|
القبض على خلية تحريبية بالخرطوم
|
لقاء القبض علي خلية تخريبية بالخرطوم !! نيابة الأمن تبدأ التحقيق مع خلية من "الطابور الخامس" تتكون الخلية من (الخضرجية والكماسرة) .. والعثور على اكثر من 114 صورة و19 بطاقة عسكرية
شرعت النيابة فى التحقيق مع خلية تم توقيفها من قبل سلطات الأمن السودانية فى جرائم تتعلق بأمن الدولة، حيث كشفت التحريات الأولية بأن قادة المجموعة تلقوا تدريبا عسكريا بدولة جنوب السودان وتم نقلهم إلى الخرطوم للقيام بعمليات تجنيد لمواطنين.
وذكرت صحيفة "الأهرام اليوم" الصادرة بالخرطوم اليوم السبت أنه تم توقيف الخلية بمنطقة جبل أولياء فى 9 مايو الجارى عندما حصلت السلطات الأمنية على معلومات عن محاولة تجنيد شبان، ونفذت الشرطة عملية دهم على منزل تتخذه الخلية محلا لعمليات التجنيد.
وتم خلال عملية الدهم القبض على شاب اعترف بأنه تم نقله من مدينة "الدمازين" بولاية النيل الأزرق إلى دولة جنوب السودان، حيث تلقى تدريبا عسكريا هناك، ومنها للخرطوم، وأنه كان ينتظر توجيهات المشرف عليهم وهو برتبة العقيد. كما عثرت الشرطة بالمنزل على علامات للضباط و114 صورة لأشخاص بالزى الرسمى تم التعرف على مجموعة منهم بأنهم من (الخضرجية والكماسرة) بالسوق، كما عثر على 19 بطاقة عسكرية بإسم قائد المجموعة وحده، بجانب الهيكل التنظيمى لتلك الخلية وبطاقات عسكرية بأسماء أشخاص.
|
|
|
|
|
|
|
|
Re: القبض على خلية تحريبية بالخرطوم (Re: عصام دقداق)
|
تحياتي عصام السبب البخلي الناس ديل يشيلوا معاهم بطاقات عسكرية شنو؟ عشان تبقي دليل ضدهم؟ وفي الخبر ذاتو ما في أي سيرة للعثور علي سلاح !!!!! ناس جهزوا البطاقات والعلامات بتاعت الضباط ونسوا السلاح ؟ ده كلام نيء
| |
|
|
|
|
|
|
Re: القبض على خلية تحريبية بالخرطوم (Re: عصام دقداق)
|
دقداق ...سلامات ..Quote: تتكون الخلية من (الخضرجية والكماسرة) |
تدريب الخضرجية والكماسرة هل هو عدم ثقة في السواقين والفكهانية ام ضرب اسفين بينهم ؟!!!
Quote: والعثور على اكثر من 114 صورة و19 بطاقة عسكرية |
الصح اكثر من 100 صورة ..لكن اكثر من 114 دي عمرنا ماسمعنا بيها في صياغة خبر .. يعني بتاع الامن حسب لغاية 114 وتعب ولا شنو ؟
Quote: و114 صورة لأشخاص بالزى الرسمى تم التعرف على مجموعة منهم بأنهم من (الخضرجية والكماسرة) بالسوق، |
لابسين زي الخضرجية والكماسرة ولا شنو ؟!!
| |
|
|
|
|
|
|
Re: القبض على خلية تحريبية بالخرطوم (Re: فايزودالقاضي)
|
Quote: كما عثرت الشرطة بالمنزل على علامات للضباط و114 صورة لأشخاص بالزى الرسمى . |
خلية وتعمل فى عمل سرى يتطلب الحيطة والحذر والمفترض الخلية أ لا تعرف أى شئ عن الخلية ب لظروف التأمين وكده
يقوموا ناس الخلية يصوروا كل من إستطاعوا تجنيده وبالزى العسكرى كمان .
تحسست قنبورى فلم أجده فصرخت بأعلى صوتى أين قنبورى يا ناس ؟
| |
|
|
|
|
|
|
Re: القبض على خلية تحريبية بالخرطوم (Re: محمد علي عثمان)
|
سلامات الحبيب ود القاضي وحمدلله ع السلامة ياخ وماتشوف شر ( قالوا كان عندك وجع حلق ) Quote: الصح اكثر من 100 صورة ..لكن اكثر من 114 دي عمرنا ماسمعنا بيها في صياغة خبر .. يعني بتاع الامن حسب لغاية 114 وتعب ولا شنو ؟
|
شفت جنس شلاقتك دي هي ذاتا الجايبا ليك اللوز والمصايب ممكن يكون حسب لغاية 114 لكن شاف ليهو أدلة على وجود آخرين فالغلط شنو في الكلام دا ؟؟ واللا عشان بس اتا ما سمعت بيهو فأكيد غلط ؟؟ تمش وتجىء وتقعد تقوم ياكا ذاتك العارف أية حاجة في أية حاجة .
| |
|
|
|
|
|
|
|