Post: #1 Title: الزوج المخلوع ... والرئيس السابق !!! Author: عواطف ادريس اسماعيل Date: 05-20-2013, 04:36 AM Parent: #0
ما الفرق بين الزوج المخلوع ، والرئيس المخلوع ؟؟
حسب معلوماتي المتواضعة .. واعتقاداتي الخاطئة في أغلب الأحوال أن لا فرق بين الإثنين
فالرزوح المخلوع لم يوفر العيش والحرية والعدالة الاجتماعية والكرامة الإنسانية لزوجته
وأبنائه والرئيس كذلك فشل في توفير أدنى مقومات الحياة لشعبه فأصبح رئيسا لا يطاق والزوج
كذلك !
حاولت الزوجة التغيير والإصلاح بشتى السبل بدأ من الحوار الهاديء البناء انتهاء باللجوء
إلى النوم في غرفة مستقلة فيما اعتصم الشعب في ميادين ، وساحات التحرير، وشوارع الستين
ولكن ظل الرئيس سادرا في غيه معتمدا على أجهزته الأمنية، والزوج كذلك معتمدا على العصمة
وما أدراك ما العصمة !
نامت الزوجة لأكثر من ستة أشهر في الغرفة المجاورة ، فيما توسدت جموع الشعب الأرض، والتحفت السماء
ولكن لا يزال الرئيس يتمسك بعرشه الخاوي إمعانا في إذلال الشعب ، والزوج كذلك لا حبا في الزوجة
ولا تمسكا بالأطفال ، ولكن عندا .. ونكاية .. وعدم موضوعية ...
حاصر الشعب الغاضب القصر ممارسا حقه الدستوري لخلع الرئيس من منصبه ، ولما لم تجد الزوجة
قصرا لتحاصره هرولت إلى المحكمة الشرعية حيث يمنحها قانون الأحوال الشخصية حق الخلع
وحق العيش بحرية وكرامة إنسانية فكان لها ما أرادت بعد أن رضخ الزوج لحكم المحكمة
والرئيس لإرادة الشعب، ليصبح الرئيس مخلوعا، والزوج كذلك !
تمر السنوات فيتغير مسمى الرئيس المخلوع أو الرئيس السابق إلى الرئيس الأسبق ، والزوج أيضا!
السؤال المطروح يا أمة الأمجاد والماضي العريق (على فكرة الماضي العريق دة أصبح مجرد ذكريات)
لماذا يتمسك الزوج بزوجة ترفض العيش معه تحت سقف واحد بعد أن فشل في إيجاد الحد الأدني
من إمساك بمعروف ، فيما يتمسك الرئيس بمنصبه بالرغم من فشله في توفير الحد الأدنى أيضا من العيش الكريم ؟
علما أن ما دفعني إلى كتابة هذا الموضوع يا سادتي الكرام هو حصول أكثر من ست زوجات سودانيات خلال الفترةالماضية
على حكم الخلع بعد أن فشلت أقسام التوجيه الأسري فشلا ذريعا في التوفيق بين الخصمين ولا عزاء للزوجات !
وفتكم بعافية ..
Post: #2 Title: Re: الزوج المخلوع ... والرئيس السابق !!! Author: اميرة السيد Date: 05-20-2013, 07:17 AM Parent: #1
Quote: والزوج كذلك لا حبا في الزوجة
ولا تمسكا بالأطفال ، ولكن عندا .. ونكاية .. وعدم موضوعية ...
............................
عطوفة الحبيبة معقولة يا ناس في واحد يكون عدم كرامة ويعيش مع واحدة ما عاوزاه .. وعثان بس يغيظها يعيش هو كمان حياته غم وهم... ووين الأحلام الوردية والأماني والتأملات الكانت في فترة الخطوبة.. وفصائد نزار قباني البيقطعها فيها..وعشان كده ما في داعي لفترة الخطوبة وانتي السميتيها فترة العش التجاري...يعني فعلا الزواج قفص من حديد صلب وليس من ذهب....وبدل ما يقول " سال من شعرها الذهب بيقول سال من شعرها الحديد( مع الاعتذار للفنان القامة صلاح بن البادية ولشاعر الأغنية) واختمال الرئيس السابق دغ يكون حبة حق غشان كان بيظن ان في ربع الشعب بيحبه وعاوزه يحكم ( وطبعا الربع ديل من الحرامية والنصابين والمنافقين) بس الزوج السابق ده حجته شنو... ؟
لي شرف التعليق اول واحدة والبركة في الواجب المنزلي( Homework) المسهرانا لآخر الليل والبنعملوا لبروفيسور اون لاين,, وبناخد بريك شياحة في المواضيع الرائعة كروعتك يا رائعة والله يديك العافية
Post: #3 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-20-2013, 08:05 AM Parent: #2
الأميرة
كل الحب
ولي عظيم الشرف أن تكوني الأولى دائما ..
والله يا أميرة دي تجارب شخصية عشتها بنفسي ، وشفت كيف الزوج بيعاند وإنتي عارفة المرأة السودانية
ليست ميالة إلى خراب البيت ، أو الذهاب إلى المحاكم لكن لمن تصل إلى إشانة السمعة والضرب بعرض
الحائط كل القيم لابد من اللجوء إلى الكي ..
عموما حبيبتي كل هوم ويرك وإنت طيبة
مودتي
Post: #4 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-20-2013, 08:16 PM Parent: #3
Quote: ما الفرق بين الزوج المخلوع ، والرئيس المخلوع ؟؟
الفرق يكمن بين الرئيس والزوج لكن الخلع ( حتى لو خلع ضرس حار ) والأحر من ديل كلهم الحبيب المخلوع ليحل محله وهل يستوي الأصل يبقى صورة
Quote: حسب معلوماتي المتواضعة .. واعتقاداتي الخاطئة في أغلب الأحوال أن لا فرق بين الإثنين
فالرزوح المخلوع لم يوفر العيش والحرية والعدالة الاجتماعية والكرامة الإنسانية لزوجته
وأبنائه والرئيس كذلك فشل في توفير أدنى مقومات الحياة لشعبه فأصبح رئيسا لا يطاق والزوج
كذلك !
هذا كلام مقبول وعين العقل لكن كيف كان الخلع ؟؟؟ الزوج خلعه هين .. وفي محكمة ومحامي شاطر ( يتم الخلع ) لكن الرئيس الذي كل المحاكم وكل الكل يحمي كرسيه المصبوب كيف يتم خلعه يا عواطف ... الفرق هنا يبدو أن الزوج المخلوع لا يمكن أن يعذب ابنائه ( في بيوت اشباح ) ولا يمكن أن يقتل ويصفي من يقول لا لكن من إعتقد( الرئيس ) أن عقد السبحة قبضة صوت الواعي بدي بليد وبي نغمة اديان يريد يهز فكر مليان
وبي حق مهضوم صبحت ديارنا مفضوحة وفاضة ونهبوها وقعدو بالسرقة الواضحة وفاسد الذمة عمارةً شاطحة والفقرو جنو سعة الأاطحة وقالنوا نمّو وبلادنا واسعة وفيها الحرامي الكان لي امبارحا ما عندو التكتحا اليوم في بينزي وعمارةً ناطحة الريس بتمكن وما فك الله مع الزوج المخلوع لكن هو بستحق الخلع لو كان في اقل مناظرة مع مخلوع أخر وحتى لو ضرس
ليت كل رئيس زوج حتى يسهل خلعه وليت كل زوج ان يكون خير لاهله... هي كلمة طيبة أصلها يعانق عنان السماء واصلها ضارب في أعماق الأرض راسخ ومتعمّق وثابت كلمة طيبة نقلها كلمة تشهد لنا امام الله الكلمة الطيبة جواز سفر دبلوماسي تفتح لها القلوب حدودها تسير تقدل هنية وتهنّي لو كان الطيب كلمة بيننا لما وصلنا لما نحن فيه اليوم عودوا يا ناس لاصل الماضي الجميل كلمة طيبة تبدأ بالجار لتنتهي وتدخل البيت وتكون سترة
Post: #5 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-21-2013, 05:01 AM Parent: #4
Quote: ليت كل رئيس زوج حتى يسهل خلعه وليت كل زوج ان يكون خير لاهله... هي كلمة طيبة أصلها يعانق عنان السماء واصلها ضارب في أعماق الأرض راسخ ومتعمّق وثابت كلمة طيبة نقلها كلمة تشهد لنا امام الله الكلمة الطيبة جواز سفر دبلوماسي تفتح لها القلوب حدودها تسير تقدل هنية وتهنّي لو كان الطيب كلمة بيننا لما وصلنا لما نحن فيه اليوم عودوا يا ناس لاصل الماضي الجميل كلمة طيبة تبدأ بالجار لتنتهي وتدخل البيت وتكون سترة
خالد
يسعد صباجك الجميل
تخيل إنه المخلوع زوج وكمان رئيس يعني بمعنى آخر إذا كان اللي خلعته زوجته رئيس
هل يا ترى سوف يتقبل الأمر زي الزول العادي ، وهل يمكن أن تقدم زوجة رئيس على
مثل هذه الخطوة أم أن بريق السلطة سيكون أقوى منقرارها ..
معزتي
Post: #6 Title: Re: الزوج المخلوع ... والرئيس السابق !!! Author: الطيب شيقوق Date: 05-21-2013, 10:55 AM Parent: #5
طوفي سلام
Quote: السؤال المطروح يا أمة الأمجاد والماضي العريق (على فكرة الماضي العريق دة أصبح مجرد ذكريات)
لماذا يتمسك الزوج بزوجة ترفض العيش معه تحت سقف واحد بعد أن فشل في إيجاد الحد الأدني
من إمساك بمعروف ، فيما يتمسك الرئيس بمنصبه بالرغم من فشله في توفير الحد الأدنى أيضا من العيش الكريم ؟
علما أن ما دفعني إلى كتابة هذا الموضوع يا سادتي الكرام هو حصول أكثر من ست زوجات سودانيات خلال الفترةالماضية
على حكم الخلع بعد أن فشلت أقسام التوجيه الأسري فشلا ذريعا في التوفيق بين الخصمين ولا عزاء للزوجات !
وفتكم بعافية ..
عندي تعقيب كتير بس عندى حكاية حقيقية والله حقيقية اكان ما قلتها ليك ما برتاح
زمان في واحد ضابط في شرطة الحياة البرية يعمل بحظيرة الدندر - قام زوجهو واحدة حلوة بدون رضاها من بنات كسلا - خمشها ليك شهر العسل جهة اثينا ابت طااااااااااب مشى بيها لبنان ابت طاااااااااااااب - زولك زعل وقال ليها نرجع السودان لاجراء الترتيبات اللازمة للخلع - بالفعل ركبوا الطيارة ونزلوا مطار الخرطوم - اصلا ما كانت بتعبرو بكليمة - اها من مطار الخرطوم اتلهم بيها كسلا - عندما وصلوا القضارف بعربية خاصة سمع موبايلو رنّ . الو الو الو معاى منو ؟ معاك العميد شيقا يا سعادتك . خير ان شاء الله ؟ قال ليهو حضورك الان الان الان ضروري جدا في معسكر قلقو احد معسكرات حظيرة الدندر . يا سعادتك انا جاي من شهر العسل ومعاى زوجتى حول وهسه نحن في القضارف حول . بقول ليك دى تعليمات حوّل . الموضوع بسيط جدا تجي بس تفتح مكتبك محتاجين للسند الفلاني لانو محتاجين ليهو في قضية امام محكمة جنايات السوكى حول . يعني عشان المستند بس ؟ ايو نعم لانو مستند جوهري سيغير مسار الدعوى الجنائية خالص حول. طيب طيب سعادتك انا من القضارف بتوجه لمعسكر الحظيرة والمسافة ما اكتر من 120 كيلو وكدا حول .
العروس تدخلت طوالي قال ليهو دا شنو الكلام دا ؟ قال ليها تعليمااااااااااااات خلاص اقفلي .
لما وصل المعسكر اتلهم غرفتو الخاصة عبارة عن قطية مبنية بقش النال لكن بشكل هندسي رائع ومن جوة مفروشة عليها رملة ولما الجنود عرفوهو جاي جابوا الخراطيش رشو ليك الرملة زيييييييييييين نامن عملت تويقات هنا وهناك . القطية صارت تلج بس .
العروس ابعدت منو بعيد في سرير مطرّف بعيييييييييييد . اهاالشمس غابت جاب ليها العشاء تاكل ولا بتعبرو بكلمة
اها ناموا وقت الليل أليل شدييييييييد الاسد زأر زئير خلى ليك القطية تتهوزز كلها .
انقروا الحصل شنو ؟ البنية اتخلعت من صوت الاسد وقامت جارية على العريس دخلت ليهو جوة بطانيتو .
من دييييييييييييييك لحدى البيت اتملأ وليدات ما شاء الله .
Post: #7 Title: Re: الزوج المخلوع ... والرئيس السابق !!! Author: أيمن الطيب Date: 05-21-2013, 11:12 AM Parent: #6
إن شاء الله خير يااااااا شقارى!!!
Quote: اها ناموا وقت الليل أليل شدييييييييد الاسد زأر زئير خلى ليك القطية تتهوزز كلها .
مع شيقوق دا ضمان مافى وأسدو دا إحتمال يكون العريس زاتو لكن على العموم,,الما شفتو فى بيت أبوك بخلعك!!!!قال أسد زأر قال
Post: #8 Title: Re: الزوج المخلوع ... والرئيس السابق !!! Author: الطيب شيقوق Date: 05-21-2013, 11:28 AM Parent: #7
Post: #10 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 03:53 PM Parent: #9
Quote: خالد
يسعد صباجك الجميل
تخيل إنه المخلوع زوج وكمان رئيس يعني بمعنى آخر إذا كان اللي خلعته زوجته رئيس
هل يا ترى سوف يتقبل الأمر زي الزول العادي ، وهل يمكن أن تقدم زوجة رئيس على
مثل هذه الخطوة أم أن بريق السلطة سيكون أقوى منقرارها ..
معزتي
يعني ما رديتي إلا الليلة صباح برضو بنقول وصباحك نور يا عواطف يا عواطف حيلك في زوجة رئيس بتطلب الخلع والله دي تطلب ادقو مسامير تثبت اكثر زي كرسي راجله الحارسا ....... الامن ( دي نقط نقط ما فاصل ) غايتو البعرفو والشايفو الرئيس بقبل الخلع لانو نساء الشهداء كُثر قطع شك ... البريق لماع واللمعة بدور ليها كرفيتا وجزيمة تشوف فيها وشيك وتقدل زي ما بقول شيقوق ... هيييييييييع مودتي
Post: #11 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 03:57 PM
Quote: اها ناموا وقت الليل أليل شدييييييييد الاسد زأر زئير خلى ليك القطية تتهوزز كلها .
انقروا الحصل شنو ؟ البنية اتخلعت من صوت الاسد وقامت جارية على العريس دخلت ليهو جوة بطانيتو .
من دييييييييييييييك لحدى البيت اتملأ وليدات ما شاء الله .
شيقوق بديك ابــ قرشين ( فريني ) شوف لي اسد ولبوة ولو لقيت نمر من الدندر دي أنـــا ما مخلوع ومخلوع اذاي وداوي عيون وعيون
Post: #12 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 04:01 PM Parent: #11
Quote: مع شيقوق دا ضمان مافى وأسدو دا إحتمال يكون العريس زاتو لكن على العموم,,الما شفتو فى بيت أبوك بخلعك!!!!قال أسد زأر قال
ايمنوف شنو يا سيدي الجفا بتاعكم دا برضو خلع والله كل زول شايل كماشتو يخلع بقينا زي الفرة ماشين ونتلفت ما يخلوعنا الخلع هين فيه شئ من الحنية مع لوية الكماشة لكن الهدم والتكسير دا العوجة مشتاقين لو حنَّ قلبك علينا وكلك مفهومية
Post: #13 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 04:18 PM Parent: #12
Quote: الما شفتو فى بيت أبوك بخلعك!!!!قال أسد زأر
يعني يا ايمنوف الواحد بس إتزوج ( بت عمو أو خالو أو خالتو او عمتو وقريبة من بعيد كدي شوية ولا بت الجيران ) لانو ديل بس البنشوفم في بيت ابونا هههههه
Post: #14 Title: Re: الزوج المخلوع ... والرئيس السابق !!! Author: محمد الأمين موسى Date: 05-21-2013, 04:54 PM Parent: #13
Quote: حصول أكثر من ست زوجات سودانيات خلال الفترة الماضية على حكم الخلع
طوفي دى تاني ما بجي لبوستيها دا الا تدفعوا لي قروش - ياخ دي ما بترد ليك سريع جنها شحتف روح ضيوفا تخليهم شغالين في بوستيها زى البرق العبادي .
Post: #16 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 06:28 PM Parent: #15
Quote: طوفي دى تاني ما بجي لبوستيها دا الا تدفعوا لي قروش - ياخ دي ما بترد ليك سريع جنها شحتف روح ضيوفا تخليهم شغالين في بوستيها زى البرق العبادي .
معليش يا الحبيب اصلها خلعت ضرسها اليوم ( كاضمة وما بتدي اقوال ) في وجودك الدنيا تحلى وصعابا ساهلة انت بس روقوأحلى مودتي تشوبها شئ من مشاغبتك أنا الكـــكــــو الفجخ الطيـــــــن
الله يمسخك يا مسنوح وحياتك لما القاها بضحك لامن الجماعة يجوا جاريين
طيب اسالك يا اللخو - اوع بس تكون وضاحة ككوية الفجخت الطين ؟
Post: #18 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-21-2013, 07:25 PM Parent: #17
Quote: الله يمسخك يا مسنوح وحياتك لما القاها بضحك لامن الجماعة يجوا جاريين
انت الجماعة جبتهم السلطنة ؟؟؟ مسخة وبعدين يا اخوي مع متفجرات عواطف دي احذر التكسير .. الهدم .. لانو الخلع انت ما بجيب راسك المفتح دا
مودتي مشوبة بزهرة محبة ممسوخـــة
Post: #26 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 05:02 AM Parent: #16
Quote: معليش يا الحبيب اصلها خلعت ضرسها اليوم ( كاضمة وما بتدي اقوال ) في وجودك الدنيا تحلى وصعابا ساهلة انت بس روقوأحلى مودتي تشوبها شئ من مشاغبتك أنا الكـــكــــو الفجخ الطيـــــــن
شكرا خلودي إنت دايما حمامة سلام وسط صقور البوست
شيقا روق المنقا شوية
Post: #25 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:53 AM Parent: #15
قام اتعزز الليمون ههههههههه
والله يا شيقا ما كنت موجودة
عموما إنت وخالد وأيمن ومحمد حررتو البكا شديد لامن ما لقينا لينا مكان نقعد الناس
Post: #24 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:50 AM Parent: #14
والله يا حمادة دة الحاصل
هو بوست فعلا يخلع ...
ولكن تتعدد الأسباب والخلع واحد
مودة
Post: #23 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:48 AM Parent: #13
Quote: يعني يا ايمنوف الواحد بس إتزوج ( بت عمو أو خالو أو خالتو او عمتو وقريبة من بعيد كدي شوية ولا بت الجيران ) لانو ديل بس البنشوفم في بيت ابونا هههههه
والله يا خالد إنت مصيبة ماشة برجلين فعلا يضع سره في أضعف خلقه وليس أتخن خلقه هههههههه
Post: #22 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:44 AM Parent: #11
Quote: شيقوق بديك ابــ قرشين ( فريني ) شوف لي اسد ولبوة ولو لقيت نمر من الدندر دي أنـــا ما مخلوع ومخلوع اذاي وداوي عيون وعيون
؟؟؟؟؟؟؟؟؟؟؟؟؟؟؟؟؟
Post: #21 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:41 AM
Quote: يا عواطف حيلك في زوجة رئيس بتطلب الخلع والله دي تطلب ادقو مسامير تثبت اكثر زي كرسي راجله الحارسا ....... الامن ( دي نقط نقط ما فاصل ) غايتو البعرفو والشايفو الرئيس بقبل الخلع لانو نساء الشهداء كُثر قطع شك ... البريق لماع واللمعة بدور ليها كرفيتا وجزيمة تشوف فيها وشيك وتقدل زي ما بقول شيقوق ... هيييييييييع
دي غايتو بالغت فوقا يا ود المنسي يعني العرس حيكون تأبيدة أو زواج مسيحيين كاثوليك ...
ويجعلو عامر
شكرا خالد ... سخنتو البوست إنت وشيقا
Post: #20 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:39 AM Parent: #7
Quote: مع شيقوق دا ضمان مافى وأسدو دا إحتمال يكون العريس زاتو لكن على العموم,,الما شفتو فى بيت أبوك بخلعك!!!!قال أسد زأر قال
والله ضحتنكي بجد يا أيموني عارف المفارقة إنها رفضته في لبنان ، وفي قبرص ورضت بيه في الدندر يعني أي واحدة عنده ماحدة ما عايزاه يوديها
الدندر.. ههههه
Post: #19 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 04:34 AM Parent: #6
Quote: انقروا الحصل شنو ؟ البنية اتخلعت من صوت الاسد وقامت جارية على العريس دخلت ليهو جوة بطانيتو .
من دييييييييييييييك لحدى البيت اتملأ وليدات ما شاء الله .
ههههههههههههه
الله يجازي محنك يا شيقا يعني كل واحد زوجته ما عايزاه يوديها الخلاء ولا يمشي بيها
حديقة الحيوانات ....
تشكرات يا فندم بس يا ريت تدينا معلومات قانونية عن الخلع أحسن في ناس كتيرة
عايزة تخلع ههههههههه مش أنا طبعا!!!
Post: #27 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 05:12 AM Parent: #19
شكرا خلودي إنت دايما حمامة سلام وسط صقور البوست
شيقا روق المنقة شوية
Post: #28 Title: Re: الزوج المخلوع ... والرئيس السابق !!! Author: الطيب شيقوق Date: 05-22-2013, 06:30 AM Parent: #27
طوفي
Quote: تشكرات يا فندم بس يا ريت تدينا معلومات قانونية عن الخلع أحسن في ناس كتيرة
لحظة بس دى ذاتا فرصة نثقف متابعي هذا الوست بانو المحامين نوعان :
محامون مدنيون Civil law lawyers
ومحامو الانكحة والمواريث Personal matters
شيقا Civil lawyer و معرفتو بأمور الانكحة والمواريث very poor يا طوفيييييييييي
Post: #29 Title: Re: الزوج المخلوع ... والرئيس السابق !!! Author: الطيب شيقوق Date: 05-22-2013, 06:34 AM Parent: #28
منسي
اعتذر لتاخير التعقيب على مداخلتك ادناه لانو في حضرة طوفي ما بيكون في التزام بالكيو
Quote: مودتي مشوبة بزهرة محبة ممسوخـــة
انت اصلا مودة نضيفة كدا ما عندك؟
Post: #30 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-22-2013, 10:59 AM Parent: #29
Quote: دي غايتو بالغت فوقا يا ود المنسي يعني العرس حيكون تأبيدة أو زواج مسيحيين كاثوليك ...
هههههههههههه وما أحلّى التأبيدة في غرفة الرئيس وحتى لو كان زي رئيسنا هسي ما مسجونات 2 قدر الضربة وسجن السرور دبي ماليزيا بقت ليهن اقرب من حوش بانقا والمحمية
نوم وبعدو جيهة بي نغمة صبرك لحظة واحدة يا ضابط السجن امشي دبي وتف تف تمشي وتجي وتحرق 50000 دولار SUMMER SHOPING تاني دايرا شنو دي بتخلع ... والله دي تبلع مودة
Post: #31 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-22-2013, 11:00 AM Parent: #29
Quote: انقروا الحصل شنو ؟ البنية اتخلعت من صوت الاسد وقامت جارية على العريس دخلت ليهو جوة بطانيتو .
من دييييييييييييييك لحدى البيت اتملأ وليدات ما شاء الله .
ابوا كده ظاتوا
يعنى هو ظاتوا طلع اسد اريتوا حال البنات لاحدهن
مسنوووووووووووووووح واحد يوم بتكتل ليك زول
عطوف مشتاقيين
Post: #33 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-22-2013, 03:55 PM Parent: #32
Quote: الأنكحة دي يا شيقا جمع تكسير ولا شنو ؟؟
أفيدونا أفادكم الله
إكفينا الله شر التكسير والهدم ( دي جمع خلع ) وهو اهون من الخسائر الجسدية حصة النكاح زمان كنا اكتر حصة بنريدها طبعاً دا الكلام البعجب ناس الحرف الأول منهم ( شـــ يــ قـــ و قٌـــ ) هسي انا جبتا سيرة زول يا عواطف هسي يجيني ناطي زي المطر ام شهفوفة ) مودتي الشديدة
Post: #34 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-22-2013, 04:03 PM Parent: #33
Quote: شكرا خلودي إنت دايما حمامة سلام وسط صقور البوست
شيقا روق المنقا شوية
يا سلااااااااااااام يا عواطف هذا الأسم كُنت أطلقه على روح إنسانة كلها على بعضها روح طيبة .. تمثل طيبة أهلنا .. تمشي طيبة تقول طيبة .. لا يمكن أن اصفها لك مهما قلت هي سلمى حسن عباس صبحي ( حمامة السلام تهديل هديلا ) رد الله غربتها للمنبر عوداً حميد كانت قلم وحرف ومفردة فقدناه كثير .. كانت تمشي بين الناس في مرح الحمام تنثر الجمال والكلمة الطيبة كالغمام الغيث من هنا أرسل جميل تحياتي لشخصها الجميل الإنساني
مودتي عواطف
Post: #35 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-22-2013, 06:46 PM Parent: #34
الخلع للأقارب في صعوبة كبيرة مراعاة للدم.. العلاقات التي يمكن ان تروح في خبر كانَّ وقال رسول الله عليه الصلاة والسلام أغتربوا بقدر ما استطعتم فأني مكاثر بكم الأمم وفيه ( ضمان من الأمراض الوراثية ) وتجديد الدم .. إكتساب كروموزومات جديدة في من الصفات الحسن لذا البتتزوج قريبها تأكل نارا ( كاثوليكي ) .. مسوكر .. ود العم ود الخال ود العمة ود الخالة وود الجد بي اللفة زي ما بتقول سماح
الغريب وبعيد (زي البصلة أم مكشة ) تدلقي في الكشرة وتنفضي يديك وتغسليها وزي الماحصل شئ الخلع بي أسبابو ومتعددة وأظن عواطف ما قصرت في هذا من سرد ولحين ميسرة الاغنية الجاية دي يا شيقوق ( المحظور وابعدي دمك ) وأنت مابتقدر تنفك أو تُخلع بغلة وإتوكرت في طين البردانة الفجخيبه اللُك ووحرنت وسيدها نزل وفات لحق السوق ( شيقوق يوم الحفلة دي ان فكفكتَّ عضيماتي في العرضة أها شوف الفيديو وطلعني وين
Quote: هي سلمى حسن عباس صبحي ( حمامة السلام تهديل هديلا ) رد الله غربتها للمنبر عوداً حميد كانت قلم وحرف ومفردة فقدناه كثير .. كانت تمشي بين الناس في مرح الحمام تنثر الجمال والكلمة الطيبة كالغمام الغيث من هنا أرسل جميل تحياتي لشخصها الجميل الإنساني
الله يخليك يا خلودي انت رجل وفي بالحيل بالتاكيد سلمى بت الزعيم افتقدناها هنا كسفير للنوايا الطيبة
هاك دي مش من بنات افكاري ولكنها قصة حقيقية كنت طرفا اصيلا فيها
كنت يوما جالسا امام مكتبي للمحاماة بمدينة السوكي . والسوكي - لناس الشهادة العربية - مدينة في ولاية سنار وبها مشروع السوكي الزراعي الذي انطلقت منه الكلمة الشهيرة لمرتضى احمد ابراهيم - وزير الري ابان الحكم المايوي . فعندما انهارت بيارة السوكي ، كما انهار مبنى كلية الرباط في العهد الانقاذي ، تم استدعاء الوزير - مرتضى احمد ابراهيم - امام البرمان لاستيضاحه حول انهيار بيارة السوكي فقالها داوية امام البرلمان ( فالتنهار البيارة الاولى والثانية والثالثة ولتبقى الحقيقة) - فماهي الحقيقة التي كان يقصدها معالي الوزير ؟ وماهي القصة التي انوى سردها؟ ستكون الاجابة عليهما في مداخلتي القادمة .
طوفي لقيتيني كيف؟
Post: #39 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-22-2013, 09:31 PM Parent: #38
Quote: الله يخليك يا خلودي انت رجل وفي بالحيل بالتاكيد سلمى بت الزعيم افتقدناها هنا كسفير للنوايا الطيبة
ربنا يرد غربتا الاسفيرية
حمامة السلام ... احملي السلام في منقارك .. وزيدي في هديلك كانت من الموضوعية الموضوع التام كانت من عفة اللسان لسان صائم مؤمن يخاف الله ويطمع في رضائه .. ويتوسل للقرب منه كانت تحمل الكلمة الطيبة أين ما حلت ونزلت ( لذا اطلقت عليها حمامة السلام ) لذا ادعو الله ان يردها للمنبر من تاني .. مكانها شاغر في منبر سودانيزونلاين ... وهنَّ كُثر جميلات الروح ريحانة البطانة وسماح والقائمة تطول مودتي يا شيقوق مرات انت ظريف ملطخ بشوية سناحة
Post: #40 Title: Re: الزوج المخلوع ... والرئيس السابق !!! Author: الطيب شيقوق Date: 05-23-2013, 09:15 AM Parent: #39
Quote: مودتي يا شيقوق مرات انت ظريف ملطخ بشوية سناحة
مسنوووووووووووووح
Post: #48 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-27-2013, 07:38 AM Parent: #32
وضضضضضضضضااااااااااحة
اللماحة والله شوق مطر
عملت إيه مع الصفر الكبير
إن شاء الله تكوني وصلت لي
بر الأمان يا أخيتي ...
محبتي
Post: #41 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-26-2013, 05:09 AM Parent: #29
شيقا
صباحكم فل وياسمين
قالو البيت محروس وستو تكوس
والله الانجمامة بتاعة خالد المنسي بقت جوة بوستي بديكم العافية
مودتي
Post: #42 Title: Re: الزوج المخلوع ... والرئيس السابق !!! Author: الطيب شيقوق Date: 05-26-2013, 05:55 AM Parent: #41
Quote: قالو البيت محروس وستو تكوس
قدرنا لكن
Quote: والله الانجمامة بتاعة خالد المنسي بقت جوة بوستي بديكم العافية
انت ما عارفة الانجمامة زى الجوكر تشتغل في كل البوستات وجميع الاتجاهات ؟
Post: #43 Title: Re: الزوج المخلوع ... والرئيس السابق !!! Author: د. ياسر عبد القادر Date: 05-26-2013, 07:50 AM Parent: #42
الله لا يجيب الخلع بيني و بينك
سلامات عواطف
سلامات شيقوق
سلامات خالد
البوست دا لو ماشفت كاتبته عواطف و اخر مداخله لشيقوق المسنوح...ما كان دخلته....
شكرا للابتسامة الصباحية
Post: #44 Title: Re: الزوج المخلوع ... والرئيس السابق !!! Author: خالد علي محجوب المنسي Date: 05-26-2013, 03:34 PM Parent: #43
Quote: صباحكم فل وياسمين
قالو البيت محروس وستو تكوس
والله الانجمامة بتاعة خالد المنسي بقت جوة بوستي بديكم العافية
تعرفي يا عواطف الخلع موجود ومعروف من زمن بعيد ( ماتقولي دي حاجات جات قريب للسودان ) لكن كان يختلف المسمى وكان الخلع زمان سببه واحد بس نسبة لحاجات كثيرة كان مسلم بها من ناحية المرأة
الصرف : الرجال ضو قبائل في هذه الناحية الحب : كان بجي بعد الزواج .. ولما جا بتكون العشرة الطيبة مودة وطيبة من ناحية المرأة الأحترام والتقدير كان موجود رغم قلة الغزل والكلام الحنين ( أوتكيت سوداني بحت زمان ) المرأة ما بقول اسم زوجها لو قطعو رأسها ( كيفن تجيب أسمو الهوا بقسمو وعيب كبير ) أم الفراش هنا كان ( الشئ الوحيد ) بعض النساء جسدها يرفض جسد الزوج من أول يوم ( دا شئ خارج من أرادتها ) تفضل تقاوم وتاني ما بشوف عرقوب كراعا لحدي ما تكرهو فيها عشان يطلقها لانو لو قطعو راسها ما بتقول السبب .. ولا بتشتكي في محكمة لكن قد يعلم السبب بعض النساء وكانت تسمى هذه الظاهرة يقال : فلانة طمحت فلان وليس خلع وهذا طبعاً بالعامية السودانية ( والواحدة يقول لسان حالها أللهم لاتلمني في تملك ولا أملك ) ومعها الحق ومع ذلك كان يراه البعض عيب عيب كيفن رغم الغالب الأعم كان يراه دا الشئ الوحيد الذي لاترد فيه المرأة لزوجها وهذا شئ من الله لم توفق أجساهما في المشاعر ورغم هذا اكيد هناك من النساء من استمرت في زواجها غصباً عن مشاعرها وكانت تموت كل مرة تمارس فيها حياتها الزوجية مع الزوج ( مسكوت عنه ) .. لكن في زمنا دا لا هن قصرن ولا بت أبو بخلت عليهن بالنصح
Post: #46 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-27-2013, 06:13 AM Parent: #44
وعند جهينة الخبر اليقين ....
والله يا خالد التقول مربياك حبوبتك بسم الله ما شاء الله يباركلك يارب
بي تعال قارن بنات الزمن دة بالزمن الفات إنت عارف أنافركشت الجكس بتاعي
في الجامعة عشان ودا صورتي لأمه عاد تعال شوف وعينك ماتشوف إلا النور ..
منو القال ليك توريها الصورة ... وووب علي حتقول عني شنو ؟ هوي يازول
كل واحد يروح لحال سبيلو وش مندهش طبعا
عموما يديك العافية
Post: #45 Title: Re: الزوج المخلوع ... والرئيس السابق !!! Author: عواطف ادريس اسماعيل Date: 05-27-2013, 06:07 AM Parent: #43
عارفك ما بتقصدي لكن التسبيه صادف هواي الميكرويف موجاته عامل كبير في تنشيط الخلاريا المسرطنه هههههههههههه الزويل دا سوا لي سرطان في خشم زمزمية المخيخ المنبري (كونزرف ) دي بالمجري يعني ( معلب ) × ميكرويف ( موجات حرارية ) الناتج = .............. من البردانة
