Post: #1 Title: اغاني صريحة جدا Author: عمر الفاروق عبد الله الشيخ Date: 05-19-2013, 10:06 AM
من تلكم الاغاني اغنية الشاعر المرحوم حسين عثمان منصور والتي تغني بها سيد خليفة ليل وخمر وشفاه
والتي تقول احد ابياتها
شفة عطشي \وأخرى هى كأس خمرها نار وجمرة ليتنى لو ذقتها فى العمر مرة
والغريب بان يد الرقيب قد تناولتها بالتغيير في برنامج لحسين خوجلي حيث تم تغيير هذا البيت والبيت الذي يقول يا سقاة الكأس من عهد الرشيد وتم التصرف فيهما
Post: #2 Title: Re: اغاني صريحة جدا Author: عمر الفاروق عبد الله الشيخ Date: 05-19-2013, 10:35 AM Parent: #1
الكثير من اغاني الحقيبة والتي كانت تحكي عن الحرمان اتجهت للسرد الوصفي من قمة الرأس لأخمص القدم اي من الديس الشعر لقدم الحمام
ورد في اغنية زاد ازاي يا صاحي لعبيد عبد الرحمن
القوام معدول والوريد كالدمية والأسيس مسدول الكتيف مهدول بعضه نام في بعضه تقول حرير مجدول سوو ا ليه اللول دقوا ليه اللول كان يرقص ردفا من خصايصه كسول ايه يفيد القول وايه يفيد من شعري فيه مهما أقول منه حالمة عقول
Post: #3 Title: Re: اغاني صريحة جدا Author: ياسر السر Date: 05-19-2013, 10:41 AM Parent: #2
ايضا شاعرنا الكبير تنبيه الغافلين محمد ود الرضي في اغنية انا في التمني قال : داير اشوف حبيبي اليوم داك شفتو ,, محنن بالقنيلة ويحنو كأنو واجع .. ويردد لي نغيما ترتاح لي المسامع .. ودي ما بلقاها زولا ذيي انا صيدو ناجع ..
معليش الحفظ بقى ضعيف والذاكرة خربت وده كلو من آثار الغربة ... الله يردنا سالمين لي اهلنا ..
تحياتي : ياسر العيلفون
Post: #4 Title: Re: اغاني صريحة جدا Author: عمر الفاروق عبد الله الشيخ Date: 05-19-2013, 10:51 AM Parent: #3
Quote: يضا شاعرنا الكبير تنبيه الغافلين محمد ود الرضي في اغنية انا في التمني قال : داير اشوف حبيبي اليوم داك شفتو ,, محنن بالقنيلة ويحنو كأنو واجع .. ويردد لي نغيما ترتاح لي المسامع .. ودي ما بلقاها زولا ذيي انا صيدو ناجع ..
تحياتي ياسر
محنن بالقنيلة ويحنو كانو واجع
هذا البيت تم حذفه بواسطة لجنة النصوص رغم التقاضي عن مقاطع اكثر صراحة
Post: #5 Title: Re: اغاني صريحة جدا Author: عمر الفاروق عبد الله الشيخ Date: 05-19-2013, 11:05 AM Parent: #4