يا طارق ود عمي جبرين شوف شلاقتى الخلتنى اشترى جاكيت من جلد االخنزير!!

ياهو داك مسجّم مزقول بس ماني عارفي اسويبو شنو !

ست البنات.

حسبي الله نعم الوكيل .... !
غايتو مبدئيا كدي اتوضي واتشهدي من اول وجديد
لحدود مايجوك ناس الدين الجد جد

والله يا محمد اخوى ما قريت الديباجة الا وكت وصلت للبيت ، وغايتو اتمحنت .وقرربت اصلى ركعتين !
ست البنات.

يا ست البنات
انت اشتريتيهو عشان تلبسيهو
والا عشان تاكليهو ؟!

حيا الله اختنا العزيزة / ست البنات
الرباط اشتاقت ليك
بالنسبة للجاكيت اقول ليك شنو : الجاتك في مالك سامحتك
احسن حاجة أطفى النور والبسيه

أختنا ست البنات
الشيئ العارفنو أكلو حرام لكن ماقالوا لبس جلدو برضو حرام .
إن شا الله يتقطع بى عرق العافية .

Quote: ياهو داك مسجّم مزقول بس ماني عارفي اسويبو شنو ! ست البنات.

ههههههههههههههههههه
ديمة أنت ....
وينك مشتاقين ليك حتى وأنت لابسه جاكيت خنازيرو
سوي فرشة لي كِديستك

تحياتي ومودتي

سلام ايمن ,
والله دى عاوزة ليها استشارة من عارف بالله وفقيه , بس بينى بينك انا قلت التحريم جاء فى اللحم لكن الجلد ده لسة ما شرحوه لينا , واستنادا على فقه القياس انا براى جازفت (ان ما حرم لحمه فجلده قد يكون حرام ).
ست البنات.

اخى عمر سلام ,
والله انا زاتى شتاقة لكل ناس الرباط ودائما فى الخاطر , والباقى اصلو ذكرى والم وكبد مفطور !
المهم بس جلد القصفين دا بقالى هم والدنيا ماشة على رمضان ! اسع الزول بس يقول شنو فى المحنى ى !؟
تحياتى لناس الرباط فردا فردا , وعليكم الله اغشو حيبيبى داك ادوه الفاتحة والترحم والغفران .
وسلام كتير للاخت نجاة صغارها .
ست البنات.

قالها الذى لاينطق عن هوى.......
استفت قلبك.......وإن افتوك ثلاثا.....
ولا تنتظرى احدا .
سيأتيك اقوام ملء افواهم حصاد قرون عن فقه..
رؤيته.. ارضاع الكبير ....
وعدم تشغيل المكيف عند وجود المرأة وحدها فى المنزل...!!!!!!

Quote: الجاتك في مالك سامحتك

وانت الصادق


الجاكيت - في مالك سامحتك :)



تحياتي يا بت كمبال و الكل ..

انا برى انو ترسلى الجاكت ده لي طارق جبرين يسوى منو جلد للطمبور

يا قريبتي لكن لقيتك غشيمة خلاص

غايته قوقلت وهاك
http://ejabat.google.com/ejabat/thread?tid=62f2a4580f89ccaf

وغالبية الفتاوى تحرمه

Quote: 7835 19-نوفمبر-2009 الحمدلله رب العالمين، والصلاة والسلام على أشرف المرسلين سيدنا محمد وعلى آله وصحبه أجمعين، أما بعد.. فقد أخرج مسلم في صحيحه عَنْ جَابِرِ بْنِ عَبْدِ اللَّهِ أَنَّهُ سَمِعَ رَسُولَ اللَّهِ -صلى الله عليه وسلم- يَقُولُ عَامَ الْفَتْحِ وَهُوَ بِمَكَّةَ :" إِنَّ اللَّهَ وَرَسُولَهُ حَرَّمَ بَيْعَ الْخَمْرِ وَالْمَيْتَةِ وَالْخِنْزِيرِ وَالأَصْنَامِ". فَقِيلَ يَا رَسُولَ اللَّهِ أَرَأَيْتَ شُحُومَ الْمَيْتَةِ فَإِنَّهُ يُطْلَى بِهَا السُّفُنُ وَيُدْهَنُ بِهَا الْجُلُودُ وَيَسْتَصْبِحُ بِهَا النَّاسُ؟ فَقَالَ:" لاَ هُوَ حَرَامٌ". وفي فتح الباري لابن حجر مختصراً قَوْله : ( فَقَالَ : لَا هُوَ حَرَام ) أَيْ الْبَيْع، هَكَذَا فَسَّرَهُ بَعْض الْعُلَمَاء كَالشَّافِعِيِّ وَمَنْ اِتَّبَعَهُ، وَمِنْهُمْ مَنْ حَمَلَ قَوْله " وَهُوَ حَرَام " عَلَى الِانْتِفَاع فَقَالَ: يَحْرُم الِانْتِفَاع بِهَا وَهُوَ قَوْل أَكْثَر الْعُلَمَاء، فَلَا يُنْتَفَع مِنْ الْمَيْتَة أَصْلًا عِنْدهمْ إِلَّا مَا خُصَّ بِالدَّلِيلِ، وَهُوَ الْجِلْد الْمَدْبُوغ وفي رواية أخرى: "وَإِنَّ اللَّه إِذَا حَرَّمَ عَلَى قَوْم أَكْل شَيْء حَرَّمَ عَلَيْهِمْ ثَمَنه " وَأَجْمَعُوا عَلَى تَحْرِيم بَيْع الْمَيْتَة وَالْخَمْر وَالْخِنْزِير ... ورَخَّصَ بَعْض الْعُلَمَاء فِي الْقَلِيل مِنْ شَعْر الْخِنْزِير لِلْخَرَزِ حَكَاهُ اِبْن الْمُنْذِر عَنْ الْأَوْزَاعِيِّ وَأَبِي يُوسُف وَبَعْض الْمَالِكِيَّة." وهناك قول يقابل المشهور عند المالكية بأن جلد الخنزير يطهر بالدباغة قال الإمام الدسوقي في حاشيته:(( قَوْلُهُ : وَجِلْدٍ ) يَعْنِي أَنَّ الْجِلْدَ الْمَأْخُوذَ مِنْ الْحَيِّ أَوْ الْمَيِّتِ نَجِسٌ ( قَوْلُهُ : وَلَا بَاطِنِهِ ) خِلَافًا لِسَحْنُونٍ وَابْنِ عَبْدِ الْحَكَمِ الْقَائِلِينَ أَنَّ جِلْدَ الْمَيْتَةِ مُطْلَقًا، وَلَوْ خِنْزِيرًا يَطْهُرُ بِالدِّبَاغِ طَهَارَةً شَرْعِيَّةً وَهَذَا الْقَوْلُ هُوَ الَّذِي أَشَارَ الْمُصَنِّفُ لِرَدِّهِ بِلَوْ ( قَوْلُهُ : وَلِذَا جَازَ ) أَيْ لِأَجْلِ طَهَارَتِهِ طَهَارَةً لُغَوِيَّةً)). وقال في البيان والتحصيل: (وأكثر أهل العلم يقولون إن جلد الميتة يطهر بالدباغ طهارة كاملة، يجوز بها بيعه والصلاة بها عليه، وهو قول ابن وهب من أصحابنا في سماع عبد الملك من كتاب الصلاة، وفي المدونة دليل على هذا القول، وروى مثله أشهب عن مالك في كتاب الضحايا في جلود الأنعام خاصة، وقد اختلف في جلد الخنزير فقيل إنه لا يطهره الدباغ ، وقيل إنه يطهره لعموم الحديث، وقد قال النضر بن شميل من أهل اللغة: إن الإهاب إنما هو جلد الأنعام خاصة ، وما سواه من جلود الحيوان إنما يقال له جلد ولا يقال له إهاب . وقال أحمد بن حنبل : لا أعرف ما قال النضر)، هذاوبالله التوفيق. والخلاصة لا يجوز لك لبس الأحذية المصنوعة من جلد الخنزير، وكذلك البيع والشراء فلا يجوز لكونها أعيان نجسة، وفي قول يجوز ذلك، والأول هو المعتمد، والله أعلم. المصدر http://www.awqaf.ae/Fatwa.aspx?SectionID=9andRefID=7835

لاتجوز الصلاة بجلد الخنزير

هذا ماورد بشان الجورب والخف

ان يكون جلدا

ان يكون طاهرا (ان يكون من جلد الانعام الحلال لحمها كالابل والبقر والغنم والضان)

ان يكون مسبوقا بوضوء

ان يكون مدبوغا