انتو شنو قصة مخطط لتقسيم السودان لخمسة دول المدورة اليومين دي؟

سمعتها تتردد ترديدا ببغائيا من

البشير
نافع
علي عثمان
الحاج ادم
مهدي ابراهيم
السماني الوسيلة
معتصم حاكم و اخرون

طبعا الجماعة ديل ناس الانقاذ عندهم حاجة في راسهم يا اما عايزين يقسموا الباقي با اما عايزين يشتتوا الناس و يفلتوا من الزنقة الحاصلة ليهم بعد الهزائم من الجبهة الثورية .... رايكم شنو؟

في ناس رايها اىو امريكا و الغرب و اسرائيل هم عندهم مخطط لتقسيم السودان لخمسة دول. لكن لو سالتهم ليه ما عندهم اجابة

فوق لنعرف تفاصيل أكثر عن المخطط دة

محمد عثمان، سلام

Quote: ....عندهم مخطط لتقسيم السودان لخمسة دول...

في الوقت الحالي صعب جداً، وقبل فصل الجنوب كان لا يمكن أيضاً،

وأملنا كبير يا محمد السودان يرجع للجنوب والبلدين يرجعوا دولة واحدة كما عليه الوضع قبل الإنفصال..

خلينا نتمنى، التمني بي قروش كمان..

البارح يا محمد كنا في عزاء أخ عزيز علينا، ولو شفت اللمة عنوان ذي ده ما كان كتبتو.

وقصة التدوير دي إلا تكون في رأسك إنت يا محمد..

جمعة مباركة يا خوي..

سكرا الاخ الطيب بشير خلف الله علي المساهمة
انا قصدت بالتدوير ان كل قيادات الانقاذ تتحدث عن مخطط كهذا في خطبهم هذه الايام

وأنا يا محمد عثمان، بعد التحية والإحترام

أتحدث عن أمنية حقيقة داخل كل مواطن غيور على السودان في أن يبقى السودان موحد حتى لو كان يحكمه الجن الأحمر..

ولا تزعل من رأي على الإطلاق، ولنتحاشى تسويق مثل هذه الأفكار .. فهي لا ترضي أحد..

تقبل مروري..

الطيب عبدالرحيم خلف الله

فهم متأخر جداً من الحكومة لإشارة أطلقها وزير خارجية
أمريكا الأسبق هنري كيسينجر الذي كان وزيراً للخارجية
في حكومتي رتشارد نيكسون وجيرالد فورد .. وكان ذلك
في السبعينات من القرن الماضي .. وقد تحقق بالفعل الكثير
من تلك الإشارة .. الأمر يحتاج لتعمق في النظر .....

صباح الخير محمد علي عثمان ....

هي بعضُ ما يخاطبون به "قنابيرنا" ليستمروا سنين عدداً

ده كلام فاضي يا حبيبنا

حتى ناس دارفور قالوا تقرير مصير ما عايزين

ديل دايرين يكبرو كوم المصائب ويقنعوا الشعب انو غيرهم مافي زول بيقدر يحمي البلد

صدقني من الحركة الاتعملت بالسماح لقوات خليل ابراهيم تدخل امدرمان وتروع المواطنين

بس عشان لما يطردوهم الشعب يقول مافي احسن منهم

ده كلام فاضي يا حبيبنا

حتى ناس دارفور قالوا تقرير مصير ما عايزين

ديل دايرين يكبرو كوم المصائب ويقنعوا الشعب انو غيرهم مافي زول بيقدر يحمي البلد

صدقني من الحركة الاتعملت بالسماح لقوات خليل ابراهيم تدخل امدرمان وتروع المواطنين

بس عشان لما يطردوهم الشعب يقول مافي احسن منهم

ده كلام فاضي يا حبيبنا

حتى ناس دارفور قالوا تقرير مصير ما عايزين

ديل دايرين يكبرو كوم المصائب ويقنعوا الشعب انو غيرهم مافي زول بيقدر يحمي البلد

صدقني من الحركة الاتعملت بالسماح لقوات خليل ابراهيم تدخل امدرمان وتروع المواطنين

بس عشان لما يطردوهم الشعب يقول مافي احسن منهم

الباشمهندس محمد علي, شكرا على المجهودات القيمة و الهمة العالية!
القصة يا سيدي أن الأمن بالتنسيق مع مكاتب المؤتمر الوطني يرسل نقاط محددة talking points و يقموا ليك الجماعة بتكرارها كالببغاوات حتى ناس تابيتا بطرس تماما كالببغاء و تقول بلا خجلة دولة الجنوب النصرانية أول علامات هذا المخطط لتقسيم السودان و تتبعها الإنتهازية أميرة أبو طويل و الكذابيين المنافقيين الأخرين مثل معتصم حاكم و منير شيخ الدين و لم يسلم من ذلك حتى عديم الخجل دكتور الحبر نور الدائم ! يا سبحان الله! دا كلو كوم و عبود جابر كوم أخر! من هذا المنافق الذي يذكرني بعثمان أبو ساق في أخريات زمن نميري! هذا الرجل يهرف بما لا يعرف و يصل به الدجل لحد البكاء في اللقاءات التلفزيونية

Quote: Re: انتو شنو قصة مخطط لتقسيم السودان لخمسة دول المدورة اليومين دي؟

تحياتى الاخ / محمد على عثمان

مخطط تقسيم السودان فـــــزّاعــــــــة لاخافة المجتمع ليـســـتــمـــروا فى ســـدة الحكم لسنوات اخرى بدعوى انهم الاجدر والاحق بحماية وصيانة البلد ..

Quote: فهم متأخر جداً من الحكومة لإشارة أطلقها وزير خارجية أمريكا الأسبق هنري كيسينجر الذي كان وزيراً للخارجية في حكومتي رتشارد نيكسون وجيرالد فورد .. وكان ذلك في السبعينات من القرن الماضي .. وقد تحقق بالفعل الكثير من تلك الإشارة .. الأمر يحتاج لتعمق في النظر هي بعضُ ما يخاطبون به "قنابيرنا" ليستمروا سنين عدداً ده كلام فاضي يا حبيبنا حتى ناس دارفور قالوا تقرير مصير ما عايزين ديل دايرين يكبرو كوم المصائب ويقنعوا الشعب انو غيرهم مافي زول بيقدر يحمي البلد صدقني من الحركة الاتعملت بالسماح لقوات خليل ابراهيم تدخل امدرمان وتروع المواطنين بس عشان لما يطردوهم الشعب يقول مافي احسن منهم الباشمهندس محمد علي, شكرا على المجهودات القيمة و الهمة العالية! القصة يا سيدي أن الأمن بالتنسيق مع مكاتب المؤتمر الوطني يرسل نقاط محددة talking points و يقموا ليك الجماعة بتكرارها كالببغاوات حتى ناس تابيتا بطرس تماما كالببغاء و تقول بلا خجلة دولة الجنوب النصرانية أول علامات هذا المخطط لتقسيم السودان و تتبعها الإنتهازية أميرة أبو طويل و الكذابيين المنافقيين الأخرين مثل معتصم حاكم و منير شيخ الدين و لم يسلم من ذلك حتى عديم الخجل دكتور الحبر نور الدائم ! ي ا سبحان الله! دا كلو كوم و عبود جابر كوم أخر! من هذا المنافق الذي يذكرني بعثمان أبو ساق في أخريات زمن نميري! هذا الرجل يهرف بما لا يعرف و يصل به الدجل لحد البكاء في اللقاءات التلفزيونية مخطط تقسيم السودان فـــــزّاعــــــــة لاخافة المجتمع ليـســـتــمـــروا فى ســـدة الحكم لسنوات اخرى بدعوى انهم الاجدر والاحق بحماية وصيانة البلد

شكرا الاخوان بابكر قدور و هاني العربي و قرجة و دكتور عمر عبد اللة
علي مساهماتكم القيمة و التي تكشف خواء و استهبال الابالسة الذين لا زالوا يعتقدون انهم يمكن ان يواصلوا خديعة الشعب
السوداني..