Post: #1 Title: والله خجلت لك يا صاحبي..... Author: هشام هباني Date: 05-24-2013, 11:23 AM
Post: #2 Title: Re: والله خجلت لك يا صاحبي..... Author: Haju Muktar Date: 05-24-2013, 11:39 AM Parent: #1
خجل شديييييييييد
سلام يا حضرة الناظر
Post: #3 Title: Re: والله خجلت لك يا صاحبي..... Author: هشام هباني Date: 05-24-2013, 12:57 PM Parent: #2
العزيز هجو
تحياتي
شنو الحاصل في الدنيا الفانية دي ما في مبادئ ولا بتيخ!؟
Post: #4 Title: Re: والله خجلت لك يا صاحبي..... Author: Yassir Tayfour Date: 05-24-2013, 01:12 PM Parent: #3
والله من العنوان عرفتك قاصد محمد المعتصم حاكم.. انا شفت الفيديوهات وخجلت ليهو ---- لا شيء يقال غير الجوع كافر!
Post: #5 Title: Re: والله خجلت لك يا صاحبي..... Author: هشام هباني Date: 05-24-2013, 01:25 PM Parent: #4
ياسر
كيفنك وعيالك
يااخي الزول ده كان كويس ومن الاتحاديين النضاف وجوع كافر بتااع شنو.... ده مواطن في امريكا بكامل الحقوق وسايق تكسيهو بحمد ربو في قلب واشنطون.... بس لكن صابتو عين ساكت! والله خجلان ليك يا معتصم يا صاحب.
Post: #6 Title: Re: والله خجلت لك يا صاحبي..... Author: أحمد الابوابي Date: 05-24-2013, 02:40 PM Parent: #5
سلام يا أستاذ هباني .. .
أناعن نفسي وقفت من حاجتين .. إني أندهش من موقف زول .. أو أخجل ليهو .. تعرف يا صديق .. السياسة دي أكثر سيولة مما نتخيل .. و أكثر داينامية ، و (( لا ثوابتية )) مما يبدو .. دا من ناحية .. الناحية التانية (( النفس البشرية )) أكثر تعقيداً ، و ( التواءاً ) .. و الأصح (( لولوةً )) مما نتصور .. و طالما في حاجة إسمها ( حظ النفس ) ، و الذاتية .. و (( مصلحة الحزب )) ، و حاجة تانية إسمها (( التبرير )) .. فتوقع من أي زول أي حاجة .. مع فرامل بسيطة من هذا التعميم .. طبعاً دا كلام محبط .. لكنو الحقيقة .. بالله لاحظ للساحة السياسية دي على اتساعا.. و وريني حليفين ظلوا زي ما هم من حيث الاتفاق ، و حسن الظن ، و تقديم العذر للآخر .. بل ( ظلو حليفين ) سااااي ، لمدة ذات بال .. ما في .. واقع الأمر كل زول بيشوف شوفو ، و بيتصرف .. و التبريرات راقده .. أذكر تماماً أني حضرت ركن نقاش لحزب الأمة في جامعة لجزيرة ، في التسعينات .. و في نفس اليوم داك سمعنا بإتفاق ( نداء الوطن ) .. المتحدثين في الركن كانوا أصحابي جداً .. الركن دا كان مسبوق بأركان ، الخطاب فيها قمة في المواجهة للنظام .. أها الجماعة قبل الركن شفتهم ليك يتوسوسو .. بعد دا بدا الركن .. و كان آية من آيات ( الدغمسه ) .. و مشو المتحدثين مباشرة لتبرير الاتفاق ، و الدفاع عنو في وجه ( ناس التجمع ) .. و طغى على الركن خطاب ( الصلح خير ) .. في نفسي .. قلت ( الصلح ما بناباهو .. لكين الفيكم اتعرفت ) ... بعد الركن مشيت ما أصحابي ديل ، و اتغدينا سوا .. المتحدث الرئيسي ( الزائر ) ، و هو من أعز أصحابي في هذه الدنيا ، كان واضح إنو داير يعرف إنطباعي عن الركن .. اتكلمنا .. فقلت ليهو تعرف يا ( ... ..) (( الشيطان عندو أسماء كثيره .. منها إبليس .. و ما عندي شك إنو من أسماؤه (( المبرّرُ )) .. يا حبيب إنت عملت كل مجهودك لتبرر إتفاق نحن لحدي الآن ما عارفين تفاصيلو، و ملابساته .. )) .. صاحبي ، ضحك ضحكة عاليه ، تمزج بين الإعجاب بالنكتة ، و العتاب على هذا الوصف المر .. على كل .. أنا ما باتفق مع صاحبي (( ياسر طيفور )) ، بأن الموضوع (( جوعه )) .. أبداً .. و أنا أرى بأن صاحبك أستاذ محمد المعتصم (( أنبل )) ، و (( أرجل )) من كدا .. بس يا حبيب طالما أنو في (( النفس )) .. و (( حزبي ، و حزبك )) ، و فوق دا ودا في (( المبرِّرُ )) .. دهشه ما في .. . . محبتي .. و تحايا لكل من علق ..
Post: #7 Title: Re: والله خجلت لك يا صاحبي..... Author: هشام هباني Date: 05-24-2013, 07:24 PM Parent: #6
العزيز دكتور الابوابي
تحياتي
Quote: أبداً .. و أنا أرى بأن صاحبك أستاذ محمد المعتصم (( أنبل )) ، و (( أرجل )) من كدا .. بس يا حبيب طالما أنو في (( النفس )) .. و (( حزبي ، و حزبك )) ، و فوق دا ودا في (( المبرِّرُ )) .. دهشه ما في .. .
وشكرا علي التحليل الموضوعي الراقي وبالفعل يا عزيزي الامر عالق بالنفس وهذه النفس وفق الماثور الديني ( امارة بالسوء) وهل هنالك سوء اكثر من الانحياز الي اشرار طغمة الخرطوم!؟ اتمني ان يعود الصديق محمد المعتصم حاكم من نفسه الامارة بالسوء الي الامارة بالخير وليعلم ان الذات الوطنية اكبر من ذات الفرد وذات القبيلة وذات الحزب وذات الطائفة خالص مودتي واحترامي
Post: #8 Title: Re: والله خجلت لك يا صاحبي..... Author: هشام هباني Date: 05-25-2013, 04:10 AM Parent: #7
الاخ محمد المعتصم واحد من تلاميذ المناضل الشهيد الشريف حسين الهندي ورجل خبرناه في دروب النضال مشربا بحب الوطن وصاحب مواقف وطنية ناصعة ولا اريده ان يلطخ في خواتيم العمر تاريخه بالعار في معية اعداء الانسانية ومنها شعب السودان وعودتك اخيرا الي الخائن الميرغني شريك القتلة واللصوص اعداء الشعب يا معتصم خيانة لمواقفك ومبادئك ولرمزك الشهيد الهندي عدو الطائفية بل شطب لتاريخك الوطني بالمجان!
Post: #9 Title: Re: والله خجلت لك يا صاحبي..... Author: هشام هباني Date: 05-25-2013, 12:12 PM Parent: #8
انه من عدم الحكمة يا صديقي ان تركب المركب وهي غارقة لتختم عمرك وانت محسوبا في معية الظالمين والمنافقين ولا اعتقد انها انتهازية منك لانك سيد العارفين وتدرك تماما ان سيئة الذكر ( الانقاذ) اصبحت عظما بل ارضا جرداء لا زرع ولا ضرع فزمن اللحم والشحم والطيبات انتهي ولذا ما عادت تغري الانتهازيين.... ارجو ان تعود الي ضميرك الوطني واما شيخك الميرغني فهو خائن موغل في الخيانة وقد قبض الثمن وحمد ولبد والله ورسوله اعلم وان كان فيه خيرا لما خرج عليه اقرب المقربين اليه وله التحية.
Post: #10 Title: Re: والله خجلت لك يا صاحبي..... Author: saif massad ali Date: 05-25-2013, 12:52 PM Parent: #9
عفن مابعدو عفن
والله الجوع والموت ولا بيع النفس رخيصة
شنو اسرائيل وعبدالواحد واقلع الجنسية
Post: #11 Title: Re: والله خجلت لك يا صاحبي..... Author: هشام هباني Date: 05-26-2013, 02:31 AM Parent: #10
حبيبنا الكلس ود عوج الدرب
بالله دعواتك شان ربنا اهدي صديقنا وحبيبنا محمد المعتصم الزول ده اقطع كون سختو ابو هاشم....يعني ما شاف في الاتحاديين الا الخاين ابو هاشم.....يا حليلك يا الهندي.
Post: #12 Title: Re: والله خجلت لك يا صاحبي..... Author: هشام هباني Date: 06-14-2013, 05:29 AM Parent: #11