المعركة استمرت زهاء الساعتين استخدمت فيها كل التكتيكات العسكريه والاستخباراتيه بس الديش الابيض ارتكب خطا استخباراتي وعسكري فادح اتعشو جنا جداد بيض الواحد ده وقشرو البيض خلوهو بكانو جا العدو اكتشف قشر البيض وتابعوم رشاهم رش الجن انتظرو الحلو مرندا زووووط
القتلى من الديش الابيض رتب كبيره اتنين جثثهم موجوده في الخلا ساي ديل راحو فيها بسبب العصبيه جاري حصر الجرحى والاسرى القديس مبسووط من مقتل الراس الكبيره وقال سيصلي عليو بكره الاحد تعالو القو عليو النظره الاخيره
ملايين اليوروهات تضيعوهم في شراء العتاد والاسلحه الفتاكه وتجو بعد الزعمطه تقولو الانوار مطفيه والديش كان بصلي والدفاع بالنظر اها امبارح الانوار كلها مولعه وفي نص ارضكم البتخبروها ودفاعكم بالنظر والجرري والطيران اتقلب زي لوري الطوب وفرد طوبه ماسلمت من طعنه او ضربه سيف والعجب حامل الرشاش بقا واقف محلو ويرش ياوصلت ياجلت غايتو بعد ده الديش معنوياتو واطه في الكلاكله مايشتريها
الديش عامل اعلانات باستعاده المرافيد والمحاليين للصالح العام مافي حل غير تعملو نظام البويييز والمدارس السنيه والعسكريه تصررف عجبني ليكم تاني تتعشو بيض بعد حداشر بكووفر بيكم
Post: #6 Title: Re: الحلو ميرندا والديش الابيض مرق خالي الوفاض فيديو اكييد Author: محمد عبد الماجد الصايم Date: 05-18-2013, 10:50 AM
تصدق يا عمكـ قبل بداية المعركة بطني كانت طاااامة! أصلي بقيت ما هاضم كتيبة المرتزقة (البرتغالية) كوولها!!
امير ودادريس مرحبيك وتشكر للمرور اها في ناس امبارح الميرندا جغموها مرقت بي نخرينوم ورقدو نامو بي صفحة واحده للصباح وكلهم عايزين نكفر ليهم جوال واتساب اخر ظهور اتناشر وشويه ليلا يعني كانو قريبين من موقع المعركه