رميات ركنية جيو ابو كرشولية....!!!

.



علي السادة القرود التي حاربت في ادغال الجنوب التوجه فورا لدعم واسناد المجاهدين نواحي ابو كرشولا....والكولنغ ايضا موجه للسادة الملايكة اصحاب الخبرات القتالية في نواحي الجكو وتوريت ونمولي وفشلا..... فالشعب حرن ورافض دعم واسناد ركائز الدولة الرسالية في مواجه هجمات العملاء والخونة.... وتكبير ومن ثم فجاة تهليل

وعلي السادة القرود وبعضا من فيالق الملايكة العمل فورا علي تامين العاصمة المثلثة والمدن الكبار كبار حتي تتاح مساحات وازمنة لكتائب الرحمن بقيادة شيوخ بني كوز من التحرك فورا من الغاباب الاسمنتية والعمارات السوامق والتحرك الي الكراكير والجخانين في نواحي ابو كرشولا...!!
وحتي يهتف بني كوز ه########م الشهير
ارمي قدام ورا مومن...

___
وسنتابع

يا كيكى الناس ديل ما رقدوا سلطة وبقوا ناس الدفاااااااااااع بالنظر والدعاااااااء.................دى ما رميات ركنية دى جوااااا الشبكة بالتبييض لأبو ريالة

Quote: يا كيكى الناس ديل ما رقدوا سلطة وبقوا ناس الدفاااااااااااع بالنظر والدعاااااااء.................دى ما رميات ركنية دى جوااااا الشبكة بالتبييض لأبو ريالة

هلا يا بروف
وحبابك والله في نواحي سودانيز وحياك الغمام..
وايووووه انه عهد الدفاع بالدعاء
وهي تطويرات بني كوز الدفاعية .....
انا ماعارف الناس ديل شغالين دفاع بالنظر ودفاع بالدعاء
متين حيلعبو ..هجوم بالنظر وهجوم بالدعاء

وفي اطار استراتجية الدفاع بالدعاء والتضرع... اقترح علي حكومتنا الرسالية المجاهدة المصلية والمتوضيةانها تستعين بفتاة موغلة في الفقر والتشرد و انهالت عليها كل مظالم الدولة الكيزانية والاهمال وكانت تجلس امام المسجد الكبير في نواحي الخرطوم وهي تنادي (ساااااااعدونا ياجماعة...)
فمن غيرها يعطي هذا الشعب معني ان يتضرع ويدعي اذا دعي داااعي الدعاء ضد الظلم والقمع والكبت واللصوصية الانقاذية الكيزانية الفجة..


اليكم بها ايها اللصوص حتي تصيح وتهتف بطريقتها المميزة
انصروووووووونا ياجماعة

الاخ


كيكى

من الشروط التى املتها الفيالق المساعدة لابد من توزيع شورتات بنفس لون الكاكى و بها النمرة العسكرية لتفادى تخلى الفارين من الزى و الدخول للحلة كمدنين اذر وايس مافى طريقة

مودتى
محمد

Quote: من الشروط التى املتها الفيالق المساعدة لابد من توزيع شورتات بنفس لون الكاكى و بها النمرة العسكرية لتفادى تخلى الفارين من الزى و الدخول للحلة كمدنين اذر وايس مافى طريقة

هلا يا محمد وتحياتي
الفيالق المساعدة دي صعبت الحكاية بالطريقة دي والله هههههههههه
لانو الجيش السوداني اصبح موغل في اليااااااااع ويجيد الشتات الذي هو خالي محطات
وهذه الشروط احتمال كبير كبيرهم ابو ريالة ما يرضي بيها كونها تعيق الدفاع الشتاتي

عدة اسئلة تجوب مخيخ راعي هذه الراكوبة الاسفيرية..
هل فيالق الملايكة التي قيل في الدجل والشعوذ الكيزانية قد اغتربت وخلت البلد سافرت كما سافر واغترب غالبية ذلك الشعب الفضل
ولا ياربي يكونو مشو تنقيب الدهب في الجخانين البعيدة وماعندهم خبرية بموضوع كرشولا وما اداراك ما كرشولة
ومخلين ناس كتيبة (قنفوت) مرصعين المجاهدين لفت ورايت....!!!

قد يقول قائل بان تلك الملايكة تحارب دوما جنوب خط حدود56
وماعندها شغلة باي كركبات تقوم شمال هذا الخط...!!

عموما سنتابع

Quote: هل فيالق الملايكة التي قيل في الدجل والشعوذ الكيزانية قد اغتربت وخلت البلد سافرت كما سافر واغترب غالبية ذلك الشعب الفضل ولا ياربي يكونو مشو تنقيب الدهب في الجخانين البعيدة وماعندهم خبرية بموضوع كرشولا وما اداراك ما كرشولة ومخلين ناس كتيبة (قنفوت) مرصعين المجاهدين لفت ورايت....!!! قد يقول قائل بان تلك الملايكة تحارب دوما جنوب خط حدود56 وماعندها شغلة باي كركبات تقوم شمال هذا الخط...!! عموما سنتابع

عبدالكريم الزول الكان بغش الناس وبدعى أن الملائكة الكرام والقرود كجند من جنودالله كانوا يحاربون فى صفهم
هذا الزول للأسف الشديد الان فى خندق المعارضة عبر تجليات واسماء كثيرة جدا وغلمان يسبحون بحمده ويحاولون إخراجه كالشعرة من العجين
من ترهات وقبح ذاك الماضى المزعج هذا الشخص هو الترابى والذى صنع الاكاذيب والتماثيل التى تحكم وتذل الشعب الان وتقود الشباب للمعارك
والخاتم عدلان قبل وفاته نبهكم كثيرا لحيل هذا الترابى الذى زعم أن الملائكة كانت تحارب مع تلاميذه
مصطلح (كيزان ) فقد قيمته منذ المفاصلة 1999 والكيزان الان حكومة (وطنى ) ومعارضة (شعبى )
مع التحية

* تنبيه :
لايفهم من إستشهادى بالخاتم عدلان إنتماء لحركة حق بأى من جناحيها قرأت تحليل الخاتم كمفكر للوضع السياسى ووجدته صادقا فى الكثير مماقال له الرحمة

يا كيكى .......كيفك ياخ


أنو الفيالق الزمان كانت مصصمة على المناخ الأستوائى , أبو كرشولا و ما جاورها و ظاهرة السيارة الرباعية الدفع , دايره فيالق تصميم 24 بلف و كهذا شتات .....



مودتى
محمد

هلا يا هندسة ،،

جينا نسلم عليكــ ،،،

وبرضو نتابع الرميات!!

اتق الله يا كيكى
بوست موغل فى الاسفاف والتهكم على ملائكة الرحمن وقدرته ونواميسه
ما الفرق بينك وبين من يسمون الملائكة تسمية الانثى

Quote: (49) إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنثَىand#1648;

سورة النجم الأية 27
فما بالك فى رجل تحرى الثقه فى ربه واستغاثه متمثلاً هذه الاية من قولة تعالى :-

Quote: (20) إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلَائِكَةِ مُرْدِفِينَ

سورة الأنفال الأية 9
ابعيدٌ على الله ان يوحى ربك للملائكة ان تحضر لام كرشولا او اى جهة يقاتل فيها الصادقون

Quote: (21) إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا and#1754; سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ

سورة الأنفال الأية 12
ويبقى الامر بيد الله وهو يعلم خائنة الأعين وما تخفى الصدور
ا

Quote: (26) مَا نُنَزِّلُ الْمَلَائِكَةَ إِلَّا بِالْحَقِّ وَمَا كَانُوا إِذًا مُّنظَرِينَ

سورة الحِجِرْ الأية 8
اخى عبد الكريم عارض الحكومه كيفما تشاء واستهزء بالجيش والمجاهدين كيفما يحلو لك ولكن ابعد عن قدر الله
ونواميسه فانما أمره اذا اراد شيئاً ان يقول له كن فيكون
:
:
:
تحياتى

Quote: اتق الله يا كيكى بوست موغل فى الاسفاف والتهكم على ملائكة الرحمن وقدرته ونواميسه ما الفرق بينك وبين من يسمون الملائكة تسمية الانثى

يا زول احسن تمشي الضل

Quote: عبدالكريم الزول الكان بغش الناس وبدعى أن الملائكة الكرام والقرود كجند من جنودالله كانوا يحاربون فى صفهم هذا الزول للأسف الشديد الان فى خندق المعارضة عبر تجليات واسماء كثيرة جدا وغلمان يسبحون بحمده ويحاولون إخراجه كالشعرة من العجين من ترهات وقبح ذاك الماضى المزعج هذا الشخص هو الترابى والذى صنع الاكاذيب والتماثيل التى تحكم وتذل الشعب الان وتقود الشباب للمعارك والخاتم عدلان قبل وفاته نبهكم كثيرا لحيل هذا الترابى الذى زعم أن الملائكة كانت تحارب مع تلاميذه مصطلح (كيزان ) فقد قيمته منذ المفاصلة 1999 والكيزان الان حكومة (وطنى ) ومعارضة (شعبى )

هلا وغلا يا احمد
ووينك اراضيك يا زول هوووي
ويا احمد وجود حسن الترابي ومن لف لفه في الصفوف المنادية بذهاب هذه الدولة الكيزانية هو اكبر هزيمة لمشروع حسن الترابي التاريخي
وكل نقد يقدمه الي هذه الانقاذ اللعينة هو بيان بالعمل لفساد خطه الفكري والسياسي الذي ولد هذه الجكومة اللصة...

ولكن الغريق قدام فالمعركة الاساسية الان هي معركة تخليص السودان من الضياع والتيه والصوملة
ونشله من هذه الورطة التاريخية الاسمها الانقاذ والاسمها عمر البشير

Quote: أنو الفيالق الزمان كانت مصصمة على المناخ الأستوائى , أبو كرشولا و ما جاورها و ظاهرة السيارة الرباعية الدفع , دايره فيالق تصميم 24 بلف و كهذا شتات .....

هلا يا ود البدوي
نعم انها مناطق رملية وفجاة تتحول الي صخرية جبلية موغلة في الوحل والكركبة الطريقية فوجب للفيالق ان تعمل حسابها وتطالب يال24 بلف وبلوفة
وتحياتي يا ابوحميد
وكن دما بالف خير

Quote: جينا نسلم عليكــ ،،، وبرضو نتابع الرميات!!

هلا يا كابيلا ومشتاقين والله
وحبابك في الرميات الركنية
وسنواصل ضرب الركب الكيزانية المتهالكة وسنرمي الكورنرات حتي تصيح ديوك الحرية

وكل الود

Quote: اتق الله يا كيكى

هلا محمد حمزة وحبابك
و كدي يا زول برواقة كده اتق الله انا ولا انت الرادمني ردم تقيل بكلام الله سبحانه وتعالي من الانفال والنجم والحجر وما خليت ليها سورة ما جاء فيها سيرة الملايكة وما حاولت الا ان تستغلها استغلال ديني موغل في البشاعة حتي تضرب عصفور الارهاب الديني بجهة وعصفور الدفاع عن دجل وشعوذة بني كوز في محاولتهم تغبيش و تشويشش الوعي الديني عند البسطاء والغلابة من ابناء شعبنا الفضل...
ويا محمد حمزة الملايكة القال عليهم ربنا سبحانه وتعالي في محكم تنزيله ما عندهم علاقة بالملايكة الوهميين الموجوديين في المخيخ المجرم لبني كوز فديلك ملايكة ما بنحازوا للظالمين والقتلة والحرامية ولصوص الشعب.... فعشان كده حاول افرز المويات الملائكية وما تلخبط الاختساس الملايكي

والف شكر وتقدير وشكر علي مرورك

Quote: يا زول احسن تمشي الضل

هلا يا محجوب
وتحياتي شديد ياااخ ومشتاقين
وايوووه اخونا محمد يمشي الضل وفجاة لو لقي مواصلات مطرفة يمشي تخوم ابو كرشولا ويلحق السوق
وما يعمل لخالو كيكي صفاء ومروة بتاع ارهاب ديني في نواحي سودانيز

وسنتابع

القرود ديل سمعنا تحت تحت انهم قبضوا من سلفاكير وباعوا القضية
لكن الملايكة ما عندى خبرهم

تحياتى كيكى

الاخ معتز عثمان في نواحي الفيس بوك
حياك الغمام
وشكرا علي الحضور والتعليق وحديثك الاخوي الجميل
ومعا يا معتز من اجل سلخ جلد النمل الكيزاني الموشح بالجهل والشعوذة

وكل الود

Quote: هلا وغلا يا احمد ووينك اراضيك يا زول هوووي ويا احمد وجود حسن الترابي ومن لف لفه في الصفوف المنادية بذهاب هذه الدولة الكيزانية هو اكبر هزيمة لمشروع حسن الترابي التاريخي وكل نقد يقدمه الي هذه الانقاذ اللعينة هو بيان بالعمل لفساد خطه الفكري والسياسي الذي ولد هذه الجكومة اللصة...

تحية عبدالكريم:
بل وجود الترابى كرجل مزعج ولخباط فى صفوف المعارضة يعتبر هزيمة للمعارضة ودليل أنها تعارض
بدون ذاكرة ...كيف تسمح للقاتل فى السير فى جنازة القتيل؟
القاتل هو الترابى والقتيل هو الشعب السودانى الذى سينهض من الرماد مثل طائر الفينيق ويزيح كابوس غلمان الترابى الذين صنعهم ثم إنقلبوا عليه واذلوه أمام الملأ لذا ذهب للمعارضة لينتقم منهم ..
قلت ياعبدالكريم للترابى فساد فى خطه الفكرى والسياسى وقد صدقت لكن السؤال هل تراجع هذا الرجل المزعج عن هذا الخط الفكرى والسياسى حين ذهب للمعارضة ؟؟
صدق الخاتم عدلان له الرحمة حين قال (الترابى مثل الثعبان يضيق من سموم جلده كل فترة فيغيره )
تحية عبدالكريم ومعارضة فيها الترابى إنشاء الله تذهب للجحيم ولا تحكمنا مستقبلا

Quote: القرود ديل سمعنا تحت تحت انهم قبضوا من سلفاكير وباعوا القضية لكن الملايكة ما عندى خبرهم

هلا يا هشام
وشكر علي الاتيان بخبرية القرود واما السادة الملايكة التي حاربت في الجنوب فكل الخوف يكونو بعد الانفصال هم زاااتهم انفصلو وعملو ليهم فيالق في وادي سوداني من الاودية التي صارت كلها ليست ذات زرع...
فزي ما سائحون فرزو عيشتهم فمن حق الملايكة الحاربت في الجكو ايضا ان تفرز عيشتها
فالمافي شنوو..؟؟
وتحياتي يا هشام وكل الود

Quote: بل وجود الترابى كرجل مزعج ولخباط فى صفوف المعارضة يعتبر هزيمة للمعارضة ودليل أنها تعارض بدون ذاكرة ...كيف تسمح للقاتل فى السير فى جنازة القتيل؟ القاتل هو الترابى والقتيل هو الشعب السودانى الذى سينهض من الرماد مثل طائر الفينيق ويزيح كابوس غلمان الترابى الذين صنعهم ثم إنقلبوا عليه واذلوه أمام الملأ لذا ذهب للمعارضة لينتقم منهم .. قلت ياعبدالكريم للترابى فساد فى خطه الفكرى والسياسى وقد صدقت لكن السؤال هل تراجع هذا الرجل المزعج عن هذا الخط الفكرى والسياسى حين ذهب للمعارضة ؟؟ صدق الخاتم عدلان له الرحمة حين قال (الترابى مثل الثعبان يضيق من سموم جلده كل فترة فيغيره ) تحية عبدالكريم ومعارضة فيها الترابى إنشاء الله تذهب للجحيم ولا تحكمنا مستقبلا

هلا يا احمد
ولعلنا متفقين بان حسن الترابي هو راس الحية في كل العمل الكيزاني اللخبات ...وهو من شرع ونظر وقدم الاطروحات الفلسفية والديني لهذه الدولة التي نراها اليوم...
ولكن الناس ما بتخلي المعارضة عشان الترابي جاااها
فالقضية الاساسية يا احمد ورحلة ازالة هذا النظام ما مفروض تهدر زمن كتير في مشاكل وبلاوي محطة الترابي ... وخلي الناس تلبد ليهو بعدين بعد انجاز مشروع الدولة الديمقراطية ودولة الحريات وازالة هذا النظام
وساعتها ممكن وبكل حرية تحاكم الترابي وغيره و تديهم حق الدفاع عن نفسهم كمان في اطار نظام موغل في العدالة

كتب هشام عباس

Quote: القرود ديل سمعنا تحت تحت انهم قبضوا من سلفاكير وباعوا القضية لكن الملايكة ما عندى خبرهم

وعلق عبد الكريم أحمد بهذا :-

Quote: وشكر علي الاتيان بخبرية القرود واما السادة الملايكة التي حاربت في الجنوب فكل الخوف يكونو بعد الانفصال هم زاااتهم انفصلو وعملو ليهم فيالق في وادي سوداني من الاودية التي صارت كلها ليست ذات زرع... فزي ما سائحون فرزو عيشتهم فمن حق الملايكة الحاربت في الجكو ايضا ان تفرز عيشتها فالمافي شنوو..؟؟

لا حولةً ولا قوةً إلا بالله العلى العظيم
كيييف يا كيكى المافى شنووووووو
ياخى ...
من اركان الأيمان الخمسة الأيمان بالله وملائكته و... و ... و .....
والنقط دى يا كيكى عشاان ما تقول عايز ألكــــشكرك لانك تعرف الف ..باء .. الايمان
معقول خبرية الملايكه بجيبا ليك هشام عباس
ياخى معقول هى لحقت الملايكة تفرز عيشتا كدا بسسسس لا حولاااااااااااااااااا
ياخى ديل قال عنهم رب العزة فى سورة التحريم الأية 6

Quote: يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

والمولى عز وجل انما امره اذا اراد شيئاً ان يقول له كن فيكون

Quote: قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ

الأخ كيكى .... اتق الله يا رجل ولا تأخذنك العزة بالأثم من اجل كليمات شكر وعرض دنيا زايل وشوف ليك بلى والله كورة شراب
واخيراً اسأل الله لك ولنا الهدايه
تحياتى

Quote: الأخ كيكى .... اتق الله يا رجل ولا تأخذنك العزة بالأثم من اجل كليمات شكر وعرض دنيا زايل وشوف ليك بلى والله كورة شراب واخيراً اسأل الله لك ولنا الهدايه

هلا يا محمد وحبابك
و كدي خلينا عشان ما يكون الجدل والنقاش بتاعنا بيزنطي وعييك عاااك خلينا نخت ليك النقاط الاتية علي الحروف وبعدها خلينا نشوف الحاصل شنو..
1- انت يا سيدي تتكلم وكانك متيقن بان امر حرب الملايكة مع الدفاع الشعبي والجيش السوداني في الجنوب امر حتمي وحدث حقيقي... وانا في الاتجاه الاخر بقول مافي كلام زي ده وده دجل وشعوذة وغيبوبة وتغبيش موغل في الاستغلال الديني....
لانو الملايكة القال عليهم ربنا في كتابه الكريم ما بنصرو الظالمين وقتلة شعوبهم...فعشان كده انا اعتقد واومن جازما بان مافي ملايكة حينصر الموتمر الوطني ومن لف لفه في حروباتهم وورجغتهم المقيمة في الارض السودانية...!!
2- ولو افترضنا جدلا بان في ملايكة قاعد تعمل دعم واسناد في الحرب الجارية في الارض السودانية ممكن تقول لي الاسباب القوية والمنطقية التي تجعل الملايكة تحارب في صالح الموتمر الوطني وما تحارب في صالح الجبهة الثوريةمثلا طالما هنا مسلمين وهنوووك ايضا مسلمين...
-----------

Quote: وشوف ليك بلى والله كورة شراب

البلي وكرة الشراب انا بشوفهم تب يا ابو حميد
ولكن انت بصراحة لو معتقد بان في ملايكة بحاربو مع الدفاع الشعبي فشوف ليك صرفة يا اخوي
وانا بقترح ليك شيخي شكر الله يربطك في كراع عنقريب ويرشك بعدة الواح موغلة في التعويذات حتي يعود اليك مخيخك وتبطل تصدق هذا الدجل الموغل في التغبيش ..والذي يجعلني اتعاطف معاك تمام واقدم كل الدعم والاسناد الممكن حتي تخرج من هذه الام كبك الفكرية الايدلوجية العجيبة وغريبة

وتحياتي

Quote: كيكي يا كيكي رميات بتاعت فنيلتك اين انت يامواطن فاقدنك في المنبر

هلا يا بوب وتحياتي وتقديري
واخوك قااااعد والله لابد في جخانين الغربة ام دق دي وحتما سنعود وسنواصل

Quote: بصفتي عضوا بجمعية اصدقاء القرود ارفض الاستغلال البشع والممنهج للقرود من قبل بني البشر و اقحامها في ما لا يعنيها منذ حادثة القرد الاعمش والنضارة و القرد القالو عليهو شيوعي عشان شنو ما عارف كده حمراء و انتهاءا بالقرد الابا ياكل الموز .. يا بني البشر .. خوضوا حروبكم لوحدكم فالقرود شعب يحب الحياة و المرح ... انتهي...

هلا ابو جلال
واحيييك وفجاة كده خليني برضو احي القرد الابي ياكل الموز
والمجد والخلود للقرود في حبها الازلي للحياة والمرح
وسحقا لكل من يريد استغلالهم في تغبيش الشعوب وامتصاص عرقهم عبر الدجل والشعوذ

وكل الود يا ابو الجلاجل

Quote: ولعلنا متفقين بان حسن الترابي هو راس الحية في كل العمل الكيزاني اللخبات ...وهو من شرع ونظر وقدم الاطروحات الفلسفية والديني لهذه الدولة التي نراها اليوم... ولكن الناس ما بتخلي المعارضة عشان الترابي جاااها

فى هذه الحالة فلتبحث المعارضة عن إسم أخر لان مستحيل الترابى يكون معارض وهو الحكومة نفسها حتى إن لفظه الغلمان ..
سفينة المعارضة غير ملزمة أن يركب فيها كل من (يزعل من الحكومة ) خاصة إن كان فى شاكلة الترابى الذى هو مثل إبن نوح (ليس منا وقد عمل عملا مضل ) لذا فليوذ الترابى بجبل يعصمه من الطوفان يوم لاعاصم إلامن رحم حين تذهب إنقاذه إلى المزبلة مثل مايو،حسنى مبارك وقذافى وزين العابدين وعسى أن يضاف إليهم بشار قريبا .
محور بوستك هو كذب تلاميذ الترابى أيام محارق الجنوب بإسم الجهاد أن الملائكة الصافات صفا والمسبحات بحمده تحارب فى صفوفهم وهذا خطل علما أن الكثير من (مجاهدى ودبابى ) تلك المحارق قد تحولوا فى غفلة من التأريخ للمعارضة فهل تحولت عقليتهم تلك بين ليلة وضحاها ...
لا قيمة لمعارضة الإنقاذ حاليا دون الإنتباه ان الترابى هو أس قبح الإنقاذ ولولاه لما سمعنا بمخلوقات (لم اقل بشر )
هم المسخ بعينه مثل نافع ، على عثمان ، البشير ، المتعافى ،مصطفى عثمان وغيرهم من الأصنام التى صنعها فكر هذا الترابى.
لاحظ ايام الجامعة فى الإنتخابات تحديدا طلاب الإتجاه الأسلامى هم من بادر بتقسيم الطلاب لمعسكرى كفر وإيمان وقتها كان الترابى بمثابة نبى غير مرسل عندهم وحديثه يرتفع لمكانة ذات قداسة ...
ذكروا أن أبليس لعنه الله لم يكن ضمن ركاب سفينة نوح لكنه أحتال حتى دخلها ممسكا بذيل الحمار
عليه الترابى للأسف الشديد دخل المعارضة مختفيا خلف الكثير عليه (لاتحلموا بعصر سعيد ) أو كماقال

Quote: ذكروا أن أبليس لعنه الله لم يكن ضمن ركاب سفينة نوح لكنه أحتال حتى دخلها ممسكا بذيل الحمار عليه الترابى للأسف الشديد دخل المعارضة مختفيا خلف الكثير عليه (لاتحلموا بعصر سعيد ) أو كماقال

هلايا احمد وحبابك
وفي كجينتك التاريخية للترابي هذه ذكرتني نبض مدينة المجلد المكجن للترابي بصورة خرافية تجسدت في شتر الترابي ابان زياته لتلك المدينة بالحجار والقزاز وايضا عندما حفر في تخوم المجلد (دونكي للمياه) انتج موية شديد المرارة وكان اسم الدونكي (دونكي المجالي) قال اهل المجلد
(المجالي ولا الترابي),,,
الاشكال يا احمد هو في اولويات المعارك
والناس المعارضة وكل التيارات الواقفة ضد سطوة الانقاذ لو توقفنا في محطة الترابي وبنينا عليها كل الشغل الامور حتجوط في الاتجاهات الاساسية المربوطة بانتشال البلد من القرصنة الكيزانية...
فعشان كده يا احمد
الاولوية الاساسية هي تخليص السودان من هذه الحالة التي نحن فيها ...بمثابرة وبدون الالتفات الي شعبطة الترابي وغيره من الوصولويين والانتهازيين وديل في الراي بتاعي لو جات ديمقراطية وحرية والوعي بتاع الشعب ارتفع حيتم هزيمتهم بكل سهولة...ورغم انو هذا الامر عاوز شغل جاد وصبور وممنهج

وسنتابع

كيكي الرائع
تحايا العطرة

يا اخوي أنت الشغلانيه العندك دي متأكد ركنيات و لا ضربات جزاء , على الجزيييمه التقول ضربات جزا المنفذ زيزو ظااااتو
مودتي

Quote: يا اخوي أنت الشغلانيه العندك دي متأكد ركنيات و لا ضربات جزاء , على الجزيييمه التقول ضربات جزا المنفذ زيزو ظااااتو

هلا يا مجدي وشكرا علي مرورك براكوبة الرميات
وبني كوز ذلك الرهط المجرم الحرامي يستاهلو نرشهم ونضربهم ضرب غرائب الابل الكوزية الفاسدة في الارض
متي ما وجدناهم مطرفين

Quote: سلام يا باشمهندس ... ما نغيب كثير من هنا ياخ .. جدعاتك حلوة ... محمد حمزة الحسين كونو يودوه الضل كما هو مقترح ما كفاية فشوفو علاج تاني مع الضل... وبعدين شايفك مطول من شقيقك الكبير احمد (بتبالغ بس) انت عارف احمد لو اخوي او من حلتنا ساي انا كنت حاخلي شغلي واقعد جنبو لأنه بحر من العلم والمعرفة متلاطم الأمواج ومن خلال كتابتك لقيت حاجة مشتركة بيني وبينه وفرحت لذلك اشد الفرح (كجين الترابي) اما خبر الملائكة سمعنا تحت تحت انها يممت وجهها شطر خط الإسنواء لأنها لقت لا جنوب لا شمال نافع

هلا يا عوض ومشتاقين والله..
وفعلا ياااخ مطول من احمد وفي زمانات الغربة والمنافي الحكاية بقت صعبة يا عوض
واما اخونا محمد حمزة فملفو حسسع عند شيخي شكر الله ولو جانا تاااني حنديهو كتابه بمينه طواالي ....
ملايكة الموتمر الوطني يبدو فعلا انها قدت السلك وهربت من الخدمة عقب نيفاشا
الف شكر يا عوض وكل الود ياااخ

وسنتابع في الابوكرشوليات
في زمن التردي والضياع والتيه الكيزاني
والليلة فتحت التلفزيون لقيت واحد من اولاد المجلد بعرفو بالحيل اسمو الدرديري الشبكة والشهير بيانكو .. لقيتو هو رئيس لجنة شنو كده ماعارف للتعبئة والاسنتفار ضد الجبهة الثورية ..وراشي كلام كبار كبار في ساعات بث من عرق الشعب السوداني كلها كلام خارم بارم وفطير وموغل في التغبيش

Quote: والليلة فتحت التلفزيون لقيت واحد من اولاد المجلد بعرفو بالحيل اسمو الدرديري الشبكة والشهير بيانكو .. لقيتو هو رئيس لجنة شنو كده ماعارف للتعبئة والاسنتفار ضد الجبهة الثورية ..وراشي كلام كبار كبار في ساعات بث من عرق الشعب السوداني كلها كلام خارم بارم وفطير وموغل في التغبيش

عبدالكريم يا اخ خلى يانكو يشيل حقو من (السلطة) الجلابة البظهروا وبتنبرو فى الفضائيات على حساب دافع الضرائب مش أرجل من يانكو ود الزعيم أحد رموز الهامش

؟؟؟؟؟؟. كيكي اركز

Quote: عبدالكريم يا اخ خلى يانكو يشيل حقو من (السلطة) الجلابة البظهروا وبتنبرو فى الفضائيات على حساب دافع الضرائب مش أرجل من يانكو ود الزعيم أحد رموز الهامش

انا راسي حقيقي اتقطع لمن شفت يانكو متحدث وكان بصراحة متحدث بااااااااااااارع ياااخ وانيق الملبس
وما قلنا حاجة يا احمد
ولكن بصراحة الانقاذ بتلعب في ايامها الاخيرة واهو زي ناس يانكو ديل بتبلبصو وياخدو جتكهم
فهذا عصر صلاح غريب والهندي عزالدين والبرلماني حسب الله...وزمن ود الباوقة التحت ده

Quote: انا راسي حقيقي اتقطع لمن شفت يانكو متحدث وكان بصراحة متحدث بااااااااااااارع ياااخ وانيق الملبس وما قلنا حاجة يا احمدولكن بصراحة الانقاذ بتلعب في ايامها الاخيرة واهو زي ناس يانكو ديل بتبلبصو وياخدو جتكهم فهذا عصر صلاح غريب والهندي عزالدين والبرلماني حسب الله...وزمن ود الباوقة التحت ده

عبدالكريم صحبك (يانكو )متحدث فعلا بارع لانه سليل أكبر متحدث فى مجالس الصلح القبلية بالسودان القديم عثمان الشبكة
وهو اى يانكو كادر كبير جدا فى حزب منشق من حزب الأمة القومى مثله مثل الكثير
وأنا بدأت أٌقرأ من زاوية مختلفة فى صراع السلطة والثروة و القلع من الجلابة (حسب مصطلح الكوشى )
أولاد تلك المنطقة من حملة الشهادات الجامعية حين يقدموا للعمل بالبترول وهو فى ارضهم لايتم تشغيلهم بل فى جلابى كبير جدا
له سطوة فى البترول قال ليهم : كونوا لواء لحماية البترول ونشغلكم فيه ...
كذلك الكثير من الوظائف يتم التعيين لها من الخرطوم عبر اشخاص معينين يعرفهم ابناء تلك المنطقة
ويتركوت ناس المنطقة فرائس للعطالة والدفاع الشعبى والجلوس بلاعمل فى دار الصباح ...
لاحظ :
يانكو الان مستشارلوالى شمال كردفان ( من أحزاب التوالى حسب مفردة الترابى الذى هو كذلك صاحب أكذوبة قتال الملائكة الكرام مع غلمانه بأحراش الجنوب وهو سبب دخولى هذا البوست تحديدا)
لو رجعت سنوات شوية وورا ياعبدالكريم فى الخارطة السياسية السودانية وأنت (تفكيكى ) كما يقولون فى هذا المنبر ربما تجد عذرا ليانكو اليوم !!!
كيف ؟
كل رموز الجبهة الثورية الكبار الذين تنبر يانكو بشن الحرب ضدهم كانوا فى ذات موقع يانكو مع المؤتمر الوطنى لكن بفارق قليل ..
عقار كان والى ...مناوي كان كبير مساعدى للبشير ....الحلو كان نائب والى ....عرمان كان فى الهيئة البرلمانية ...الكودة كان والى وهلمجرا ....
ليش يانكو مايكون مستشار لوالى شمال كردفان وهل ناس الجبهة الثورية أرجل من يانكو ؟؟؟

Quote: ؟؟؟؟؟؟. كيكي اركز

ود الباوقة اثبت كما ثبت فرفر
والناس ديل خلاص جوووكم وكل القوووي الخرطوم جوووووووه

Quote: ليش يانكو مايكون مستشار لوالى شمال كردفان وهل ناس الجبهة الثورية أرجل من يانكو ؟؟؟

هلا يا احمد
وغايتو الحكاية لو بقت كده وياهو معيارها اذن السودان الفضل حيلحق بغنم زهرة وسريعا جدا...
بنحلم يا احمد بوطن الحاجات القيادية والتنفيذية فيهو تكون بالكفاءة والعلم والمنهج وليس بوعي الساسة العييك عااااكي
فالسودان بلد شحمان بناسه المتعلمين والفاهمين ولكنه يئن بالجرنبدية واصحاب الوعي المتسلق وديل يا احمد موجودين بكثافة في كل الوان الطيف السوداني السياسي ومن مختلف المشارف...
السودان دايرة جدية ودايرة شفافية عالية تفضح كل مستهبل وتختو المتسلقين في علبهم وحجمهم الطبيعي فالغلابة الهناااك في الجخانين دي حرااام ياااخ يتم تركهم للمستهبلين وسماسرة السياسة

Quote: كيكي اركز

كيكي يا حبيب ازيك..........

انت عارف ود الباوقة ده شغال رقيص و تهليل وهو ما عارفو بكا ولا عرس............

اضربم ضربم البلا..........

لك الود يا جميل...........

Quote: هلا يا احمد وغايتو الحكاية لو بقت كده وياهو معيارها اذن السودان الفضل حيلحق بغنم زهرة وسريعا جدا... بنحلم يا احمد بوطن الحاجات القيادية والتنفيذية فيهو تكون بالكفاءة والعلم والمنهج وليس بوعي الساسة العييك عااااكي فالسودان بلد شحمان بناسه المتعلمين والفاهمين ولكنه يئن بالجرنبدية واصحاب الوعي المتسلق وديل يا احمد موجودين بكثافة في كل الوان الطيف السوداني السياسي ومن مختلف المشارف...السودان دايرة جدية ودايرة شفافية عالية تفضح كل مستهبل وتختو المتسلقين في علبهم وحجمهم الطبيعي فالغلابة الهناااك في الجخانين دي حرااام ياااخ يتم تركهم للمستهبلين وسماسرة السياسة

عبدالكريم بدأت تجدع فى الجوكر
ماقلته أعلاه صحيح جدا لكن الحساب ولد والذاكرة السياسية موجودة وببلاش
هل بعض رموز الجبهة الثورية الذين يملأون الشاشات ويحتلون المناصب ويشتمون الناس فى الاسافير والفضائيات
وصلوا لهذه المناصب بالجدارة والشفافية والوعى السياسى ؟؟
هل حين وصل بعض تنظيمات الجبهة الثورية للحكم كشركاء للمؤتمر الوطنى قبل خروجهم هل التزموا بالمعايير التى ذكرتها اعلاه للوظائف ؟
هل تابيتا بطرس (وزيرة صحة من كوتة الحركة الشعبية ) حين تم تعينها وزيرة فى حكمومة البشير وسلفا بترشيح من الحركة الشعبية جديرة بالمنصب وفق شروطك وأقرا ذلك مع تحولها الدرامى لدرجة البكاء علنا وهى فى معية البشير أمس فى القيادة العامة وقربها تجانى سيسى
الذى ملأ الكثير من وظائف الخدمة المدنية والسياسية بأفراد كل مؤهلاتهم السياسية أنهم كانوا معه فى الحركة ؟؟؟
الجبهة الثورية والمؤتمر الوطنى والشعبى والامة والإتحادى كلهم يعطون الوظائف لمنسوبيهم دون التقيد بشفافية وأخلاق
وبقية المؤهلين لهم الله وعيشة السوق .
بعدين ياعبدالكريم كصطلحات زى شفافية و وعى واخلاق دى لسع ماوصلت لقاموس الساسة فى السودان وحتى تصل لا أنزعج حسن اشاهد ود الزعيم مستشارا لوالى شمال كردفان وتوقع ياعبدالكريم الفاتح مقوق نفسه يكون مستشار !!!

Quote: كيكي يا حبيب ازيك.......... انت عارف ود الباوقة ده شغال رقيص و تهليل وهو ما عارفو بكا ولا عرس............ اضربم ضربم البلا.......... لك الود يا جميل...........

هلا يا كدوك وحبابك يا زمن يا سمح

وباوقة شايفو هرب من الواقع الي الاحلام
بل اصبح الهروب الي الاحلام سمة كيزانية كبري


قربت يا صديقي قرررربت وسنرقص الرمبة والتوستي في قلب الخرطوم وفي كل فيافي الوطن فرحا بعودة ذلك الوهج المسروق

Quote: بعدين ياعبدالكريم كصطلحات زى شفافية و وعى واخلاق دى لسع ماوصلت لقاموس الساسة فى السودان وحتى تصل لا أنزعج حسن اشاهد ود الزعيم مستشارا لوالى شمال كردفان وتوقع ياعبدالكريم الفاتح مقوق نفسه يكون مستشار !!!

هلا يا احمد
وتحياتي ياااخ
وياااخ بصراحة كلامك كلااااااا صاااح
وطالما صلاح غريبة اصبح مهندس وخبير وطني
فانا ماعندي اي اعتراض انو صديقي الفاتح مقوق يصبح مستشار للبشير زااااتو
فالمافي شنو؟؟؟