Post: #1
Title: فندق توب بجبرة يحتجز هويات النزلاء لحين المغادرة - أين القانون ؟ ؟ ؟
Author: Mohammed Abuzaid
Date: 05-25-2013, 10:10 AM
Parent: #0
يا شباب . . .
أهل القانون أفتونا . . .
هل يحق لإدارة الفندق حجز إثبات شخصية النزلاء ( جواز سفر - بطاقة شخصية - رقم وطني . . . إلخ ) لحين المغادرة والإخلاء ؟؟؟
وهل يحق لأى كائن من كان حجز هذه الإثباتات بأى دعوى كانت ؟ ؟ ؟
يا أهل السياحة والفندقة أفتونا . . .
هل قوانين وزارة السياحة والفندقة تسمح لكل فندق سن القوانين كل حسب مزاجه ؟ ؟ ؟
أم أن هنالك قانون متداول يلزم جميع الفنادق في السودان ؟ ؟ ؟
ما أعرفه ومن خلال تجربتي مع الفنادق في السودان وخارجه
أن الفندق يقوم بتصوير جوازك أو أي هوية أخرى . . .
ولا يحتفظ به لحين مغادرتك
|
Post: #2
Title: Re: فندق توب بجبرة يحتجز هويات النزلاء لحين المغادرة - أين القانون ؟ ؟
Author: مصطفى توفيق
Date: 05-25-2013, 10:33 AM
Parent: #1
انا أؤيد إدارة الفندق لهذا الإجراء لانه السودان اصبح كافيه اى أمان ولا ضمان وربما ترتكب جريمة داخل الفندق فيتورط صاحبه ولذلك هذا اضمن اجراء
ف
|
Post: #3
Title: Re: فندق توب بجبرة يحتجز هويات النزلاء لحين المغادرة - أين القانون ؟ ؟
Author: Mohammed Abuzaid
Date: 05-25-2013, 10:42 AM
Parent: #2
أستاذ مصطفى توفيق
تحياتي واحترامي
| Quote: انا أؤيد إدارة الفندق لهذا الإجراء لانه السودان اصبح كافيه اى أمان ولا ضمان وربما ترتكب جريمة داخل الفندق فيتورط صاحبه ولذلك هذا اضمن اجراء |
يا راجل قول كلام تاني . . .
هو العايز يعمل جريمة بيدخل فندق ويقدم إثبات هوية كمان ! ! !
كل الود
|
Post: #4
Title: Re: فندق توب بجبرة يحتجز هويات النزلاء لحين المغادرة - أين القانون ؟ ؟
Author: محمد عبد الماجد الصايم
Date: 05-25-2013, 10:51 AM
Parent: #2
يا معلم ..
ياخ طلب الفول دا لمن تشتريهو تخت حاجة لحدي ما ترجع الصحن!!!
_
الإجراء دا معروف في الفنادق وتأجير العربات!
|
Post: #5
Title: Re: فندق توب بجبرة يحتجز هويات النزلاء لحين المغادرة - أين القانون ؟ ؟
Author: Mohammed Abuzaid
Date: 05-25-2013, 11:18 AM
Parent: #4
ود الصايم ازيك
مشكور على المرور يا حبيب
| Quote: الإجراء دا معروف في الفنادق وتأجير العربات! |
في تأجير العربات سمعنا بيها
بس في الفنادق دي أول مرة نسمع
وللعلم انا كنت نازل في فندق في الرياض الخرطوم
ما عملو الا انهم اخدو صورة من الجواز
صبرك على يا باشا . . .
أنا سألت من نص القانون في الحتة دي
لسه ما جيتك لكميات من التحفظات اللي اخدتها على هذا الفندق
ولو كانت هنالك جريمة مرتكبة , فالجناة هم موظفي الفندق المذكور . . .
الفندقة والسياحة علم وفن وسلوك . . .
حفاوة استقبال وبشاشة وحسن تعامل
حتى لو عندك لوائح داخلية ممكن يتقبلها النزيل بناء على تعاملك الراقي
- لا توجد شاشات تلفزيون في الشقق . . .
ولما سألت عن السبب كان رد الموظف : محرم شرعاً
- ولما سألته عن التدخين . . . الله لا وراك الوش المقلوب
الفندق يفرض عليك رسوم الكهرباء بعد سدادك للايجار ( طيب قولوا شقق مفروشة وريحو العالمين )
يعاملك الموظف وكأنه يتذكر الدعاء ( اللهم دمممممر أعداءك أعداء الدين )
يازول انا البيجبرني انزل عندهم شنو !
( ولو كنت فظاً غليظ القلب لأنفضوا من حولك )
إنفضينا من حوله ومرقنا نسأل الله السلامة وسرعة الجرى
ورجعت للفندق الكنت نازل فيهو من الاول
يازول انت بي طلتك البهية دي حتكتسح الفنادق في السودان
ولازال السؤال قائم . . .
كل الود
|
Post: #6
Title: Re: فندق توب بجبرة يحتجز هويات النزلاء لحين المغادرة - أين القانون ؟ ؟
Author: فتحي عباس نقد
Date: 05-25-2013, 07:28 PM
الأخ/ محمد أبو زيد
في دولة الإمارات إذا دفعت إيجار الشقة أو الغرفة أو أياً كان في أي فندق مقدماً (عن طريق بطاقة الإئتمان مثلاً أو عن طريق جهة عملك مثلاً ... إلخ) عند حضورك يتأكدون من هويتك الأصلية ثم يأخذون منها صورة ويتركوا لك الأصل
أما إذا لم تدفع مقدماً فيقومون بإستلام (جواز سفرك أو الهوية أو رخصة القيادة) وتوقع على أوراق وتعهد حتى إنتهاء مدة إقامتك وتسليمك أوراقك الأصلية بعد أن تدقع لهم الحساب.
وأخيراً كل الحكاية هي (بيزنز) يعني تجارة وكل صاحب حق يريد أن يضمن حقه في الآخير.
ولك التحية
|
|