Post: #1
Title: جميع الجنسيات ما عدا السودانيين
Author: مصعب محمد عثمان
Date: 05-25-2013, 09:58 AM
Parent: #0
غير مقبول ونرفض هذا التمييز بشدة .
|
Post: #2
Title: Re: جميع الجنسيات ما عدا السودانيين
Author: مصعب محمد عثمان
Date: 05-25-2013, 09:59 AM
Parent: #1
في صحيفة المبوبة الإعلانية - نسخة المملكة العربية السعودية .
|
Post: #3
Title: Re: جميع الجنسيات ما عدا السودانيين
Author: Mohd Ibrahim
Date: 05-25-2013, 10:38 AM
Parent: #2
حر هو ماعايز سودانين والبلد مافيها قانون يجرم تحديد الجنسية ...الشرط الوحيد انك تكتب ويفضل السعوديين ...اي شئ غي السعودية لمعلوماتك مبني علي الجنسية ...لما تتونس مع اي زول في
الشارع كان جار ولا في السوق اول سؤال انت من وييييين ؟؟؟؟ تتوقع شنو في بلد ذي دي ....الاعلان حالة فردية لانو شفت اعلانات تانية كتيرة مطلوب فقط سودانيين ....
لمدة ثلاثة ايام فقط مطلوب 2 مبرمج كمبيوتر سوداني ا...يرة اقامة بالسعودية
|
Post: #4
Title: Re: جميع الجنسيات ما عدا السودانيين
Author: علي محمد الفكي
Date: 05-25-2013, 12:24 PM
Parent: #3
اكيد له تجربة عمل مع مهندسين سودانيين جعلته يزهد فيهم
رغم ان التعميم مخل
ولكن يبدو ان تجربته المريرة شكلت لديه انطباع سيئ عن جميع السودانيين
رغم انه كان يمكنه ان يترك الاعلان بدون تحديد
وفي النهاية هو صاحب الخيار في التعيينوالاختيار ولا يوجد ما يحدد له
المهم مطلوب منا كمغتربين ان نترك اثر ايجابي
|
Post: #5
Title: Re: جميع الجنسيات ما عدا السودانيين
Author: جمال الباقر
Date: 05-25-2013, 12:45 PM
Parent: #4
الاخ مصعب قمت بالاتصال على الرقم الموجود في الاعلان ووجدته لصاحب العمل نفسه وهو عتيبي وهم من اكثر القبالئل عشرة مع السودانيين
وقال لي ان هذا خطا من الجهة المعلنة وطلب منهم التصحيح وقال لي بالحرف الواحد اللي يتكلم عن السودانيين (اسكر فمه انا)
وطلب العفو وقال اعتذر انت بالنيابة عني للجميع والله هذا ما حدث
|
Post: #6
Title: Re: جميع الجنسيات ما عدا السودانيين
Author: حماد الطاهر عبدالله
Date: 05-25-2013, 01:13 PM
Parent: #5
Quote: الاخ مصعب قمت بالاتصال على الرقم الموجود في الاعلان ووجدته لصاحب العمل نفسه وهو عتيبي وهم من اكثر القبالئل عشرة مع السودانيين
وقال لي ان هذا خطا من الجهة المعلنة وطلب منهم التصحيح وقال لي بالحرف الواحد اللي يتكلم عن السودانيين (اسكر فمه انا)
وطلب العفو وقال اعتذر انت بالنيابة عني للجميع والله هذا ما حدث |
الأخ/ جمال
تحياتي
شكرا للإتصال وفك رموز القضية.
غير أني أنبه بأني أعرف شركة بالرياض ويعمل بها أكثر من (60) سوداني، وفي مهن متنوعة، قد إبتلاهم الله بمحاسب
سوداني (خائن)، إذ قام بسرقة ما لا يقل عن (1.6) مليون ريالا، خلال سنوات، وسافر إجازة ولم يعد، وتم إكتشاف الأمر، و
تم بطبيعة الحال تطبيق النظام في حالته، غير أن المالك أخطر السودانيين بأنه سيفصل منهم شهريا عدد (10) و
قد بدأ التنفيذ، فإنتبهوا ايها السادة، فهنا الخير يخص والشر يعم.
|
Post: #7
Title: Re: جميع الجنسيات ما عدا السودانيين
Author: Mahmoud Mustafa Mahmoud
Date: 05-25-2013, 01:19 PM
Parent: #5
Quote: الاخ مصعب قمت بالاتصال على الرقم الموجود في الاعلان ووجدته لصاحب العمل نفسه وهو عتيبي وهم من اكثر القبالئل عشرة مع السودانيين
وقال لي ان هذا خطا من الجهة المعلنة وطلب منهم التصحيح وقال لي بالحرف الواحد اللي يتكلم عن السودانيين (اسكر فمه انا)
وطلب العفو وقال اعتذر انت بالنيابة عني للجميع والله هذا ما حدث |
"عز الله" إنك كبير يا دكتور جمال الباقر..
ثم مشتاقين وكدي..
..
.
|
Post: #8
Title: Re: جميع الجنسيات ما عدا السودانيين
Author: مصعب محمد عثمان
Date: 05-25-2013, 01:27 PM
Parent: #5
Quote: الاخ مصعب قمت بالاتصال على الرقم الموجود في الاعلان ووجدته لصاحب العمل نفسه وهو عتيبي وهم من اكثر القبالئل عشرة مع السودانيين
وقال لي ان هذا خطا من الجهة المعلنة وطلب منهم التصحيح وقال لي بالحرف الواحد اللي يتكلم عن السودانيين (اسكر فمه انا)
وطلب العفو وقال اعتذر انت بالنيابة عني للجميع والله هذا ما حدث |
إذن هناك أيدي عابثة وتعمل من أجل شيء معين في هذا الخطأ - الصحيفة الإعلانية حتى هذه اللحظة هي المسئولة عن الخطأ .
ما دفعني لنقل هذا الإستفزاز ما قراته في عيون الشباب وهم يحملون الصحيفة ويحللون الإعلان وتمييزهم دون الجنسيات كيفما يريدون .
|
Post: #9
Title: Re: جميع الجنسيات ما عدا السودانيين
Author: aosman
Date: 05-25-2013, 01:29 PM
Parent: #8
واحد صاحبي ذكر لي بأنه سعودي قال ليهو إنتو السودانيين ممتازين وأمينين لكن الحرامي فيكم لدغته حارة شديد
|
Post: #10
Title: Re: جميع الجنسيات ما عدا السودانيين
Author: جمال الباقر
Date: 05-25-2013, 01:34 PM
Parent: #9
لانها ما متوقعة
|
Post: #11
Title: Re: جميع الجنسيات ما عدا السودانيين
Author: محمد فضل ابراهيم
Date: 05-25-2013, 04:38 PM
Parent: #1
عند تداول هذا الأمر (الأعلان) على الفيس بوك
لم أصدق الأمر وقلت بأن هناك شيئا ما
وكانت مداخلتي كالآتي :-
هل تم التأكد من هذا الأمر (الأعلان) احتمال تكون فقط كيدية من جهات .. من جنسيات .. وفعلاً كلام غريب وعجيب .. وتقريباً غير حقيقية .. والا ما شرط كتابة كل الجنسيات ما عدا جنسية معينة لأنه في حال عدم رغبة جنسية محددة يتم استبعاد الطلبات من تلك الجنسية .. والسلام عليكم .
الآن بعد مداخلة الأخ جمال الباقر واتصاله على الارقام في الاعلان اتضح الرؤية تماماً ولكن ليس خطأ مطبعي بل كيدية ومقصودة من جهات وجنسيات الأعلان و(العاملين بالمطابع) .
|
Post: #12
Title: Re: جميع الجنسيات ما عدا السودانيين
Author: كمال ادريس
Date: 05-25-2013, 06:54 PM
Parent: #11
شكرا د. جمال على همتك وهو امر اعتدناه .. خضًر الله ضراعك
المبوبة تصدر عن دار اليوم في المنطقة الشرقية .. وصحيفة اليوم بها عدد مقدر من الزملاء الصحفيين الذين يمكن ان يستقصوا عن الامر .
الشيئ المتأكد منو أن المبوبة يقوم عليها "أولاد بمبا".
|
Post: #13
Title: Re: جميع الجنسيات ما عدا السودانيين
Author: بدرالدين الطائف
Date: 05-25-2013, 07:36 PM
Parent: #12
جملة ماعندها أى علاقة بالاعلان تم حشرها عنوة.
ولم يحدث فى تاريخ الاعلانات عن العمل أن كتبت جملة مماثلة (جميع الجنسيات عدا الجنسية.....).
ممكن يتضمن الاعلان تفضيل جنسية معينة للعمل مثال فلبينى أو اندونيسى (للعماله المنزلية).
غايتو الاعلان ده لازم يتقصى حوله ويحدد من هو المسؤل عنه.
|
Post: #14
Title: Re: جميع الجنسيات ما عدا السودانيين
Author: مريم بنت الحسين
Date: 05-25-2013, 07:56 PM
Parent: #13
Quote: إذن هناك أيدي عابثة وتعمل من أجل شيء معين في هذا الخطأ - الصحيفة الإعلانية حتى هذه اللحظة هي المسئولة عن الخطأ .
|
نادر شغال في إدارة العلاقات العامة في دار اليوم، البتصدر عنها المبوبة... وفي اتصال مع صاحب الإعلان منذ قليل، بيّن انه الخطأ من مندوب إعلانات تابع للمبوبة... والاسم موجود عندنا وحيوصل نادر صوت لومنا كلّنا للإدارة الخاصة بالمبوبة ...
I will update you
|
Post: #15
Title: Re: جميع الجنسيات ما عدا السودانيين
Author: ناذر محمد الخليفة
Date: 05-25-2013, 08:37 PM
Parent: #14
حاجة عادية جدا مع انو صاحب العمل نفى القصة ..
لكن الشي الداير أقولو أنو المهن المذكورة دي بالذات ما بيصلحوا فيها السودانيين الا من رحم ربي ..!!
تناولت هذا الموضوع باستفاضة في بوست قبل فترة وقلت انو تفاديا للاحراج اي زول عندو شغل ذو علاقة بالمهن أعلاه يبعد من السودانيين !!
خليك من السعودية .. شخصي الضعيف موجود في السودان وشغال في مجال المقاولات لي اكتر من تلاتة سنوات ما بشغل سودانيين في معظم المهن المذكورة أعلاه واذا اضطريت وشغلت سوداني بكون طيلة فترة الشغل خاتي يدي في قلبي لانو اكترية الشغل مرتبط بي التزامات ومواعيد ودي الحاجة الما بينفعوا فيها الصنايعية السودانيين نهائي !!
بعد شوية بديكم رابط البوست القديم داك وتشوفوا المبررات والحاجات البتحصل من العمالة السودانية ..!!
|
Post: #17
Title: Re: جميع الجنسيات ما عدا السودانيين
Author: ALZOLZATOO
Date: 05-25-2013, 08:49 PM
Parent: #15
Quote: حاجة عادية جدا مع انو صاحب العمل نفى القصة ..
لكن الشي الداير أقولو أنو المهن المذكورة دي بالذات ما بيصلحوا فيها السودانيين الا من رحم ربي ..!!
تناولت هذا الموضوع باستفاضة في بوست قبل فترة وقلت انو تفاديا للاحراج اي زول عندو شغل ذو علاقة بالمهن أعلاه يبعد من السودانيين !!
خليك من السعودية .. شخصي الضعيف موجود في السودان وشغال في مجال المقاولات لي اكتر من تلاتة سنوات ما بشغل سودانيين في معظم المهن المذكورة أعلاه واذا اضطريت وشغلت سوداني بكون طيلة فترة الشغل خاتي يدي في قلبي لانو اكترية الشغل مرتبط بي التزامات ومواعيد ودي الحاجة الما بينفعوا فيها الصنايعية السودانيين نهائي !!
بعد شوية بديكم رابط البوست القديم داك وتشوفوا المبررات والحاجات البتحصل من العمالة السودانية ..!!
· · · أبحث · ملفك ·
..!! |
نعيب المبوبة والعيب فينا ومالزماننا عيب سوانا
مع احترامي ياناذر لكن كلامك ده تعميم محبط ليس اقل سؤا من الاعلان اعلاه
تحياتي
زاتوووو
|
Post: #18
Title: Re: جميع الجنسيات ما عدا السودانيين
Author: بدرالدين الطائف
Date: 05-25-2013, 09:16 PM
Parent: #17
Quote:
حاجة عادية جدا مع انو صاحب العمل نفى القصة ..
لكن الشي الداير أقولو أنو المهن المذكورة دي بالذات ما بيصلحوا فيها السودانيين الا من رحم ربي ..!! |
لو اتفقنا معاك يا ناذر إنه 80%من المهن المذكوره دى السودانيين مابينفعوا فيها أو قول خبرتهم فيها ضعيف.
فهل ده بيعنى إنه المكتوب فى الاعلان بالصياغه دى سليم.
كدى يا ناذر اقراء الاعلان ده وانظر ليهو بعيون الاخرين.
|
Post: #19
Title: Re: جميع الجنسيات ما عدا السودانيين
Author: إدريس البدري
Date: 05-26-2013, 07:16 AM
Parent: #18
يا ناذر القصة ما قصة مهارة او معرفة او عدمها
القصة في فكرة الإعلان نفسه..تحييد السودانيين
زي ما قالوا الاخوان هو ما عايز ..عادي جدا ممكن في المعاينة يجليهم
لكن كونو إعلان في جريدة يكون بالصورة دي ...هي دي الإهانة
|
Post: #20
Title: Re: جميع الجنسيات ما عدا السودانيين
Author: هشام كمال عبادي
Date: 05-26-2013, 07:27 AM
Parent: #18
Quote: لكن الشي الداير أقولو أنو المهن المذكورة دي بالذات ما بيصلحوا فيها السودانيين الا من رحم ربي ..!!
تناولت هذا الموضوع باستفاضة في بوست قبل فترة وقلت انو تفاديا للاحراج اي زول عندو شغل ذو علاقة بالمهن أعلاه يبعد من السودانيين !!
خليك من السعودية .. شخصي الضعيف موجود في السودان وشغال في مجال المقاولات لي اكتر من تلاتة سنوات ما بشغل سودانيين في معظم المهن المذكورة أعلاه واذا اضطريت وشغلت سوداني بكون طيلة فترة الشغل خاتي يدي في قلبي لانو اكترية الشغل مرتبط بي التزامات ومواعيد ودي الحاجة الما بينفعوا فيها الصنايعية السودانيين نهائي !!
|
مع احترامنا لتجرتك الشخصية في مجال المقاولات وغيرو مع السودانيين حسب تعبيرك ..
لكن التعميم هنا يا ناذر فيهو احجاف في حقنا كلنا كسودانيين ..
ممكن تكون وقعتا في يد اشخاص كسالى او لا يحترمون المواعيد او غير مبالين ..
فما نقوم بتعميم التجربة على جميع السودانيين ..
مودتي يا حبيب ..
|
Post: #23
Title: Re: جميع الجنسيات ما عدا السودانيين
Author: Zomrawi Alweli
Date: 05-26-2013, 08:00 AM
Parent: #20
Zomrawi Alweli على كل الحادبين على سمعة السودانيين ان يقوموا بالاتصال على الجوال رقم 0535333413 او تلفون 0112545322 للاستفسار فلربما قد يكون من الموظفين الحاقدين على السودانيين ولا يوجد اي شك من ان هذا العمل قام به المصريين المصريين
Zomrawi Alweli حكومتنا شوهت سمعتنا بمعاداتها لدول الخليج بجلب الايرانيين الشيعة الروافض فالتعامل معنا ربما يتم على اساس سياسة الدولة وليس لانهم لا يرغبون فينا بالعكس الانسان السوداني مطلوب لامانته واخلاقه
|
Post: #21
Title: Re: جميع الجنسيات ما عدا السودانيين
Author: مصعب محمد عثمان
Date: 05-26-2013, 07:45 AM
Parent: #14
| Quote: نادر شغال في إدارة العلاقات العامة في دار اليوم، البتصدر عنها المبوبة... وفي اتصال مع صاحب الإعلان منذ قليل، بيّن انه الخطأ من مندوب إعلانات تابع للمبوبة... والاسم موجود عندنا وحيوصل نادر صوت لومنا كلّنا للإدارة الخاصة بالمبوبة .. |
لابد من إستقصاء الأمر - لان المنافسة في سوق العمل وصل مرحلة صعبة جداً في الخليج .
|
Post: #24
Title: Re: جميع الجنسيات ما عدا السودانيين
Author: Mohamed E. Seliaman
Date: 05-26-2013, 08:44 AM
Parent: #22
| Quote: اكيد له تجربة عمل مع مهندسين سودانيين جعلته يزهد فيهم |
يمكن متابع حوش بكري هههههههههههه
|
Post: #25
Title: Re: جميع الجنسيات ما عدا السودانيين
Author: ismeil abbas
Date: 05-26-2013, 09:00 AM
Parent: #24
السلام عليكم أخ/مصعب...
شكراً أخ/جمال عمل إيجابى مميز..................................
|
Post: #26
Title: Re: جميع الجنسيات ما عدا السودانيين
Author: ناذر محمد الخليفة
Date: 05-26-2013, 09:16 AM
Parent: #22
!!!!
| Quote: ما بيصلحوا فيها السودانيين الا من رحم ربي ..!! |
يا جماعة كلمة (الا من رحم ربي) دي ما شفتوها !!
يعني دايريننا نكذب ولا شنو ؟!!
العمالة السودانية غير ملتزمة وبتقيد العمل وتعرقل تنفيذ وتسليم المشاريع .. الكلام دا ننكروا وندفن راسنا في الرملة ولا شنو ؟!
العمالة السودانية في اغلبيتا غير ماهرة .. نكابر ونقول .. لا ماهرة ونستنكر الناس البيرفضوها ..!!
اليدو في النار ما زي اليدو في الموية يا شباب .. والناس البيقولوا في حرب على العمالة السودانية من قبل المصريين حقو ينصحوا العمالة السودانية تحارب وتشد حيلا وتثبت أنهم مهرة وبيلتزمو بالمواعيد ويدحضوا الاشاعة دي بدل الاستكانة وكأنوا الموضوع ولا بيهمها ..
غايتو الحرب دي لو صح وجودا في السودان تحديدا فأنا اؤكد العمالة المصرية منتصرة على السودانية 10 صفر ..!
أقروا البوست الفوق وشوفوا تجارب الناس مع العمالتين عشان تعرفوا الفرق ..!!
|
Post: #27
Title: Re: جميع الجنسيات ما عدا السودانيين
Author: حيدر بشير
Date: 05-26-2013, 09:37 AM
Parent: #26
الاخ ناذر
لك التحية
الاعلان المكتوب الاخ ناذر فيه طلب مهندسين من جميع التخصصات فهل تعنى انه برضو المهندسين ما منضبطين و غير مؤهلين
لاداء الاعمال الموكولة ليهم و اللا كيف
سلام لصاحب البوست و ضيوفه الكرام
|
Post: #29
Title: Re: جميع الجنسيات ما عدا السودانيين
Author: Mahmoud Mustafa Mahmoud
Date: 05-26-2013, 12:31 PM
Parent: #12
| Quote: الشيئ المتأكد منو أن المبوبة يقوم عليها "أولاد بمبا". |
نان كان كدي ماااا خلاس..
الأشقاء ديل الواحد منهم ممكن يصمم ليك الإعلان في ترويسته يكون مكتوب "للسودانيين فقط"
ولشدة جهله وكراهيته يختم الإعلان بـ"جميع الجنسيات ما عدا السودانيين"..
المافي شنو؟؟
..
.
|
Post: #30
Title: Re: جميع الجنسيات ما عدا السودانيين
Author: بشير أحمد
Date: 05-26-2013, 01:17 PM
Parent: #29
لا زال الاعلان موجود علي موقع الصحيفة
http://www.almobawabah.com/emob/riyadh/379/
'طبعة الرياض
المبوبة الرياض: 2170099 – 01 تحويلة 400
مفتاح الرياض الجديد 011
_________
تحياتي؛؛؛
|
Post: #31
Title: Re: جميع الجنسيات ما عدا السودانيين
Author: بشير أحمد
Date: 05-26-2013, 01:18 PM
Parent: #30
صفحة 11
|
Post: #33
Title: Re: جميع الجنسيات ما عدا السودانيين
Author: مصطفى محكر
Date: 05-26-2013, 01:36 PM
Parent: #30
الاخ مصعب محمد عثمان.. تحية واحتراما ..والتحية موصولة لجميع الاخوة المشاركين في النقاش..
بحكم انتمائي لصحيفة اليوم السعودية التي تصدرعن "دار اليوم للاعلام" وهي تمتلك ايضا "روناء للاعلام المتخصص و"المبوبة" ، سارعت في حينها باحاطة قيادات "الدار" بهذا الاعلان "العجيب" ...
..اليوم الاحد 26 مايو تم تشكيل "لجنة تحقيق" للبت في هذه القضية .
وعلمت ان صاحب الوكالة سيتعتذر رسميا وربما في صحيفة الجزيرة ليوم غد الاثنين 27 مايو عن هذا الاعلان.
وافاد صاحب الوكالة او الشركة ان المندوب هو الذي اضافة عبارة عدا السودانيين!!
علما بأن المدنوب يحمل الجنسية السورية فيما يقوم على التصميم الفني "مصري"
|
Post: #39
Title: Re: جميع الجنسيات ما عدا السودانيين
Author: مصطفى محكر
Date: 05-27-2013, 08:42 AM
Parent: #30
تقدم صاحب الشركة المعلنة باعتذار اليوم الاثنين بصحيفة الجزيرة عن الاعلان المسئ..واكد ان هذه ليس سياسة الشركة خاصة انهم يكنون للسودانيين بحسب الاعلان" كل الاحترام والتقدير"
|
Post: #40
Title: Re: جميع الجنسيات ما عدا السودانيين
Author: مصطفى محكر
Date: 05-27-2013, 08:51 AM
Parent: #30
الاعتذار منشور في صفحة"5" وهذا نصه:
اعتذار وتنويه
نتقدم للاخوة الاشقاء السودانيين ..عما نشر في احدى الصحف بطريق الخطأ والخاص باستثنائهم من التقدم للوظائف لدى شركتنا فهذه ليست سياستنا ...
فنحن نكن للاخوة السودانيين كل الاحترام والتقدير.
لذا جرى نشره.
في هذا الاثناء تجرى تحقيقات داخل "المبوبة" التابعة لدار اليوم للاعلام ، لمعرفة كيفية "تمرير" الاعلان.
|
Post: #32
Title: Re: جميع الجنسيات ما عدا السودانيين
Author: ناذر محمد الخليفة
Date: 05-26-2013, 01:31 PM
Parent: #29
حيدر ..
Quote: لاعلان المكتوب الاخ ناذر فيه طلب مهندسين من جميع التخصصات فهل تعنى انه برضو المهندسين ما منضبطين و غير مؤهلين
لاداء الاعمال الموكولة ليهم و اللا كيف |
عدم أنضباط المهندسين أنت قايلو بسبب شنو ؟!!
ما بسبب العمالة السودانية زاتا ..!!
أنا متفق مع مهندس يسلمني مبنى بي مواصفات معينة وبي مواعيد معيدة .. يقوم المهندس يستعين بي العمالة السودجانية من النوع المذكور .. يخرمجوا ليهو في الشغل ويتمحركوا ليهو يوم يجو ويوم ما يجو وفي النهاية الشغلة تنفس !!
تفتكر صاحب العمل حا يقبل تبرير المهندس انو العمال هم السبب وانو ما عندو ذنب وووووووووووووو ...!!
عدم انضباط المهندس السوداني أكيد بسبب عمالة غير منضبطة هو بيستخدما ..!!
راجع القصة الذكرتها فوق عن مصنع البوهية الجديد ومحاولات ادارة المصنع ترقية الصنايعي السوداني ورد فعل الجماعة ديل ...!
|
Post: #34
Title: Re: جميع الجنسيات ما عدا السودانيين
Author: مصعب محمد عثمان
Date: 05-26-2013, 03:23 PM
Parent: #32
Quote: الاخ مصعب محمد عثمان.. تحية واحتراما ..والتحية موصولة لجميع الاخوة المشاركين في النقاش..
بحكم انتمائي لصحيفة اليوم السعودية التي تصدرعن "دار اليوم للاعلام" وهي تمتلك ايضا "روناء للاعلام المتخصص و"المبوبة" ، سارعت في حينها باحاطة قيادات "الدار" بهذا الاعلان "العجيب" ...
..اليوم الاحد 26 مايو تم تشكيل "لجنة تحقيق" للبت في هذه القضية .
وعلمت ان صاحب الوكالة سيتعتذر رسميا وربما في صحيفة الجزيرة ليوم غد الاثنين 27 مايو عن هذا الاعلان.
وافاد صاحب الوكالة او الشركة ان المندوب هو الذي اضافة عبارة عدا السودانيين!!
علما بأن المدنوب يحمل الجنسية السورية فيما يقوم على التصميم الفني "مصري" |
هذا ما نصبو إليه - ان نكون درعاً لبعضنا البعض في غربتنا وتسعكنا في الموانيء الشاحبة من أجل لقمة العيش في ظل تهاون السفارة بمواطنيها
ولكي لا نترك أمرنا يهون فيطمع الذين في قلوبهم مرض وينافسون السودانيين ويحاربونهم بكل الأسحلة المحرمة .
لجنة التحقيق بالتأكيد ستفصح عن هذا الخطأ والمخطيء بالتأكيد .
|
Post: #35
Title: Re: جميع الجنسيات ما عدا السودانيين
Author: اميرة السيد
Date: 05-26-2013, 04:45 PM
Parent: #34
والله لمن قريت الاعلان ده اصبت باحباط شديد جدا .. بنفس الاحباط لمن الفنان الما راغب والما علامة قال ان اشنا بنات في العالم هن السودانيات....
ولازم واضع هذا الاعلان يقدم اعتذار رسمي لأهل السودان لأن اهل السودان من المعلمين منذ سنوات طويلة هم الذين علموا السعوديين وهم الذين اسسوا المدارس السعودية .. وهم الذين كان يثق فيهم السعوديون ثقة عمياء واصبح السوداني مثل الذهب الرنان في السمعة والأخلاق والوفاء لصاحب العمل.... وهذا جزاء سنمار..
والله يديكم العافية
|
Post: #36
Title: Re: جميع الجنسيات ما عدا السودانيين
Author: مريم بنت الحسين
Date: 05-26-2013, 07:55 PM
Parent: #35
الموضوع وصل لمدير عام الدار عبر الايميل الليلة.. والجريدة متابعة المشكلة من الصباح... عرفنا برضه انه السفارة قامت بالاتصال بمكتب دار اليوم في الرياض... نادر جاه اتصال من مدير مكتب الرياض بلّغه فيه بالحاجات دي...
المندوب سوري، ويبدو انه صاحب الشركة قال ليه انه عايز السودانيين في الوظائف الاشرافية... من شكل الاعلان يبدو انه زي القاصد انه الوظائف الفي الآخر هي الما مطلوب فيها السودانيين.. لكن الاخراج النهائي ببين انه كل الاعلان ما مطلوب فيه سودانيين... وفي الحالتين الامر مرفوض طبعا...
ونتابع....
|
Post: #37
Title: Re: جميع الجنسيات ما عدا السودانيين
Author: مصعب محمد عثمان
Date: 05-27-2013, 07:07 AM
Parent: #36
|
Post: #38
Title: Re: جميع الجنسيات ما عدا السودانيين
Author: مصعب محمد عثمان
Date: 05-27-2013, 08:31 AM
Parent: #37
Quote: وعلمت ان صاحب الوكالة سيتعتذر رسميا وربما في صحيفة الجزيرة ليوم غد الاثنين 27 مايو عن هذا الاعلان.
وافاد صاحب الوكالة او الشركة ان المندوب هو الذي اضافة عبارة عدا السودانيين!!
علما بأن المدنوب يحمل الجنسية السورية فيما يقوم على التصميم الفني "مصري" |
في عدد اليوم 27 مايو صحيفة الجزيرة
|
Post: #41
Title: Re: جميع الجنسيات ما عدا السودانيين
Author: مصعب محمد عثمان
Date: 05-27-2013, 09:57 AM
Parent: #38
| Quote: في هذا الاثناء تجرى تحقيقات داخل "المبوبة" التابعة لدار اليوم للاعلام ، لمعرفة كيفية "تمرير" الاعلان. |
شكراً أستاذنا محكر على المتابعة
|
Post: #42
Title: Re: جميع الجنسيات ما عدا السودانيين
Author: مصعب محمد عثمان
Date: 05-28-2013, 07:49 AM
Parent: #41
من الفيس
Quote: جميع الجنسيات ما عدا السودانيين
ضياء الدين بلال - عدد اليوم الاثنين 27 مايو من جريدة السوداني
جرح في كبرياء وكرامة السودانيين أصاب كل من اطلع على الخبر الذي تناقلته المواقع الإسفيرية .
نشرت إحدى الصحف الإعلانية السعودية إعلاناً بتاريخ 23/05/2013 يخبر عن حاجة شركة بالرياض لمهندسين وفنيين.
مصدر الإهانة وسبب الجرح أن الإعلان ختم بالعبارة الآتية: ( جميع الجنسيات ما عدا السودانيين ) !!
انهالت تعليقات السودانيين الإسفيرية بين غضب جارف وحزن أليم وتبريرات ساذجة!
في الفترة الأخيرة أصبح حامل الجنسية السودانية خاصة في الدول العربية عرضة للاستهزاء وتقليل الشأن!
وإلى الآن لم تغادرنا المرارة النفسية التي خلفها إعلان أبوجمال وهو يتشهى في اختيار السودانيات على درجات اللون!
ولا يزال حبر الصحف المصرية عالق على جدار الذاكرة وهي تتحدث بسوء في عرض وشرف طبيبة سودانية، وحتى سيارات سفارتنا بالقاهرة لم تسلم من الإساءة والتشهير!
بكل تأكيد لا نطالب بفرض حماية وحصانة لكل سوداني في أي دولة من دول العالم!
ولكن من أقل الحقوق ألا تستباح كرامته بالإساءة والتشهير والازدراء!
دولة مثل أثيوبيا رغم الحاجة الاقتصادية منعت سفر بناتها للعمل في إحدى الدولة العربية بسبب اعتداء وقع على أثيوبية من عاملات المنازل!
حكومة أندونيسيا كذلك أوقفت إرسال العمالة إلى دولة عربية نسبة لسوء المعاملة.
وللأسف لا توجد جهات ذات اعتبار حكومية أو أهلية تقف في حماية وصون كرامة سودانيي المهاجر والاغتراب!
وإذا أساءهم فعل أو قول لا تجد من يطالب بالاعتذار ورفع الضرر عنهم،وإذا تكرم طرف بذلك تأتي المطالبات خجولة وبائسة!
ربما يكون الإعلان جزءاً من حرب الجاليات التي تدور في عدد من الدول العربية، الطريقة التي نشر بها تفيد بوجود قصد كيدي.
وقد يكون لصاحب الشركة تجربة سيئة مع مهندسين سودانيين ولكن ذلك لا يمنحه العذر في الإساءة لكل خريجي كليات الهندسة في الجامعات السودانية!
أذكر قبل سنوات في أيام سطوة وعنجهية القذافي قامت السلطات الليبية بترحيل عدد من السودانيين إلى مطار الخرطوم "بملابسهم الداخلية"،دون أن يسمحوا لهم بترتيب أوضاع أسرهم الصغيرة ولا بارتداء ما يستر حالهم من أنظار الأحباب والمستفسرين والشامتين..! وهومشهد آخر أضيف إلى مشاهد سابقة بدأت بمذبحة الزاوية الليبية.
مشاهد لا تقل قسوة ولا بربرية، درجت عليها السلطات الليبية في التعامل مع المقيمين السودانيين غير الشرعيين بأراضيها.
وقبل ذلك الحادث نقلت الصحافة السودانية صورأعداد من السودانيين تم ترحيلهم من ليبيا على وجه المباغتة، وحينما هبطت الطائرة بمطار الخرطوم اعتصموا داخلها وانخرطوا في بكاء جماعي مرير، كأنهم أطفال صغار، افتقدوا حماية الأسرة ونصرة الأهل والوطن.
و أجزم قاطعاً بأن دموعهم تلك كانت عزيزة وغالية عليهم، و ما كانت كاميرات الصحف لتصل إليها إلا على أنقاض ركائز صبرهم..! سقطت دموعهم لتلتقطها عدسات المصورين، كان ذلك لهوان وضيم لحق بهم في مهاجر الصحراء، التي ما كانوا ليذهبوا إليها لولا أن ضاق عليهم الوطن الأخضر -بما اتسع من أميال- حينما أصبح رزق أبنائهم عصي المنال..!
دموعهم التي بللت الصفحات الأولى بصحف الخرطوم..لم تجد وقتذاك قيمة للصعود في بورصة السياسة.. فحسابات ساس يسوس لا تسمح بذلك ..ودبلوماسية الصمت تعودت أن تمتص - دون أنين- جرعات الاستفزاز المتتالية!
وثمة أمر محزن ومؤلم وموجع دوماً في كثير من القضايا ذات الصلة بالجماهيرية الليبية، إذ تجد أن الحكومة السودانية كان يصعب عليها أن تعبر عن احتجاجها أو غضبها من تصرف تم أو تصريح قيل أو موقف اتخذ من قبل الليبيين... لذا ظلت الحكومة في كل الظروف تختار الصمت العاتب على المواجهة الصريحة..! |
|
Post: #43
Title: Re: جميع الجنسيات ما عدا السودانيين
Author: مصعب محمد عثمان
Date: 05-28-2013, 07:59 AM
| Quote: في هذا الاثناء تجرى تحقيقات داخل "المبوبة" التابعة لدار اليوم للاعلام ، لمعرفة كيفية "تمرير" الاعلان. |
إلى أي شيء أفضت نتيجة التحقيقات أستاذنا محكر
|
Post: #44
Title: Re: جميع الجنسيات ما عدا السودانيين
Author: مريم بنت الحسين
Date: 05-28-2013, 09:02 AM
Parent: #43
التحقيق اظهر المسؤولية مشتركة بين صاحب المنشأة والمندوب السوري... صاحب الشركة قال للسوري انه الوظائف المهن ما عايز فيها سودانيين، السوري وهو موظف جديد وما عنده خبرة، اخد الاعلان بي ضبانته وكتبه.. مصمم الاعلانات في مكتب المبوبة في الرياض هندي... وما بقرا الاعلانات... الكلام ده من خشم المدير التنفيذي للمبوبة ... وابدا اعتذار شديد لنادر .. وللسودانيين جميعهم... وحينزل الاعتذار يوم الخميس... الحادثه دي ورتهم انه محتاجين رقابة اكتر على الاعلانات ومراجعة اكثر دقّة...
|
|
