Post: #1
Title: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-17-2013, 06:53 PM
Parent: #0
قصة الحجاج لما ولي للعراق فقال قولته الشهيرة ..
وعمل بها ..
فكان ان بلغ الاسلام في عهده معظم الأرض
الدولة هي القوة
وللخارجين عليها البطش
كحق مشروع ..
|
Post: #2
Title: Re: لو كنت رئسا لهذا البلد لما تمرد أحد أو حمل سلاح ...
Author: MOHAMMED ELSHEIKH
Date: 05-17-2013, 06:59 PM
Parent: #1
أنا كنت متوقعك تأتي بكوت من أقوال الخليفة عمر بن العزيز
وتبني عليهو سياساتك.......ولكن خاب ظني
وعلى العموم
. نحمد الله على عمر البشير ومصيبة أخف من مصيبة
|
Post: #3
Title: Re: لو كنت رئسا لهذا البلد لما تمرد أحد أو حمل سلاح ...
Author: Abdullah Idrees
Date: 05-17-2013, 07:06 PM
Parent: #1
اي بلد ، الضهاري ولا البنادر ؟
يا رجل ده كلام شنو ؟ ما ياهو ده البسوي فيهو البشير ذاتو " وللخارجين البطش" ..
الزمن اتغير ياخي ، الحجاج ذاتو لو عاش في عصرنا ده كان ممكن يغير اساليبو .. شوف في كم دولة انقسمت واتفتتت بفعل هذه الاساليب ؟ ابدا من الاتحاد السوفيتي لحد ما تصل لانفصال الجنوب ..
مافي دولة في عصر الانترنت والديجتال واليوتيوب تقدر تسوي الكانوا بسووهو زمان ده والعالم يسكت ، كل شي بقا على الهواء ، اذا كان جرائم الحجاج اتوثقت زماااان زمن "مكر مفر مقبل مدبر" فما بالك بعصرنا ؟ ، في حاجة اسمها مجلس الامن والامم المتحدة ، وفي تجار ولوردات سلاح عايزين يبيعو للبشتري ، وفي دول عندها مصالح بتخليها جاهزة تدعم اي حركة تمرد .. انتهت عصور القهر ..
تحياتي
|
Post: #4
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-17-2013, 07:08 PM
Parent: #1
صدام لما بطش بمعارضيه ..
حتى بالكيماوي ..
لحظتها وفي تلك الحقبة والزمن كان العالم جميعه يحترمه ..
وكذا الحزب الحاكم في الصين عندما قمع الطلبة فمن منا لا يحترم الصين
حتى دول الغرب كلها سحقت معارضيها ودمرتهم ..
وما البوسنة ببعيد ..
|
Post: #5
Title: Re: لو كنت رئسا لهذا البلد لما تمرد أحد أو حمل سلاح ...
Author: MOHAMMED ELSHEIKH
Date: 05-17-2013, 07:13 PM
Parent: #4
عندما سحق جمال عبد الناصر الأخوان المسلمين في منصر
حتى صار المصريين لا يصرحون بكلمة أخوان بل يضعون محلها " أخوات" حتى اليوم
يكون على حق
طبعا حسب راي كاتب البوست!!!
|
Post: #6
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-17-2013, 07:14 PM
Parent: #4
ان العالم المتحضر ...
والمتخلف ...
الحالي
والقادم والقديم
لا يحترم الا الاقوياء ..
|
Post: #7
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-17-2013, 07:23 PM
Parent: #6
وان الدولة الضعيفة ...
لا هيبة لها ..
حملانها ونعاجها تقدر تبقى شوكة حوت
ولربما تحمل في وجه عساكرها السخرية ..
وبعض السلاح ...
|
Post: #8
Title: Re: لو كنت رئسا لهذا البلد لما تمرد أحد أو حمل سلاح ...
Author: Adil Ali
Date: 05-17-2013, 07:29 PM
Parent: #7
Quote: صدام لما بطش بمعارضيه ..
حتى بالكيماوي ..
لحظتها وفي تلك الحقبة والزمن كان العالم جميعه يحترمه ..
وكذا الحزب الحاكم في الصين عندما قمع الطلبة فمن منا لا يحترم الصين
حتى دول الغرب كلها سحقت معارضيها ودمرتهم ..
وما البوسنة ببعيد .. |
يا توفيق إنت اما زول جهلول أو مختل العقل!!
|
Post: #10
Title: Re: لو كنت رئسا لهذا البلد لما تمرد أحد أو حمل سلاح ...
Author: Salah Habib
Date: 05-17-2013, 07:37 PM
Parent: #8
Quote: وان الدولة الضعيفة ...
لا هيبة لها ..
حملانها ونعاجها تقدر تبقى شوكة حوت
ولربما تحمل في وجه عساكرها السخرية ..
وبعض السلاح ... |
نعم
القوة والهيبة مع باقى الدول
وليس ممارسة الفوة والبطش على شعبها
|
Post: #9
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-17-2013, 07:30 PM
Parent: #7
أخخخخخخخخ خ ...
ما تسلموني البلد شهرين تلاتة انضفها وارجعها ليكم ..
والله برجعها ..
ونضيفة كمان
|
Post: #11
Title: Re: لو كنت رئسا لهذا البلد لما تمرد أحد أو حمل سلاح ...
Author: ahmed akasha
Date: 05-17-2013, 07:41 PM
Parent: #6
هذا يعني انك لاتري أي جريمة فيما فعله حافظ الأسد بالإخوان المسلمين في بداية الثمانينات
عندما دك مدينة حماة بالأسلحة الثقيلة وقتل مايزيد عن 180000
|
Post: #12
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 10:48 AM
Parent: #11
Quote: أنا كنت متوقعك تأتي بكوت من أقوال الخليفة عمر بن العزيز
وتبني عليهو سياساتك.......ولكن خاب ظني
|
اخي محمد الشيخ ...
سيدنا عمر بن عبد العزيز فترة حكمه كانت 24 شهر فقط
وانا ابني سياساتي على قائد مسلم قوي جدا استططاع ان يوحد بلدا صعب توحيده (مثل السودان الآن)
كبر دماغك معاي شوية ....
|
Post: #13
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 11:06 AM
Parent: #12
| Quote: مافي دولة في عصر الانترنت والديجتال واليوتيوب تقدر تسوي الكانوا بسووهو زمان ده والعالم يسكت ، كل شي بقا على الهواء ، اذا كان جرائم الحجاج اتوثقت زماااان زمن "مكر مفر مقبل مدبر" فما بالك بعصرنا ؟ ، في حاجة اسمها مجلس الامن والامم المتحدة ، وفي تجار ولوردات سلاح عايزين يبيعو للبشتري ، وفي دول عندها مصالح بتخليها جاهزة تدعم اي حركة تمرد .. انتهت عصور القهر .. |
اخي عبد الله ادريس ..
نعم كل شيئ بقى على الهوى ....
قتل ومحاربة المسلمين مثلا
في غزة ....
سوريا ...
في كل بقاع الارض ...
قمع كل من لا يؤمن بالديمقراطية وارهابه فاما يدين او ...
شوف يا مخدوع الاسرائليين بعملوا شنوا كل يوم
وشوف العالم كله بيحترمهم كيف
لعلمك ...
ان هذا العصر هو عصر القوة حيث لا يحترم الا القوي
ايران ...
كوريا الشمالية ..
اسرائيل ..
امريكا ...
تعرف ...
انا من ما الزول يقول لي امم متحدة ومجلس امن اعرفه جاهل ..!!!
|
Post: #14
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 11:11 AM
Parent: #13
Quote: عندما سحق جمال عبد الناصر الأخوان المسلمين في منصر
حتى صار المصريين لا يصرحون بكلمة أخوان بل يضعون محلها " أخوات" حتى اليوم
يكون على حق |
سيب حق ولا باطل ...
جمال عبد الناصر كان ساعتها اي بعد سحق الاخوان ملهما لكل العرب
ارجع راجع التاريخ العربي الحديث
يا اخوي المسألة مسالة قوة وضعف
ما تقييم .....
|
Post: #16
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 11:17 AM
Parent: #14
| Quote: يا توفيق إنت اما زول جهلول أو مختل العقل!! |
يا عادل علي ...
ما في خيارات تانية ؟؟؟
|
Post: #15
Title: Re: لو كنت رئسا لهذا البلد لما تمرد أحد أو حمل سلاح ...
Author: Abdullah Idrees
Date: 05-18-2013, 11:16 AM
Parent: #13
| Quote: انا من ما الزول يقول لي امم متحدة ومجلس امن اعرفه جاهل ..!!! |
يا بوي لولا الامم المتحدة والراي العام الغربي لما بقي فلسطيني واحد على قيد الحياة و لكانت فلسطين الان قصة تروى في الكتب ..
امشي يا زول خليك في الحملة بتاعة طرد ناس الاقاليم من العاصمة دي قدر فهمك وامكانياتك ..
تحياتي
|
Post: #17
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 11:24 AM
Parent: #15
Quote: نعم
القوة والهيبة مع باقى الدول
وليس ممارسة الفوة والبطش على شعبه |
الحبيب صلاح حبيب
الشعب انواع ....
اظن ما بتختلف معي في هذه النقطة
البطش غلى نوع واحد او اثنين من انواع الشعب في سبيل مصلحة باقي الشعب
ما فيها حاجة
وحق مشروع
ويسنخدم هذا الاسلوب كل العالم المتحضر والمتخلف
وتختلف الرؤية ...
من حيث موقعك من انواع الشعب
اضع نفسك في كل المواضع وانظر بكل الزوايا
وستحترم هذا الطرح
|
Post: #18
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 11:30 AM
Parent: #17
Quote: هذا يعني انك لاتري أي جريمة فيما فعله حافظ الأسد بالإخوان المسلمين في بداية الثمانينات
عندما دك مدينة حماة بالأسلحة الثقيلة وقتل مايزيد عن 180000 |
في فقه الحرب والسيطرة تتغير كثير من المعايير والرؤى والفكر والقيم
فرنسا قتلت 2 مليون جزائري واتحداك ان تقول فرنسا مجرمة وانت داخل فرنسا وتسلم
ان منطق القوة الحزم هو منطقي
فلا تلف الامور وتدورها
|
Post: #19
Title: Re: لو كنت رئسا لهذا البلد لما تمرد أحد أو حمل سلاح ...
Author: ادم شحوتاي
Date: 05-18-2013, 11:30 AM
Parent: #17
اكثر من كدا بطش يا راجل !
|
Post: #20
Title: Re: لو كنت رئسا لهذا البلد لما تمرد أحد أو حمل سلاح ...
Author: خالد حاكم
Date: 05-18-2013, 03:52 PM
Parent: #19
ماذا كنت ستفعل اكثر مما فعله اخوانك في الله في ال25 سنة الماضية ومازالوا ؟
وبعدين خليك راجل شجاع وجاوب على اسئلة من سالوك في ما فعله جمال عبدالناصر وحافظ الاسد ضد الاخوان المسلمين في مصر وسوريا بوضوح بدل الهروب منها باحاديث واهية !
ايضا اين بلد الحجاج بن يوسف التى تقتدى به اليوم ؟ الم ترى الخراب والدمار في العراق والذى تسبب فيه صدام حسين بعنجهيته وجبروته ولاستخدامه القوة المفرطة ضد معارضيه وضد الشعب العراقى والذى نهج نهج الحجاج والذى تقول عنه انه كان مهابا ؟
اين صدام الان وكيف كانت نهايته ؟
اين العراق الان ؟
انت بتحك راسك وتكتب بوستاتك دى ؟
والله يا مكى كتابة البوستات في المنبر ده ما اجبارى حسب علمى !
طبعا حتقول لى الدخول في بوستاتى برضو ما اجبارى !
على العموم خد راحتك
|
Post: #21
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-18-2013, 04:07 PM
Parent: #20
أنواع؟
كم نوع في السودان؟
بعدين ناس الضهاري كيف حيقبلو بيك رئيس وإنت ما قابل بي وجودهم في الخرطوم
|
Post: #22
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-18-2013, 04:17 PM
Parent: #21
| Quote: فرنسا قتلت 2 مليون جزائري واتحداك ان تقول فرنسا مجرمة وانت داخل فرنسا وتسلم |
فرنسا قتلتهم عشان شنو؟
عشان يستمر احتلالها للجزائر
وقد فشلت فشلاً ذريعاً في ذلك
براك تجيب دليل فشل أفكارك
|
Post: #24
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-18-2013, 04:26 PM
Parent: #22
| Quote: والله يا مكى كتابة البوستات في المنبر ده ما اجبارى حسب علمى ! |
خالد حاكم
خليهو يكتب عشان نتعرف عليهو
بكرة لمن تجي الديموقراطية ممكن تلقي الأشكال دي مرشحين نفسهم في الانتخابات
|
Post: #23
Title: Re: لو كنت رئسا لهذا البلد لما تمرد أحد أو حمل سلاح ...
Author: محمد عثمان الحاج
Date: 05-18-2013, 04:22 PM
Parent: #20
توفيق، اسم الله عليك، الحاصل عليك شنو؟ أعيذك أن تصبح بوقا لقرينك فتردد علينا ما يمليه عليك!
تصف البطش دواء لحكم السودان!
وتثني على الحجاج وصدام!
تظن أن العراق كان مستقرا في عهد صدام والحقيقة أن مجزرة رهيبة كانت تدور في حروبه ولم يتوقف التمرد في جبال كردستان طيلة حكمه.
أما الحجاج فلا أدري أين قرأت تاريخه؟ سفك الدماء الذي ولغ فيه استمر حتى بعد وفاته بزمان طويل!
وعلى العموم يا توفيق، حرب العصابات لايمكن حسمها عسكريا، حرب العصابات هزمت أعظم دول العالم في فيتنام ومحت الاتحاد السوفيتي من الوجود، فما بالك بالسودان!
يا توفيق انت قلت جدك كان أمير في المهدية، المهدي بغض النظر عن الرأي في مهديته كان أعظم قائد عسكري سوداني، عرف إنو سقوط الخرطوم يبدأ من جبال النوبة! من يسيطر على جبال النوبة يسيطر على الخرطوم! عشان كدة بدأ ثورته من جبال النوبة! والتاريخ يعيد نفسه!
وفي النهاية الحكاية هي عذاب نعوذ بالله:
قُلْ هُوَ الْقَادِرُ عَلى أَن يَبْعَثَ عَلَيْكُمْ عَذَابًا مِّن فَوْقِكُمْ أَوْ مِن تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ انظُرْ كَيْفَ نُصَرِّفُ الْآيَاتِ لَعَلَّهُمْ يَفْقَهُونَ
الأنعام 65
|
Post: #25
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 06:06 PM
Parent: #23
UP
|
Post: #26
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-18-2013, 06:18 PM
Parent: #25
من تشنجات او عواطف .....
لم اجد حجة ومنطق قوي يفشل الحقيقة التي انادي بها
صعب استبدال الحقيقة بالباطل ...
ويشهد التاريخ والمستقبل بحقيقة
ان هذا العالم خلق ليعيش فيه القوي
في الحيوان
والانسان
والجان
|
Post: #27
Title: Re: لو كنت رئسا لهذا البلد لما تمرد أحد أو حمل سلاح ...
Author: خالد حاكم
Date: 05-19-2013, 00:31 AM
Parent: #26
والله يا توفيق مكى امرك عجيب
عدم امكانيتك في مقارعة حجج المتداخلين هى التى جعلتك تهضرب هكذا وليس العكس كما تدعى
يا اخى انت عايز تقنعنا كسر رقبة دون ان تقارع حججنا باقوى منها !
حسع في مكان اخر لو كان قلنا ليك الجيش الاسرائيلى لا يقهر كنت حتقول لينا حركة حماس بامكانياتها المتواضعة موقفو في كراع واحد
لو كان قلنا ليك الجيش الامريكى اقوى جيش في العالم ولم يهزم كنت حتقول لينا ليه هرب من العراق ومن فيتنام وما قادر يتخارج من وحل افغانستان !
الكلام لما تقوله انت كانو منزل من السماء ولما يقولوا الاخرين كلام فارغ !
بهناك في بوست هشام هبانى قلت لهشام الوطن هو دينك وهنا تقول لينا البلد وعايز تبقى رئيس للبلد وتستخدم القوة
هنا ما بينفع ان الوطن يكون دينك والا برضو في فرق بين الوطن والبلد عندك ؟
يا زول انت بيوحى اليك ونحن ما عارفين؟
سؤال جادى , هل انت انسان نصيح وبكامل قواك العقلية ؟
في زول محايد في المنبر ده بيعرفك معرفة شخصية وحقيقية ممكن يزكيك؟
|
Post: #28
Title: Re: لو كنت رئسا لهذا البلد لما تمرد أحد أو حمل سلاح ...
Author: حبيب نورة
Date: 05-19-2013, 01:08 AM
يا حبيب مع الإحترام
أيعقل ؟؟
|
Post: #29
Title: Re: لو كنت رئسا لهذا البلد لما تمرد أحد أو حمل سلاح ...
Author: Wael Jabir
Date: 05-20-2013, 08:07 AM
Parent: #4
Quote: صدام لما بطش بمعارضيه ..
حتى بالكيماوي ..
لحظتها وفي تلك الحقبة والزمن كان العالم جميعه يحترمه ..
وكذا الحزب الحاكم في الصين عندما قمع الطلبة فمن منا لا يحترم الصين
حتى دول الغرب كلها سحقت معارضيها ودمرتهم ..
وما البوسنة ببعيد .. |
يا أخونا انت مسلم؟
والناس الناوي (تبطش بيهم) و (تسحقهم) ديل مسلمين برضو؟
غايتو لو إجاباتك الاتنين بنعم، ورينا الكلام التحت دا رأيك فيهو شنو؟
قال تعالى: ((وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً))
في حديث أسامة بن زيد رضي الله عنه عنهما، قال: بعثنا رسول الله صلى الله عليه وسلم إلى الحرقة، فصبحنا القوم فهزمناهم، ولحقت أنا ورجل من الأنصار رجلا منهم فلما غشيناه، قال: لا إله إلا الله، فكف الأنصاري عنه فطعنته برمحي حتى قتلته، فلما قدمنا بلغ النبي صلى الله عليه وسلم، فقال: (يا أسامة أقتلته بعد ما قال لا إله إلا الله؟!) قلت كان متعوذا فما زال يكررها، حتى تمنيت أني لم أكن أسلمت قبل ذلك اليوم" [صحيح البخاري (4/1555) وصحيح مسلم (صحيح مسلم (1/97)
ولو ما مسلمين برضو،
قال تعالى: ((لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ))
كدي قول بسم الله وراجع نفسك تاني
|
Post: #30
Title: Re: لو كنت رئسا لهذا البلد لما تمرد أحد أو حمل سلاح ...
Author: Barakat Alsharif
Date: 05-20-2013, 08:37 AM
Parent: #29
| Quote: من يسيطر على جبال النوبة يسيطر على الخرطوم! |
قراءة خاطئة
ام درمان على الضفة الاخري اسقطها جيش كتشنر القادم من الشمال.....وليس من جبال النوبة
|
Post: #31
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:04 AM
Parent: #30
فبل ما أرد
أو قل قبل ما ابين وجهة نظري واكملها
اخي حبيب نورة ...
انت اكتر واحد بتعرفني معرفة شخصية
قول للبيسأل عني الزول ده نصيح
|
Post: #32
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:10 AM
Parent: #31
| Quote: اكثر من كدا بطش يا راجل ! |
الاخ ادم شحوتاي
والله ما في بطش ولا حاجة
صدقني لو البيحصل ده كان في بلد غير السودان كان انتهى من اول يوم
بشرط يكون البلد قوي مثل امريكا او ايران او كوريا الشمالية او الصين
|
Post: #33
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:19 AM
Parent: #32
| Quote: ماذا كنت ستفعل اكثر مما فعله اخوانك في الله في ال25 سنة الماضية ومازالوا ؟ |
اخواني في الله ناس مسالمين وبيخافوا الله شديد اكتر مني
بس ...
سلموني ليها كم شهر كده وشوفوا ..
| Quote: وبعدين خليك راجل شجاع وجاوب على اسئلة من سالوك |
ما شايف اسئلة انا ...
غير سؤال او سؤالين ثلاثة
وهسي جيتم بمزاااج
بالنسبة لجذئية صدام وما صدام كلامي واضح
لما كان في الحكم كان وقبل ما يقصده اليهود ليدمروه
كان محترم جدا والعالم العربي كله كان بيحترمه وكذلك العالم اجمع
ثم ...
شوف العراق بعد صدام بقى كيف مع انه ما موضوعنا ...
|
Post: #34
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:23 AM
Parent: #33
Quote: أنواع؟
كم نوع في السودان؟ |
يا ايمن الفاضل الحمد لله زي نوعك ده في السودان ما كتيرين
عموما ...
تختلف المبادئ والرؤى والايدلوجيات والاديان في السودان
ومنها تأتي تقسيمات الشعب
|
Post: #35
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:31 AM
Parent: #34
| Quote: توفيق، اسم الله عليك، الحاصل عليك شنو؟ أعيذك أن تصبح بوقا لقرينك فتردد علينا ما يمليه عليك! |
اخي محمد عثمان الحاج
لك الاحترام اولا ...
ما في شيئ حاصل ولكنها وجهة نظر
| Quote: تصف البطش دواء لحكم السودان! |
البطش دواء للخارجين على القانون لان في ذلك حفظ لارواح ابرياء كثيرون
لامتلاك السلطة طرق اخرى غير قتلنا نحن البؤساء الذين قعدنا نتلظى من محاور
دولية تريد رسم عالم جديد
| Quote: وعلى العموم يا توفيق، حرب العصابات لايمكن حسمها عسكريا |
نعم هذه حقيقة ...
ان الدولة المفرطة القوة لا يتجرأ احد فيها بحمل سلاح او يعارض الا بما تكفله المواثيق الدولية
------
تمت اجابتك في موضوع جبال النوبة في ملاحظة جيش كتشنر
|
Post: #36
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:35 AM
Parent: #35
Quote: سؤال جادى , هل انت انسان نصيح وبكامل قواك العقلية ؟
في زول محايد في المنبر ده بيعرفك معرفة شخصية وحقيقية ممكن يزكيك؟ |
دي بيقدروها ويجيبها لك الناس النصاح او الذين يعرفونني معرفة شخصية وهم كثر في هذا البورد والتقيهم كل يوم
|
Post: #37
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:39 AM
Parent: #36
Quote: يا حبيب مع الإحترام
أيعقل ؟؟ |
مولانا الشيخ يس ..
عطر الله الارض التي تمشي عليها يا ابن الشيوخ
اسف غلبتني اقول مولانا حبيب نورة
وبعد ...
ويا حبيب هي وجهة نظر ومحور نقاش
ولكن ...
يضيق صدر الكثيرين اذ يرون الا فكرهم وان كان عين الخطأ
===
حبيب نورة والله مشتاقين
|
Post: #38
Title: Re: لو كنت رئسا لهذا البلد لما تمرد أحد أو حمل سلاح ...
Author: محمد أبوالعزائم أبوالريش
Date: 05-20-2013, 11:41 AM
Parent: #37
دي البتيخة ................... مش كده؟
|
Post: #39
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-20-2013, 11:46 AM
Parent: #37
| Quote: يا أخونا انت مسلم؟ |
انت شايف شنو ..؟؟
==
اقول لك ببساطة راجع بدايات التاريخ الاسلامي والسيرة لتعرف ان الفئتين التين اقتتلا في صدر
الاسلام كانتا هي فئة معاوية وفئة علي بن ابي طالب
وفي كل فئة كان عدد مقدر من اصحاب رسول الله صلى الله عليه وسلم وامهات المؤمنين
وطبعا في المسائل دي في رب هو البقدر كل شيئ
فما تعمل لي فيها رب
وتشخص الناس حسب هواك
|
Post: #40
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-21-2013, 10:47 AM
Parent: #39
| Quote: ما رأى أعضاء سودانيس اون لاين فى ترشيح إمرأة تقدميه (لمجرد التغيير) تؤمن بالدولة المدنية التي تعمل من اجل تكريس حقوق المواطنة من حرية فكر عدا الخارج عن حيز اطابير تورا بورا،!!!!! علاج مجانى، إعادة النظر فى المناهج المدرسية وتاسيس تعليم يخلو من التسلط الفكرى الاحادى والسعى لربط العملية التعليمية فى جميع مراحله بمستجدات العصر الحديث ومخرجاته التى تتطلب تطبيق معايير الجودة الشاملة ، دولة تشغل نفسها بتاسيس بنى تحتية قوية فى جميع اقاليمها وعلى رائسها الزراعة والامن المائى وتعمل من اجل مصالحها الإقتصادية بالتضامن مع الشياطن دات نفسه إدا تتطلب هدا الامر صالح المواطن السودانى، إعادة تكوين جيش قومى حر يدافع عن الوطن والديمقراطية ويكون هدا قسمه، إستقللال السلك القضائى وتنظيفه من العناصر المدمرة لاستقلاليته. دورتين رئاسيتين لمدة ثمانى اعوام وتسليم السلطة للبعدوا ....إن المكوث فى السلطة لاكثر من ثمانى اعوام يغير من كيمياء المخ ويصبح الحاكم دكتاتورا رضي ام ابى ! |
ما هو رأي الاخوة في ترشيخ اختنا Nana Fathi Kashif
طبعا عندي رأي شرعي في المسألة دي ..
|
Post: #41
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-21-2013, 11:40 AM
Parent: #40
| Quote: دي البتيخة ................... مش كده؟ |
لأ لأ ..
دي البضبحوها في عيد الضحية وبتقول باااااااع
مش حقو نكون جادين شوية ...
والسودان بيغلي من قصص الدم والموت
لو قاعد في بلاد الكفرة والكفار لاجئ مثلا واكلوك وشربوك وظبطوك وكتلو قبلك ممكن نعذرك
ولو في السودان يبقى قلبك ميت بدون سبب
ودي مشكلة ..!!!
|
Post: #42
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-22-2013, 02:39 PM
Parent: #41
نرجع ....
كما رأينا ....
ان البلدان القوية هي التي تنال احترام العالم
فلو كنت رئيسا لهذا البلد ....
السودان ..
اولا اعلنه امارة اسلامية
لأن هذا سيكفيني من اشياء كثيرة جدا في الداخل والخارج
|
Post: #43
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-22-2013, 02:43 PM
Parent: #42
الحاجة الثانية اقسم السودان الى خمس ولايات فقط
الولاية الشمالية
والولاية الغربية / تشمل كرفان الكبرى ودارفور كلها
والولاية الشرقية
ولاية الحدود الجنوبية - تمتد على شريط حدود الجنوب
والولاية الوسطى وبها العاصمة الخرطوم
|
Post: #44
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-22-2013, 02:55 PM
Parent: #43
تعين (وليس ترشيح) اربعة ولاة لكل ولاية ما عدا الولاية الوسطى فواليها هو امير الامارة ينوبه في ادارتها وزير اول
يتم التعين وفق الشروط الاتية :
الشروط الاساسية
الاسلام
والاهلية
وهلم جرا ....
سأختار الولاة بعد الاجتماع بالذي ارشحهة وقبل شروطي التي هي
يكون مسؤلا امامي في الاتي :
الامن :
وله الحق في تكوين اجهزة امنية تابعة له وجيش صغير لحماية الولاية
اي اخلال بالامن سيجد مني محاسبة اقسى من قاسية تصل الصلب في ميدان عام
فارواح الناس هي همي وامنهم هو امني
الاقتصاد والامن الغزائي :
ان اشتكى احد من فقر او عوز او جوع ممكن ان اوجه الجيش النظامي الكلي للامارة
واخلع الوالي واخلع الاموال من الافنياء واعيد تقسيم الثروة بين الناس
وفي ذلك يكون للوالي الحق في انشاء اي منظومات تحفظه وتحفظ الامن الغذائي لولايته
وهلم جرا ....
|
Post: #45
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-22-2013, 03:01 PM
Parent: #44
بالنسبة للذي يتجرأ ويحمل سلاح ويقول انا متمرد
او انا ثوري
زي الناس البتنادي بالفجر الجديد
اول شيئ في الولاية التي حدث بها التمر
اطلب من الوالي حسم هذا في ثلاثة ايام والا يرفعه لي
ان تم رفع الامر لي
اوقف حركة كل البلد
اجند حتى النساء لدحر هذا الذي يتطاول على الشرعية
واتي بجيش جرار يفوق هذا التمرد الصغير جدا واسحقه سحقا دمويا فظيع
يشمئز منه العالم ويخاف من لا يخاف
وما في راجل والداه مرة بقدر يقول
انا جبهة ثورية
|
Post: #46
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-22-2013, 03:01 PM
Parent: #44
بالنسبة للذي يتجرأ ويحمل سلاح ويقول انا متمرد
او انا ثوري
زي الناس البتنادي بالفجر الجديد
اول شيئ في الولاية التي حدث بها التمر
اطلب من الوالي حسم هذا في ثلاثة ايام والا يرفعه لي
ان تم رفع الامر لي
اوقف حركة كل البلد
اجند حتى النساء لدحر هذا الذي يتطاول على الشرعية
واتي بجيش جرار يفوق هذا التمرد الصغير جدا واسحقه سحقا دمويا فظيع
يشمئز منه العالم ويخاف من لا يخاف
وما في راجل والداه مرة بقدر يقول
انا جبهة ثورية
|
Post: #47
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-22-2013, 09:55 PM
Parent: #46
Quote: يا ايمن الفاضل الحمد لله زي نوعك ده في السودان ما كتيرين
|
|
Post: #48
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-22-2013, 09:57 PM
Parent: #46
Quote: بالنسبة للذي يتجرأ ويحمل سلاح ويقول انا متمرد
او انا ثوري
زي الناس البتنادي بالفجر الجديد
اول شيئ في الولاية التي حدث بها التمر
اطلب من الوالي حسم هذا في ثلاثة ايام والا يرفعه لي
ان تم رفع الامر لي
اوقف حركة كل البلد
اجند حتى النساء لدحر هذا الذي يتطاول على الشرعية
واتي بجيش جرار يفوق هذا التمرد الصغير جدا واسحقه سحقا دمويا فظيع
يشمئز منه العالم ويخاف من لا يخاف
وما في راجل والداه مرة بقدر يقول
انا جبهة ثورية |
إنت مجرم
أو مجنون
|
Post: #49
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-23-2013, 07:30 PM
Parent: #48
UP
|
Post: #50
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-24-2013, 02:21 PM
Parent: #49
كل مداخلات الفيسبوك كانت مسؤلة
أقدر وشكرا يا دكتور
|
Post: #51
Title: Re: لو كنت رئسا لهذا البلد لما تمرد أحد أو حمل سلاح ...
Author: MOHAMMED ELSHEIKH
Date: 05-24-2013, 05:16 PM
Parent: #50
Quote: الحاجة الثانية اقسم السودان الى خمس ولايات فقط
الولاية الشمالية
والولاية الغربية / تشمل كرفان الكبرى ودارفور كلها
والولاية الشرقية
ولاية الحدود الجنوبية - تمتد على شريط حدود الجنوب
والولاية الوسطى وبها العاصمة الخرطوم |
اها كمان مشى تفتح لينا الجنوب و تعيده للأمارة بتاعتك وتفرض على اهله الجزية وتسترق نسائه وتوجه عائد بتروله لبيت المال
مش أعلنتها اسلامية؟
وعلى العموم
برضو كنت اتوقع ان تبعد نفسك من حكاية الأسلام دي وتخليك مع ناسك في الصين وكوريا الشمالية
|
Post: #52
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-25-2013, 12:35 PM
Parent: #51
كتب محمد سليمان خالد :
Quote: الأكثر تعليقا · Khartoum Intl. Community School
توفيق كلامك صحيح أتفق معك 100%.
التمرد وحمل السلاح في وجه الدولة بحجة التهميش وتوزيع السلطة والكلام الفارغ الذي يقوله المتمردون وفاقدي الوطنية والعملاء سببه الوحيد هو ضعف الدولة عسكريا وقلة شأنها دولياً.
الضعف العسكري يغري بالتمرد داخليا ويشجع الدول المجاورة على دعم التمرد، ضعف العلاقات الدولية يؤدي لعدم ادانة دعم المجتمع الدولي للدول التي تدعم التمرد ومساواة التمرد بالحكومة.
لو كان التهميش وعدم تقاسم السلطة سبب للتمرد وحمل السلاح لتمردت :
* جازان في السعودية.
* النوبة في مصر.
* السود في أمريكا.
* التبت والاقليات الاسلامية في الصين.
* الاقاليم الاسلامية في روسيا.
ولوجد أكراد ايران وتركيا الدعم الدولي الممنوح لمتمردي السودان ولكن هذه الدول لديها من القوة العسكرية ما يجعل الجيران يمتنعون عن دعم التمرد فيها لعلمهم بالعواقب الوخيمة لذلك. والأمثلة لا تحصى ولا تعد. |
ولا تعليق
|
Post: #53
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-25-2013, 12:48 PM
Parent: #52
وايضا لا تعليق ......
Quote: موش كده يا دكتور؟
المتمردين والعملاء وممسوخي الهوية والانتماء من حملة الجنسيات وبعض الشيوعيين القنعانين من قدرتهم على قلع الحكومة وعايزنها تولع وتخرب عشاه يطبقوا فيها ماتخلى عنه حتى أهل الشيوعية ذان نفسهم(والعجيب بدعم صهيوني وامبريالي) صدعوا رؤوسنا وعايزننا نقتنع بأنو الطريق الوحيد عشان يلقوا العايزنوا هو دمار وخراب البلد.
الأعجب من كده يا دكتور هناك فئات كأمثله ليهم:
* ناس دخلوا البلد على ظهور أمهاتهم زي العجل الاسبير.
* ناس حملوا الجنسية بس لأنوا شيخ قبيلتهم قاعد عندنا في السودان وهو نفسه دخل السودان مربوط على ظهر أمه.
* ناس هويتهم منقسمة وولائهم لأرتريا أكتر من ولائهم للسودان بل منهم كثير من حمل السلاح لتحرير أرتريا.
* ناس لو عندهم زول تخطى عمره المائة عام يتذكر يوم نزوحهم مطرودين من بلادهم ودخولهم السودان.
ديل كلهم يطالبون باقتسام السلطة والثروة - ما بالطرق المدنية والسلمية - بل بالتمرد ورفع السلاح في وجه الدولة وبالاستعانة بالجيران والأعداء.
كلامك صحيح يا دكتور الضعف وعدم الاحترام انعكس على كل سوداني من الدكتور للعامل البسيط. |
|
Post: #54
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-25-2013, 01:26 PM
Parent: #53
| Quote: الأخ توفيق اشكرك على رفع تعليقى ولكن لى سؤال. هل رأيك الشرعى ينحصر فى الفكر المطروح ام فى جنس الشخص الدى طرح هدا الفكر ؟ وما دخل جنس الشخص إدا كان فكره هو الاقوى والأعدل ؟ |
اختي Nana
في الاثنين طبعا
ان مسألة الحكم في معتقدي تنحصر في امر الحاكمية لله
ثم ....
وأمركم شورى بينكم
في الاساس ان نؤمن على أن لا اله الا الله
(بالعربي المبسط جدا /امريكا لا هي اله/وكذا الغرب واليهود والمادة والسلطة/ والمال والنشاء والشهوات/ وابليس / او ان اله نفسي باتباع هوى النفس)
بعد كدة لا يهم الشكل والمسميات
فسمي ما شئت
ولا اختلاف
من ناحية الجنس فالمرأة هي في الاساس خلقت لاسعاد الرجل واشباع دواخلة وتسليته = راجعي قصة خلق امنا حواء عليها الاسلام = فلا يستقيم ان تكون ولايتها
عليه ولاية مطلقة او ان تفكر ولو للحظة بالتنظير في امر لا يخصها
حكمت شجرة الدر المسلمين في مصر
واليوم بعض النساء يحكمن بعض البلدان العربية من خلف ازواج صوريين مثل ....
وهذا لا يمنع ما أؤمن به واعتقد وفي سبيل المزيد من العلم اتقبل الذي يدخل الى عقلي واقدره وافهمه واتبعه من اي شخص
حتى ولو كانت أمراة
|
Post: #55
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-27-2013, 11:58 AM
Parent: #54
| Quote: الاخ الفاضل توفيق بعد السلام، "او ان تفكر ولو للحظة بالتنظير في امر لا يخصها " يعنى يا أستاد توفيق امر العدل، والتعليم والصحة والمأكل والمشرب والامن والامان امور لا تخص المرأة ولا يحق لها التنظير فيهم من امنا الفى البيت للمتخصصة فى هده المجالات ولا افهم شنو انا ؟ وهل افهم ايضا من كلامك بأنك لا ترضى بأن تشارك المرأة فى الإنتخابات لتعطيك صوتها ? وبعد داك رجعت وقلت "وهذا لا يمنع ما أؤمن به واعتقد وفي سبيل المزيد من العلم اتقبل الذي يدخل الى عقلي واقدره وافهمه واتبعه من اي شخص حتى ولو كانت أمراة " هل افهم من هدا الكود بأنك تراحعت عما سبق مما اوردته فى ردك وانت على إستعداد بان تتبع إمراة عاقلة وعادلة تستطيع ان تعبر بشعبها الى مرفا الامان ولا قصدك إدا كان رايها سديد اخدت به دون تمكينها ؟ فإدا كان كدلك فلمادا من الاساس تريد الإستدادة من علمها طالما هى لا تملك مجرد حق التنظير من وجهة نظرك ؟ وشكرا |
ارى ان هذا النقاش مفيد ...
ولهذا ارفعة من الفيسبوك لنتشارك في اثراءه
فشكرا لك لختي نانا
|
Post: #56
Title: Re: لو كنت رئسا لهذا البلد لما تمرد أحد أو حمل سلاح ...
Author: أيمن الفاضل
Date: 05-27-2013, 12:10 PM
Parent: #55
| Quote: من ناحية الجنس فالمرأة هي في الاساس خلقت لاسعاد الرجل واشباع دواخلة وتسليته |
|
Post: #57
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-27-2013, 12:53 PM
Parent: #56
ايمكن الفاضل ....
العلك من تؤمن بنهج البعبدها
وتركع لها ...
(انا استخدم المجاز وجميل البلاغة ... حتى لا يذهب عقلك بعيد)
|
Post: #58
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-28-2013, 02:26 PM
Parent: #57
| Quote: العدل، والتعليم والصحة والمأكل والمشرب والامن والامان امور لا تخص المرأة ولا يحق لها التنظير فيهم من امنا الفى البيت للمتخصصة فى هده المجالات ولا افهم شنو انا ؟ وهل افهم ايضا من كلامك بأنك لا ترضى بأن تشارك المرأة فى الإنتخابات لتعطيك صوتها |
في الاصل ان هذه المواضيع من اخص خصوصياتها وخير من يصلح في التحدث فيها وقد كان لنا في سيرة السلف الصالح وامهات المؤمنين خير شاهد ودليل
اما مسألة الانتخابات ففيها حديث كتير واراء عدة
ان كنت تعنين بانتخابات دين الديمقراطية الليبرالية الذي جعل كثير من المسلمين مشركين فيختلف الحديث
وان كنت تعنين بدين الديقراطية الشيوعية فيختلف الحديث
وان كانت الديمقراطية والانتخابات ليس من وراءها دين بل من امر الشورى وفي مسائل فرعية كشرط اساسي
لان مسائل الحكم ديننا الاسلامي فصل لنا ذلك خير تفصيل ونهانا ان نتبع الكافرين في منهاجهم وحتى طريقة لبسهم
قلت اقبل اي حجة من اي شخص
ولي سنين ما لاقي واحد عندو حجة قوية لانه في الاساس تدخل حجج الكثيرين في فقه الاعراب (الذين هم اشد كفرا ...)
والاعراب والناس المستعربة ................................................ عييييك دي قصة طويلة
اتمنى تكوني فهمت حاجة
|
Post: #59
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-29-2013, 01:02 PM
Parent: #58
UP
|
Post: #60
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-30-2013, 07:32 PM
Parent: #59
UP
|
Post: #61
Title: Re: لو كنت رئسا لهذا البلد لما تمرد أحد أو حمل سلاح ...
Author: توفيق عيسى مكي
Date: 05-30-2013, 08:28 PM
Parent: #60
نرجع لموضوعنا تاني ...
سلمونا البلد دي كم شهر وشوفو النتيجة ..
|
|