Post: #1
Title: السراي الصفراء ..
Author: تيسير عووضة
Date: 05-23-2013, 08:10 AM
Parent: #0
والإهداء هذه المرة للصديق قيقراوي في عليائه المجيدة ..
|
Post: #2
Title: Re: السراي الصفراء ..
Author: تيسير عووضة
Date: 05-23-2013, 08:13 AM
إهداء تاني للصديق أيمن الطيب في عليائه المجيدة ..
|
Post: #3
Title: Re: السراي الصفراء ..
Author: تيسير عووضة
Date: 05-23-2013, 08:16 AM
Parent: #2
وإهداء تالت للغائبين الحاضرين
خيرة إستاف السراي
الباشتمرجية:
أميرة الشيخ
عزوز شامي
هواري نمر
في عليائهم المجيدة بالجد جد ..
|
Post: #4
Title: Re: السراي الصفراء ..
Author: تيسير عووضة
Date: 05-23-2013, 08:19 AM
Parent: #3
الموسم الأول لغير المتابعين:
السراي الصفراء ..
ودا كان اللوقو بتاعو:
|
Post: #6
Title: Re: السراي الصفراء ..
Author: تيسير عووضة
Date: 05-23-2013, 08:22 AM
Parent: #4
والحاضر الغائب قمر بوبا
حكيم السراي الصفراء الكان بيعمل يع كلما عدد المرضى يزيد ..
|
Post: #5
Title: Re: السراي الصفراء ..
Author: فتح الرحمن حمودي
Date: 05-23-2013, 08:20 AM
Parent: #3
د. سناء خالد
(المهندس) قمر بوبا
-----------
غايتو الفيرشن دا الا نستعين بالمهندسين .. وكم مكنيكي نسبة لكثرة العيانين
الدوام ح يكون (داغط)
|
Post: #7
Title: Re: السراي الصفراء ..
Author: تيسير عووضة
Date: 05-23-2013, 08:24 AM
Parent: #5
مراحب باشتمرجي قيقا
إذا كان من الموسم الأول الدكاترة ما كانوا حايقي في المرضى فما بالك هسي نص الإستاف مافي ..
|
Post: #8
Title: Re: السراي الصفراء ..
Author: تيسير عووضة
Date: 05-23-2013, 08:43 AM
Parent: #7
نسبة للمشاكل العديدة التي واجهناها في البوست الأول بإعتقاد كثير من الناس خطأً بأنهم المعنيين
نود إفادتكم بأن الحالات الواردة في هذا البوست هي من صميم خيال الباشتمرجية ولا تمت للواقع بصلة
أي تطابق بينها وبين حالات أخرى في الواقع أو الأسافير فهو من قبيل الصدفة المحضة !
لذا لزم التنويه ..
والأولو ديسكليمر آخرو نور ..
|
Post: #9
Title: Re: السراي الصفراء ..
Author: تيسير عووضة
Date: 05-23-2013, 08:46 AM
Parent: #8
والباشتمرجي المتفاني سناء خالد ..
|
Post: #10
Title: Re: السراي الصفراء ..
Author: تيسير عووضة
Date: 05-23-2013, 08:50 AM
Parent: #9
المرة دي كمان عندنا حالات محولة من العيادات الخارجية
لا تنظر للأسفل عزيزي القارئ خلي راسك دايماً فوق ..
|
Post: #11
Title: Re: السراي الصفراء ..
Author: فتح الرحمن حمودي
Date: 05-23-2013, 09:03 AM
Parent: #10
البخاف من سيرة العفاريت بطلعولو
العوالم السفلية دي طلعت فيها اسرار عجيبة ..
الماسونية شغالة تش .. كلو سمسم ابيض!
خلو بالكم من الG .. حرف الشيطان دي
واي زول اسمو فيو دبل جي معناها شيطان ..
قيقراوي .. قوقل .. وهكذا
-----------
ديسكليمر:
الشهادات والتراخيص المعتمدة هنا للاستاف نتيجة خبرات خاصة في المجال
ارفع ليكم ترخيصي؟
الجودة ليست صدفة .. ونحن نصنع الجودة
زورونا .. تجدون نعيم مقيم .. احسن من نعيمكم الانتو فيو دا
|
Post: #12
Title: Re: السراي الصفراء ..
Author: أيمن الطيب
Date: 05-23-2013, 09:22 AM
Parent: #3
Quote: أميرة الشيخ
عزوز شامي
هواري نمر
سناء خالد..
قمر بوبا,,
في عليائهم المجيدة بالجد جد .. |
التحية للزملاء الأعزاء الغائبين طوعا إختيارا ,,
الذين فارقونا فى بحثهم عن عوالم حقيقية,, الشفوت الحرفا الفهمو الكنتة,,
وقالوها بالصوت العالى (خذوا دنياكم هذى فدنياواتنا كثر,,
ومبروك تكملة مشروع قسم الحالات الخطرة ونبشركم بقبول شيخ مشهور تخصص فى علاج
حالات الكدايس المختلفة خاصة العنيفة منها..| Quote: الجودة ليست صدفة .. ولولى تصنع الجودة |
قرقراوى ولد دا!! إنت من زمن إيسكريم لولى ,,
|
Post: #13
Title: Re: السراي الصفراء ..
Author: omer osman
Date: 05-23-2013, 09:36 AM
Parent: #12
السراي الصفراء دي شنو كلها تمرجية ودكاترة ما دايرة Security 
|
Post: #14
Title: Re: السراي الصفراء ..
Author: محمد البشرى الخضر
Date: 05-23-2013, 09:39 AM
Parent: #13
بالله حقوق اللوقو وبالمرة حقوق البوست سبب الدسكليمر:)
|
Post: #15
Title: Re: السراي الصفراء ..
Author: فتح الرحمن حمودي
Date: 05-23-2013, 10:27 AM
Parent: #14
[قرقراوى ولد دا!! إنت من زمن إيسكريم لولى]
هو ما ايسكريم بل زيتون .. لكن الشواطين هي الغيرتو
---------
ياخي هي لحمة يا عمك
شرطا عينا
غايتو خشمي دا الله يقدرني عليو ..
تعرف (فريدة) اتلصقت فيني بسببو ..
اصلاً انا نخست ليك جاري: ما ترفع يدك .. ح تحمل كان قريت دور فريدة؟
بضاعتنا ردت الينا .. فكرت فيها .. صدق الوكت داك لقيتا منطقية :)
ورفعت يدي
عليك امان الله اخير الحمل العادي ابو تسعة شهور وعشرة يوم دا ..
ياخي حملت اسم (فريدة) دا وهناً على وهن حولين .. لمن فكاني منو (وحيد)!!
بالله عليكم وسعوا الابواب .. خلوها تسع عناقريب الجنازات
ما بنقدر نسكت انحنا
|
Post: #16
Title: Re: السراي الصفراء ..
Author: تيسير عووضة
Date: 05-23-2013, 10:37 AM
Parent: #15
دقيقة دقيقة ..
مشيت أخدت لفة سريعة بالإضافة لـ اللوقو أعلاه لقيت في باشتمرجية ما ممكن ننساهم
أظنهم ديل الكانوا ماسكين نبطشية الليل:
ناصر الأمين
و م ح ج
وود البشرى
|
Post: #18
Title: Re: السراي الصفراء ..
Author: تيسير عووضة
Date: 05-23-2013, 11:00 AM
Parent: #16
الباشتمرجي الأعظم قيقاداوي ..
Quote: خلو بالكم من الG .. حرف الشيطان دي
واي زول اسمو فيو دبل جي معناها شيطان ..
قيقراوي .. قوقل .. وهكذا |
قرقريبة؟
قرقراب ياربي؟
إنت بتقيب الكلام دا منين يا راقل؟
دكتور أيمن ..
كبير الباشتمرجية ورئيس قسم السلوك العارية والعلاج بالصدمة
Quote: ومبروك تكملة مشروع قسم الحالات الخطرة ونبشركم بقبول شيخ مشهور تخصص فى علاج
حالات الكدايس المختلفة خاصة العنيفة منها.. |
دا طبيب زاير ولا كيف؟
الليلة وين أنا بالعصر مرورو 
| Quote: السراي الصفراء دي شنو كلها تمرجية ودكاترة ما دايرة Security |
يا جنابو ياخ السيكيورتي دا أهم زول
نحن هنا بعيد عنك القاعدين يشردوا الدكاترة ما العيانين
ود البشرى يا زميل ..
| Quote: بالله حقوق اللوقو وبالمرة حقوق البوست سبب الدسكليمر:) |
حقوق اللوقو عرفناها
التانية دي ياتا؟
|
Post: #23
Title: Re: السراي الصفراء ..
Author: ombadda
Date: 05-23-2013, 11:26 AM
Parent: #16
افتتحت عيادة بعنوان Bedlam للحالات المستعصبة والإنتكاسات.
يبدو تايسا حالتها إنتكست. ما مشكلة صدمة كهرباء خفيفة وتسلك.
:-)
|
Post: #17
Title: Re: السراي الصفراء ..
Author: أيمن الطيب
Date: 05-23-2013, 10:43 AM
Parent: #15
قرقرا أقعد ساى,,Quote: ياخي هي لحمة يا عمك
شرطا عينا |
,,بالطريقة دا ناس السرايا لو لمو فيك مطرف برقوك طوالى,,
ولولى صنعت الآيسكريم أولا وبعدواللحمة المفرومة..
ما علينا يا قرقرا,,
مشى حالك إسكريم لحمة مفرومة كلو محصل بعضو..
هسة الحامل منو ما عرفنا!!!
مبروك للضمان كدا,,
|
Post: #19
Title: Re: السراي الصفراء ..
Author: تيسير عووضة
Date: 05-23-2013, 11:07 AM
Parent: #17
نذكر السادة الدكاترة والباشتمرجية والعيانين زاتم باللآت الثلاث:
لا كوت
لا كابشر
ولا هنت
يا سوداننا أبداً علينا
|
Post: #20
Title: Re: السراي الصفراء ..
Author: Hani Arabi Mohamed
Date: 05-23-2013, 11:10 AM
Parent: #19
صباح الخير تيسير ... معقولة أكون برّا الروعة دي كلها
دا .... ما ممكن :)
|
Post: #21
Title: Re: السراي الصفراء ..
Author: تيسير عووضة
Date: 05-23-2013, 11:15 AM
Parent: #19
|
Post: #22
Title: Re: السراي الصفراء ..
Author: وليد محمد المبارك
Date: 05-23-2013, 11:21 AM
Parent: #21
اسعافكم ده مالو شكله انثى انثى كده؟
|
Post: #24
Title: Re: السراي الصفراء ..
Author: محمد حيدر المشرف
Date: 05-23-2013, 11:33 AM
Parent: #22
Quote: عزوز شامي
هواري نمر
سناء خالد..
قمر بوبا,,
أميرة الشيخ |
والله إن خارج المنبر خيرٌ من باطنه ..
المقعدنا شنو ما عارف نباري فوق الجداد النبوي والدجلي والتكفيري والبذيء والسطحي وما أكل السبع ..
قيل ثم من ؟!
قيل الاعتذاري, إليه تساقُ البوستات وتهدى وهو سادرٌ في غيٍه ما ينقم منًا الا عدم فهمنا لحواراته العميغه !!
|
Post: #26
Title: Re: السراي الصفراء ..
Author: ombadda
Date: 05-23-2013, 11:41 AM
Parent: #24
غرفة خاصة ب ECT
حالات مستعصية شديييييد
Electroconvulsive Therapy
|
Post: #27
Title: Re: السراي الصفراء ..
Author: فتح الرحمن حمودي
Date: 05-23-2013, 11:41 AM
Parent: #22
حامل المسك انا يا ايمن
ونافخ الكير هو
-----
لاءات .. وكمان تلاتة؟
يا النبي نوح!!
يا تايسا انت ما عارفة انو (لا) دي حرف معبود الرياح؟
والريح حكامة*
وهكذا ...
* زيها وزي( مريم زخيرة) وااااحد ..
نقترح تثبيت مصطلح (مريم زخيرة) في القاموس الطبي .. وتعني:
أي حالة تجليد يد -بي جلد- ودعوة لتار سيدو غافل .. برا شغلة
ود البشرى يا عمك ..
تعرف انا بديت مشواري الاسافيري بالتواء اخلاقي وغوغائية سياسية مش بس كبياع ترتر ..
بل مصنّع ترتر عديل كدا .. والله صحي :)
|
Post: #25
Title: Re: السراي الصفراء ..
Author: Haytham Ghaly
Date: 05-23-2013, 11:37 AM
Parent: #17
اولا تحيات عطرات ومعقمات لكل التمرجية في السراي الصفراء المجيدة
ويا ريت تورونا شروط الالتحاق بالعمل ضمن الاصطاف بالذات مع النقص الحاصل
ولو مافي ما مشكلة انا موافق ابقى مريض تحت العناية حتى تتم ترقيتي لي باش تمرجي تحت التمرين
المشكلة انتو ما عارفنها وين!!!!!!!!!!
المشكلة انو عدد المرضى زاد مع زيادة الدولار والريال والدرهم وكمان اليورو والجنية الجنوب سوداني
يعني اعباءكم حا تزيد بزيادة معدل النموء والتضخم
__________________________
قيقراوي يا اخوي انا في اسمي دا في جي وااااحدة
حا يكون تصنيفي شنو يا ترى
والذ حاجة يا قيقا تاني غنية حبيت عشانك كسلا حا تبقى ضمن المدايح المافي شنو؟؟
ونحن نمدح ونرزح زاتو ونتكئ على حائط معبد سليمان ونتفرج في شياطين الانس والجن
ماذا تفعل باورشليم الجديدة كرت
تحياتي لكل التمرجية وست السراي
|
Post: #28
Title: Re: السراي الصفراء ..
Author: أيمن الطيب
Date: 05-23-2013, 11:47 AM
Parent: #25
يا هيثم غالى والطلب رخيص,,| Quote: ماذا تفعل باورشليم الجديدة كرت |
إنضم وأبدأ النضم يازول إنت ملتحق ملتحق,,,
بس كرت واحد باقى ليك بكفى,,
ثم,,,,
غالى أم جلى!!!
حدد يا ملتحق,,
|
Post: #29
Title: Re: السراي الصفراء ..
Author: أيمن الطيب
Date: 05-23-2013, 11:54 AM
Parent: #28
اووووووووووووووووووووووووووو,,
دكتور أم بدة زاتو!!!
يا الف هلا ومرحبا!!
إين أنت يا رجل,,
من ديك وعيك!!
عيييييييييييييك..
|
Post: #33
Title: Re: السراي الصفراء ..
Author: ombadda
Date: 05-23-2013, 12:39 PM
Parent: #29
هلا أيمن الطيب.
الا زلت فى عليائك؟
لان الجزء الأول من السرايا كان الإهداء لأيمن فى عليائه.. وسألنا أيمن دة منو؟
غايتو المرة دى ربنا يجيب العواقب سليمة. المرة الفاتت الطواقى مقاسها مظبوط بالسنتمتر.
أهو متابعين، أصلو فايقين ورايقين ومرتاحين ونتسلى معاكم.
بالمناسبة يا أيمن، إنت نزيل هنا فى السرايا الصفراء ول طبيب؟
طبعا فى حوش المستشفى بالجد كدة ما بتقدر تمينز المريض من النصيح. أول يوم فى كورس الطب النفسى بمستشفى التجانى الماحى لقيت واحد كدة فى حوش المستشفى سألته عن قاعة المحاضرات، فوجأت بانه من المرضى.
قصة بايخة مش؟
|
Post: #38
Title: Re: السراي الصفراء ..
Author: osman righeem
Date: 05-23-2013, 02:43 PM
Parent: #33
بوست ما فيهو عزيز بي تحت ولا حلو
صحي النائب الاول برضوا جاتو لوز؟[
______________________________________________
البطاقات الصحية المفبولة عندكم شنو؟؟؟
/B]
|
Post: #30
Title: Re: السراي الصفراء ..
Author: علي محمد الفكي
Date: 05-23-2013, 11:57 AM
Parent: #28
قيقراوي دا مين
قيقراوي دا زمان اتمسح بي استيكة
او كما قال عمر شمس ..
اها الاسعاف دي عجبتني عاوز اسوقة
سواقتي مجربة 24 سنة خبرة
معاي رخصة من 30/6/89
وطلعتها يوم جمعة شفتو كيف
اها الفهم شنو
|
Post: #31
Title: Re: السراي الصفراء ..
Author: Haytham Ghaly
Date: 05-23-2013, 12:19 PM
Parent: #28
الباش تمرجي ايمن عساك طويب يا طيب
كرت واحد كان بكفي باقيلك يا ايمن بطلب اخش السراي
انت كان عرفت كمية الكروت الاستخدمتها عشان افرز حقيقة اصولي بشري انا ام انسان
كنت حاتوقع من طولك وموش حا تقدر تغمض عينيك
بالنسبة للاسم ياخي مجليني مالك يا ايمن يا طيب
غالي .... غاااااااااااالي وهو الما غلى شنو عليك الله
وشكرا كتتتتيييييرا على قبول طلب الالتحاق
تحياتي
|
Post: #32
Title: Re: السراي الصفراء ..
Author: تيسير عووضة
Date: 05-23-2013, 12:31 PM
Parent: #31
لا حولاااااا
دكتور أمبدة إنت الموضوع دا لسة ماكل معاك جنبة؟
هاني ..
ولسة نحن فيها ومن قولة تيت
مرحب بيك في السراي
قول يا ساتر واعمل ساتر
وليد ..
| Quote: اسعافكم ده مالو شكله انثى انثى كده؟ |
مالو ضاربين ليهو منكير؟
حيدرنا المشرف ..
Quote: والله إن خارج المنبر خيرٌ من باطنه ..
المقعدنا شنو ما عارف نباري فوق الجداد النبوي والدجلي والتكفيري والبذيء والسطحي وما أكل السبع ..
قيل ثم من ؟!
قيل الاعتذاري, إليه تساقُ البوستات وتهدى وهو سادرٌ في غيٍه ما ينقم منًا الا عدم فهمنا لحواراته العميغه !! |
وإنك ممن يجعلون هذا المكان أكثر إحتمالاً
قيقا دا ما تركز معاهو كتير
وأهم شي
ما تزعل منو رغم إنو غياظ مرات
لكن قلبو نضيف ومخو أنضف
والكلام دا على مسؤوليتي
حنمسكك الأجزخانة وضرب الحقن خليك قريب
|
Post: #34
Title: Re: السراي الصفراء ..
Author: تيسير عووضة
Date: 05-23-2013, 12:59 PM
Parent: #32
Quote: لاءات .. وكمان تلاتة؟
يا النبي نوح!!
يا تايسا انت ما عارفة انو (لا) دي حرف معبود الرياح؟
والريح حكامة*
وهكذا ... |
الكوندشن بتاع اللآت دا من الموسم الأول يا قيقا
Re: السراي الصفراء ..
هو بدون لآت الناس مدروعين لينا في رقبتنا "دكتور أمبدة مثالاً"
بالله اللا طلع بتاع معبود الرياح؟
أنا قلت لا ليمون
لا لمبة
لا لولي
وهاكزا
يا هيثم غالي ..
Quote: ويا ريت تورونا شروط الالتحاق بالعمل ضمن الاصطاف بالذات مع النقص الحاصل
ولو مافي ما مشكلة انا موافق ابقى مريض تحت العناية حتى تتم ترقيتي لي باش تمرجي تحت التمرين |
الإلتحاق بالسراي بدون شروط لمن يأنس في نفسه الكفاءة كان عيا كان علاج
دا غير إنو عندنا خاصية الإلتحاق المزدوج بعني تكون مرات الدكتور وإنت زاتك تكون مرات العيان
معظم دكاترة السراي بعملوا كدا
يا ود الفكي ..
Quote: اها الاسعاف دي عجبتني عاوز اسوقة
سواقتي مجربة 24 سنة خبرة
معاي رخصة من 30/6/89
وطلعتها يوم جمعة شفتو كيف |
أبشّرك ..
إسعاف السراي الصفراء ما داير رخصة سواقة زاتو
شيل المفاتيح واتوكل
|
Post: #35
Title: Re: السراي الصفراء ..
Author: أيمن الطيب
Date: 05-23-2013, 01:19 PM
Parent: #32
سلامات يا دكتور أم بدة ياخ,,Quote: هلا أيمن الطيب.
الا زلت فى عليائك؟
لان الجزء الأول من السرايا كان الإهداء لأيمن فى عليائه.. وسألنا أيمن دة منو؟
غايتو المرة دى ربنا يجيب العواقب سليمة. المرة الفاتت الطواقى مقاسها مظبوط بالسنتمتر.
أهو متابعين، أصلو فايقين ورايقين ومرتاحين ونتسلى معاكم.
بالمناسبة يا أيمن، إنت نزيل هنا فى السرايا الصفراء ول طبيب؟
طبعا فى حوش المستشفى بالجد كدة ما بتقدر تمينز المريض من النصيح. |
بالنسبة للعلياء أحمد الله سيدى تساميت وطلعت فوق درجة درجتين وكبرت الدماغ يا صاحب,,
وعليك النبى يا دكترة فوقتك وروقتك دى أدينا ليها كلها هنا مع زوال أسباب الحسحسة القديمة..
وبالنسبة لوجودى فى السرايا أخوك بالنهار بساعد فى بعض الأشغال علما بإنو أخوك إختصاصى
جنريترات لكن المجانين الوهم ديل ملصقين لى شغلانة السلوك دى ليه أنا ما عارف,,
وبالليل بعمل مجنون وأخلى مسؤوليتى وأستمتع بالدهشة والناس العاملة عاقلة دى,, | Quote: أول يوم فى كورس الطب النفسى بمستشفى التجانى الماحى لقيت واحد كدة فى حوش المستشفى سألته عن قاعة المحاضرات، فوجأت بانه من المرضى. قصة بايخة مش؟ |
ابدا والله وكما قيل قديما خذوا الحكمة أو أعرفوا قاعات المحاضرات من السادة النزلاء..
لكن سؤال يا طب بما إنو الدرب جابك,,
قصة مدى تأثر أخصائى الصحة النفسية
بطبيعة وبيئة عملهم والوسط العام ككل!!
صحيحة وقدر شنو كدا,,
علما بإنو قريب جدا من أخوك إتنين كبااار
خالس خالس لكن ما قادر أقراهم...
والله تحياتى ومودتى..
|
Post: #36
Title: Re: السراي الصفراء ..
Author: فتح الرحمن حمودي
Date: 05-23-2013, 01:47 PM
Parent: #35
دكتور امبدة ذكرتني شيخنا القطب الغوث د. محمد عبد الله الريح
قريتوا (سلامات) يا برينسات اليومين ديل؟
--------
هو -اي د. حساس محمد حساس- ذكرني ود اللمين مين مين ... حمودي (اخوي) الحيطة بالحيطة .. او طريدي في رواية مجيدة
مرة -وهو يجيد تقليد مشية اي زول- كان شغال معانا ما يطلبه المستمتعون ..
اها قلد لينا فلان .. قلد لينا علان .. في الاخر قلنا ليو قلد لينا مشيتك انت دا ..
بدأ يتشنج ويقلد .. شوية وانتبه .. قال : هي ما امشي مشيتي ذااااتا .. دي دايرة ليها تمثيل دي!!؟ :)
د. حساس لمن مشى السراي الصفراء (الاصل) كان ملاوز انو يتهم في قواه العقلية
فبدأ يتخبط .. كل ما يعمل حاجة يحس انو الجماعة ح يفتكرو انها ما طبيعية ..
في الآحر وصل لي انو : ادعاء البساطة(الطبيعية) .. هو اصصصصصصعب شيء في الدنيا
بي كوول يا شباب .. ما محتاجين تمثلوا هنا
وان شاء الله توزيع الشهادات يكون في الحلقة الاخيرة ..
وبأذن واحد أحد نخرج الدفعة كلها بامتيااااز .. نزلاء معتمدين
بتوقيع المدير العام وختم السراي
بتساعدكم في حيواتكم القادمة
المافي شنو؟
|
Post: #37
Title: Re: السراي الصفراء ..
Author: محمد البشرى الخضر
Date: 05-23-2013, 02:30 PM
Parent: #36
حاشاك بيع الترتر يا قيقرا، كفاك بيع الروح الحلوة - رغم انك بعتها كلها ولم تستبق لنفسك منها :)
بالنسبة لمسألة الالتواء و الغوغاء السياسية القلت عليها في بداية اسفرتك فيسعدني هنا بلع الذمة و الروحان كما ينبغي لواحد ما عايز مشاكل الدنيا خميس وعقاب شهر ( يوجد وجه ضاحك هنا تعبيرا عن حسن النية- داخل من تلفون بعيد عنك واميرنا قال تاني ما بمشي لي ناس ما بجونا)
|
Post: #39
Title: Re: السراي الصفراء ..
Author: محمد حمزة الحسين
Date: 05-23-2013, 03:59 PM
Parent: #37
يا جماعه وحدوا الدايم
نحنا ما صدقنا دخلنا الحوش اهو كمااان تانى فى سراي وكمان صفراء ...دا كلام شنو دا يا تيسير
:
:
:
:
غايتو المريح اعصابى انا وفتح الرحمن حمودى دا ولاد فد شهر اى والله
اسف للتعديل كلمة سراى من خطأ طباعى
|
Post: #40
Title: Re: السراي الصفراء ..
Author: فتح الرحمن حمودي
Date: 05-23-2013, 06:11 PM
Parent: #39
بسم الله نبدأ
انا رأيي انو نعمل تعارف ؤ كدا (ما بتاع الكيزان في بداية المشروع الحضاري .. حيث لم نجد لا حضارة ولا مشروع هناك)
اخوكم في الله ان شاء الله قيقاحاوي
النصيحة انا ما دكتور .. بل بصير .. وفكي ديغيتال
يجيب الرايحة .. ويروح الفي
اخصائ مخ واعصاب المورجغين
وجراحاتي كلها بدون بنج
اصلا الحالات البحولها لي بتكون مستعصية .. وميئوس منها
فالج ولي فوق .. وقديماً قيل:
فالج لا تعالج
اها بنصرف روشتة ستنا البصيرة ام حمد طوالي بعد الكي .. آخر العلاج
-----------
اول الحالات المستعجلة لزبون طالما تشككت في علاقة زبائنيته..
لي شخصياً ككاتب مجيد .. مفضل .. وك(الطبيب المداويا)
اظرف حاجة -لمن مارست عادتي السيئة غير السرية- وفضحت اعجابو الخجول بما اكتب واهبب هنا .. وبالدليل القاطع، بقا يمارس عادتو السيئة الكان قايلا سرية، سراً ...
لكن وين دا .. مافي جريمة كاملة ...
لي دقستو شال كلام كاتبو انا دا فس بوست يخصني تتماماً .. ومشى فتح ليو نفاج ورجغة .. وقعد يبرطم
فتأمل!!
انقروا هببتوا ليو!؟
|
Post: #41
Title: Re: السراي الصفراء ..
Author: علي محمد الفكي
Date: 05-23-2013, 06:48 PM
Parent: #40
Quote: أبشّرك ..
إسعاف السراي الصفراء ما داير رخصة سواقة زاتو |
سمحة المقدرة
ركبنا واتحكرنا
المناقل يا المقابر
والعيان داخل الاسعاف في ذمة التمرجي
غنو سواقنا زينا وحالف ما يودينا
|
Post: #42
Title: Re: السراي الصفراء ..
Author: ombadda
Date: 05-24-2013, 09:04 AM
Parent: #41
Chaise Lounge
.
غايتو ما قصرنا مع ناس السرايا الصفرا فى الأثاث والأجهزة.
فتحنا غرفة بها جهاز ECT ولمن يعرف الإى سى تى هو كهرباء (كهرباء الواأحدة دى) بس مخفضة شوية ويتم صعق المريض بها، يدخل المريض بعدها فى نوبات تشنجية زى مريض الصرعة (الله لا وراكم المنظر دة).
ايضا من الإنجازات جلب اريكة Chaise Lounge وشيز لون كلمة فرنسية شيز بمعنى كرسى و لون بمعنى طويل. وعلشان المريض يسترخى ويحكى قصته، يتم حقنه بجرعة ضئيلة جدا من الفاليوم- عقار منوم.
أول واحد ندعوه للإستلقاء على الأريكة دى حبيبنا المدير العام للسرايا الصفرا قيقراوى. بصراحة كدة ملاحظ فى كهربا زايدة شوية وحبة تشنج وكلام كدة ما مفهوم زى القطب الغوث وحساس و ود اللمين. كلام ما مترابط. كدة استلقى على الأريكة دى شوية واخد نفس عميغ بالغين ونفس تانى أعمق بالقاف. ما تقوم لغاية ما اقول ليك اصله عندى مريضة فى غرفة الإى سى تى محتاجة صعقة خفيفة كدة بتاعت كهربا.
يا أيمن. بخصوص سؤالك.ما بقدر اجاوبك لانى ما اختصاصى امراض نفسية، اعتقد الأبوابى و ناهد فى التخصص دة.
سأعود بقوة هههههه
|
Post: #43
Title: Re: السراي الصفراء ..
Author: Haytham Ghaly
Date: 05-24-2013, 09:33 AM
Parent: #42
تايسا تحياتي
عارفة يا تايسا ميزة انو الواحد يكون المريض والدكتور في آن واحد دي حلوة ومفيدة
على الاقل المريض يشكي للدكتور والدكتور يكون حاسي بالمريض تماما ودي ميزة في زمنا دا مافي
وعموما اصلا حا يكون التشخيص انفصام لكن في شنو ما معروف.
يا قيقا رايكم شنو نعمل لغرف السراي شوية رموز عشان نتفاهم بيها بيناتنا ؤ كدا
وبالمرة نرمز حتى المرضي وبالذات المرضى المن عهد عاد زيي كدا اما المن عهد شيث ديل انا ما بعرفم وما مروا علي
|
Post: #44
Title: Re: السراي الصفراء ..
Author: فتح الرحمن حمودي
Date: 05-24-2013, 10:33 AM
Parent: #43
Quote:
أول واحد ندعوه للإستلقاء على الأريكة دى حبيبنا المدير العام للسرايا الصفرا قيقراوى. بصراحة كدة ملاحظ فى كهربا زايدة شوية وحبة تشنج وكلام كدة ما مفهوم زى القطب الغوث وحساس و ود اللمين. كلام ما مترابط. كدة استلقى على الأريكة دى شوية واخد نفس عميغ بالغين ونفس تانى أعمق بالقاف. ما تقوم لغاية ما اقول ليك اصله عندى مريضة فى غرفة الإى سى تى محتاجة صعقة خفيفة كدة بتاعت كهربا.
|
الشهادة والترخيص ما بكفوا .. لازمن فحص سريري يعني؟
عندي شهادة من دكتور سيد (كوستي)
ملاحظة ايمن في محلها .. وهي العلاقة الجدلية بين انزيل والطبيب المداويا
في اوكات كتيرة جداً -بدون سابق معرفة- ما بتقدر تفرز العيان منو والدكتور منو!!
---------
يا هيثم غالي يا حبيبنا
التعمية والتشفير (اقرأ "كربتولوجي") هي اساس النظام المعلوماتي في السرايا .. اول انت قايل (لاءاتنا) عبادة شيطان ساي ول كيف؟
في النسخة القديمة من السراي جبت فلم فيو الدكتور بدل ما يعالج عضو المافيا المعتل نفسياً ... انتهى بانو الدكتور بقا عضو في المافيا ... واللتنين معتلين الصحة النفسية!!
جبتها في معرض ملاحظة اعراض الاعتلال النفسي على طبيبي الخاص د. سناء خالد
ياخي بالجد وحشونا الشباب ديل
انتو د. هواري نمر في زول ذكروا ول نسيتوهو!؟
مشتاقين يا تايقر .. وحشتنا طلاتك الصباحية ..
بدريييي .. كأبدر ما يكون
خدرجي انتا؟
|
Post: #45
Title: Re: السراي الصفراء ..
Author: Haytham Ghaly
Date: 05-25-2013, 08:25 AM
Parent: #44
ارجو الانتباه
على الاسعاف التحرك الفوري
هناك مريض في الطريق ويبدو ان حالته مستعصية جدا
لذلك يجب اخذ الحيطة والحذر واستخدام العدة بالطريقة الصحيحة
يجب الانتباه هذا المريض خطر
تم اسعافه بصعقة كهربائية بعيدة المدى مسافتها تقريبا ( الخرطوم _ اوتوا)
على الجميع التحرك وتجهيز غرفة العناية المكثفة
|
Post: #46
Title: Re: السراي الصفراء ..
Author: حمد عبد الغفار عمر
Date: 05-25-2013, 09:03 AM
Parent: #45
تحايا
أمس قريت إنو توفيق الدقن في واحدة من أفلامو مثل دور مواطن سافر ولما رجع لقى أهل الحي كلهم بقوا فتوات
عاين كدا وقال ليهم : طيب مين الحينضرب ؟
|
Post: #47
Title: Re: السراي الصفراء ..
Author: فتح الرحمن حمودي
Date: 05-25-2013, 09:56 AM
Parent: #46
في اقصى حالات هذيانه قال: "ونسة الضكير للضكير .. النوم اخير"
كتبت ليو روشتة مستعجلة جداً: "بل قرداً يونسك .. ولا غزالة تزوزي بيك"
----------
قرأ -لاحظ!!- الروشتة وقال انا ذاتو ما قاعد اقرأ البتكتبو انتا .. وانصرف
كتبت في ظهره:
" اذا كنت لا تقرا الا ما يعجبك .. فتأكد انك لن تتعلم ابداً"
ممكن تقرأ بذاكرة تلميذ ابتدائي مشاغب: حمـــــــــــــار
|
Post: #49
Title: Re: السراي الصفراء ..
Author: علي محمد الفكي
Date: 05-25-2013, 11:26 AM
Parent: #48
عرض حال يا ناس السراي
يا سلام اتذكرت ترابيز العرضحالجية قدام المحكمة والمجلس زمان
وعمك حاج بابكر لازم امر بي جنبو واسلم عشان حبة الحلاوة ..
كانت ايام كالخيال احلام
اها نجي لي كشف الحال قصدي عرض الحال
وقالوا خدوا الحكمة من افواه البسطاء
دبلماسية مني صاح
في حياة الناس الخرافة بقت تاخد حيز ومكان من اكثر حاجة تانية مش كدة وبس بقت واقع ..
الواحد يكون عايش في خرافة فاكرة واقع .. وتكون فاكر الواقع خرافة وتهرب منو ..
يعني بقينا نعيش واقع مخرف واي حاجة عندنا بتحصل بي صورة مخرفة وحتى الحقيقة لازم نخرفة حتى نصل ليها
دا من شنو يكون يا ربي من الزيت ولا من الزيت
|
Post: #50
Title: Re: السراي الصفراء ..
Author: علي محمد الفكي
Date: 06-01-2013, 01:26 PM
Parent: #49
مين سجل ليكم خروج ؟؟
جيبوهو لي ونادوهو لي
وكان نايم صحوهو لي
|
Post: #51
Title: Re: السراي الصفراء ..
Author: فتح الرحمن حمودي
Date: 06-01-2013, 04:37 PM
Parent: #50
Quote:
مين سجل ليكم خروج ؟؟
|
يا ابو علوة .. يا اخوي اظنو مواعيد حقنتك فات ..
انت مش آخر زول طلعت من هنا .. ما قفلت الباب وراك مالك!؟
------------
انت قايل النزلاء ديل جايباهم صوت الدلوكة .. ول جايين بارتي هم!
يا اخوي الحق سريع سريع صلح غلطتك دي .. وجمع الزبائن على العاملين
ما ضروري تجيبم هم ذاتم .. اقرب اعضاء حايمين جمب/في السراي دي اقبض وجيب يا عمك
واقسمم لفريقين .. ناس يلبسوا لبس الاستاف .. والباقين دخلوهم في البدل اليدينا مربوطات ديك
لا احد سيلاحظ الفرق!!
|
Post: #52
Title: Re: السراي الصفراء ..
Author: فتح الرحمن حمودي
Date: 06-03-2013, 09:37 AM
Parent: #51
انا قررت قرار خطير جداً اصالتن عن قيقاراوي ونيابتن عن نفسي وبالتضامن
--------------
بشرى سارة للملولين .. والكسالى وكارهي الاطناب والحشو .. والكارهين ذاتم ومحرقاهم روحم ساي!
الراوي السوبر ح يترك مجال الروايات والقصص المكسيكية .. وسيتجه للقصة القصيرة جداً .. شايف سوقا واري وبتجيب جوائز كمان
محاولة اولى:
"ارسلت له بطاقة دعوة لحضور زفافها، فأرسل لها صورة الرجل الذي حدّق في قرص الشمس حتى غضّت الطرف"
دي ما كتبتها انا .. قريتا ساي .. لكن جاريتا بي:
""ارسلت له بطاقة دعوة لحضور زفافها، فأرسل لها صورة الرجل الذي حدّق في قرص الشمس حتى غضّت الطرف""
مافي (مجنون) يجي يقول لي ما ياها ذاااتا!!
في فرق -انا لا اسرق ولكني اتجمل بحق الناس- اقرأ اقتبس ان كان ولابد انك قارئ
في القصة الاصل، الغضت الطرف هي الشمس .. وفي قصتي صاحبة كرت الدعوة هي التي غضت الطرف .. او العكس
المهم في اختلاف ؤ كدي
دي آخر مرة اشرح ليكم .. عشان -فضلة خيركم- باكورة ؤ كدي
الابداع ما بشرحوهو .. ما تكرهونا الكتابة الابداعية ياخي !!
|
Post: #53
Title: Re: السراي الصفراء ..
Author: ombadda
Date: 06-04-2013, 05:38 PM
Parent: #52
قسما دة الجن الكلكى ذاتو..
ابداع..
|
|