شكراً بكري ،، اليوم نعود وغداً تعود ابوكرشولا للحضن الوطني الدافئ

أولاً :
نقول حمد لله على سلامة عودة تصفح المنبر العام والمشاركة فيه
ثانياً :
نتقدم بالتقدير والشكر للاخ بكري ابوبكر وهو ينجدنا برمز الدخول ويجعل وجودنا هنا ممكناً
ثالثا :
التحية والتقدير كل الشرفاء الوطنيين الذين يحملون رأية الدفاع عن سوداننا بالكلمة والصورة
أخيراً وليس آخراً :
سنحتفل هنا ان شاء الله قريباً بتطهير ابوكرشولا مما شهدته في ايام سوداء مظلمة
هذا والسلام على من اتبع الهدى

الاخ عبود

ياخي الجابني بوستك دا حاجة في العنوان كنت شخصيا داير افتح بيها بوست
العبارة هي

Quote: تعود ابوكرشولا للحضن الوطني

الغرض من البوست هو طرح سؤال واحد

هي ابكرشولا مشت وين عشان تعود لحضن الوطن؟؟

الاخ احمد
السلام عليكم
تعود من غربتها التي ادخلها فيها المتمردين الذين دنسوا ترابها وشردوا اهلها ونهبوا ممتلكاتهم







بالله صعب عليك تقول سلام ؟

وحلايب تعود متين

Quote: وحلايب تعود متين

في وقتها ان شاء الله

وعليكم السلام

من تسميهم متمردين ديل نوبة وبقارة وفور وفونج وابكرشولا دي ارضهم وهم اهلها
وهم نفسهم كانوا عساكر وضباط وضباط صف في الجيش السوداني وحارسين ذات ابكرشولا من المتمردين
الجنوبيين منذ الاستقلال الى ان اكتشفوا الاستغلال.

Quote: من تسميهم متمردين ديل نوبة وبقارة وفور وفونج وابكرشولا دي ارضهم وهم اهلها وهم نفسهم كانوا عساكر وضباط وضباط صف في الجيش السوداني وحارسين ذات ابكرشولا من المتمردين الجنوبيين منذ الاستقلال الى ان اكتشفوا الاستغلال.

عفواً أحمد
اتعامل بتسميتهم متمردين وهو الوصف الصحيح لكل من يرفع السلاح في وجه السلطة وفي وجه المواطن
ولم اتعامل معهم او اذكرهم بقبائل او جهوية
ولا يمكن ان تخدع نفسك وتخدعنا بالقول ان هؤلاء المتمردين والقتلة والنهابين
لهم علاقة بالجيش السوداني الذي نعرف فراسته وقوة ايمانه ووطنيته

مرحب بيك يا عبود وعودا حميدا


معك ننتظر عودة ابو كرشولا


.
.
.
.

Quote: مرحب بيك يا عبود وعودا حميدا معك ننتظر عودة ابو كرشولا

تسلم اخي بشير شكراً للترحيب
ان شاء الله قريباً جداً

حمدلله على السلامه ياعبود
كدى بالله قول لى وينو الحضن الدافى ده ؟؟!!
ولا إنت قاصد ( المافى ) ,
ياحليل زمن الدفو ياعبود ,, ما حضرتوه يا أخوى .
مما قمتو وإنتو فى بكره تعود الكرمك وبكره تعود هجليج وبكره تعود حلايب وبكره أم روابه وبكره أبو كرشولا وعييييييييك .
أصحى يا عبود ,, محمد جمعه وود الباوقه فهمو اللعبه زمان وبقوا بتريقوا على حكومتك دى .
تصدق ذكرتنى قصة أهل الكهف !

لن يعود السودان كوطن يسع الجميع إلا بعد الانتصار علي العصابة في الخرطوم و محاكمة البشير و باقي الأبالسة المسؤولين عن كل الجرائم من جرائم الحرب لجرائم الفساد و تخريب دولة السودان

Quote: حلايب عندما دخلوها المصريين لم يفعلوا ما فعل اصحاب جلدتنا فى ابو كرشولا ولا يوجد نازحين بجا عن منطقة حلايب اصبح المصريين لهم شرف اكثر من بعض السودانيين!

والله ياكمال ميدو ( معلق من الفيس بوك ) كلامك ده بسموهو العذر الاقبح من الذنب

عبود عودا حميدا

نتمنى ان يرجع كل الوطن والمواطنين الى حضن وطن يسع الجميع

اما شغلانية الكر والفر دي ضياع زمن وارواح

تحياتي

زاتوووو

Quote: اتعامل بتسميتهم متمردين وهو الوصف الصحيح لكل من يرفع السلاح في وجه السلطة

اتفق معك، لكن لازم برضو تتفق معي ان عمر البشير وزبانيته برضو رفعوا السلاح في وجه السلطة
واغتصبوها من المواطنين الانتخبوا السلطة بطريقة ديموقراطية وبحرية تامة، ولمن المواطنين
احتجوا وكونوا اجسام لاستعادة الديموقراطية عيييك ، بيوت اشباح وزنازين وتشريد وفصل من الخدمة
واغتيالات واعدامات ....

ور جاءا ما تقول لي انك جيت ماري بسنة 1989 وما شوفت الكان حاصل

Quote: ولا يمكن ان تخدع نفسك وتخدعنا بالقول ان هؤلاء المتمردين والقتلة والنهابين لهم علاقة بالجيش السوداني الذي نعرف فراسته وقوة ايمانه ووطنيته

اوكي انا ما اخدع نفسي، وانت برضو ما تخدع نفسك او تسمح للحكومة انها تخدعك

انت قايل الجيش ما قادر يدخل ابو كرشولا لييه؟؟
لانه الحارسين ابو كرشولا الليلة هم نفسهم الكانوا حارسنها زمان، حافظسنها حجر حجر شدرة شدرة

الله يخليك يا راعي البوست

Quote: اتعامل بتسميتهم متمردين وهو الوصف الصحيح لكل من يرفع السلاح في وجه السلطة وفي وجه المواطن

رفع السلاح في وجه السلطة والمواطن
هو بالضبط ما فعله ضابط الجيش الإنقلابي البشير
فهو أن لم يكن أول المتمردين فهو أكبرهم
وأكثرهم حصدا لأرواح الناس
فمنذ أن سرق السلطة في يونيو 1989 مات بسببه أكثر ثلاثة مليون سوداني
فكما أن التكبر علي المتكبر تواضع
فإن التمرد علي المتمرد هو عين الشرعية
(مجرد محاولة من الشعب لإسترداد حق منهوب)

ارجوكم.....فأنا ادري بإبن اختى .
انه يرى بنور الحق....
وقد استبصر.... منذ ان عرف ود البلال ..!!!!!

للشيعة....Take it easy

لاتقل لقد غرقنا بل قل: غدا ستعود الخرطوم الى حضن الوطن الدافىء!

الف حمدا لله علي سلامة العودة استاذ عبود

Quote: وعليكم السلام من تسميهم متمردين ديل نوبة وبقارة وفور وفونج وابكرشولا دي ارضهم وهم اهلها وهم نفسهم كانوا عساكر وضباط وضباط صف في الجيش السوداني وحارسين ذات ابكرشولا من المتمردين الجنوبيين منذ الاستقلال الى ان اكتشفوا الاستغلال.

أخي أحمد...

حتى لا نأتي بمثل تلك المغالطات للمكايدة..

يمكنك الأرتقاء طابفا واحد للتحدث مع أحد الزملاء والذي هو من أبناء أب كرشولا لتعرف حقيقة المنطقة..

يا جماعة فرقوا بين النظام والوطن..

سلام استاذي كمال
تحياتي

Quote: يمكنك الأرتقاء طابفا واحد للتحدث مع أحد الزملاء والذي هو من أبناء أب كرشولا لتعرف حقيقة المنطقة..

قد فعلت، ابوكرشولا تقع في الحود الفاصلة بين ولايتي شمال وجنوب كردفان، وهي كغيرها من المناطق بها خليط سكاني
من كل جنس ولون. والجبهة الثورية كذلك فيها خليط من كل جنس ولون.

الحقيقة التي تخفيها الحكومة عن الناس ان قوات الجبهة الثورية تعتمد على خبرة ابناء الهامش العسكرية
الذين كانوا منضويين اساسا تحت راية الجيش السوداني. في تمرد كبير جدا في الجيش، بس الناس ما مصدقه
او ما دايرة تصدق، زي اخونا عبود، بحب يصدق رواية الحكومة انهم ديل ناس صعاليك وقطاع طرق ونهابين.

حمدلله بالسلامة ياعبود ، عودة حميدة ...