لماذا لاتوجد موسيقي سودانيه بالطيران العربي ؟

لافي

المصريه ولا الاماراتيه ولا القطريه ولا الاتحاد ولا الخليجيه ولا الكويتيه ولا العمانيه ولا بالتاكيد السعوديه بناس ايرها حتي واليمنيه كمان ..


نعلم ان موسيقانا لاتعجبهم ولكن نحن ركاب ونسافر علي تلك الخطوط خاصة المصريه والامارتيه القطريه والخليجيه علي الاقل ان تكون هناك اي حاجه لها علاقة بالموسيقه السودانيه ان شاء الله البمبو السوداني ..

مافي خالص ..

لماذا ؟

السفر الطويل فيه ملل وعلي الاقل الواحد يريد ان يتسلي بشي متنوع لقطع تلك المسافات الطويله تقوم تفتش فيديو اديو ما في اي حاجه ليها علاقه بالسودان ..

سلام يا أسامة

جرب طيران جامعة الدول العربية

ببساطة لانو ما معترفين بالسودان بلد عربي..........

و نحن مصرين .........

دكتور بله .. سلام

Quote: جرب طيران جامعة الدول العربية

دي احسن منها سودان اير انت يا كتور عاوز تودينا التوج ..


شكرا دكتور بله ..

سلام يا نادر ..

Quote: ببساطة لانو ما معترفين بالسودان بلد عربي.......... و نحن مصرين .......

ليست القضيه بعرب او غير ذلك نحن كركاب ومن حقنا ذلك ..

بل توجد موسيقي لبعض الدول الافريقيه ما اعنيه انا السودانيه ...


شكرا نادر ..

Quote: يظهر عليك تحب الموسيقي شديد -- يا اخي السفر كما يقال قطعة من جهنم ان كان لابد لك منها الموبايلات ما خلت حاجة - تسمع قران- تسمع نكات-- تسمع محاضرات والانت تحبة

نعم احب الاستماع للموسيقي اين المشكله في ذلك ؟

في ناس بسافروا وما زالوا يحملون موبايل تلاتين عشره لا ذاكره ولا غير ذلك ..من حقنا ان تستمع بما يستمع به الاخرون .. اعني ان تدرج بعض الموسيقي السودانيه ضمن مختارات الاغاني في خطوط الطيران وخاصة
العربيه منها ..

كدي هاك روق روحك شوية مع طارق أبوعبيدة (خدر) والجاغريو
أصلي شابك فيهو اليومين ديل
صوت وأداء يريحان الأعصاب ويزيلان الكدر

http://www.youtube.com/watch?feature=player_d...ilpageandv=VbEff33zhHk

تحياتي

سلام يا عمده ..

Quote: كدي هاك روق روحك شوية مع طارق أبوعبيدة (خدر) والجاغريو أصلي شابك فيهو اليومين ديل صوت وأداء يريحان الأعصاب ويزيلان الكد

تسلم يا عمده فعلا طارق صوت جميل ودافي يريح الاعصاب ..

عندو عمل جميل اعتقد اهدي لي مطار لخطاب حسن احمد استمعت اليها هنا ولكنني لم اجدها..

تخيل يا عماد نحن في اسفارنا العجيبه دي الواحد من الملل يسمع دبكه لبنانيه ..


تحياتي عمده ..

تحية...

عندما كانت سودانير تسمي شركة طيران الشمس المشرقة ويقودها افذاذ ورئة الوطن متجددة باكسجين الاستقلال وارتياد عالم المعافاة لوطن خير ديقراطي كان الاخرون يتلمسون اغطية النوم في حلم لمعانقة الاصباح...

والأن اصبحنا نحلم فقط في سماع اغنية علي اي طائر يرتحل بنا الي الوطن العزيز (العليل)... فتامل...

أضم صوتي مع الاخ موسي عن طيران جامعة الدول العربية( التي لم تعد تلامس في مخيلتناأي رؤي أو احلام)..

سالت ذات يوم احد المستشارين العاملين في الشركة التي كانت تتبع لها قناة art عن عزوفهم عن تقديم الاغاني السودانية فقال لي انه حاول لكن السيدة المسؤلة( صاحبة الجلد والراس ) قطعت له ان اغانينا لا تستوفي المتطلبات التقنية من صوت واضاءة بالقدر الاحترافي المطلوب...هل كان القصد المخارجة بلطف ام تلك حقيقة...

(وغنيناك اشواق شاربة روعتنا وحنان همساتنا لابسسة ضياء القمر)...لك يا بلاد النيل سلام

الاستاذ محمد الكامل .. سلام

Quote: عندما كانت سودانير تسمي شركة طيران الشمس المشرقة ويقودها افذاذ ورئة الوطن متجددة باكسجين الاستقلال وارتياد عالم المعافاة لوطن خير ديقراطي كان الاخرون يتلمسون اغطية النوم في حلم لمعانقة الاصباح... والأن اصبحنا نحلم فقط في سماع اغنية علي اي طائر يرتحل بنا الي الوطن العزيز (العليل)... فتامل... أضم صوتي مع الاخ موسي عن طيران جامعة الدول العربية( التي لم تعد تلامس في مخيلتناأي رؤي أو احلام).. سالت ذات يوم احد المستشارين العاملين في الشركة التي كانت تتبع لها قناة art عن عزوفهم عن تقديم الاغاني السودانية فقال لي انه حاول لكن السيدة المسؤلة( صاحبة الجلد والراس ) قطعت له ان اغانينا لا تستوفي المتطلبات التقنية من صوت واضاءة بالقدر الاحترافي المطلوب...هل كان القصد المخارجة بلطف ام تلك حقيق

فعلا تتلاشي الاحلام يوما بعد يوم في بلد المليون ميل مربع وتبقي الزكريات والتاريخ كنا وكنا وكنا ..

ولكن الا تتفق معي من حقنا هذا المطلب البسيط نظير التكلفه الباهظه التي تدفع نظير التذاكر هذه الايام علاوة علي ان السودانين هم الاكثر تجوالا في ظل هذا النظام البائس ..

تحياتي ..

الأخ أسامه خليفه وضيوفه الكرام،
سلامات،
ومن يهن يسهل الهوان عليه.
هي بقت بس على الموسيقى في الطيران العربي؟ يا حبيب نحنا بقينا ملطشة الغاشي والماشي، لاننا أدمنَّا الصمت الرسمي والشعبي على هضم الحقوق والتجنَّي والسخريه على كل ما هو سوداني من بني عرب وأشياعهم. فكما قال تعالى "لا يغير الله ما بقومٍ حتى يغيروا ما بانفسهم"

لكم الود جميعاً
عثمان دُنقس

عثمان دنقس .. سلام

Quote: ومن يهن يسهل الهوان عليه. هي بقت بس على الموسيقى في الطيران العربي؟ يا حبيب نحنا بقينا ملطشة الغاشي والماشي، لاننا أدمنَّا الصمت الرسمي والشعبي على هضم الحقوق والتجنَّي والسخريه على كل ما هو سوداني من بني عرب وأشياعهم. فكما قال تعالى "لا يغير الله ما بقومٍ حتى يغيروا ما بانفسهم"

استاذ عثمان نحن تناولنا ابسط حقوق المسافر السوداني علي متن الخطوط العربيه بعد دمار الناقل الوطني والوطن نفسه ..

وما خفي كان اعظم ..

تحياتي ..