ود الباوقة، و لو لمرة واحدة خليك عقلاني!! هل بنات الكاريبي محجبات؟؟؟؟؟؟
هي الانقاذ كذلك احمل مصحف و قل ما تشاء ربي دقن و افعل ما تشاء البس حجاب و كن كما تشاء
Post: #3 Title: Re: لا حولاااااااااااا ........معقولة الفيديو ده في السودان Author: جمال السنوسي Date: 05-26-2013, 08:15 AM Parent: #1
يا حليلك يا بلد
ويا حليل عاداتنا
وتقالدينا
ومورثاتنا
يا حليل البارتي بتاع زمان
الاولاد في ناحية والبنات في ناحية
ويلمك معاهم ساحة الرقص
ومن بعيد
هسه البارتي بقى نهاري
وفي شاطي النيل
وترقص زي ما عايز
وتقبض زي ما عايز
وتحضن زي ما عايز
و ... زي ما عايز
وعلى عينك يا تاجر
يا رب استر ولايانا
Post: #5 Title: Re: لا حولاااااااااااا ........معقولة الفيديو ده في السودان Author: حسين ديقول Date: 05-26-2013, 08:21 AM Parent: #3
هذا شاطي النيل الابيض يا عمر ود الباوقة وليس الكاريبي
وإن كان شاطي الكاريبي هل القوم كاريبيون
Post: #6 Title: Re: لا حولاااااااااااا ........معقولة الفيديو ده في السودان Author: ناصر حسين محمد Date: 05-26-2013, 08:24 AM Parent: #5
أيوه ياجمال ده في السودان وتقريبا جهة جبل اولياء المؤسف التعليقات على الفيديو .. شاهدته قبل فترة وتعجبت حقيقة لدولة الشريعة والاسلام ياريت ود الباوقة وملاسي يجو يفتونا في الدولة الاسلامية مع العلم ان هذا وضح النهار
Post: #7 Title: Re: لا حولاااااااااااا ........معقولة الفيديو ده في السودان Author: ناصر حسين محمد Date: 05-26-2013, 08:26 AM Parent: #6
Quote: اعتقد انه بحر الكاريبي
ما بالغتا يابقة
Post: #8 Title: Re: لا حولاااااااااااا ........معقولة الفيديو ده في السودان Author: newbie Date: 05-26-2013, 08:36 AM Parent: #7
Quote: الصورة لا اعتقد انها من السودان
الو س خ في الأرض يدل على المكان
------------ تعديل كلمة
Post: #9 Title: Re: لا حولاااااااااااا ........معقولة الفيديو ده في السودان Author: بدرالدين الطائف Date: 05-26-2013, 08:38 AM Parent: #8
Quote: الصورة لا اعتقد انها من السودان
الساحل هو لبحر
اعتقد انه بحر الكاريبي
وشكرا
فى هايتى وإنت الصادق.
وإنت عامل إيه.
Post: #10 Title: Re: لا حولاااااااااااا ........معقولة الفيديو ده في السودان Author: ناصر حسين محمد Date: 05-26-2013, 08:39 AM Parent: #7
عشان ود الباوقة يوصف لينا الكاريبي
Post: #11 Title: Re: لا حولاااااااااااا ........معقولة الفيديو ده في السودان Author: اسامه خليفه Date: 05-26-2013, 08:43 AM Parent: #7
لاتوجد مشكله في هذا الفيديو اذ معظم الفتيات محجبات ..
تحياتي جمال ..
Post: #12 Title: Re: لا حولاااااااااااا ........معقولة الفيديو ده في السودان Author: عادل الباهي عبدالرازق Date: 05-26-2013, 08:52 AM Parent: #11
الوضع حصل كدة في السودان ؟؟؟
أحسن لينا البؤرة ، البؤرة ولا المرا المأسورة
جمال السنوسي حياك الله
Post: #13 Title: Re: لا حولاااااااااااا ........معقولة الفيديو ده في السودان Author: عكود عبد القادر عكود Date: 05-26-2013, 09:20 AM Parent: #12
حاجة تفقع المرارة فقععععععععععععععععععععععع
Post: #14 Title: Re: لا حولاااااااااااا ........معقولة الفيديو ده في السودان Author: ناذر محمد الخليفة Date: 05-26-2013, 09:36 AM Parent: #13
بحر ابيض ..
له زجل من جال الى جال ...
جبل اولياء الضفة الغربية أو السليمانية ..
كدة وزاد وجدي ...!
Post: #15 Title: Re: لا حولاااااااااااا ........معقولة الفيديو ده في السودان Author: عادل خياري Date: 05-26-2013, 09:56 AM Parent: #14
نعم الفيديو في السودان موجود في النت مكتوب عليه رحلة اولاد الجبل او حاجة بالشكل ده لكن ياراعي المقطع ماكان في داعي لمزيد من التشهير
Post: #16 Title: Re: لا حولاااااااااااا ........معقولة الفيديو ده في السودان Author: هشام عباس Date: 05-26-2013, 10:00 AM Parent: #13
بالله الواحد فيهم متشعبط في التانى زى الضب ناس الكاريبى ديل رقاصين خلاث
Post: #17 Title: Re: لا حولاااااااااااا ........معقولة الفيديو ده في السودان Author: عبد العزيز محمد عمر Date: 05-26-2013, 10:10 AM Parent: #16
أريتو كان منجضين رقيصهم ....
شعلقة بس ..
Post: #18 Title: Re: لا حولاااااااااااا ........معقولة الفيديو ده في السودان Author: Mohd Ibrahim Date: 05-26-2013, 10:15 AM Parent: #17
مساكين فاقدين حنان .....كبت كبت كبت وبس
Post: #20 Title: Re: لا حولاااااااااااا ........معقولة الفيديو ده في السودان Author: garjah Date: 05-26-2013, 10:20 AM Parent: #18
البلد انتهت يا جمال السنوسي
ود الباوقة
فضل ليكم شنو تاني ؟
Post: #28 Title: Re: لا حولاااااااااااا ........معقولة الفيديو ده في السودان Author: garjah Date: 05-26-2013, 10:52 AM Parent: #11
Quote: لاتوجد مشكله في هذا الفيديو اذ معظم الفتيات محجبات ..
يا زول انت نصيح؟؟
Post: #24 Title: Re: لا حولاااااااااااا ........معقولة الفيديو ده في السودان Author: جمال السنوسي Date: 05-26-2013, 10:48 AM Parent: #6
Quote: مع العلم ان هذا وضح النهار
نلصر حسين
يا ليل ابقالي شاهد
وبالليل ده ماشي وين انتهت خلاص
بقينا في عز النهار بدل عز الليل
Post: #19 Title: Re: لا حولاااااااااااا ........معقولة الفيديو ده في السودان Author: جمال السنوسي Date: 05-26-2013, 10:20 AM Parent: #5
حسين ديقول
طبعا ما معقول
وصلنا مرحلة لا تصدق
وما خفي اعظم
Post: #22 Title: Re: لا حولاااااااااااا ........معقولة الفيديو ده في السودان Author: محمد جلال عبدالله Date: 05-26-2013, 10:36 AM Parent: #19
شيء مؤسف بالجد.. انحطااااااط والله المستعان لكن برضو أي زول علماني أول ليبرالي ما مفروض يعترض على فيديو زي ده مش في العلمانية أي زول بي جازو؟؟
تحياتي يا أخ جمال السنوسي
Post: #23 Title: Re: لا حولاااااااااااا ........معقولة الفيديو ده في السودان Author: سيف الدين عوض Date: 05-26-2013, 10:44 AM Parent: #22
Post: #25 Title: Re: لا حولاااااااااااا ........معقولة الفيديو ده في السودان Author: Maawya Hussein Date: 05-26-2013, 10:49 AM Parent: #22
الفيديو دا لو وصل لي اهل البنات ديل حا تحصل كارثه ..فحقو ما نساهم في نشروا بي قدر الامكان ..
Post: #26 Title: Re: لا حولاااااااااااا ........معقولة الفيديو ده في السودان Author: عبد الرحيم عبد الخالق Date: 05-26-2013, 10:49 AM Parent: #22
يا اخوانا بصراحة شينة عديل كدة ويا حليل احتفالات الطلاب زمان (حياء وخجل) ولكن للاسف الان في الشاطي وبالنهار استلم واحصد واحدة من نتائج المشروع الحضاري !!!
Post: #27 Title: Re: لا حولاااااااااااا ........معقولة الفيديو ده في السودان Author: Wael Jabir Date: 05-26-2013, 10:51 AM Parent: #22
Quote: شيء مؤسف بالجد.. انحطااااااط والله المستعان لكن برضو أي زول علماني أول ليبرالي ما مفروض يعترض على فيديو زي ده مش في العلمانية أي زول بي جازو؟؟
سلام محمد جلال،
الحاصل في الفيديو دا ما من أخلاقنا كسودانيين ولا كمسلمين، لكن ما معنى كده انه محتاجين وصي علينا كشعب سوداني يجلدنا بالسيطان و يهين أولادنا وبناتنا، كل انسان حر و الصح صح والغلط الغلط...
بالله ما تحاول تبرر لينا للاستبداد و التسلط الفارغ، لأنه بالمناسبة ناس النظام العام (أو أيا كان اسمهم ديل) ما أكثر تدينا أو أخلاقا من أي زول في الفيديو دا عشان يشتغلو حاكمين بأمر الله...
Post: #29 Title: Re: لا حولاااااااااااا ........معقولة الفيديو ده في السودان Author: Maawya Hussein Date: 05-26-2013, 10:55 AM Parent: #27
صاحب الفيديو الاصلي قام بحذفه من الفيس بوك ..اتمني ان يفعل من قام برفعه في اليوتيوب ..لا اظنة سيكون سعيدا عندما يسمع او يقرا عن مقتل ..رفد ..تحطيم .فتاة شاركت في هذه الرحلة
Post: #47 Title: Re: لا حولاااااااااااا ........معقولة الفيديو ده في السودان Author: خضر صيام Date: 05-26-2013, 02:43 PM Parent: #29
ديل كويسين بعيد بعيد في مناظر لصق لصق عديل في حدائق وسط الخرطوم
Post: #48 Title: Re: لا حولاااااااااااا ........معقولة الفيديو ده في السودان Author: عماد حسين Date: 05-26-2013, 03:44 PM Parent: #47
حسبي الله ونعم الوكيل
نقول شنو بس؟
غايتو مافي زول بيرضى لشاب أو شابة من أقاربه أن يكون بهذا الانحطاط
Post: #30 Title: Re: لا حولاااااااااااا ........معقولة الفيديو ده في السودان Author: Emad Eldeen Ali Date: 05-26-2013, 11:01 AM Parent: #1
Quote: الصورة لا اعتقد انها من السودان
الساحل هو لبحر
اعتقد انه بحر الكاريبي
وشكرا
إذا ارتضيت دفن رأسك فى الرمل دعني إذاً اهيل عليه مزيداً من التراب......
ظاهره جديده من جيل الظواهر جيل التسعينات المظلوم, الجيل الذي وضع اباءه بين خيار تربيته أو إطعامه وقطعاً ربح الطعام الرهان. وما هذا الفيديو إلا قطره فى محيط إنحلال هذا الجيل وهو لو تعلمون عميق عمق الفجيعه, نحمد الله ان قيض لنا الإنقاذ وإلا لصار الحال كما فى الكاريبي حيث يجتمع عض الشباب والشابات لأجل التعارف بهذه الطريقه والتي تسمى (نهاريه) من دون سابق تعارف او حتى ملاقاه.
قلة الأدب زمان كانت بي أدب,,,,,,,
Post: #31 Title: Re: لا حولاااااااااااا ........معقولة الفيديو ده في السودان Author: Wael Jabir Date: 05-26-2013, 11:08 AM Parent: #30
Quote: ظاهره جديده من جيل الظواهر جيل التسعينات المظلوم, الجيل الذي وضع اباءه بين خيار تربيته أو إطعامه وقطعاً ربح الطعام الرهان. وما هذا الفيديو إلا قطره فى محيط إنحلال هذا الجيل وهو لو تعلمون عميق عمق الفجيعه, نحمد الله ان قيض لنا الإنقاذ وإلا لصار الحال كما فى الكاريبي حيث يجتمع عض الشباب والشابات لأجل التعارف بهذه الطريقه والتي تسمى (نهاريه) من دون سابق تعارف او حتى ملاقاه.
يا سيد عماد الدين، بأي حق تتهم جيل كامل بالإنحلال، وبأي حق تتدعي زورا على أباءهم انهم ما ربوهم؟
الفيديو سيء و الأولاد والبنات الظاهرين فيهو غير محترمين البتة، لكن دا موضوع، و الإهانة المجانية البتوزع فيها دي موضوع تاني...
زمان كان في بارات وبيوت دعارة في الخرطوم وكل أرجاء السودان، هل دا بيديني الحق انه أقول جيل الستينات أو السبعينات ما مربيين أو (منحلين)؟
Post: #32 Title: Re: لا حولاااااااااااا ........معقولة الفيديو ده في السودان Author: أحمد ابن عوف Date: 05-26-2013, 11:11 AM Parent: #30
Quote: نحمد الله ان قيض لنا الإنقاذ
؟؟؟؟؟؟؟
Post: #33 Title: Re: لا حولاااااااااااا ........معقولة الفيديو ده في السودان Author: اشرف اسحق Date: 05-26-2013, 11:56 AM Parent: #32
الكاريبي لكن ما كاااااااارب
Post: #34 Title: Re: لا حولاااااااااااا ........معقولة الفيديو ده في السودان Author: قرشـــو Date: 05-26-2013, 12:20 PM Parent: #33
غايتو انا بعترف انه الاولاد والبنات ديل اعصابهم فولاذ ياخى بعد الشعبطة دي كله والامور عادية جدا لا دى مقدرة رهيبة على ضبط النفس
Post: #43 Title: Re: لا حولاااااااااااا ........معقولة الفيديو ده في السودان Author: جمال السنوسي Date: 05-26-2013, 01:55 PM Parent: #34
Quote: غايتو انا بعترف انه الاولاد والبنات ديل اعصابهم فولاذ ياخى بعد الشعبطة دي كله والامور عادية جدا لا دى مقدرة رهيبة على ضبط النفس
يا قرشو
الجماعة
ديل
شبعانين .
.
,
رقيص
Post: #74 Title: Re: لا حولاااااااااااا ........معقولة الفيديو ده في السودان Author: garjah Date: 05-27-2013, 10:20 AM Parent: #43
Quote: غايتو انا بعترف انه الاولاد والبنات ديل اعصابهم فولاذ ياخى بعد الشعبطة دي كله والامور عادية جدا لا دى مقدرة رهيبة على ضبط النفس
يا حبيبنا خالد قرشو
عمك كورك للولد
الولد فرتلب كان واقف قدامو ولا يبدو عليه اي شئ
قال ليهو محتار
يا ولدي زمنا
ابوي لما يناديني الا ساعة حتى اقدر اقيف قدامو؟؟؟
Post: #35 Title: Re: لا حولاااااااااااا ........معقولة الفيديو ده في السودان Author: الجنيد حمد Date: 05-26-2013, 12:20 PM Parent: #33
Post: #37 Title: Re: لا حولاااااااااااا ........معقولة الفيديو ده في السودان Author: بدرالدين الطائف Date: 05-26-2013, 12:38 PM Parent: #35
Quote: الفيديو دا لو وصل لي اهل البنات ديل حا تحصل كارثه ..فحقو ما نساهم في نشروا بي قدر الامكان ..
والله يامعاوية حسين إنت راجل طيب. زول ما ستر نفسو وعاوز الناس تسترو . البنات ديل شايفين الكاميرات حامية ويوزعوا فى الابتسامات . ماعارفين التصوير ده ماشى وين.
Post: #36 Title: Re: لا حولاااااااااااا ........معقولة الفيديو ده في السودان Author: عمار محمد ادريس Date: 05-26-2013, 12:37 PM Parent: #30
معقوله بس
Post: #38 Title: Re: لا حولاااااااااااا ........معقولة الفيديو ده في السودان Author: Sayed Bekab Date: 05-26-2013, 12:44 PM Parent: #36
ود العقلي فى الكاريبي ..... لا حولا .....
Post: #39 Title: Re: لا حولاااااااااااا ........معقولة الفيديو ده في السودان Author: قرشـــو Date: 05-26-2013, 12:49 PM Parent: #38
قصيدة للشاعر سعد الدين ابراهيم
ولد وبنت ماسكين بعض بختالوا في عز الصبا طايرين على صدر الأرض والأرض بيهم معجبة and#1645;and#1645;and#1645; كده بسحروكم يا شباب حلوين كده ورايعين كده الريدة وصلت للسحاب بيكم تقول الحب بدا قدلة ثقة وملمح تقى ودّر مخاوفي وبددا في جيل جديد واعي وعنيد دغري وشديد وقلب حديد طالع على الغد سنبلة عارف يحل المسألة ويبدي ويعيد and#1645;and#1645;and#1645; بت من عصير البهجة تطرح برتكان ود من أحاجي بلدنا عامل مهرجان ود النمير فاطنة أم ضمير بالريده واشتعل المكان اتفضلوا على حجرة في ركن القلب استعجلوا خلونا نتناسى الغلب ألم البعاد جرح الوداد بكره الجميلة بتقترب and#1645;and#1645;and#1645; اتماسكوا خلو الايدين قابضات سوا اتوالفوا خلو الأمل يبقى الدوا ده شباب جميل راقي ونبيل عارف تفاصيل الهوى and#1645;and#1645;and#1645; ولد وبت مارقين من العادي ورتيب ولد وبت عاصرين على موسم خصيب رامين هنا وما ضل دليب راسخين سنا وموكب مهيب ولد وبت إن شاء الله يا حظ ما تخيب..
Post: #41 Title: Re: لا حولاااااااااااا ........معقولة الفيديو ده في السودان Author: محمد حيدر المشرف Date: 05-26-2013, 12:51 PM Parent: #38
ود الباهي !!!
Quote: أحسن لينا البؤرة
هاردلك يا مااااان .. كاريبي لي كاريبي أقع الأصلي آ زول !!
Post: #40 Title: Re: لا حولاااااااااااا ........معقولة الفيديو ده في السودان Author: على ميرغني Date: 05-26-2013, 12:50 PM Parent: #30
بعيدا عن المناكفات السياسية غايتو لمن كنا شباب ما كان في زول بيعمل كدا ولو رقص جنس الرقيص دا مع ايتها بت اكيد الموضوع ما كان وقف لعند هنا حتى لو جابو كل كتائب امن المجتمع ويوساف معاها واعتقد ان الشباب الذكور في هذه الصورة من جمهورية خصيانستان
Post: #44 Title: Re: لا حولاااااااااااا ........معقولة الفيديو ده في السودان Author: حامد الغبشاوي Date: 05-26-2013, 01:56 PM Parent: #30
Quote: لاتوجد مشكله في هذا الفيديو اذ معظم الفتيات محجبات ..
يآآآآآآآآآآآآآآآآآآخوانا الكاريبي ده حولوه لاتفاقية حوض النيل ونحنا ما عارفيييييييييييييييييين عشانك يآنيل
................. حالتكم صعبه
Post: #42 Title: Re: لا حولاااااااااااا ........معقولة الفيديو ده في السودان Author: عماد ساتي Date: 05-26-2013, 01:15 PM Parent: #1
هه ... دا عادى ... انتو شفتو حاجه ...؟؟؟
Post: #45 Title: Re: لا حولاااااااااااا ........معقولة الفيديو ده في السودان Author: عادل الباهي عبدالرازق Date: 05-26-2013, 02:21 PM Parent: #42
Quote:
هاردلك يا مااااان .. كاريبي لي كاريبي أقع الأصلي آ زول !!
ود المشرف ياحبيب دي النجيضة النبحث عن الكاريبي الاصلي ههههه ، كل يوم الواحد ينصدم الله لا كسب العولمة السودانيين ديل أخذو منها أسوء الاشياء .
Post: #46 Title: Re: لا حولاااااااااااا ........معقولة الفيديو ده في السودان Author: وضاحة Date: 05-26-2013, 02:38 PM Parent: #45
انا لله وانا اليه راجعوان الفاتحة على السودان
ويقولوا لبنى لبس بنطلون ويعملوا ليها محاكمة ويطاردوها لحدى ما تسيب السودان
اهل البنات ديل وينن لدرجة دى الرجالة انتهت فى السودان
جيل فاشل والله العظيم
غايتوا مبالغة حاجة تحزن
Post: #49 Title: Re: لا حولاااااااااااا ........معقولة الفيديو ده في السودان Author: محمد عوض السيد Date: 05-26-2013, 03:55 PM Parent: #46
..
الفيديو مخجل بحق ومايحدث في هذه الرحلات اكثر من ذلك بكثير ولكن برغم ذلك يوجد شباب جيدين وليس من العدل الحكم علي جيل باكمله !!
مع ودي واحترامي
..
Post: #50 Title: Re: لا حولاااااااااااا ........معقولة الفيديو ده في السودان Author: سارة علي Date: 05-26-2013, 04:06 PM Parent: #49
سلامات معتصم
بدون ما اقول رأيي في الفيديو.. غللللللللللللللللللط كبير انك تنزل الفيديو دا للعامة وانت عارف المنبر مشاهد وعارف الأسر السودانية كدا بتدمروا أسر ما عندها أي ذنب ..وما تقولو لي تربية وما تربية يعني هسه واحدة ممكن اخوها يشوفها هنا ويلحقا امات طه!! حتكون مبسوط؟؟ تصرفهم صاح ولا خطأ دا بيرجع ليهم هم ما من حقنا نتصرف في أأأأأأي فيديو ما بيخص شخص فينا وفي شخص علق انهم يستاهلو ينشروهو أو ما شابه..حيرني طبعا فيا شباب من كان منكم بلا خطيئة فيفلقني بنبلة..
وربنا يصلح شبابنا رجاءا معتصم..ابلع البوست دا
Post: #51 Title: Re: لا حولاااااااااااا ........معقولة الفيديو ده في السودان Author: عثمان الشريف اسحاق Date: 05-26-2013, 04:20 PM Parent: #50
Post: #52 Title: Re: لا حولاااااااااااا ........معقولة الفيديو ده في السودان Author: اميرة السيد Date: 05-26-2013, 04:23 PM Parent: #50
Quote: لاتوجد مشكله في هذا الفيديو اذ معظم الفتيات محجبات ..
>>>>>>>>>>>>>>>>>>>>>>>>>
عزيزي اسامة خليفة
المشكلة كلها في ان البنات ديل محجبات وبعملن هذا العمل الذي لا يقبله المجتمع السوداني ولا المجتمعات المحافظة ولا التقاليد والعادات السودانية .. والحاجة الغريبة ان السلطات المسؤولة تجلد فتاة لا بسة بونطلون وفستان حشمة جدا.. ولكن تغض الطرف عن هذه الفضائح... الأخلاق بدأت تنحدر نحو الهاوية ... فهل من منقذ غير الانقاذ؟؟؟ والله يديكم العافية
Post: #53 Title: Re: لا حولاااااااااااا ........معقولة الفيديو ده في السودان Author: ياسر عبدالكريم محمد Date: 05-26-2013, 04:51 PM Parent: #52
انا لله وانا اليه راجعون
لا حول ولا قوة الا بالله
حسبى الله ونعم الوكيل الفاتحة يا شباب فى المرحوم (السوءدان)
Post: #55 Title: Re: لا حولاااااااااااا ........معقولة الفيديو ده في السودان Author: محمد جلال عبدالله Date: 05-26-2013, 05:08 PM Parent: #53
الأخ المحترم/ wael jabir
Quote: سلام محمد جلال، الحاصل في الفيديو دا ما من أخلاقنا كسودانيين ولا كمسلمين،.
وعليكم السلام ورحمة الله ما من أخلاقنا كسودانيين وكمسلمين مية مية يا زول أنا وانت متفقين في الحتة دي لكن... في ناس في المنبر ده هم عارفين نفسهم كويس بيستنكروا علي وعليك إنو اصلا نعترض على الممارسات دي وحجتهم هي: الحرية الشخصية التي لا تحد بحد ولا تنضبط بضابط، والضابط الوحيد عندهم: ألا تتعدى على الغير! فأنا من هذا الباب أذكرهم بأن هذه لمحة صغيرة وتطبيق حي للمبادئ التي ينادون بها وأنهم لو كانو صادقين في مبدئهم فيجب ألا يعترضوا وأنهم يجب ألا يعترضوا لأجل مكاسب سياسية مثل إلقاء المسؤولية على النظام في حين أن ما يفعله هؤلاء الشبباب والشابات هو عين ما ينادون به .. فعلام الاعتراض؟ هذه هي وجهة نظري التي أردت عكسها ولم أفهم حتى الآن وجه اعتراضك علي في طرحها؟؟!!!
Quote: لكن ما معنى كده انه محتاجين وصي علينا كشعب سوداني يجلدنا بالسيطان و يهين أولادنا وبناتنا، كل انسان حر و الصح صح والغلط الغلط... بالله ما تحاول تبرر لينا للاستبداد و التسلط الفارغ، لأنه بالمناسبة ناس النظام العام (أو أيا كان اسمهم ديل) ما أكثر تدينا أو أخلاقا من أي زول في الفيديو دا عشان يشتغلو حاكمين بأمر الله...
الباقي ده كلو استنتاج انت استنتجتو من كلامي وأنا ما عنيته ولا حتى جبت سيرتو في مداخلتي ومستغرب كيف قادك خيالك الواسع إلى قضية لم أثرها أصلا أنا!!
تحياتي واحترامي
Post: #78 Title: Re: لا حولاااااااااااا ........معقولة الفيديو ده في السودان Author: منتصر صلاح Date: 05-27-2013, 04:06 PM Parent: #53
ود الباوقة .. تأكد لي بان الفيديو مصور في الكاريبي والدليل العازف ( من جزر الباهاما ) في مقطع ود الجنيد ... عشان كدا نوم قفا ومدد كرعيك .
لا حول ولا قوة الا بالله اللهم استرنا في الدارين يارب العالمين
Post: #54 Title: Re: لا حولاااااااااااا ........معقولة الفيديو ده في السودان Author: اسامه خليفه Date: 05-26-2013, 05:05 PM Parent: #52
الاخت اميره السيد ..
وقرجا اذا نطقت اسمك صحيحا ..
والضيوف .. سلام
ماقصده هو الاستهجان الساخر علي هذا الحال وكانني قصدت (والغريبه معظمهن محجبات )وكان بالامكان اضافة الايقونات للوجه الغامز او مشابه ذلك ولكنني لا اجيد استخدام ذلك ..
تحياتي ..
Post: #57 Title: Re: لا حولاااااااااااا ........معقولة الفيديو ده في السودان Author: محمد حمزة الحسين Date: 05-26-2013, 05:14 PM Parent: #1
لا حولااااااااااااا مبالغه لكن يا جمال دى واحدة من ارهاصات غياب شرطة النظام العام : : : حقاً ان الله يزع بالسلطان ما لا يزع بالقرآن
Post: #62 Title: Re: لا حولاااااااااااا ........معقولة الفيديو ده في السودان Author: Hani Arabi Mohamed Date: 05-26-2013, 07:10 PM Parent: #57
لو عرض الفيديوهيّن المرفقين طيّ هذا البوست على عضو البرلمان/ شيخ حسبو ... ربما أفتى بسقوط الخرطوم خلال 12 ساعة
Post: #63 Title: Re: لا حولاااااااااااا ........معقولة الفيديو ده في السودان Author: Muhib Date: 05-26-2013, 07:25 PM Parent: #62
المسيح من اجل هؤلاء ....حياه امام الناس واخري في السر .. الشريعه بدون النعمه بتعلم الانسان يعيش حياتين لان الشريعه لا تستطيع ان تكبح طبيعه الانسان الشريره .. المسيح كان بيمشي لاماكن (الخطاة) وكان بيوعظ وبيحيهم ..لانه عالم بحال القلوب وهو المعالج لها .. السودانين (خطاة) ومحتاجين للنعمه من يسوع .. من كان منكم بلا خطيئه فاليرجم ...
Post: #64 Title: Re: لا حولاااااااااااا ........معقولة الفيديو ده في السودان Author: بدرالدين الطائف Date: 05-26-2013, 07:35 PM Parent: #63
Quote: المسيح من اجل هؤلاء ....حياه امام الناس واخري في السر .
Quote:
Quote: الشريعه بدون النعمه بتعلم الانسان يعيش حياتين لان الشريعه لا تستطيع ان تكبح طبيعه الانسان الشريره ..
ومنو القال ليك يا مقدس أنه حايتهم فى العلن بتختلف من حياتهم فى السر. وشنو علاقتهم بالشريعه أنت بتعرف انهم طارحين نفسهم مشايخ دين ودعاة شريعة فى العلن ولا شنو. مش ممكن الشباب ديل دى طريقة حياتهم وعايشينها بنفس المستوى قدام الناس ولا وراهم.
Post: #66 Title: Re: لا حولاااااااااااا ........معقولة الفيديو ده في السودان Author: د. ياسر عبد القادر Date: 05-26-2013, 10:21 PM Parent: #64
سلامات جمال و عمر
نحن كنا خايفين علي صغارنا في أمريكا (جنب الكاريبي الجد جد ما بتاع عمر )
لكن بعد الفيديو دا.....عرفنا إنهم في أمان و الحبة دي ما بتجيهم
Post: #67 Title: Re: لا حولاااااااااااا ........معقولة الفيديو ده في السودان Author: Abdo Mustafa Date: 05-26-2013, 11:56 PM Parent: #66
واليوتيوب يضج بأسوأ من هذا الفيديو وكلها مارقة من عمق المشروع الحضاري قد يختلف الناس في النشر ولكن لا ينكرها إلا من تعود دفن راسه في الرمال هل هذه فعلا كل بضاعتنا التي نقدمها ....للعالم
بالمناسبة الفيديو محل النقاش كتمة* ودا كتمة وبين كتمة وكتمة........ترتاح الأراء
شعب يحب الكتمة لدرجة قف تأمل
*كتمة: طرب رباعي الأبعاد
Post: #68 Title: Re: لا حولاااااااااااا ........معقولة الفيديو ده في السودان Author: محمد جبره Date: 05-27-2013, 00:35 AM Parent: #67
نسأل الله السلامه
Post: #69 Title: Re: لا حولاااااااااااا ........معقولة الفيديو ده في السودان Author: عمر الحاج Date: 05-27-2013, 02:06 AM Parent: #1
لهذه الاسباب وجهل المواطن وقض الطرف من اعلام الحكومه وعدم شجاعتها عن مواجهت هذه الظواهر والتعامل معاها بموضوعيه (وليس بالعنف والنظام العام ) وعدم التوعيه الصحيه بكيفيت الوقايه من الادز تتزايد نسبه بشكل مخيف
Post: #70 Title: Re: لا حولاااااااااااا ........معقولة الفيديو ده في السودان Author: garjah Date: 05-27-2013, 08:01 AM Parent: #69
Post: #71 Title: Re: لا حولاااااااااااا ........معقولة الفيديو ده في السودان Author: بشير أحمد Date: 05-27-2013, 09:47 AM Parent: #70
هب إنو ناس النظام العام مسكوا الجماعة ديل بي بتاع الساوند سيستم...
تفتكروا شنو ...لو جلدوهم في ميدان عام ... هل رايكم المستنكر للفعل بكون نفس الراي...ح تسنكروا العقاب برضو من حيكومة المشروع الحضاري؟
لبني دي جات بي بنطلون ولباسا الداخلي كان ظاهر ...إتجلدت
الكواريك قامت...ويا امم متحدة ويا بطيخ.
شعب ما عندوا حل .. اكان إنجلد أوب ... وكان خلّوها أمفكو أوووبين.
Post: #72 Title: Re: لا حولاااااااااااا ........معقولة الفيديو ده في السودان Author: جمال السنوسي Date: 05-27-2013, 09:47 AM Parent: #70
المزيد من فيديوهات رحلة الشباب لجبل أولياء
Post: #73 Title: Re: لا حولاااااااااااا ........معقولة الفيديو ده في السودان Author: وضاح عبدالرحمن جابر Date: 05-27-2013, 09:56 AM Parent: #72
لا .. القصة مشروع حضاري ولا القصة .. البلد اتغيرت .........
.....................
القصة فقط بقت الحاجات تتنشر .. وبقى فى تصوير ويوتيوب ووووووووو الخ
Post: #75 Title: Re: لا حولاااااااااااا ........معقولة الفيديو ده في السودان Author: Hafiz Bashir Date: 05-27-2013, 02:11 PM Parent: #73
Quote: لكن برضو أي زول علماني أول ليبرالي ما مفروض يعترض على فيديو زي ده مش في العلمانية أي زول بي جازو؟؟
بالنسبة لي سلوك الشباب ديل لا يشبه التربية و الأخلاق التي نشأت عليها و هو سلوك ينافي عاداتي و تقاليدي
كعلماني ارفض رفضاً قاطعاً أن تستغل موارد الدولة و ما يفرض علي من ضرائب في أي فعل تجاه سلوك هؤلاء الشباب
لا مانع لدي من التبرع لأي منظمة مدنية و المساهمة معها في دراسة مثل هذه الظواهر و المساهمة في توعية المجتمع حتى تكون إختياراته مينية على خلفيات ثقافية و فكرية اكثر عمقاً... هذا إذا أنا اقتنعت بأهداف و اساليب مثل هذه المنظمة المدنية
Post: #76 Title: Re: لا حولاااااااااااا ........معقولة الفيديو ده في السودان Author: سيف النصر محي الدين Date: 05-27-2013, 03:34 PM Parent: #75
ما دام عايرة النديها سوط They should be educated about safe sex ,at least we can control HIV infection rates
Post: #77 Title: Re: لا حولاااااااااااا ........معقولة الفيديو ده في السودان Author: سيف النصر محي الدين Date: 05-27-2013, 03:39 PM Parent: #76
كما اود أن اضيف لموضوع الحد من انتشار الايدز موضوع الاطفال "غير الشرعيين" و مشاكل الحمل خارج اطار الزواج.
