Post: #1
Title: القوات التشادية وصلت مدينة الفاشر الأن
Author: ابو القاسم عبد الرحمن بشير
Date: 05-20-2013, 10:01 PM
وصلت عدد 150 سيارة بكامل عتادها ومعهم مدرعات ،الأن بيعبوا في الوقود ولكن اين الله يعلم نفيدكم بعد قليل .
|
Post: #2
Title: Re: القوات التشادية وصلت مدينة الفاشر الأن
Author: معتصم احمد صالح
Date: 05-20-2013, 10:11 PM
Parent: #1
الاخ ابوالقاسم بشير سلامات
لليوم الرابع على التوالي القوات التشادية تواصل قصفها وتوغلها في دارفور
واصل الطيران التشادي طلعاته الجوية وقصفه العشوائي لدارفور لليوم الرابع على التوالي، إذ قصفت المقاتلات التشادية اليوم كل من وادي بوبا ودونكي حوش في شمال دارفور مما اسفر عن قتل وجرح العشرات من المدنيين واحدث خسائر كبيرة في المواشي والممتلكات، كما توغلت القوات التشادية داخل العمق الدارفوري إذ وصلت اليوم منطقة ام سدر في شمال دارفور وتحركت نحو دونكي حوش دونما تعترض مسارها قوات اليوناميد المعنية بذلك.
يذكر ان القوات التشادية دخلت دارفور بعدد 74 عربة لاندكروزر عسكرية، و11 عربه عسكرية مصفحه، و4 دبابه، وواحد كومندر.
المصدر: سودان جيم
|
Post: #4
Title: Re: القوات التشادية وصلت مدينة الفاشر الأن
Author: ابو القاسم عبد الرحمن بشير
Date: 05-20-2013, 10:28 PM
Parent: #2
الأخ/ معتصم نعم كلامك صح دي كل حصلت في اليومين الماضين ولكن امس كانوا في كتم والآن وصلوا الفاشر وتحركوا قبل قليل من القيادة الغربية الفاشر الي محطات الوقود بداخل المدينة يعني الناس ديل متحركين ومستعجلين جداً الي الخرطوم .
|
Post: #3
Title: Re: القوات التشادية وصلت مدينة الفاشر الأن
Author: ابو القاسم عبد الرحمن بشير
Date: 05-20-2013, 10:16 PM
Parent: #1
القوة متجهة الي الخرطوم بطلب من عمربشكير لحماية العاصمة وخوفاً من سقوطها في يد اشاوس الجبهة الثورية .
|
Post: #5
Title: Re: القوات التشادية وصلت مدينة الفاشر الأن
Author: بريمة محمد
Date: 05-20-2013, 10:50 PM
Parent: #3
| Quote: القوة متجهة الي الخرطوم بطلب من عمربشكير لحماية العاصمة وخوفاً من سقوطها في يد اشاوس الجبهة الثورية . |
كده قريناك وجبنا "توتلك" ..
أرقد عافية
بريمة
|
Post: #7
Title: Re: القوات التشادية وصلت مدينة الفاشر الأن
Author: ابو القاسم عبد الرحمن بشير
Date: 05-20-2013, 11:22 PM
Parent: #5
انت منو يا بريمة تصنف الناس يا نكرة .
|
Post: #6
Title: Re: القوات التشادية وصلت مدينة الفاشر الأن
Author: محمد علي عثمان
Date: 05-20-2013, 10:57 PM
Parent: #3
قلنا ليكم مافي جيش سوداني
|
Post: #8
Title: Re: القوات التشادية وصلت مدينة الفاشر الأن
Author: nour tawir
Date: 05-20-2013, 11:55 PM
Parent: #6
يعنى دولة...
عندها خريطة وعندها حكومة..
وعندها علم..
تسمح بقوات دولة أجنبية تحارب ليها مواطنيها..
فى أراضيها..
دا بقى كلام زاتو العقل ما قادر يستوعبه..
عرفنا الاستنجاد بالدول الاجنبيه..
فى شكل سلاح...
وذخيرة..
وخبراء..
ومرتزقة...
تصرف عليهم أموال الشعب...
ليحاربوا بها الشعب..
ولكن أن يصل الآمر الى ان يكون الاستنجاد..
بدولة أجنبية تحارب ليك مواطنيك..
فى أرضك..
فهذا أمر قد فات ألاولين والاخرين..
كعادة الانقاذ التى تفعل أشياء تفوق الاولين والاخرين..
حتى يكون الشعب المسحوق.
اللى هو أحنا..
فى حالة صدمة باستمرار..
اللهم عّجل برحيلهم..
ولا تحّكم فينا من هم أسوأ منهم...
أو حتى من هم شاكلتهم..
آآآآآآآمين..
|
Post: #9
Title: Re: القوات التشادية وصلت مدينة الفاشر الأن
Author: nour tawir
Date: 05-21-2013, 00:00 AM
Parent: #8
(واصل الطيران التشادي طلعاته الجوية وقصفه العشوائي لدارفور لليوم الرابع على التوالي، إذ قصفت المقاتلات التشادية اليوم كل من وادي بوبا ودونكي حوش في شمال دارفور مما اسفر عن قتل وجرح العشرات من المدنيين واحدث خسائر كبيرة في المواشي والممتلكات، كما توغلت القوات التشادية داخل العمق الدارفوري إذ وصلت اليوم منطقة ام سدر في شمال دارفور وتحركت نحو دونكي حوش دونما تعترض مسارها قوات اليوناميد المعنية بذلك).
يذكر ان القوات التشادية دخلت دارفور بعدد 74 عربة لاندكروزر عسكرية، و11 عربه عسكرية مصفحه، و4 دبابه، وواحد كومندر.
المصدر: سودان جيم
......
اللهم لا نسألك ردالقضاء..
ولكن نسألك اللطف فيه..
|
Post: #10
Title: Re: القوات التشادية وصلت مدينة الفاشر الأن
Author: Mohamed Suleiman
Date: 05-21-2013, 00:20 AM
Parent: #9
خلّيهم بس يصلوا الخرطوم ....
عشان تاني نشوف دكتور الغنم داك يفتح خشمو و يقول : يا زغاوي !!
لكن ... سوف لن تستطيع تشاد أو أي دولة حماية نظام الإنقاذ من الأشاوس .. قزات الجبهة الثورية ...
لأنهم ديل قادمين من رحم الامة السودانية .. و ثاروا ضد الظلم ...
و لن يستطيع ظالم أن يحمي ظالم .... مهما كان ....
قوات الجبهة الثورية ديل هم أبناء من تقصفهم حكومة البشير ليل نهار ... الآن هم قادمون لإنتزاع حقوقهم من جوّة عيون البشير ..
و سينتزعون حقوقهم ... مهما إستنجد البشير بأي قوّة في الأرض ...
الله أعلم هذه القوّة تستطيع أن تصل الخرطوم .... قوات البشير كانت أشطر .. و اكبر .... و لكنها تبخرت في العدم .. بفعل الأشاوس
|
Post: #11
Title: Re: القوات التشادية وصلت مدينة الفاشر الأن
Author: haroon asram
Date: 05-21-2013, 00:57 AM
Parent: #10
يا صاحب البوست بالله وقت انت قدرت حسبت حتي عدد السيارات نرجو
منك ان تنزل لينا صور العربات وهي في محطات البنزين وعليها نمر
تشادية خليك من السحنات لانهم كلهم زغاوة وبس لا تقول لي ممنوع
الاقتراب والتصوير لان المحل محل بنزين ولا ما تقول لي جوالي
ما عندو كامير ا اها منتظرينك
انا خيتو بنوم ويقوم و وبكرة اسمع الجبهة الثورية انسحب من ابو كرشولا
طالما العدل والمساواة قالت القوات التشادية جايين ترقدوا عافية ودعتكم الله
|
Post: #12
Title: Re: القوات التشادية وصلت مدينة الفاشر الأن
Author: بريمة محمد
Date: 05-21-2013, 03:08 AM
Parent: #11
| Quote: انت منو يا بريمة تصنف الناس يا نكرة . |
يا العشا باللبن .. دا مش غلط من زول ملابسه في البورد مازالت بنيلتها.
----------------
تقطع ضراعى لو فهمت أنت حاجة.
بريمة
|
Post: #13
Title: Re: القوات التشادية وصلت مدينة الفاشر الأن
Author: بريمة محمد
Date: 05-21-2013, 03:16 AM
Parent: #12
Quote: قوات الجبهة الثورية ديل هم أبناء من تقصفهم حكومة البشير ليل نهار ... الآن هم قادمون لإنتزاع حقوقهم من جوّة عيون البشير ..
و سينتزعون حقوقهم ... مهما إستنجد البشير بأي قوّة في الأرض ...
|
محمد سليمان ..
سرقة أدبية منك .. لنضال أبناء الشعب السودانى لصالح أبناء مجموعات محددة في الجبهة الثورية .. ودا الذى يجعل الناس ينفرون منكم.
بريمة
|
Post: #14
Title: Re: القوات التشادية وصلت مدينة الفاشر الأن
Author: Kabar
Date: 05-21-2013, 03:25 AM
Parent: #13
كلوة يا دار اماه..!!!
الغريبة زماااااااااان... الموضوع كان فيهو قرود مسلمة و ملايكة و جن مسلم و حور عين لغسل الشهداء.. هسع قلب بقى قوات تشادية؟..بت الكلـــــــب يا الشعيرية..!!!!
كبر
|
|