Post: #1
Title: وحياتك ياريس نحنا ناس مطيعين جدا!
Author: Balla Musa
Date: 05-22-2013, 09:50 PM
نحنا اتكلمنا قلت ماتتكلموا
دقونا جماعتك ونحنا مكبلين, صرخنا قلت ماتصرخوا
سكتنا عشان انت ولى أمرنا ونحنا مطيعين
قلنا نحلم بغد جميل
قلت بطلوا الاحلام
اكتفينا بالكوابيس وبطلناك يا أحلام
تتذكر ياريس وانت ولى الأمر عندما وقفت وطلبت مننا نحمل السلاح
نحنا عندنا شنو غير طاعة ولى الأمر
حملناه عشان ندخل الجنة فى طاعتك
أضفت فى خطابك وقلت حاربونا
ونحنا كأى شعب مطيع أضطرينا لمحاربتك حتى لانخرج من وجوب طاعة ولى الأمر..
أها الشورة كيف؟
السلاح بقى زى دخول الحمام فى أم الدنيا
والطلقة خرجت من فوهة طاعة ولى الأمر
أها نرجعا كيف ياريس؟
ياريس
انت غنيت ورونى العدو واقيفوا فراجة
نحنا شعبك المطيع
انت فصلت
ونحنا لبسنا
الواجب المنوط بنا لتحقيق شرط الطاعة عملناه
وريناك العدو ولازلنا
والشرط التانى عملناه
قاعدين فراجة
فى باب ورونى العدو
قلنا ليك العدو قاعد فى حلايب وفى الفشقة
والعدو فى الخرطوم إسمه الفساد
وأكل أموال الناس بالباطل
والناس العملوا كروش
ونحنا قاعدين نتفرج
وانت مدى العدو ضهرك ومقابلنا
مشكلتك كلها أننا لبسنا الكاكى وشلنا البندقية
ومشكلتك الكبرى أنك نساى
نعم نساى
نسيت انت ياريس أمرتنا بحمل البندقية ومبرازتك
نحنا المطيعين
قلنا أكيد الريس عايز يتمرن لمباراة حلايب
لقيناك كل ما ندفرك شمالا تمشى جنوبا
وكل ما ندفرك شرقا تمشى غربا
ومازلنا حاملين البندقية
وانت قلت أوقفوا الضرب
لكن الطلقة طرشا
وخرجت
وهسع ماشا عليك
فحاول اتصرف
يا اتصرف يا خلى الطلقة تتصرف
أحد محبيك بشرنا
قال جبتوا الزيت فى أبوكرشولا
ونحنا ياريس أولاد منطقة صناعية
وعارفين المكنة البتجيب الزيت والبتدخن
فياساتر من التدخين والتصليب.
|
Post: #2
Title: Re: وحياتك ياريس نحنا ناس مطيعين جدا!
Author: aydaroos
Date: 05-22-2013, 09:59 PM
Parent: #1
Quote: فى باب ورونى العدو
قلنا ليك العدو قاعد فى حلايب وفى الفشقة
والعدو فى الخرطوم إسمه الفساد
وأكل أموال الناس بالباطل
والناس العملوا كروش
ونحنا قاعدين نتفرج
وانت مدى العدو ضهرك ومقابلنا |
|
Post: #3
Title: Re: وحياتك ياريس نحنا ناس مطيعين جدا!
Author: Balla Musa
Date: 05-22-2013, 11:47 PM
Parent: #2
سلام عيدرزس
|
Post: #4
Title: Re: وحياتك ياريس نحنا ناس مطيعين جدا!
Author: Balla Musa
Date: 05-23-2013, 02:52 PM
Parent: #3
*
|
Post: #5
Title: Re: وحياتك ياريس نحنا ناس مطيعين جدا!
Author: Balla Musa
Date: 05-23-2013, 03:39 PM
Parent: #4
ياريس
بقيت على الأمم المتحدة؟
أفو ياريس
الناس ديل ماكانوا تحت جزمتك
الظاهر عليك ملصت الجزمة وختيتا فوق راسك
ياخى ماتدخل المجتمع الدولى بينك وبين رعيتك المطيعين
أسمعت بشعرة معاوية؟
هل سمعت بمعاوية نفسه؟
أها ياريس شعرة معاوية هذه التى دخلت التاريخ لم تنقطع لأن السيف كان بيد معاوية وحده..
وكان له هيئة علماء
يخرجون السيف من غمده ليلونوه بدماء الرعية
ثم يقرطسوا المصحف ويكرفسوا صفحاته
حتى تصبح أطيعوا ولى الأمر منكم الى أطيعوا ولى الأمر عليكم
وبعضهم ألغى من المصحف إن الملوك إذا دخلوا قرية أفسدوها وجعلوا أعزة أهلها أذلة..
قالتها إمرأة وخاف من قولها رجال صدقوا ما عاهدوا السلطان عليه فمنهم من قضى نخبه ومنهم من ينتظر...
ياريس انت علمتنا أن نقول لا للتدخل الدولى
فقلناها نعم وألف نعم عشان الشعب يتألم!!
موش عيب تمشى بى ورانا وتشتكينا للأمم المتحدة؟
|
|