلة جداً)، لها العديد من الفوائد ولا أدري إذا كان تحسب – حين فتحها – للنقاط السالبة أم لا.

لا شك أن المنبر قد فاد من هذه الخطوة بإتاحة فرصة لأقلام متمكنة وتعليقات ليس من الذكاء تجاوزها، وما دام ليس في الإمكان منح العضوية لكل من يدخل النيت، فليس أقل من منحهم فرصة للتعبير متى أرادوا، أو ربما هناك من لا يرغب في العضوية، لكنه من وقت لآخر يود أن يدلو بدلوه في أمرِ ما. لا ننسى – بالطبع – الفائدة التي تعود على صاحب الموقع شخصياً بزيادة عدد الكليكات بوجود نافذة الفيسبوك.

مفهوم جداً أنه بفتح نافذة تتيح مشاركة عريضة من ضيوف على الموقع لا تتحكم إدارة الموقع فيما يكتبون ولا تلزمهم نُظُم المنبر، كما أنه مفهوم ظهور طالح وسط الصالح.

ما أود الإشارة إليه في هذا البوست هو أن هناك إمكانية (بل من المؤكد) دخول جهات وجدت لمحاربة المواقع مثل موقعنا سودانيزأونلاين، فكلنا سمعنا أو تابعنا إنشاء جسم بإسم فيلق الجهاد الإلكتروني أو إسم من هذا القبيل. هذه النافذة (نافذة الفيسبوك) إختصرت عليهم عناء السعي للحصول على عضوية المنبر، فكل ما عليهم أن ينشئوا حساباً في الفيسبوك فنتفتح أمامهم نافذة سودانيزأونلاين لممارسة ما يظنون أنه جهاد.

السؤال هنا، وهو معني به بكري أبوبكر: هل تم حساب الفوائد التي يجنيها الموقع وصاحبه مع المخاطر التي يمكن أن يتعرّض لها؟

بالطبع هناك دور يجب على العضوية القيام به، وهو تفويت الفرصة على من يريد تخريب الموقع، لكن في نفس الوقت، هناك بين العضوية، وحسب أجندته، من يمهّد الطريق أمام هذا التخريب.

يا جماعة أنا شطحت والا الكلام ده واقعي؟

Quote: يا جماعة أنا شطحت والا الكلام ده واقعي؟

سلام ابو الريش
الكلام دا واقعي لكن شطحت في مسألة تحميل وزر استغلال النافذة لمحاربة للموقع لما اسميته فيلق الجهاد الإلكتروني
لو كلامك سليم يبقى من المنطق محافظة الفيلق على النافذة و استغلالها في بث اخبار و التشكيك في أخبار أخرى بمداخلات تكون محترمة لا تضطر بكري لغلق النافذة ويريح راسه
لكن تعال شوف السفالة و الحقارة وقلة الأدب معظمها صادرة في حق مؤيدين او مؤيدين مفترضين للحكومة, و على ما يبدو ان مصلحته هؤلاء في اغلاق النافذة بالمبالغة في السفالة و البذاءة

تعرف المشكلة شنو يا أبو الريش
المشكلة في الناس العندهم باسويردات هنا واتخذوا
من الفيسبوكـ مطيّة لتصفية الخلافات بصورة غير أخلاقية!!

ثم ياخ المؤتمر الوطني ما محتاج لناس الفيس
عندو ناسو المنظمين هنا شغالين بالأسماء الحقيقية




_
الفيسبوكـ فيهو تعليقات جميلة وناس حلوين
لكن يبدو أن قانون الطبيعة (الشر يعم) ح يطلع روحهم!!

سلام محمد البشرى ..

Quote: المنطق محافظة الفيلق على النافذة و استغلالها في بث اخبار و التشكيك في أخبار أخرى بمداخلات تكون محترمة لا تضطر بكري لغلق النافذة ويريح راسه

ممكن تكون في النوعية دي .. ولا ينفي ذلك وجود النوعية التخريبية (كل نوعية ليها أغراضها).
في النهاية أنا طبعاً ما عندي علم بشئ .. هي تساؤلات ولو صدقت، يبقى الموقع مهدد يمكن بصورة أسوأ من تهديدات الهكر.

بالمناسبة (فيلق الجهاد الإلكتروني) أنا ما متذكر الإسم شنو بالضبط، لكن أذكر كان في فيديو حايم هنا عبارة عن تقرير من تلفزيون الجزيرة يعلن قيام هذا الجسم.

تحياتي

سلام ود الصايم ...

Quote: ثم ياخ المؤتمر الوطني ما محتاج لناس الفيس عندو ناسو المنظمين هنا شغالين بالأسماء الحقيقية

عشن كده أنا قلت:

Quote: لكن في نفس الوقت، هناك بين العضوية، وحسب أجندته، من يمهّد الطريق أمام هذا التخريب.

Quote: سلام .. ناس الفيس بوك الاصليين ناس كويسين ماعندهم عوجة . بس الدخلاء عليهم من ناس المنبر هم اُس البلاوي وعملونا ساتر ليهم وشالو حالنا ودقو طارنا الضغينة البيشيلوها يتحاومو بيها زاتا ما حلوة ياخ فش غبينتك محل ما انت قاعد وكفى الله المؤمنين شر القتال هههه

-

أؤيد رأي (أم مؤيد) في الفيسبوك

وأرى أن الفساد، في الحياة ، كما هو في السياسة وفي المنبر يبدأ من أعلى...

الصراعات الشخصية والضغائن المتبادلة تحتل مساحة كبيرة أعلى المنبر..

وما يحدث في الأسفل – في معظمه – هو إنعكاس لما يدور بين العضوية النظامية للمنبر في الأعلى

علينا أن نُفسح صدورنا في الأعلى ، وأن ندع ألف زهرة تتفتح في الأسفل

...
..
.

في المملكة العربية السعودية هنالك لائحة تسمى لائحة النشر الالكتروني صادرة من وزارة الاعلام .. بموجب هذه اللائحة تخضع جميع المواقع الاخبارية والمنتديات لوزارة الاعلام .. وعلى الصحيفة الالكترونية الحصول على الترخيص اللازم .
تخيلوا اذا الحكومة السودانية قامت بإصدار لائحة نشر الكتروني وعملت ليها نيابة ومحكمة مختصة وحجبت جميع المواقع الاخبارية المعارضة . هل هنالك خطة بديلة ؟

أبو أحمد من الفيسبوك قال:

Quote: الموقع ده أنا متابعو من سنة ساعة النت كانت بـ15 ريال، ونسبة لأني زول عنقالي، لم أتجرأ يوماً للتسجيل أو طلب عضوية، نسبة لما كان فيه من فطاحلة ونخب مثقفة، وما كان يدمغ به حينها إنو كلو معارضين ما عندهم موضوع، لكن الحين يشهد الله عايز أربط حماري مع حمير اللي (كانوا) كتبة، فقد اتضح مؤخراً أن الأوراق التي يطلبها بكري والتزكيات والتوصيات ينقصها أهم مستند، وهو مستند الخلو من الأمراض النفسية، يا أخي اللي عندو: شيزوفرينيا، واكتئاب، وقلق، واللي عندو رهاب، والسادي، والنرجسي، لا وكمان جابت ليها وومن فوبيا- وده نجرتو من رأسي الكبير- ما أهو النجر شغال حتى في الصحف السيارة- العهدة على ملاسي- بقت علي أنا ده. ----------- أمسكو ناسكم يا أستاذنا أبو الريش، وصحي يعملوها الشرانيين ويقعوا فيها ناس (نافذة الفيسبوك).

ما عندنا أي تحامل على ناس الفيسبوك ... وأنا قلت فوق إنو وجودهم مثل إضافة للموقع.
بس في نفس الوقت فتح باب لأصحاب الغرض.

عموماً لست من مؤيدي إغلاق هذه النافذة

الصادق عبدالله ....

Quote: الصراعات الشخصية والضغائن المتبادلة تحتل مساحة كبيرة أعلى المنبر.. وما يحدث في الأسفل – في معظمه – هو إنعكاس لما يدور بين العضوية النظامية للمنبر في الأعلى علينا أن نُفسح صدورنا في الأعلى ، وأن ندع ألف زهرة تتفتح في الأسفل

شكراً ليك ... وأنا ما مختلف معاك.

بس هل الكلام ده ينفي وجود أصحاب غرض؟

Quote: يا جماعة أنا شطحت والا الكلام ده واقعي؟

واقعي يا الحبيب

بوست ناجح وموفق بدليل التفاعل الجميل الذى وجده من ناس الفيس بوك

مصعب شرف الدين من الفيسبوك:

Quote: السلام عليكم الباش مهندس بكري المحترم ,, والتحيه لاعضاء منبر سودانيز اونلاين المحترمين انا من متابعين المنبر من سنه 2004 صراحه انا شخصيا استفدته كتير من المنبر ثقافه عامه ومن مفكرين وكتاب ومواضيع ثره ,, وانا اجزم يا الاخ بكري انو المنبر مستهدف من قبل بعض عضويتكم هنا في المنبر ,, وانا ااوكد لك انو ناس الفيس بوك الاصليين مابعملو الجوطه الكتيره دي لانو اي واحد فينا بعاين لعواقبه شنو ومايميله ضميره وناس الفيس بوك صراحه فيهم الناس الجبابره وعقلانين ,, فعشان كدا في ناس من عضويه سودانيزاونلاين بخشو هنا باسماء مستعاره ليسعو لتصفيه الحسابات وايضا لاغلاق نافذه الفيس بوك ,, لو بتلاحظ في الفتره الاخيره في اصوات بقت تطالب باغلاق نافذه الفيس بوك ؟؟!! صراحه المنبر العام فيه اناس محترمين ويجبروك انك تحترمهم ,, لكن في ناس مابعجبهم دا عاوزين المنبر يكون مقلوب ,,

مصعب عوض الكريم ...
نحن بالتأكيد لا ندعو لتقييد المواقع ولا يمكن السماح للحكومة بوضع قيود عليها.
على أي حال موقعنا هذا بعيد عن أيدي السلطات السودانية، ومن حيث (الجنسية) فهو أمريكي ويخضع للقوانين الأمريكية.
أما من ناحية الحظر ... فقد تعرض، ويتعرض دوماً، موقع سودانيز للحظر والهجوم الإلكتروني .......... والجمل ماشي.

الهجوم الذي يفترضه هذا البوست من نوع مختلف.

سلام أم مؤيد (الفيسبوكاب) ....

طيب ... كيف نفرّق بين (ناس الفيسبوك الأصليين) والتايوانيين؟
الحكاية جايطة شديد .. عشان كده ظهروا البيصطادوا في الموية العكرة.

Quote: بوست ناجح وموفق بدليل التفاعل الجميل الذى وجده من ناس الفيس بوك

شكراً شيقوق ....
بس شايف ناس الفيسبوك إتحسسوا

تعرف يا ابو العزائم, فى واحد كدى بيطاردنى لزمن و يشتم فينى و لكن اليوم اضحكنى لمن ادمعت عيونى, قال لي تعال شتمنى فى الفيس بوك لانه عائش هناك!!!

Quote: الله يديك العافية خلاص قبتلوا علينا الله يكرمنا بباسوورد زيك

ابو العزائم سلام
تعرف الدعوة التحت دي ندمان اني ما دخلت معاها مليون دولار وعمارة عشرة طوابق

يا عبدالسلام,
بكرى رسل لك الباسوورد متين?
مش انت كنت بتشتكى قبل شوية تحت?
اهلا و سهلا.

Quote: يا عبدالسلام, بكرى رسل لك الباسوورد متين? مش انت كنت بتشتكى قبل شوية تحت? اهلا و سهلا.

مشكووور زكريا على الترحيب
اليوم الساعة 8صباح الريس رسل الباسوورد

مرحب بيك بي فوق يا عبدالسلام ....

Quote: تعرف الدعوة التحت دي ندمان اني ما دخلت معاها مليون دولار وعمارة عشرة طوابق

ندمان ليه ...... الباب إتقفل؟
أرقعها بي أي دعوة عايزها.

المهم ...... الله كرمك بباسوورد ......... ورينا الهمّة.

سلام زكريا جوزيف ....

Quote: تعرف يا ابو العزائم, فى واحد كدى بيطاردنى لزمن و يشتم فينى و لكن اليوم اضحكنى لمن ادمعت عيونى, قال لي تعال شتمنى فى الفيس بوك لانه عائش هناك!!!

يا زكريا، فعلاً في ناس (عايشين) في عالم النيت، حروباتهم وخصوماتهم كلها هنا.
زولك ده ما تزعّلو ... طالب شتيمة، أمشي أشتموا هناك

أصحاب الموضوع ... ناس الفيسبوك ...
يوسف بشاري (أرجو أكون كتبت الإسم صحيحاً):

Quote: Yousif Bashari · الأكثر تعليقا · Stratford Career Institute أستاذ ( أبوالريش) تحياتى ... ياخى صراحة النافذة أتاحت لينا إنو نعبر عن رأينا فيما نقرأه من الكلام الجميل والمفيد .. زمان كان الواحد يمشى ينوم بغبينته من بعض ( المهرطقين ) فى سودانيزأولاين وماقادر يقول حاجة ونفشها فى عيالنا ... هسع الواحد بقى يقولها عدييييل كدا فى عين أى واحد ماعاجبنا الكلام البقول فيهو ... ياخى صراحة فيكم ناس مابعرفوا الواو ( الضكر ) من ( الخنثى ) ....ونحنا متحملين عمرنا دا كلو كفاية البعض منكم يفتح ( بوست ) كلو ( أردم ) و( هيييع ) و ( كع ) .. صراحة لايهمنا ان أستمرت النافذا أم لا .. فالمواقع على قفا من يشيل منتظرين كلمة ( كليك ) ..!

كلامك تقريباً متطابق مع كلامي في المشاركة الأصلية للبوست.
مؤكد المواقع كتير و(على قفا من يشيل) زي ما قلت. لكن أنا أصلاً ما حجرت على زول يشارك، ولا أملك ذلك ... بالعكس، كلامي فيهو ترحيب بمشاركات الفيسبوك، فقط هنا نناقش السلبيات.

لك التحية.

سيدا زاتو ......

Quote: النجيضة منبركم دا لو نضف من الطوربيدات أموروا بتمشي وسمعتوا حترجع تاني الكلام البيحصل تحت دا تداعيات للمطارادات الطفولية الفوق

نتعشم أن تصبح مشاركات الفيسبوك أصيلة وليست مجرد تداعيات.

دم بخير