جالس في همبريب المكيف , ويتمنى يلعل الرصاص في الخرطوم .. يا لبؤسنا

البشوف المنبر
والعناوين الكاذبة
يعلم ان البعض يحتاج لمراجعة الطبيب النفسي ,,

من على سطوح أسرتهم يتسلون باخبار الحرب
فهي بالنسبة لهم نزه لا اكثر وربما للبعض مورد رزق أيضا

الأخ عمار

تحياتي

Quote: البعض يحتاج لمراجعة الطبيب النفسي

المسأله في تقديري ليست الذي يتمني يحتاج الى علاج نفسي , بل الذي بداء الحرب هو من يحتاج الى علاج نفسي ويتحاكم بعد ما يتعالج عشان يكون عبره.

أقول ليك ليه!

زي ما كلنا عارفين أنو السودان فيهو حرب أهلية , أنتهت بنيفاشا , وقد اختار أهل الجنوب الإنفصال , ولكن الأمر لم يكن بين الشماليين والجنوبيين كما روجت لذلك الدوله لعقود طويله.

هناك مقاتلون يفوقون في عددهم عدد المقاتليين الحنوبيين أيام كانت الحركه الشعبيه واحده.

هم أهل النيل الأزرق وأهل جبال النوبه وأهل دارفور , ومعاهم ناس من الشماليين (الشمال الجغرافي) ذاته .

هل يعقل أنك تتخذ قرار بتجريد ألاف المقاتليين المتمرسيين من سلاحهم بدون أن تحل القضيه التي حاربو من أجلها عقود؟!

لا يتخذ مثل هذا القرار إلا ( مجنون ) ... عرفت منو العايز علاج نفسي !

والنزيدك من الشعر بيت ...

الناس ديل قالوا نحن تاني ما دايرين (عطيه مزيين) , نحن أهل البلد ونحن ذاتنا (بنعطي) , وما دايرين زول يدينا وظائف

ودايرين نقعد كلنا مش كيمان كيمان لا كلنا عشان نتفق البلد دي تتحكم كيف مش اليحكمها منو !

ونظام الرباطه شايف أنو هو بيمتلك الحقيقه المطلقه وفي روايه أخرى أنهم (سودانيين) أكثر من غيرهم سودانيين (عيار 24) , وطبعا أنت عارف انو الكلام ده طخارييف ساي

وهلوسسه , ودي برضو دايره مصحه نفسية .

بذلك لا ينبغي أن نستنكر ما يتمناه البعض , بل ينبغى أن نهيأ أنفسنا لحوث ذلك , فالخرطوم ليست استثناء فقد رأينا عواصم كثيره يحتاحها المسلحون .

عزيزي مجدي ,,
المسألة ليست من يعطي من او يزين لمن

الان اناس تروج وتتمنى صوت الرصاص والقتل في كل مكان
لان الموت لا يعنونهم في شئ ,,,
او ان الرصاصات التى يتمنونها ستلعلع في رؤس السياسين وليس الغلابة والفقراء