كردفان تتداعي مع تقدم الجبهة الثورية .. البشير يفقد السيطرة علي البلاد

أمروابة .... الأبيض ... النهود .... بابنوسة .... الرهد .... المجلد .... غبيشة ..... جبل الداير ....
هذه مسارح النشاط العسكري من الآن فصاعداً ... في خطة إحكام الحبل حول رقبة الخرطوم النظام ..
و من قبل و حتي الآن أبو كرشولا - المنطقة الإستراتيجية ( مركز تجمع التموين و التعزيزات لجيش البشير في حربه ضد الجبهة الثورية في جنوب كردفان .. سقطت ) ..

من قبل كانت و لا زالت المسارح : نيالا .. الفاشر .. كتم ... مليط .. فوراوية .. كادقلي ... أم برمبيطة ....


هل إتضحت الصورة للنظام أم لا؟؟

نار الحرب الآن تقترب من المركز .....
هل يظل الجميع يدفنون رؤوسهم في الرمل ؟
هل سيظل البعض يردد الأسئلة العقيمة المعلّبة بالتشكيك: ماذا ستفعل الجبهة الثورية إن أتت الي الخرطوم؟
هل سيواصل هواة سلخ النملة و تشريح البعوضة التواري عن الحقيقة بتغليف النوايا السيئة بدثار مبادئ زائفة: الجيش خط أحمر ؟؟!!
هل سيواصل بعض المغفلين و المغفلات الصياح المتصنع و كأن الحرب قد بدأت لتوها منذ أبكرشولا: لا للحرب .. نعم للسلام؟؟!!

القادم تسونامي ....
بعد أن أمهلكم أهل الأطراف عمرهم و حياتهم شقاءا و موتاً .... علَّ هناك دي كليرك ينهض من المركز ليضع حداً لتهور الثور في مستودع الخزف السوداني ...
لكن ... كانت الأغلبية تشجع الثور تمنيّاً بالإنتصار الساحق علي هؤلاء الأوباش في الأطراف .... ليستمتع المركز بالهلال و المريخ .. و ندي القلعة ... و الآخرون كما قالها أحدهم هنا كتابة (فاليتحرقوا)!!

الغريق قدام ...







ء

نعم البشير فقد السيطرة علي البلاد ..




بس في سودانيزاونلاين فقط


ماتحلم يامحمد سليمان بعالم سعيد...

يا للصدف .. يا دكتور بشير أحمد ..

الآن للتو وردني من مصدر أثق فيه .... أنه قد تم قطع الطريق بين كوستي و الأبيض ...

أمشي شوف مصادرك ...

بالطبع الناكر الرسمي .. حينكر ...

الي متي تظلون دفن رؤوسكم في الرمال؟؟!!

للاسف يا محمد سليمان
لأول مرة الجبهه الثوريه تهاجم موقع للجيش هو يوم الخميس الساعه الثانية ظهراً فى جبل الداير
فى محاولة للفت النظر وفك الحصار المضروب على قوات الجبهه الثوريه فى ابوكرشولا وقد رُصدت
مكالمات من قــــــــوّاد الجبهه للمتمردين بالانسحاب حتى لا يحسب تطهير ابو كرشولا بالنصر للحكومه
احتسب يا زول
وخليهم يجهزوا للصيف الجاى
اياها تجارتكم الرابحه
تحياتى

الأخ باشمهندس محمد سليمان
تحياتي واحترامي
واضح وبصورة جلية ان الجبهة الثورية تعي تماماً ما تفعل!!
النظام في الخرطوم يتهاوي وابلغ دليل علي ذلك التخبط الارتباك
المصاحب لكل أقوالهم وأفعالهم هذه الأيام
السودان يا عزيزي لن يعود كما كان سابقاً فلقد وعي أهل الهامش
الدرس جيداً

Quote: السودان يا عزيزي لن يعود كما كان سابقاً فلقد وعي أهل الهامش الدرس جيداً

لكن البقنع (الديك) شنو؟؟
المجاهد الدكتور (بشير أحمد) شأنه شأن بقية أذيال النظام الحاكم هنا في البورد يحاول جاهداً مواصلة التضليل والتكذيب وحجب ضوء الشمس بكفه!

ده تقريبا الوضع تماما علي الارض السودانية الان

والنظام المجرم اصبح في (تولا)

الأخ الفاضل عبدالكريم (كيكي)
لك التحية و الإحترام

Quote: ده تقريبا الوضع تماما علي الارض السودانية الان والنظام المجرم اصبح في (تولا)

الناس ديل ما حينوموا ...
(كل غمضة .. يشوفوا العلم ده مغطي كل شئ)

الأخ Adil Ali
لك التحية و الإحترام

و شكرا علي مداخلتك الثرّة

أنت داعية حرب وداعية لقتل الأبرياء وتدمير ما تأسس على مدى قرن من
الزمان فأكثر وإن كنت تحسبها لعب فألعب يا محمد الفاتح!!




منصور

الشي الأنا متأكد منو ماقطعو الطريق بين كوستي والأبيض

لكن قطعوا ليهم راس كم زول كدا برئ في ابكرشولا بلا جريره

محمد سليمان نصيحة عمر تعال سويلك حزب سياسي وأحشد قواعدك للانتخابات

ناس الجبهة الثورية ديل يتيهون الف سنة مما تعدون وأوت بوت زيرو وراسم حيدق في صخرة وترسانة شعب السودان البطل

وطاب مساؤك

Quote: محمد سليمان نصيحة عمر تعال سويلك حزب سياسي وأحشد قواعدك للانتخابات

زىك كده ويبقى معتمد !
انت حسع في معتمديتك حكمت وعدلت ونمت يا عمر ؟!
وجودك هنا وانت مسئول يؤكد عدم مسئوليتك !

خالد بن حاكم

ومايبقى معتمد لي شن ؟؟؟ هم المعتمدين ديل كيفن ؟؟؟ واقعين من السماء ولا عندهم تلاته عيون ؟؟

بعدين وجودي هنا دليل علي المسؤولية تجاهك ...ابسط ياعم

الأخ الفاضل أمين الشيخ
لك التحية و الإحترام

Quote: واضح وبصورة جلية ان الجبهة الثورية تعي تماماً ما تفعل!! النظام في الخرطوم يتهاوي وابلغ دليل علي ذلك التخبط الارتباك المصاحب لكل أقوالهم وأفعالهم هذه الأيام السودان يا عزيزي لن يعود كما كان سابقاً فلقد وعي أهل الهامش الدرس جيداً

نعم ... السودان لن يعود كما كان ...
هذا كلام لكل الناس .... كل الناس

الأخ العزيز /محمد سليمان
سلامات يا باشمهندس . نعم البشير فقد السيطرة والدليل واضح الاستعانة بالجيش التشادي هذا العبث أبدا ما حصل من قبل في تاريخ السودان أيامك يا مهازل فأمرحي هذا هو السودان اليوم وغداً لنظره قريب .

Quote: البشير يفقد السيطرة علي البلاد

الباش محمد سليمان لكم مع زوارك التحية والتجلة
يا اخي قبل شوية كنا نتحدث مع شخص اكد لنا خوض معارك ضارية مع فلول مليشيات البشير ومرتزقته بما فيهم القوات التي ارسلها ادريس دبي
حيث تم دحرهم ولاذوا بالفرار تاركين ورائهم كميات هائلة من السيارات والمعدات في الابنوسة بابنوسة تحديدا بعد معارك مناطق اخرى

وبصراحة الواحد يصاب بالم حقيقي وحسرة دائمة قد تكون اهة مستديمة في ان يكون المسيطر على السودان شخص مثل عميل الاخوانجية السفاح عمر البشير ووزيره ابوريالة وابن عمه
المافون نافع؟ وبصراحة حتى بعد زوال نظامهم الفاشي هذا ايضا حيصاحبنا الم الشعور بالمرارة في ان بين صحاري السودان ووديانه وجروف النيل العظيم
لا نجد من يسيطر على السودان لعقدين من الزمان الا هؤلاء المعتوهين المشوهين انسانيا الذين دمغوا ارض السودان بفهمهم الفاشي الوافد
فالطبيعي ان لا يسيطر امثال هؤلاء ساعة لبلاد السودان وليس عقدين ونصف من الزمان؟
ولهذا فالتحرير منهم واجب والنصر حتما

شكرا لك

سلام محمد سليمان والجميع.

وبعدين جاية عليهم هذه

تصريحات وزير الخارجية الامريكي جون كيري. انقلاب موقف؟؟

يا باشمهدندس حبابك وحمدالله علي السلام

والله غريبة .. هل انها هي صدفة !!
يا اخ دا انا قبل شوية كنت بتكلم مع صديق عزيز .. وكنا بنتناول الحديث عن انتصارات الجبهة الثورية علي فلول النظام ومرتزقتهم من الجيش التشادي في شتي الميادين في كردفان (بابنوسة .. السميح .. غبيش .. الخ) وضعف الاعلام الذي يصاحبه خاصة هنا في المنبر وعدم التطرق لهذه الانتصارات الكبيرة ..
يعني ما شايفين بوستات تتناول هذه الانتصارات .. فقلت لصاحبي والله الا ننتظر محمد سليمان ان كان بخير وعافية فسوف لن يقصر وياهو ما غيبت ظني ..
شخصيا مزنوق مع العمل ما قادر اعمل بوستات بالرغم من المعلومات الكثيرة التي تتدفق مصحوبة بالبشائر والافراح .. لم استطيع فتح البوستات منذ البارحة .. فقط ادخل المواقع عبر التلفون واكتفي بالقراءة

والله يا باشمهندس ناسك عملوا فيهم عملية النجار ما يعملها في الخشب .. الجيش السوداني شال الجيش التشادي ودخلوا بيهم المعركة ولمن الثوار باغتوهم .. الجانب السوداني كب الجرية وخلو ليك التشادين لافين صينية .. ما فاهمين اي حاجة
لا يعرفوا يطلعو من اي اتجاه ولا يحمو ضهرهم بي وين .. والله سيبك من البشير وابو ريالة .. الليلة ادريس نفسو ما حيقدر ينوم .. فقد اكثر من 30 سيارة بعتادها الحربي .. وكمية من الاسري .. صديق لزم يؤكد لي ايضا بان هناك انشقاقات حادة داخل الجيش التشادي في انجمينا واكثر من 65 مسجون وكل هذا بسبب عدم تلبية اوامر ادريس للدخول في المعارك مع الثوار .. منطقة ادري الحدودية اكثر من 24 جندي تشادي هربوا الي مدينة الجنينة رافضين للاوامر العسكرية !!

خليني يا باشمهندس نكمل اتصالاتي ونرجع ليك بالنجيضة

المجد والخلود للثوار الاشاوس الذين هزوا عرش العنصريين السفاحين .. المسالة بقت مسالة وقت وليس الا



صاحبك دكتور بشير ريحتو طالعة طير طير .. الله يصبرك يا بشيرنا

Quote: أنت داعية حرب وداعية لقتل الأبرياء وتدمير ما تأسس على مدى قرن من الزمان فأكثر وإن كنت تحسبها لعب فألعب يا محمد الفاتح!! منصور

والله عمري ما اكره الا اصحاب الالوان الرمادية مثل هؤلاء
داعية حرب ولا داعية بطيخ .. هو الحرب ده جديد في السودان ده؟؟
ما ياهو الحرب شغالة منذ (الاستغلال) الي اليوم .. هل دعينا ليها نحن ديل منذ ذاك الوقت ؟؟

عجيبة والله الواحد اهلو بيموتو اما بنيران الحكومة او بتهميشها لسنين .. ما قادر يعمل ليهم اي حاجة .. ووقت الناس الرجالة يداوسو ويموتو من اجل استرداد حقوقهم وكرامتهم يجو يقيفو قدامهم ويغنو ليك اغانيهم البايخة دي .. دعاة حرب ودعاة بطيخ

يا اخي الواضح ما فاضح .. الناس اتفقت من زمان علي انو الموت افضل من حيات البائسين .. ونحن قاعدين نعمل بالقاعدة دي .. وانتو يا المسالمين خليكم في سلمكم وحلمكم .. تمام





والغريب العجيب في الامر .. نراكم دائما ناطين للثوار في راسهم وجايطين ليهم .. ودافنين راسكم ما قادرين تدينو الحيكومة البتقصف اهلكم بالطيران والمدفعية ولو لمرة واحدة .. اهل هي (جبن ام جهل)

الاخ جمعة محمد
كتب من علي بوابة الفيس بوك

Quote: سلام يا باش جننت جماعتي ديل ود المفتاح بيصطاد في بوستات محمد سليمان .حالف مايقول حاجه الا لما يلقي حضورك ، المره الجاي افتح ليه بوست الفكي عشان يجي يصادف ليه علاج مجاني وبالصدفه. أما اخونا دكتور والله حالتو بقت متاخره ، كدي راجع الهضربه اللي واقع فيه ما بعد أمروابه ، بالمناسبه كنت من متابعين لكتابات الدكتور بس المره مااااااااالو ما ذكرنا وكل العالم كما يحلو له ~الزغاوي العنصري~انا شامي لي حاجه. سؤال مباشر يا دكترة. موضوغ تغيير اللغه ممكن تفهمنا ولا تعمل لينا رايح. نتابع

Quote: ده تقريبا الوضع تماما علي الارض السودانية الان والنظام المجرم اصبح في (تولا)

الباش عبد الكريم انت وين يار جل تحياتي لك
يا اخي تبالغ انت عاوز تدخل توش كدا في حوش حمدي حاملا علم الجنقجورو دا؟
كدا بالطريقة دا ما حتخلي في الخرطوم واحد من هؤلاء المجرمين يقبضه ناس الجبهة الثورية
واذا دخلوا الخرطوم حيلقوا سكان الخرطوم من العزل المقموعين تاريخيا وخلاص؟
بس تابعوا لينا رحلات الطيران في الجو خاصة انتم بهناك راقبوا الفنادق ونسقوا مع اشقائنا هناك
وحاولوا استميلوا اخوانهم الشياطين هناك او دقسوهم المهم اعملوا اي حاجة للحيلولة دون افلاتهم بهناك؟
بعدين شايف علم كبير فوق راس المعتوه كبر واكيد لو شافوا حيلوذ الى تشاد في اول لاند كروزر مع القوات التشادية
العائدة وكمان حيقول ليهم انا جاي زيارة رسمية؟
الهجمة الجاية اضع ليك واحد جوة حوش حمدي واضع بالجنبة صورة المناضل عرمان ولا حاجة كدا حتى لا يفر الجميع
او يضعوا المواطنين رهائن كما هم الان
وعملا بمقولة د قرنق للقدافي حيث قال ليهو اذا الامر اقتضى دخول الجيش الشعبي الخرطوم فاذا وصلوا اواسط السودان حيث سنار
او مدني سيقودهم محمد احمد من نفس المنطقة؟

شكرا لك
وتحياتي مجددا

الأخ محمد سليمان , تحياتى وسلامى
بالإشاره إلى ما نقله الأخ د. ياسر الشريف عن تصريحات وزير الخارجيه الأمريكى
جون كيرى فى هذا الخصوص , أعتقد نقلى للمقتبس أدتاه يؤكد ما صرح به
وزير الخارجيه الأمريكى
http://gulfnews.com/news/region/sudan/john-ke...repression-1.1188227

Quote: John Kerry accuses Sudan leader of repression Al Bashir ‘trying to trying to impose Islamic rule on South Kordofan and Blue Nile’ AFPPublished: 15:37 May 25, 2013 Share on facebookShare on twitterShare on emailShare on printMore Sharing Services0 Addis Ababa: US Secretary of State John Kerry Saturday accused Sudanese President Omar Al Bashir of repressing the people of the South Kordofan and Blue Nile regions and trying to impose Islamic rule on them. In both regions “you have people who for a long time have felt that they want their secular governance and identity respected,” Kerry told reporters on the sidelines of an African Union summit. The US top diplomat insisted people in the war-torn areas — where rebels are battling government troops — did not want independence or to “break away from Sudan.” “Unfortunately President [Al] Bashir is trying to press on them through authoritarian means and through violence an adherence to a standard that they simply don’t want to accept with respect to Islamic” law, Kerry added. Article continues below Khartoum was also showing “a rigidity with respect to their identity”, he said. “So that’s the fundamental clash, and what is critical here in my judgement is for President [Al] Bashir to respect what the people in South Kordofan and Blue Nile are trying to achieve,” Kerry said. But speaking ahead of talks in Addis Ababa with the Sudanese Foreign Minister Ali Ahmad Karti, Kerry also acknowledged that South Sudan’s alleged support for the SPLM-North rebels fighting in the two regions worried Sudan. South Sudan separated from Sudan in 2011 after decades of bloody civil war, but still unsettled issues over border areas and oil have continued to flare into clashes. Kerry announced after talks with Ethiopian Prime Minister Hailemariam Desalegn that he would soon appoint a new US envoy to Sudan and South Sudan to replace Princeton Lyman. “I think North and South are in a very delicate place right now.... It is important to build on the peace process, and build on the independence of the young state and put the focus and energy on the people and developing the future and not fighting the issues of the past,” he said. South Kordofan is part of Sudan but its people fought alongside the now independent South Sudanese army during the 1983-2005 civil war. More than 200,000 people have fled the war zone for South Sudan and Ethiopia as refugees, while an estimated one million more have been affected inside South Kordofan and Blue Nile, where renewed fighting broke out nearly two years ago. Kerry also called for all residents of the flashpoint zone of Abyei, which straddles the border between Sudan and South Sudan, to be allowed to vote in a long-delayed referendum. Abyei’s status is the most sensitive issue left unsettled by the peace treaty between the two states. The territory was to hold a referendum in January 2011 on whether it belonged with Sudan or South Sudan, but disagreement on who could vote stalled the ballot. “Abyei presents a special challenge and I think we agree that it is critical that Abyei be able to have a referendum,” Kerry said.

Quote: القادم تسونامي .... بعد أن أمهلكم أهل الأطراف عمرهم و حياتهم شقاءا و موتاً .... علَّ هناك دي كليرك ينهض من المركز ليضع حداً لتهور الثور في مستودع الخزف السوداني ...

والاسطول برنامجو شنـو يا قائد الاسطول ..؟
..
غايتو بختك .. تابع لي الجلابـة البجيبو ليك الاخبار دي ونوم قفا .. البيوت جاهزة يا زول والمفاتيح على التربيزة ابقو مارقين بس

أخبار: الثورية تحاصر بابنوسة بالكامل وأصوات رصاص كثيف.

محمد سليمان سلام ..

Quote: كردفان تتداعي مع تقدم الجبهة الثورية

والنظام يتداعى من داخله شيئا فشيئا ..
تهلهلت الخيوط التى تماسك نسيجه الداخلى واتسع الفتق ليشمل حتى الجيش السودانى المتململ الساخط والعاجز عن المبادرة ..

هناك أنباء ذات مصداقية عالية عن خسائر فادحة في المتحرك الأول "عدد كبير جدا من القتلى" .. وعن فشل المتحرك الثاني ..

استدعاء البشير "رئيس جمهورية" لضابط في الجيش من أجل تكليفه بمهمة قتالية " كمال معروف" يشير لفقدان الثقة تماما في هيئة الاركان ووزارة الدفاع ..

تساؤلات هامة تطرح حول تأخير اقالة وزير الدفاع وتأثير هذا التأخير على فاعلية وزارة الدفاع الفاقدة الثقة فى نفسها والغير موثوق بها من أفراد وضباط القوات المسلحة من جهة .. ومن الرئاسة من جهة أخرى

فشل التعبئة العامة التى قام بها النظام يشير بوضوح لافتقادة السند الشعبي فى ظل جائحة اقتصادية متعاظمة ..

لو كانت هناك الآن معارضة سياسية فاعلة فى الخرطوم وغيرها من المدن لتسارعت وتيرة التغيير أولا .. ولكانت طبيعتة أقل كلفة وأكثر أمنا للشعب السوداني ..

أخجل كثيرا للذين يتحدثون عن الحرب وكأنها اندلعت البارحة !!

يا أمير
(يا معتمد... صحي؟؟؟)

Quote: محمد سليمان نصيحة عمر تعال سويلك حزب سياسي وأحشد قواعدك للانتخابات ناس الجبهة الثورية ديل يتيهون الف سنة مما تعدون وأوت بوت زيرو وراسم حيدق في صخرة وترسانة شعب السودان البطل

إنت جادي؟؟؟؟؟؟؟؟؟؟
بلد حاكمها مشير في الجيش
قام بإنقلاب علي الديمقراطية
(ورقي نفسه من عميد لمشير)
وتقول لي حزب سياسي وإنتخابات؟؟؟؟؟

كم من قادة الأحزاب السياسية
دخل المعتقل في زمن المشير البشير؟؟؟
كم قتل منهم؟؟؟؟

المعتقلات ما زالت وما إنفكت مليانة من البشر الأبرياء

عقار دا ما كان حاكم منتخب
وينه هسع؟؟؟؟؟
أحشد نفسك لإنتخابات؟؟؟؟
إنت بالجد؟؟؟؟
كم حزب ديمقراطي عريق حشد نفسه للإنتخابات
فرأي ما يشيب الولدان من خج وخمج
(نافع في إنتخابات حرة ديمقراطية نزيه أحرز حوالي 17 صوت
أها في إنتخابات الخج هو جاب ليه كم ألف صوت وكل معارضية في حدود الطاشرات)

هل من الممكن أن يكذب أحدهم كذبة
ثم يصدقها
ثم يحاول إقناع الآخرين بها؟؟؟؟؟
هذه بالتحديد أكبر علامات السقوط

Quote: فشل التعبئة العامة التى قام بها النظام يشير بوضوح لافتقادة السند الشعبي فى ظل جائحة اقتصادية متعاظمة ..

سلامات يا مشرّف،
السند الشعبي لم يكن موجود أصلاً، بل كانت هناك ميزانية "ضخمة ومفتوحة" مخصصة للتعبئة العامة و"شراء التأييد" والحشد والإغراء،
وعدم الاستجابة لحملة التعبئة العامة مؤشر قوي على أن هذه الميزانيات تضعضعت بسبب تحويل المخصصات إلى بنود صرف أخرى تتعلق
بتعزيز النظام لقبضته على مفاصل أخرى ستتعرض بدورها لأزمة إنفاق أخرى. وهذا في حد ذاته مؤشر على التداعي التدريجي.
تحياتي،

انتصارات الجبهة الثورية على النظام

النظام يتداعى ويفقد السيطرة على البلاد

بابنوسة محاصرة قطع طريق كوستى الابيض... محاصرة سنجة عن طريق كبرى الدندر... محاصرة ربك ودنقلا

تندلتى كادوقلى وقصف عنيف لمطار الابيض ....

وانضمام عدد كبير من جيش النظام للثورية

والجيش يرفض القتال

نسمع جعجعة ولا نرى سوى ابوكرشولا

عشان ما ابقى امنجى وانقاذى حريقة تحرق الانقاذ وسنينها ابوها وامها كمان

نصر

معقوووووولة ياولدي انتا مغترب من الزمن دااااك ؟؟؟

عارف بقينا نمشي بعض الوزارات ومستشاريات الرئاسة يصنفونا كيزان ويمطوحونا زي الترتيب

شلالات من الفرج جرت تحت الجسر ...اصحا وعد لوطنك ياصاحي فمهما طال غيابك مصيرك تاني ترجع لي وطنك وصحابك

يعني يا أمير خليت الموضوع الأساسي وإنشغلت بالثانوي؟؟؟
خليت الرسالة وبقيت تبحت في الرسول؟؟

Quote: معقوووووولة ياولدي انتا مغترب من الزمن دااااك ؟؟؟ عارف بقينا نمشي بعض الوزارات ومستشاريات الرئاسة يصنفونا كيزان ويمطوحونا زي الترتيب شلالات من الفرج جرت تحت الجسر ...اصحا وعد لوطنك ياصاحي فمهما طال غيابك مصيرك تاني ترجع لي وطنك وصحابك

أنا واحد من آلاف شردهم الإنقاذ
وليس مغترب كما تقول
الفرح الحقيقي الذي ظللت أسعي إليه
وسأسعي إليه
هو إسقاط ديكتاتورية البشير
وعودة الديمقراطية
وأعتقد أنك بكلامك دا محتاج لعودة الديمقراطية
(علي الأقل عشان يحترموك كبشر مهما كانت قناعتك ومهما كان إنتماءك السياسي)
فأعمل معنا علي إسقاط الديكتاتور الفاسد المشير الحقير البشير

(وقطع شك كان ما أكون أخوك الكبير، ما إبنك.. بحساب العمر)

إسقاط هليكوبتر لجيش البشير قرب كادوقلي

سلام يا محمد سليمان

التحية لثوار والثورة قادمة الي الخرطوم

ونصر قريب

ثورة حتي النصر

شكرا كتيير محمد واصل

up