الشرطة في بوسطون تأتي لشقتي لإستجوابي لنشاطات مشبوهة (يوجد ألم)

لقد جرحت في حبك يا بوسطون الجميلة يا حاضرة الدنيا...
ياخي أنا من شدة حبي لبوسطون دي سميت نفسي في الفيس بووك (Wd Boston Saif Alburaey)...
أنا بعتبر الناس الجوني ديل كانوا بيأدوا في واجبهم...
لكن الناس البلغوا فيني ديل كسروا أحلامي..
أنا بعتبر أنو البحصل ده ممكن يحول بوسطون لمدينة بوليسية..
القضية ما بتهمني لوحدي وإنما بتهمنا كلنا كجالية مسلمة ومهاجرة في أميركا الجميلة التي نحب...
زي ما أوباما قال إنو الإرهابيين ديل they pick the wrong city
أنا بقول إنو المبلغين عني ولا المحققين ديل they pick the wrong person
القصة بإختصار يا أسرتي و أصدقائي في الأسفير إنو يوم الجمعة الفاتت كان الفاينل بتاعي في الكلية بعد عناء سيمستر طويل
كنت فرحان جدا وشلت معاي كاميرتي الNikon الصغيرة والتي إشتريتها بمبلغ مائة دولار من Best Buy وهو المحل الذي أعمل فيه لعدة سنوات..
نفس هذه الكاميرا أوثق و أغطي بها معظم أنشطة الكوميونتي في بوسطون..
أتمتع جدا بممارسة هواية التصوير وعمل ألبومات في الفيس بووك عن مدينتي الجميلة التي أحبها و أعتز بها
والله لو توم منينو عمدة بوسطون عرف قدر حبي لبوسطون ربما لشغلني معه في السيتي..
ترافقني كاميرتي الصغيرة في بعض مشاويري خصوصا أيام الربيع وموسم تفتح الأزهار خضوصا زهور الليلك التي تعجبني كثيرا..
يوم الجمعة طلعت فرحان من الكولدج وركبت الRide بتاعي ولمن لا يعرف الرايد هو ترحيل للمعوقين مدعوم من الدولة..
ولأني ما بسوق وبتنقل بيه من مكان إلي مكان في سهولة..
وهو خدمة عظيمة كم تمنيت توفرها في السودان للمعاقين..
المهم أمارس هواية التصوير من داخل الرايد ..ولي علاقات ممتازة وونسات حلوة بمعظم السائقين..
يوم الجمعة أخدت الرايد من الكلية للجامع ومن الجامع للبيت
وفي الطريق سألتني سواقة الرايد وأنا بصور
إنت بتاخد صور كتيرة لشنو؟شرحت ليها حبي للطبيعة
ولأمريكا وبوسطون وعلاقتي بالزهور خصوصا الليلك
وبمجرد وصولي للبيت عملت ألبوم في الفيس بووك أسميته :صباح الخير مدرستي
يوم الثلاثاء الفات يوم 14-5 كان يوم جميل في أوله وعادي جدا ..
الجو كان جميل ..فتحت الشبابيك لتهوية شقتي الأرضية ..
عملت كمية من التلفونات..
الود مؤجز وفرحان وما شغال..وكانت عندي فكرة أزبط لي فوول كارب..
في حوالي الساعة 11 جرس الشقة ضرب..
ضغطت door ajar
عشان أفتح الباب الخارجي للعمارة وفتحت باب الشقة وعاينت في الممر الcoridoor
ما شفت زول..
الجرس ضرب تاني..
ضغطت زر talk وقلت welcome
وضغطت door ajar
وطلعت منتظرا جنب باب الشقة
فاذا باثنين من الأمريكان ماشين علي
ولمن قربوا سألني أطولهم عن إسمي وحياني وطوالي مدوا البادج بتاعت البوليس
في الساعة ديك أصابنب الذهول
وبادرني أولهم قائلا :نحن ما جايين هنا عشان إنت مسلم
نحن جايين نحقق معاك عشان جانا reports من الRide إنك بتمارس suspicious activities
واللي :هي أني بأخد صور كتيرة للبلد وأنا ركب الرايد
قال لي ممكن نتكلم جوه :رحبت بهم ودخلوا وكلوا زول قعد في كرسي
وقعدت أنا في الكنبة coach

سلامات يا سيف اليزل

قبل ما أصل لنهاية كتابتك قرأت التالي:
((يوم الجمعة أخدت الرايد من الكلية للجامع ومن الجامع للبيت
وفي الطريق سألتني سواقة الرايد وأنا بصور
إنت بتاخد صور كتيرة لشنو؟))

وقلت أقول ليك دا هو السبب..

وطلع فعلا تقرير ناس "الرايد" والتصوير. إنتا كنتا فرحان شديد. بس أعمل حسابك.
جاتك سلاخية.

ياسر

ياسر سلام
والله أنا مستاء جدا من ناس الترحيل بتاعني ديل..
البوليس بيأدي في واجبه ..
وأنا معاهم عميل أو راكب أو زبون من 7 سنوات تقريبا يبيعوني كدا في أول لفة
ويتهموني بممارسة أنشطة مشبوهة
ده أنتهاك لحقوقي المدنية
I will call my lawyer

الزول الأقصر قليلا أتته نسمة جميلة من الشباك المفتوح فعلق كاسرا لجو التوتر :nice breath here
وبدأ التحقيق معي الضابط الاخر عن موضوع الصور
واسمك منو
وصور الID بتاعي
وجيت البلد دي متين
والصور دي بتعمل بيها شنو؟؟
فتحت ليه الكومبيوتر ووريتو الصفحة بتاعت ود بوسطون
بمجرد ما شاف الصفحة ظهرت الدهشة علي وجهه وقال لي :دي لغة عربية ..وكأنه وجد ضالته
قلت ليه بالحيل دي لغة عربية وأنا بتكلمها وبكتبها بطلاقة
فجأة تلفوني ضرب قال لي :رد
كان المتصل في الطرف الاخر صديق لي من فيرجينيا
سلمت عليه بتحية الاسلام ثم تحدثت قليلا وهم يسمعون
وقلت لصاحبي بعد حوالي دقيقتين محادثة أني مشغول وحأتصل بيه بعدين
المهم الضابط سألني عن اخر مرة مشيت السودان متين؟
قلت ليه أنا من ما جيت هنا ما رجعت
الضابط الاخر وقف جنب تلفزيوني التقليدي وسألني هل تري كل من هو بخارج البناية في هذه الشاشة فأجبته بالنفي وقلت ليه ده تلفزيون عادي
تحدث معي الضابط الاخر عن تفجيرات بوسطون وإنوالناس ببلغوا لمن يشوفوا ولا يلاحظوا أي حاجة
طلب مني أيضا أن أكتب له في ورقة إسم حسابي في الفيس بووك في ورقة
وقال لي ود بوسطون يعني شنو :قلت له معناها أنني إبن بوسطون أنا فخور ببوسطون
وأحبها ولذلك أعلق الكثير من صورها في صفحتي
كتب لي إسمه في النهاية في ورقة معاه رقم التلفون وقال لي:انت برضو لو لاحظت أي شئ ممكن تتصل بينا
وودعني الإثنين وتركوني غارقا في دهشتي وألمي وكثير من الأحاسيس تعصف بي وأنا في جوف الكنبة بتاعتي

سيف سلام(المواطن هو رجل الامن الاول) لو كل الناس تعاملت مع المقولة دى بى صورة جاده اكيد بيساعدوا فى تقليل الجريمة.
وكل الجرائم المتوقع حدوثة.
الامر عادى مجرد شبه وانت زول ماعندك اى نشاط مشبوه أو خلافه فما فى حاجه تخوف.
الحكاية فيها تفجيرات وموت يا سيف .

BOSTON NOT LIKE BEFORE YA BDRADEEN

ود البرعي سلام كتير وربنا يحفظكم

لكن نصيحة أخوية .. فكر بجدية في مغادرة البلد دي ..

اليوم شبه ... بكرة ما معروف شنو ...


وربنا يحفظكم

خال فاطمة
سلام
أمريكا بلد حلوة وفيها قانون بس الSTEREOYPING والتنميط ما حلو

دمت بخير

Quote: I will call my lawyer

good call ya Saif, please do it asap

والمحامي بنورك علي جوانب خفية عنك.
لا تدع ذاك يفسد عليك بهجتك بالربيع ...
هنالك المئات في بوستون يحملون كاميرات ويصورون
كون أن إسمك سيف ولونك أسود ، تذهب للمسجد وتتحدث العربية
كل ذلك لا يعطي أحد الحق في الإشتباه بك والتبليغ عنك !!
---------
تحياتي يا سيف

* بالله كل ماتاخــد الride لازم تحدر للعبيطة ديك.

تعرف يا الحبيب
أنا من يوم الثلاثاء محتار
ما قادر أرفع بوست في الفيس بووك
متلخبط
متوجس
يا ربي أنا خلاص بقيت under watch
يا ربي الجماعة ديل حيزوروني تاني؟
بكرة ماشي بوسطون باذن الله
يا ربي اشيل الكاميرا معاي ولا أخليها في البيت؟
يعني الواحد يتحرم من ممارسة هوايتو
وتأمل وتصوير الجمال والربيع في بلد الخضرة والجمال
في كام واحد بركبوا الرايد وبصور
هل التصوير ممنوع أم شبهة
هم قالوا لي إنت بتصور excessively
lمعقولة بس؟؟؟؟

حمد الله على السلامة ياأبوالسيوف,,

لا لوم عليهم الناس ديل فهم فى وضع لا يسمح لهم بالتغاضى أو التجاوز عن أى إشارة ولو صغيرة جدا وجب تتبعها,,
وفيما حكيت أن الرجال كانوا فى قمة الأدب والمهنية والإحترام ولاحظ أنهم وصلوا عندك وفى رؤوسهم ألف سؤال وسؤال
وبعد دقائق تقلصت لعدد صغير من الأسئلة تفرضها عليهم واجباتهم فى حماية بلد ومجتمع من تصرف مهووس يمكن أن تكون
نتيجته كارثة وأرواح وممتلكات,,

الله يجازى الكانو السبب وشوهوا صورة الإسلام كثيرا,,

بعد التفجير بدقائق إتصلت بإبن خالتى ببوسطن وقال لى أخوك عامل حادث ومجبص وراقد فى البيت وبعيد شوية
من مكان التفجير,,

قلت ليه قول الحمد لله على الجبص دا يازول,,
بعد كم يوم إتصل بى بضحك وقال لى الحمد لله كثيرا على نعمة الجبص

تحياتى..

Quote: Testimony of Boston Police Commissioner Edward F. Davis before the House Committee on Homeland Security This need, however, must be balanced against the protection of our Constitutional liberties. I do not endorse actions that move Boston and our nation into a police state mentality, with surveillance cameras attached to every light pole in the city. We do not, and cannot live in a protective enclosure because of the actions of extremists who seek to disrupt our way of life.

((ياسر سلام
والله أنا مستاء جدا من ناس الترحيل بتاعني ديل..
البوليس بيأدي في واجبه ..
وأنا معاهم عميل أو راكب أو زبون من 7 سنوات تقريبا يبيعوني كدا في أول لفة
ويتهموني بممارسة أنشطة مشبوهة
ده أنتهاك لحقوقي المدنية
I will call my lawyer))
....
ليس هناك داع للاتصال بمحاميك فهؤلاء الناس بتاعين الرايد لا لوم عليهم فهم ينفذون في تعليمات البوليس لحماية الناس من الإرهاب، فلا تبتئس.. وناس البوليس أخبروك بملاحظة ناس الرايد في التصوير.. وطلبوا منك أن تخبرهم بما تلاحظه..

الخير يخصص والشر يعمم. "واتقوا فتنة لا تصيبن الذين ظلموا منكم خاصة".. شوف الفتنة بتاعة الإرهابيين أدخلت كل المسلمين كمشبوهين كيف؟ زول واحد حاول وضع قنبلة في حذائه ودخول الطائرة جعلت كل الناس يخلعون أحذيتهم للتفتيش، فهل يعتبر هذا الصنيع انتهاكا لحقوقهم المدنية؟؟

مع تحياتي
ياسر

يا أيمن كفارة لود خالتك و إن شاء الله أجر وعافية
تعرف يا أيمن أنا متفهم للحتة دي وأنا بحب أمريكا زيهم وعايش في خيرها
ولو شفتها حاجة ما ياها أول زول حأكون متعاون
طبعا أن ساكن في ريف بوسطون الشمالي بعيدا عن المدينة وضوضائها
المدينة more diverse لكن ناسنا العنا ديل الميديا مؤثرة فيهم شديد
المصاب جلل وأنا أول زول عبرت عن ألمي ده ببوست هنا في المنبر العام
ما كنت متوقع أصلا الجماعة يزوروني
لكن الحصل إنو زاروني
لك مودتي

يا حبيب كيفنك
تعرف يمكن يوميا بدخل حسابك بتاع الفيسبوك دة عشان امتع نفسي بالصور
عندي نفس الهواية دي بس مع جري اكل العيش ما قادر امارسها

يا ود جبرين كيفنك
نفس الشعور
أنا برضو مستمتع بحائطك العظيم الملئ بالروعة
عندي نشاط دعوي مقرون بالصور
خايف الجماعة ديل يفهموني غلط
ويتلخبت عليهم الاختصاص
الفيس بووك إختراع مدهش كم تمتعنا به وما زلنا نتمتع
لك خالص الود

يعني تاني الواحد لا يقدر يصور

ولا يقدر يشتري حلة بريستو

تحياتي ياسيف أنت والأسرة
ومعليش الجاتك في صورك سامحتك

وقد قالوا مصائب قوم عند قوم فوائد
هذا الواقعة سوف تجعلني ابحث عنك في الفيس للأضافة والأستمتاع بصورك الحلوة
شفت الفوائد جات علينا كيف؟

مرحبا بك أخي محمد الشيخ وحبابك ومرحبابك في دارك صفحتنا

سلام يا سيف
خلعتنا يا راجل دا موضوع بسيط وعادي ما تخلي الهواجس تفسد عليك متعة الربيع وزهوره الصفراء

حادثة عابرة تحصل في أرقي العائلات (: مارس حياتك زي ما كنت أحمل كاميرتك ومارس هوايتك في التصوير وتناقش مع جماعة الرايد وأحكي ليهم الحصل واخد ليهم صور كمان قوة عين كدا

أنا لم أزور أمريكا بعد ال 11 من سبتمبر يبدو إن أشياء كتيرة تغيرت. رغم اني كنت عايش في ولاية صقور الحرب وبارونات البترول في مدينة هيوستن لكن كنا ننعم بطمأنينة ماعادية وأذكر وقتها كان بوش الإبن هو حاكم تكساس وديك شيني كان رئيسي في العمل كان مدير شركة هالبيرتون التي كنت أعمل في إحدي شركاتها وقتها

يا سيف تلقي أسي ناس ال FBI مستمتعين بصور ود بوستن في الفيس بوك وما بعيد يقدموا ليك طلب صداقة بالمناسبة ياريت في الخاص عاوز حسابك في الفيس بوك عشان نستمتع بصور ود بوستن

الكلام القالو ليك أسامة دا عين العقل.

((حادثة عابرة تحصل في أرقي العائلات (: مارس حياتك زي ما كنت أحمل كاميرتك ومارس هوايتك في التصوير وتناقش مع جماعة الرايد وأحكي ليهم الحصل واخد ليهم صور كمان قوة عين كدا))

وزي ما قال محمد الشيخ نحن ذاتنا نخش الفيس بوك ونشوف الصور..

ياسر

Quote: يا سيف تلقي أسي ناس ال FBI مستمتعين بصور ود بوستن في الفيس بوك وما بعيد يقدموا ليك طلب صداقة بالمناسبة ياريت في الخاص عاوز حسابك في الفيس بوك عشان نستمتع بصور ود بوستن

ود البلال سلام عميق
وحسابي في الفيس بووك هو Wd Boston Saif Alburaey
طبعا قصة إستمتع دي دايرة ليها زمن
أمبارح بتونس مع واحد صاحبي قلت ليه :تلقي الجماعة يسمعوا في ونستنا دي
لكن نحن ما شغالين بيهم
طبيعة إعاقتي الحركية زائدا جو بوسطون جعلت مدمنا للكومبيوتر نوعا ما..
كونت صداقات رائعة مع اناس رائعين من شتي أنحاء المعمورة ويسعدني إنضمام أي شخص لحسابي للتمتع بروعة بوسطون في الربيع
وعندي قرووب كونته منذ عام إسمه:المطبخ السوداني
أما القرووب الاخر فهو:الدين النصيحة والدين المعاملة
لك خالص معزتي

Quote: Maldiny Myamy · ‏الاداره العامه للزراعه محليه عطبره‏ في ‏مهندس زراعي‏ انتا عايز تعمل بكائيه ساكت....الامر حمايه لك ولاخرون وعمل مهني كبير جدا...في بلد خرجت من احداث داميه قبل شهر وفي نفس مدينتك...مودتي وللاخت التحت القالت فسروها غلط الحكايه ماتفسير غلط الحكايه عمل منظم والدليل كلام الاخ سيف ده(نحن جايين نحقق معاك عشان جانا reports من الRide إنك بتمارس suspicious activities)الاخ سيف تعامل بحسن نيه وهم تعاملو بما تمليه عليهم واجباتهم من حفظ العباد والبلاد وشكرا

ياخي طالما إنت واثق من نفسك منزعج ومذعور مالك .... مافي حاجة بتجيك واحمد الله أنك في أمريكا وإلا كان قيامتك قامت .

Quote: ياخي طالما إنت واثق من نفسك منزعج ومذعور مالك .... مافي حاجة بتجيك واحمد الله أنك في أمريكا وإلا كان قيامتك قامت .

يا بكري سلام
والصقر إن وقع كتر البتابت عيب
القصة ما ذعر
القصة وما فيها إننا صحفيين أسفيريين ناس بوستات ولصق وعلق وأرفع البوست وأرفع الصورة
وونسات أخوانية في الفيس
لمن تلقي زول جاك في محلك واقتحم خصوصيتك
وشاف كومبيوترك الخاص
واحتمال يكون متابع كل خطراتك
كل هذا وأنا أتغني بحب بوسطون كل يوم وأقول فيها ما لم يقله مالك في الخمر
يجي زول يبلغ فيك لسبب أنا أعتبره ########
أكيد السواق ولا الزول البلغ ده زول حاقد وعنصري
بني إتهامه لي علي أسس عنصرية
من دين أو لون أو عرق أو خلافه
نحن أصبحنا أمريكان وبنحب البلد دي ممكن أكتر منهم
أنا صحفي أسفيري هاوي من حقي تتبع الجمال في بلادي أمريكا ونشره للعالم
يعني إجاباتي للسواقين دي لو ما صدقوها تكون مشكلة
ولك خالص ودي

Quote: فاذا باثنين من الأمريكان ماشين علي ولمن قربوا سألني أطولهم عن إسمي وحياني وطوالي مدوا البادج بتاعت البوليس

إحساس صعب.......
يآود بوسطون
كفاره
....
.....
......
هكذا حال الدنيا

حامد الغبشاوي
لك ألف تحية وأنت تشاطرنا معاناتنا
القصة بتاعت الجماعة ديل ذكرتني قصة حكاها لي واحد صاحبي أيام كنا في السودان
الشرطة كابستهم وأتصل أحدهم بالضابط وقال ليه:تمام سعادتك داهمنا المكان وحاصرنا الشيشة وكانوا وقتها بشربوا في شيشة
فأنا مجرد عزابي أمتلك كاميرا صغيرة ولاب توب hp
لكن تعليق الضابط الاول عندما راي :2900 صديق
oh, you have a lot of friends
كان مندهشا جدا
فشرحت ليه أننا السودانيين إجتماعيين وقلت ليه أنا كاتب أسفيري
أتمني إنو يكون وقع ليه الكلام عشان ما يتلحني
لك خالص معزتي
سيف

Quote: وزي ما قال محمد الشيخ نحن ذاتنا نخش الفيس بوك ونشوف الصور..

مرحب بيك يا ياسر وتسعدني صداقتك كثيرا
تعال معنا لتستمتع بصور بوسطون الجميلة
لك خالص الود

https://www.facebook.com/wdboston.badawi/photos?colle...019%3A2305272732%3A6
كمية هائلة من الألبومات عن أروع مدن الدنيا

التصوير متعة..
خصوصا لمن تكون ما سايق...
والله البلد دي فيها طبيعة ما عادية..
ربنا يجعل بلدنا السودان اخضر زي زمان

سلام يا سيف، يا سيف لو كنت في دولة عربية كان هسى بتتحاوم في الكلاكلة اللفة في السودان
وبدقوا ليك خروج نهائي.

والأف بي آي بأدوا في واجبهم وحتى سائقة الرايد بتأدي في واجبها الوطني، والناس ديل
إتعاملوا معاك بكل إنسانية واحترام والحرب على الإرهاب ما لعب والناس دي كلها مفروض تعمل
حسابها وتبعد عنها الشبهات ما إستطاعت وتساعد في كشف المتطرفين.

تحياتي

انا و ابو السيوف و خالد كودي و سيد ابراهيم في بوسطون الجميلة.
يا سيف الجماعة حيتأكدوا انو انت ما عندك حاجة بس بتفق معك انو الشي الحصل ده بايخ و مزعج للغاية.

أخي سيف النصر
سلام عميق وجمعة طيبة وشكرا لوضعك الصورة التي إلتقطتها كاميرتي المشبوهة العام السابق عندما شرفتنا بزيارتك في رمضان
تعرف يا دكتور سيف لمن تحب ليك حاجة ويجي زول يطعن في حبك ليها ..ده ما زي شغل الكيزان كانوا بيطعنوا في حبنا للوطن
كل يعبر عن حبه لوطنه أو مكان عيشه ونعمته الذي يحب بطريقته
أنا مثلا من حبي لاميركا صرت من المشجعين والمبشرين بالحلم الامريكي وانه سيظل مشتعلا رغم كل شئ وما زلت علي هذه القناعة مع اختلاف الكثيرين معي
شعوري بمشاكل وطني الحبيب أميركا عندما أسمع وأحس الركود في الأسواق..أتحرك بغريزتي الصحفية لأنشر ذلكم الجمال الذي ربما صادف هوي مستثمر
أو قاصد زيارة..لتنتعش أميركا الحبيبة وننتعش نحن معها ..الوجه الأروع هو دوما ما أحاول نقله
وبعتبر نفسي جزء من هذا المجتمع وبقيت في بيفرلي ود الحلة..وفي الرايد جزء من أسرته
لمن يجي زول يكسر كل الكلام ده كلو
ده ما بكون شعور بايخ ومزعج فقط
ده بكون شعور مؤلم..
ومحبط..
لك خالص الود

سلامات يا سيف ..

يا قول النزير .. لو كنت فى بلد عربى كان تانى رجعت ود الكلاكلة بتاع زماااااااان داك ..

احمد الله يا حبوب ..

يا الشاذلي سلام وجمعتك طيبة ..طبعا الفرق كبير
وده الخلاني أحب أمريكا أكتر
وأعلق صورها في قلبي بدل الحيطة بتاعتي في الفيس بووك
لكن هذا لا يقلل أيضا من حبنا للسودان الذي رضعنا حبه مع حليب أمهاتنا
ومع أني ود بوسطون الان فأنا ود الكلاكلة برضو وسأظل
لك خالص الود

الأخ النذير
عندما حدثت التفجيرات تألمنا كثيرا والمجتمع المسلم كان له ردة فعل تجاهها واضحة ...ليست شجبا وإدانة فقط إنما فعلا..
تألمنا كثيرا وكان وجعنا واحدا
بوسطون لن تعود كما كانت دي حقيقة
أنا أسكن بعيدا عن بوسطون مسافة 25 ميلا
منطقة وادعة ..هادئة..
ريفية الطبع...
كنت عارف إنو مش الأحداث بس بل الميديا ممكن تعمل حاجات سلبية ..وصوتنا كمسلمين ضعيف ما قادرين نوصلوا..
كل ما تمر السنين وتدفن جراح تفتح جراح جديدة هنا
غايتو الله المستعان
مودتي
سيف

سلامات ياسيف...الحمد لله جات سليمة واجراء مبرر في ظل مهددات
امنية في عقر ديار هذا البلد الطيب..
تعرضت لموقف رهيب في العاصمة الارترية اسمرا عام 2006
كنت بصحبة صديقي د.معتز عبدالرازق, ذهبنا لاسمرا لاداء امتحان
IELTS المطلوب لتسجيل الاطباء في بريطانيا وايرلندا, لان المجلس
البريطاني في الخرطوم كان مغلق حينها وكنا في عجلة من امرنا,
المهم بعد اداء الامتحان مباشرة ذهبنا نلتقط صور في بعض الاماكن
الجميلة, وبعد لحظات وجدنا نفسنا محاصرين بمجموعة من افراد
الامن وتم اقتيادنا للمكتب بدون نقاش, اذ كنا نصور علي بعد امتار
من منزل اسياس افورقي دون ان ندري, وبعد الاستجواب ومعرفة
سبب الزيارة, اتصلو بالمجلس البريطاني في اسمرا, واكدوا لهم
واقعة الامتحان, وسالونا ان كنا علي صلة باي من السياسيين
السودانيين باسمرا, ولحسن الحظ قبل هذه الحادثة بيومين كنت
معزوم علي العشا مع عمنا احمد ابراهيم دريج ولولاه لما خرجنا من
تلك الاقبية الي يومنا هذا ومع ذلك تمت مصادرة الكاميرا...
لذا نحمد الله كثيرا علي نعمة العيش في اميركا..
Land of the free and home of the brave

أخي هشام عثمان سلام عميق
نعم أرض الحرية ..وطن الشجعان
ليستمر هذا الحلم فيجب علينا أن ندافع عن حقوقنا المدنية هنا كأقليات مسلمة مهاجرة...
ملايين يأخذون الرايد ..
فهل تشكك فيهم أحد..
المرة دي كاميرا ما معروف المرة الجاية شنو؟؟؟
نرفض الاتهامات جزافا ونعمل سويا من اجل الحفاظ علي اميركا وسلامتها وامنها
نحن اكتر ناس حاسين بحلاوة الحلم الامريكي لما لقيناه في الحياة
فليبارك الله أميركا لتبقي رمزا لكل الحاجات الجميلة
وفي النهاية لن أتهاون في إعلان إحتجاجي وتوصيل صوتي
لك خالص ودي
سيف

Quote: يا ربي اشيل الكاميرا معاي ولا أخليها في البيت؟ يعني الواحد يتحرم من ممارسة هوايتو وتأمل وتصوير الجمال والربيع في بلد الخضرة والجمال في كام واحد بركبوا الرايد وبصور هل التصوير ممنوع أم شبهة

أخى العزيز سيف
ليس هنالك ما يُزعج ,
أعيش فى أميركا أكثر من عشرين عاماً وأعمل فى أكبر مؤسسه قانونيه Law Firm
حيث لمست واقعيِاً أن أمريكا هى فعلاً بلد الحريه والعداله والقانون .
لكن على أى شخص أن يحذر الشبهات وألاَ يضع نفسه فى موضع التهم حتى لا يُتَهم
خاصةً فى مثل الظروف التى أعقبت إنفجار رات بوسطن , ومكتوب فى كل موقع
التبليغ عن كل ما يثير الشك والريبه .

من وجهة نظرى
* ترك التصوير هذه الأيام
* إستمرار علاقة الود مع سائقة البص لتؤكد لها أن شكوكها ليست فى محلها . .
ربنا يوفقك .

تسلم من كل شر ... سؤال عفوي كدا يا سيف ،،، هل كان رجال الشرطه لطيفين وظريفين ومهنيين ومباشرين غير مكاشرين ؟؟؟!!!!

نعم أدوا واجبهم كما ينبغي

تحياتى اخى سيف والجاتك فى حبك لبوسطن كرامتك وذى ما قال ليك النزير كويس انك ما كنت فى بلد من بلاد
العرب العاربة والا عينك ما تشوف الا النور .

الاخ سيف/
ربي يبعد عنك كل شر ومتعك بالصحة والعافية و الاالم تزول انشاء الله
ما حصل شي عادي للتاكد وهم تاكدو ... ولا يهمك مارس نشاطك كما كان وتجنب من اي فيرس لكي لا تنتقل ليك وفي ناس مريضة ممكن
تبلغ عنك من دون اي شي (حسد) .....ولازم تبلغ للمحامي وتشوف راي في تهم زي دي .....والله يسترها علينا يا رب ..

الأستاذ سيف اليزل سلام وربنا يحفظك حيث ماكنت
أصلاً هي حال الدنيا الموضوع ربما يكون إجراء
عادي وحرص زايد بعد حادث التفجير

محمد المسلمي تحية لك ولكل ال المسلمي الأفاضل
مافي إعتراض يا محمد
أصبحنا جزء من الأمة الأمريكية
فهم لازم يستوعبوا الحكاية دي
رب صورة من كاميرتي تسبح في الفضاء
فتجلب خيرا لوطني أميركا وتعكس جمالها
بعدين كلو بصور ..وكلو بوثق
بقت علي أنا بس..ما زلت أصر علي أنه تنميط

Quote: المهم الضابط سألني عن اخر مرة مشيت السودان متين؟ قلت ليه أنا من ما جيت هنا ما رجعت

غايتو يا سيف الخلعه الدخلتك ... تدخل على عدوك ان شاء الله
بس انا مستغرب قدرت تقعد مع العوج ديل الزمن دا كولوا كيف
:
:
:
كلام اسامه البلال ما ترميهو واطه
واقبل صداقتى كذلك
تحياتى

عزيزي سيف النصر..
اولا حمد الله على السلامة.. وثانيا احمد الله انك مقيم في دولة القانون.. وإلا كنت حتلقى نفسك وراء الشمس بقية حياتك...
وانا الكنت معروفة بانتقادي الشديد لوتيرة الحياة في امريكا .. انقلبت 180 درجة وبقيت ادافع عن السياسة الأمريكية الداخلية بشدة لسبب بسيط جدا.. لأني وجدت ان الأمريكان ديل عندهم حق اذا طردونا كلنا من هنا وبقرار لا رجعة فيه .. لكنهم يستندون إلى الدستور الذي لم يتغير منذ ان انشأوا بلادهم... والقانون عندهم يساوي بين الغني والفقير وبين المواطن العادي والرئيس... وطيب اذ هم مهددين بان المسلمين يفجرون مواطنين مدنيين ابرياء.. ماذا تراهم يفعلون؟؟ اليس لهم الحق في اخذ الحيطة والحذر... يعني يا سيف النصر مفروض تتفهم دوافعهم من استجوابك واستجواب اي عربي او اي مسلم .. لأنهم لا يريدون ان يلدغوا من جحر اكثر من خمسين مرة...
وبعدين عندي ليك وصية.. من هسع لازم تعرف ان تلفونك وتلفون اصحابك البيتصلوا بيك مراقب 24 ساعة... وهذا ليس تجسس لأن عندهم قانون وضعه الرئيس السابق بوش يسمح للمباحي الأف بي اي مراقبة هواتف المشيوهين وسيظل هذا مستمرا حتى يتأكدوا انك برئ براءة الذئب من ابن يعقوب...وما تزعل من دي عشان هم عندهم حق...
وبعدين عاوزة اهمس في سرك.. اي واحد يعتبروه بيشكل خطورة على امن المجتمع الأمريكي وكان متجنس .. يعني ما مولود في امريكا .. عندهم قانون بسحي الجنسية منه وابعاده من البلاد في ظرف 24 ساعة من اثبات التهمة عليه... يعني خليك واعي.. وطبعا نحن متأكدين من انك تحب بوسطون وإلا ما كنت عايش فيها.. ولكن راقب مكالماتك في الهاتف وتقوم تهظر مع اصحابك وتقول شئ انت ما قاصده ولكت يثير الشكوك فيك,,
وبعدين اي عربي او مسلم بيصور في كبري او محطة بص او قطار انفاق بيعتبر ارهابي حتى يثبت براءته.... والله العملوها فينا المتطرفين الاسلاميين مصيبة كبيرة واثرت في حياتنا وحياة جميع المسلمين في البلدان الأوروبية..

والله يديك العافية والصحة

أميرة السيد سلام

إنت خلطت بين الاخ الاستاذ سيف اليزل و الزميل الصديق سيف النصر....سيف اليزل في بوستون و سيف النصر في شارلوت


صديقنا سيف اليزل.....صدقني الموضوع عادي ...وهم بيأدوا في واجبهم..وزي ماذكرت إنهم كانوا محترمين...وتعاملوا بكل ذوق...ولذا يجب أحترام عملهم جدا.....طبعا الرك علي سواقة البص....



في مقارنة بسيطة ..ماذا يمكن أن يفعل بك بتوع الامن في السودان ...لو وصلت لهم نفس المعلومات الخاطئة....(-::


تحياتي

كفارة يا سيف

واقرا كلام الاستاذة أميرة ده (بتركيز) ههههههههههههههههههههههه
عشان ترفع حسك الأمني شوية

تفجيرات ياراجل .. ما تمت شهر وانت حايم بي كمرتك تصور يمين وشمال
ههههههههههههههههههههههههه
وطالع من الجامع كمان

دى اسمها تعالو .. زوروني

شكرا د. ياسر للتنبيه للخطأ والخلط بين سيف النصر وسيف اليزل..
ومعليش يا سيف النصر كنا عاوزين ندخلك في مشاكل سيف اليزل... وبعدين ما تنسى برضه ان تشابه الأسماء وتقاربها ممكن يغلطوا فيها الجماعة ديل ويقولوا ان سيف اليزل رحل لشارلوت... ويتابعوك بهناك( وجه ضاحك)..
وبالمناسبة معلوماتنا الجغرافية بسيطة.. شارلوت دي عاصمة ياتو ولاية..؟
والله يديكم العافية

ياعمك سلا متك وبعد الشر عليك
ودبرى

تحياتى ياود بوسطن سيف،
أرجو ان لايؤثر فيك هذا الحدث وأن لاتاخذه بشكل شخصى.
أمريكا تقوم على (سيادة القانون) من لايفعل ماهو ضد القانون والذى يحفظ حق وكرامة الانسان لاغبار عليه.
والحمد لله مجتمعنا السودانى فى بوسطن بعيدا عن ظواهر العنف وربنا يحفظ شبابنا من الهوس الدينى.

تحياتى ثانية ، تجاوز الامر - هؤلاء المحققين يقومون بعملهم وأنت لم تقم بعماهو مخالف للقانون ومضرا بابناء وبنات مدينتنا .

كن بخير ..

وبعدين ياخى بعد صلاة الجمعه ولا (الطراويح)... شرفونا فى معرض العلمانيين جيرانكم يوم الجمعه :

اليوم: افتتاح معرض Violence Transformed لخالد كودى بمجلس ولاية ماساشوس


ز

ز

Quote: وبعدين اي عربي او مسلم بيصور في كبري او محطة بص او قطار انفاق بيعتبر ارهابي حتى يثبت براءته.... والله العملوها فينا المتطرفين الاسلاميين مصيبة كبيرة واثرت في حياتنا وحياة جميع المسلمين في البلدان الأوروبية..

سلام الأخ سيف زيارة عاديه جداً ، الجماعه ديل قبل يزوروك بكونوا عرفوا متعشي بشنو قبل الزيارة ، عشان كدا تعاملهم كان راقي معاك، المهم لا تفسد حياتك وكون حذر جداً ، وممكن تمارس هواية التصوير طالما ما منوعك من ذلك.
اتفق مع الأخت أميرة التصوير وخاصة الايامات دي وبعد التفجيرات توقيتو غير مناسب وفيهو تساؤلات كتيره ، اديها صنه شويه ومارس هوايتك المفضلة .

حمد لله علي السلامة يا سيف

ولذا عندما تقف ضدنا في نقد الهوس الديني والعقل المغلق واننا نطرح العلمانية بديلا للهوس اهو شفت نتيجة الهوس الديني وتشويه كافة اوجه الحياة لا انت ولا انا ولا غيرنا لم نتاثر بهذا الشكل المتخلف للهوس الديني .

يجب انت وانا وغيرنا ان نقف بشكل قوي ضد كافة اوجه طرح الاسلام بشكله الذي تنزل في القرن السابع الميلادي مثل ان نقف ضد قتال المشركين وضد اخذ الجزية من النصاري واليهود
والعمل علي وضع منهاج للتعليم يساهم في المحبة ونشر السلام


وهنا لا مكاتب التحقيقات الامريكية ولا الحروب ستخرجنا من الارهاب

بل ان نغير مافي الرؤوس من سوء منهاج قد طرح صورة قبيحة للاسلام والمسلمين\ات في اذهان الاخرين


اذهب لمعرض خالد كودي وساهم في نشر العلمانية ووضع منهاج قد يساهم في حل الاشكال للعقل المسلم

لقد تناقشنا انا وانت وسامي كثيرا عن اشكال الهوس الديني وضررها علي المجتمع


انظر لحالات الهوس الديني في السعودية والسودان والصومال ومالي والنيجر ومصر وايران وغيرها من بلدان


لقد طرح الاستاذ محمود منهاجا يساهم في اخراج العقل المسلم من الازمة لكنه كفر واغتيل من قبل هذه العقلية ولا زالت نشطة حتي وصلت لعندكم وقد قاما هذان الشابان بعملهما

الارهابي



تعرف الارهاب هو سرطان وايدز العصر الراهن

الاخت اميرة

سلامات

Quote: اي واحد يعتبروه بيشكل خطورة على امن المجتمع الأمريكي وكان متجنس .. يعني ما مولود في امريكا .. عندهم قانون بسحي الجنسية منه وابعاده من البلاد في ظرف 24 ساعة من اثبات التهمة عليه

مع احترامى لمداخلتك , الا انه لايوجد قانون مثل ذلك

فى الولايات المتحده. لايوجد اى فرق فى تطبيق القوانين على المواطن الاميركى بالميلاد او التجنس. ربما كانت هناك شروط للترشيح لبعض المجالس مثل مجالس النواب والشيوخ تتطلب الحصول على الجنسيه لعدد من السنين, كذلك منصب رئيس الجمهوريه يتطلب ان يكون المرشح اميركى بالميلاد.
مع ودى

الأستاذة والزميلة أميرة السيد
شكرا لمساهماتك الثرة وخصوصا في القضايا الحساسة التي تمس مجتمعنا المسلم داخل امريكا واللي هو جزء من الحلم الامريكي
وبرضو بقول ليك مثلما قلت في بوستات قديمة لي أن الإرهاب لا وطن له ولا دين ولا جنس ولا لون معين
الإرهاب سلوك فردي نشاز ومرفوض وإنما يعبر عن صاحبه فقط
لكن التعميم فيه إجحاف
التنميط فيه ظلم
الشك شئ مؤلم
حتي ولو أصبح نصف المجتمع متطرفين فما جريرة النصف الاخر؟
أنا كإنسان محترم عايش في حالي رفضت ما حدث لي
تألمت لأني بحب مدينتي وبصورها وبعرف بيها الدنيا
وبباهي العالم ببوسطون مخ الدنيا
يعني بالبلدي كده بصل مرحلة الفشخرة بيها
والكلام ده بقولوا للسواقين صراح ..
وفي خضم كل هذا يأتي لمن يشكك في هذا الحب
فمن حقي أن أحتج وأن أتظلم
فشكرا لمشاعرك النبيلة وللمؤازرة
لك خالص الود
سيف

يا محمد حمزة الحسين قبلتها فورا وصداقتك شئ قيم أعتز به
و أتمني أن تلقي نظرة علي صور الطبيعة والروعة والجمال في بوسطون العريقة
زيارتك لألبوماتنا ستزيدها ألقا
لك خالص ودي
سيف

زماااان قلت ليك انقلع من بوسطون دي تعال علينا جاي
قعت تقول عندك وعندك
والله حتتنا دي بااااارده يمر اسبوعين ما تشوف عربيه شرطه حايمه
امان صاح

خالص تحياتي سيف
وان شاء الله ما تشوف شر

كفاره يا حبيب

Take it serious
بالرغم من انك من اخر الذين يتورطون في مثل هذه الا شياء وتجنب حتى المصادفات لانك دخلت الداتا بيز يعنى حتى حتى اللايك في الفيسبوك سوف ياخذونها ماخذ جادا والاحتياط واجب امريكا مرعوبة من الداخل ولها مبرراتها واسبابها حتى لا تفجع مؤة اخرى
هذا الاحتقان الذى ادى الى هذا التصرف الارعن من السواقة بالرغم من انك تلقيت منها اجابة شافية
لكسر هذ الموضوع وقفله بهجوم مضاد counter attack
وهو رفع دعوى ضد هذه السواقة لتعريضك لضغط نفسي وارباك حياتك ببلاغ لا مبرر له وانت شاور محاميك في هذا الخصوص وانصحك بالتقليل من انشطتك الدعوية
جنى

شكرا يا جني لمشاركتك ورأيك الجميل
حبي لبوسطون حتما سيزداد
أحب أمريكا بطريقتي
أروج للحلم الأمريكي كصحفي هاوي
بكاميرتي وبقلمي
وساخذ الموضوع بجدية to clear myself
لك خالص الود

كفر الله سيئاتك يا أخونا خالد عثمان...
ياخ إنت وين غاطس
زودنا برقم تلفونك في الخاص
وتحياتي لك وللأسرة
مودتي
سيف

الأخ سيف اليزل برعي البدوي، يا أخى كفارة.
الحقيقة، رغم إنو البلد دى بلد حقوق و حريات دستورية، لكن واضح أن هنالك تحول فى الموازنة بين مفهوم الحرية الشخصية و الحريات المدنية من جانب، و مفهوم حماية المواطن، الأمن القومى و مكافحة الإرهاب من جانب آخر. شمل ذلك التحول إلى أى مدى تطبق تلك المفاهيم على أرض الواقع. التحول تم لصالح المفهوم الأخير.
على مستوى التطبيق، هنالك Debate مدور لفترة حتى وصل مستوى الهيئة التشريعية، و الهيئات التشريعية الولائية.
و عادى أصبحنا نسمع مقولات مثل: Boston is on hyper alert.
If you see something, say something.
أما بالنسبة للإشكال الشخصى، عارف أنا كشخص متصفح عادى للمنبر، كثيرا ما واجهتنى مشكلة أعرف إنك شايت وين ... مرة، برنامج دعوى، و مرة أخرى، زول عادى بحب التصوير و الشبكات الإجتماعية، و ثالثة، ذو علاقة بمكتب لوترى يستخدم صور المتقدمين لأكثر من مرة للتقديم، و إحتمال فى بعض الأحيان بدون علم المتقدمين.
اسماء وصور فائزين في اللوتريDV2014 وجار البحث عنهم(صور)
نصيحتى، Be aware of your civil rights, and/or consult an attorney.
و ختاما، لك إعتذارى إذا كنت صريحا أكثر من اللازم، و فى ظرف يتطلب اللطف. الجاتك فى صورك سامحتك.

سيف برعي

اتكلم مع محامي حبذا لو واحد ديمقراطي بتاع حقوق انسان
التصوير محمي بالتعديل الاول او الثاني في الدستور (حا اتأكد للدقة و ارجع ليك)
وضع اسمك في الداتا بيز يضع حياتك في خطر و سيحد نشاطك و يجعلك المتهم الاول في اي مكان تتواجد فيه و تحصل فيه مصيبة
ارفع دعوى قضائية ضد شركة الرايد و السواقة واضح ان في الموضوع تمييز عنصري و ديني

Quote: التصوير محمي بالتعديل الاول او الثاني في الدستور (حا اتأكد للدقة و ارجع ليك)

الأخ بدر الدين سلام وشكر عميق لهذه المعلومة الذهبية
والتي ستقطع قول كل خطيب
وسأكون أنا والقراء وعشاق التصوير في إنتظارها حتما
...
الإخوة الزملاء والمتداخلين
نسبة لكثرة مشاركاتكم معي في البوست والتي تسعدني أيما سعادة
سأحاول الرد بالتدريج ما أستطعت
فلكم العتبي حتي ترضوا
ولكم خالص ودي وتقديري
سيف

U.S. District Judge Lorretta Preska explained that to prevail in a First Amendment retaliation claim, one must prove that “he has an interest protected by the First Amendment.” The court found that Porat could not satisfy that requirement.

Preska wrote that “communicative photography is well-protected by the First Amendment.”
The judge looked to a number of U.S. Supreme Court cases, including Hurley, and pointed out that the high court has said “to achieve First Amendment protection, a plaintiff must show that he possessed: (1) a message to be communicated; and (2) an audience to receive that message, regardless of the medium in which the message is to be expressed.”
http://www.firstamendmentcenter.org/photograp...-the-first-amendment

حسب الكلام اعلاه فان التصوير الفوتوغرافي محمي بالتعديل الاول للدستور تحت بند حرية التعبير و القاضية التي قالت ذلك في التعليق اعلاه حددت شرطين ليكون التصوير محمي
الاول ان يكون التصوير لهدف رسالة يريد المصور ايصالها و ثانيا ان يكون له جمهور اي كانوا
من كلامك يا سيف فانت صورت لرفع الصور في الفيسبوك كجزء من رسالة تريد ايصالها و هي فخرك بمدينتك و عليه فانت محمي بالدستور

انصحك بمقاضاة شركة المواصلات (لا تهتم بالسواقة أن الشمكلة مشكلة الشركة هنا فما يرتكبه موظفوها اثناء العمل الخاص بها هو مسئوليتها) طالب باثنين اولا تعويض معنوي ان يتم الاعتذار رسميا عن سلوك الموظفة و بتعويض مالي (ممكن هناك الكثير من القضايا التي رفعت ضد شركات مماثلة و تم تعويض المتضررين)
اتهام السواقة لك سيؤثر في حياتك في الولايات المتحدة فخذ الامر بالجدية المطلوبة

الف كفارة ليك يا سيف يا رجل يا طيب
نعم مع الأسف توجد مبالغات لا مبرر لها قد تعيق حرية الفرد وتنتهك حقوقه
على كل انصحك بالحذر وعدم ممارستك لهوايتك كما ذي قبل وخذ رأيا قانونيا

هذا خبر مشابه جاء في صحف اليوم

ده الخبر لمن عصي عليه قرائته
بالله التقول انت الرويت القصة يا سيف
كدي أمش للسفارة السودانية شوف رأيها شنو وتعال ورينا

Quote: قوات أمريكية تحاصر منزل طالب سعودي بسبب قدر”كبسة” ميتشيغان ـ حاصرت قوات من مكتب التحقيقات الفيدرالية “إف بي آي” شقة مبتعث سعودي يقطن في ولاية ميتشيغان، وفتشت منزله واستجوبته بسبب “قدر ضغط”. ووفق صحيفة “عكاظ” السعودية، فإن مواطنة أميركية أبلغت “إف بي آي” عن سعودي يدعى طلال الروقي يسكن بجوارها، قد خرج من منزله وفي يده قدر ضغط كبير الحجم ولونه رصاصي، ويشبه ذاك الذي استخدم في تفجيري ماراثون بوسطن، ما دفع “إف بي آي” لمحاصرة المنزل وتفتيشه والتحقيق مع الروقي. ومن جانبه روى الروقي قصته مع قدر الضغط، قائلا “كنت أتناول وجبة الإفطار فسمعت صوت جرس المنزل يرن على غير العادة في هذا الوقت، وعندما فتحت الباب وإذ بفرقة من الـ”إف بي آي” سألني أحدهم هل أنت طلال، في تلك اللحظة توترت رغم أنني واثق، وليس لديّ ما أخفيه على أحد، فأجبتهم بأنهم أمام طلال الآن، فاستجوبوني بهدوء عند الباب، بعدها طلبوا مني دخول المنزل، فأذنت لهم بذلك، وكانت أسئلتهم تدور حول دراستي وتاريخ قدومي للولايات المتحدة والنشاطات التي أمارسها خارج الجامعة”. وأضاف الروقي: “بعد ذلك سألتهم عن سبب الزيارة المفاجئة والاستجواب، فرد عليّ أحد الضباط هل خرجت قبل يومين بقدر طهي لونه رصاصي لمكان ما؟ فقلت لهم نعم، وأبلغتهم أنه قدر ضغط دائما يستخدمه السعوديون في طهي الكبسة، فسألوني عن المكان الذي ذهبت إليه بالقدر، فأفدتهم أنني أخذته إلى شقة أحد زملائي المبتعثين لغرض العشاء، ومن ثم أعدته إلى منزلي في اليوم التالي، فطلبوا مني رؤيته، وعندما شاهدوه قالوا لي علي توخي الحذر في التحرك بمثل هذه الأدوات”. وبعد أن انصرف المحققون، لم ينهِ الروقي قصته مع قدر الضغط، فبادر بالاتصال بوحدة الطوارئ في سفارة المملكة في واشنطن، وهنا يقول “انتابني قلق كبير، دعاني لإبلاغ السفارة بما حصل، فكان تجاوبهم معي رائعاً، وأبلغني أحد مسؤولي شؤون السعوديين بعد أن وافيتهم بتفاصيل القصة كاملة بأن السفارة تلقت بلاغات عديدة عن عمليات تفتيش تعرض لها بعض المبتعثين بعد حادثة بوسطن، لكنه اعتبر قصة قدر الضغط طريفة وفريدة في الوقت ذاته، وشدد عليّ بإبلاغ السفارة فور حصول أي تطور جديد لديّ”. الوطن

Quote: كدي أمش للسفارة السودانية شوف رأيها شنو وتعال ورينا

يا أشرف ياخوي سيف البوديهو السفارة السودانية شنو ؟
سيف ده بقى أمريكاني أمريكاني قالولك ..
وزول بقول ليك بحب وطني أمريكا وسيف ود بوسظون تاني عاوزو وكت يرجع يقابض في سفارتنا ؟
على الطلاق تاني أنا القدامك ده كان لقيتو في الكلاكلة جنب قبة جدي أب شرة الا اكتفو وأعتبرو أسير حرب






__________________________________________________
اجر وعافية ياسيف أخير مما يرموك في حراسة اللفة مع حرانبي في متر في متر

Quote: على الطلاق تاني أنا القدامك ده كان لقيتو في الكلاكلة جنب قبة جدي أب شرة الا اكتفو وأعتبرو أسير حرب

>>>>>>>>>>>>>>>

الله يخزي شيطان عقلك يا كمال .. هسع ما فقعت مراراتنا بالضحك... وبرضه انت الله يديك العافية عشان نحن محتاجين للضحك والابتسام - زي ما وضاحة محتاجة للضحك والابتسام الأيام دي في وجعتها. والله ينصرها..
ووبعدين انت قايل نفسك ما عندك حق تعمل كده...؟؟ لكن اظنك انت الما بتعرفه ان سيف اليزل ده بيحب ا السودان اكثر منك ولكن طريقة كان رجع للكلاكلة الليلة دي.. لكن منتظر الأحوال تصلح في السودان.. طبعا ما بنتكلم عن الأحوال الاقتصادية لكن
عن الأحوال السياسية ... وهو طبعا عنده الف حق يحب مدينة الثقافة والنور بوسطون... والأمريكان بيسموا المدينة دي مدينة الطلاب.. عسان 75 % من سكانها طلاب..
والله يديك العافية

Quote: لكن اظنك انت الما بتعرفه ان سيف اليزل ده بيحب ا السودان اكثر منك ولكن طريقة كان رجع للكلاكلة الليلة دي.. لكن منتظر الأحوال تصلح في السودان.. طبعا ما بنتكلم عن الأحوال الاقتصادية لكن

لا يا اميرة خليهو يوفر حبو ده لي بوسطن دي ..ما يحب لينا تاني سودانا والكلاكلة دي فيها قبة جدي الشيخ أب شرة وحا نعمل ليهو حظر
الا يكون من بقية اهلنا واحنا ماعارفين ..
المفارقة انو تاريخ وفاة جدي (فتاي العلوم) والد جدي اب شرة ودفنو بالكلاكلة القبة وهوتاريخ تاسيس الكلاكلة هو
1492 ميلادي وهو تاريخ اكتشاف كرستوفر كولمبوس لامريكا ..

ماركيز الكلاكلة أخونا وحبيبنا وقريبنا كمال أدي طلة للنك ده بتاع أخونا العزيز وحبيبنا وصديقنا محمد النيل
وإن سجدوا لتمثال الحرية يا سيف اليزل الشبهة لاحقاهم لاحقاهم

بجيك راجع بمهل في حب كلكلة الرباطة أو كلاكلتنا

Quote: وهو طبعا عنده الف حق يحب مدينة الثقافة والنور بوسطون... والأمريكان بيسموا المدينة دي مدينة الطلاب.. عسان 75 % من سكانها طلاب..

بوسطن دي برضو بلدنا وكده ..
ابن خالتي عضو معانا هنا في البورد (منذر احمد بابكر) مولود فيها في الستينات , يعني ممكن تكون (صرتو اقدم صرة سودانية في بوسطن)
وهو عمرو قرب من الخمسين سنة لكنه امريكي بالميلاد زي اولادو ابوهو دكتور / احمد بابكر حسين اول الشهادة السودانية سن 1960ولدو لما كان بحضر في بوسطن وهو رئيس قسم الهندسة المكنيكية في جامعة الخرطوم سابقا , وهم ساكنين الان في بنسلفانيا في فيلادلفيا اول عاصمة لامريكا وفيها خيلاني وخالاتي برضو (ان شاء الله مايجي لافي بي جاي عشان مسالة العمر ده برضوامن قومي وكده)
اها منذر ده لو جا قال وطني امريكا وبوسطن مدينتي بنسكت ليهو لكن سيف برعي ده بوسطن كان نطقت بتقوليهو : عرفة متين يا سيف برعي ..





____________________________________________________
بالمناسبة يا اميرة سيف ده ودخالتنا برضو في الحساب - امهاتنا بنات عم - وهو شاطر جدا اي نعم - بس كمان ابلد زول في بيتهم (يعني زي طيش حنتوب مع اول المؤتمر ) بالنسبة لاخوانو - واخوانو على سبيل المثال محمد برعي قرا المتوسط في سنتين اولى وطوووالي كده نطا في تالتة فطا سنة تانية وبرضو جا الاول - وسيف برعي شاب مفروض امريكا زاتا تكرموا فهو مضرب مثل في قوة الارادة ولو تعلق قلبه بالثريا لنالها ...
بالمناسبة سيف ده زامل مجدي الزين اخوي الكبير في باليرمو في ايطاليا ودي قصة تانية من قصص كفاح سيف برعي ..

الأخ أشرف سلام من الله عليك
شكرا لإطلالتك ومشاركتك لنا احتجاجنا علي ما حدث
موضوع الحلة الجبتو ده هو أحد مخاوفنا الان
زائدا موضوع party store والالعاب النارية
وغيرو وغيرو
حنوصل صوتنا وندافع عن حقوقنا
باذن الله

الأخ بدر الدين
مع إحترامي لرأي كثير من الزملاء هنا والذي مضمونه أنه موضوع عادي وبحصل في هكذا ظروف
لكني أري أن رأيك يتطابق مع رأي سواقين الرايد والذين بمجرد أن حكيت لهم ما حدث أستنكروه
وأمبارح القريبة دي وأنا جاي من الشغل حكيت لاخر سواق أداني رايد ماحدث فألتفت إلي وقال لي بدون أن يجهد رأيه في التفكير:
سألني:Are a Muslim?..
ولما أجبته إيجابا..قال لي :عشان كده جووك.
وكان بعتذر لي طوال المشوار..مثله مثل البقية
كنت حريص أن أستطلع رأي بقية السائقين خصوصا ممن ولدوا هنا فتطابق رأيهم مع رأي قلة هنا
الموضوع ظاهر ..
الشك نفسه مبني علي عنصرية بغيضة
نسبة لسنواتي الطويلة معهم أعتبر نفسي من أسرة الرايد
لذلك تألمت من الموضوع جدا
شكرا لمجهوداتك معنا
مودتي
سيف

يا سيف

يا رجل يا جميل

انت من القليلين جدا الذين اشهروا حبهم لامريكا

واثبت لنا هنا انك مواطن امريكي مخلص

فخليك مع اوباما راس وسيبك من الاريرة ديل

السلام عليكم سيف اليزل

Quote: الشك نفسه مبني علي عنصرية بغيضة

ممكن ان يكون كذلك. تصور قبل معرفة من وراء تفجيرات بوسطن سالت زملائي في المدرسه مين ممكن يكون وراء التفقجيرات؟
اجاب كلهم اكيد مسلم! قلت ليهم خبر اليوم بفلوس بكره ببلاش وقد صدق ظنهم. والمثل بيقول الضاق لدغة الثعبان يخاف من الحبل.
للاسف دي حقيقه كلنا المسلمين وكل من يحمل اسم او سحنه تدل على انه مسلم او عربي هو موضع شك بما فيهم انت وانا.
والحل بسيط واصل حياتك وهواياتك وصلواتك. وكن حذر لان بعضهم مازال يفكر بطريقه انو غير المسلمين كفار ويحل مالهم ودمهم.
واسشير محامي عشان تكون في السليم.
تقديري

اخى سيف

سلامات

ومثلك اعتبر بوسطن مدينتى فى الولايات المتحده, كانت مدخلى للاستقرار,والعمل فى اميركا عام 89 وتركتها بعد زواجى فى نهاية 94, وواصلت سفرى اليومى لها من بروفدنس لعملى فى جامعتى انذاك, Northeastern University. حتى بعد رحيلى من نيوانجلاند فى 96 واستقرارى فى اشفييل/ ويفرفيل فى ولاية التارهيل, ظللت على متابعة لصيقه للتحولات, والسياسات المحليه فى بوسطن.
فى بوسطن يوجد اعز اصدقاء وصديقات من سودانيين واجانب منهم أحد عمد بوسطن من السودانيين والذى لو ترشح لمجلس
المدينه لفاز, عبدالرحيم محجوب, القانونى رفائيل ابييم, والسا, د. الخير
عبدالرحمن ونهى الجعلى, وعادل حامد.
مع تعاطفى التام معك, الا انى لااجد ان هناك اى تجاوز تم من رجال الامن فى
تحقيقهم معك, ولايوجد اى اشاره فى روايتك لتعديهم على حقوقك المدنيه.
ومع كل تاريخ الاحداث العنصريه فى بوسطن فى السابق واهمها " شغب نقل الطلاب للمدارس المختلطه" فى نهاية الستينات, الا ان بوسطن, وولاية ماسشوسيتس من افضل الولايات فى اميركا على الاطلاق من ناحية العلاقات بين
الاجناس والاثنيات المختلفه,والاديان.
تظاهرنا فى بوسطن مطلع التسعينات ضد حرب بوش الاب فى الكويت والعراق عام 91, ومع عبدالرحيم, ومهدى طاهر, وتقدمين لبنانيين, واميركان, تظاهرنا ضد
الحرب فى الجنوب وجبال النوبه عام 91 اثناء زيارة سفير النظام أنذاك, د. عبدالله احمد عبدالله, بل اننا, قدنا مظاهرات ضد سياسات اسرائيل الاستيطانيه فى الاراضى الفلسيطنيه, فى جامعة نورث ايستيرن, BU,
بدون ان يتعرض لنا اى شخص.
هناك حقائق لابد ان نذكرها ونحن نتحدث عن الهاجس الامنى فى اميركا. منذ عام 93, وبعد التفجير الارهابى لابراج التجاره الخارجيه, تزايد النشاط الارهابى الاجرامى وسط قطاع من المهاجرين المسلمين والقليل من ابناء الجيل
الاول من المسلمين الاميركان. تزايدت الخلايا الارهابيه النائمه, ونشط المتطرفين فى استخدام بعض المساجد, حلقات التلاوة,وتجمعات المسلمين فى تجنيد بعض الشباب بل وارسال بعضهم للقتال مع تنظيم الشباب فى الصومال, و
وسط اليمنيين الاميركان فى Up State -New york, وتزايدت حوادث العمليات الارهابيه التى يقوم بها مسلمين, ظابط فلوريدا, واخرها تفجرات المارثون فى بوسطن والتى اعتقد ان بعض كتابتك عنها لم تك موفقه.
يمكنك المساهمه بصوره جاده فى نشر المعلومات عن قناعات غالبية المسلمين
الاميركان فى رفض العنف, وسعيهم الحثيث للمساهمة الفعالة فى مجتمعاتهم الجديده فى اميركا, وتمسكهم بحقوقهم المدنيه والسياسيه التى يكفلها لهم
الدستور الاميركى بالكتابه عن ماتعرضت له من تحقيق فى صحيفة Boston Globe والصحيفه الطلابيه لكليتك, وانا على ثقه بإن الصحف ستنشر لك وهذا مافعلته انا عام 91 مع اصدقائى عادل حامد ومهدى طاهر لتنوير الاميركان عن انتهاكات حقوق الانسان فى السودان وجرائم الحرب فى الجنوب وجبال النوبه فى فترة كانت علاقة الحكومة الاميركيه وديه مع نظام الكيزان. ويمكنك ايضا التشاور مع فرع Amnesty International, Boston Institute, منظمة Pair اذا كنت تعتقد ان هناك انتهاك تم لحقوقك المدنيه.
مع ودى وتقديرى
المعز ابونوره

الأخ سيف ..
أنت انسان منتهى الطيبة والذوق والأدب
ربنا يحيطك بعنايته ..
ويجعل لك الخير فى ماتختار

أختنا العزيزة روزمين عثمان امييين وشكرا للدعوات
متعك الله بالصحة والعافية وشكرا لتجاوبكم معنا في قضية لا اعتبرها قضيتي وحدي
وانما هي قضية كل من يعيش في الغرب
نحن صرنا جزء من هذه الأمة فعلينا أن نحتج ونقاضي إذا أمكن لنلفت نظرهم
لن نسمح لأحد بأن يكسر الself esteem بتاعتنا
لن نعيش مطاطئ الروؤس نتيجة لجرائم يرتكبها معتوهين
فالجريمة والارهاب لا وطن ولا لون ولا عرق لها
ولك خالص مودتي

الأخ المعز أبونورة البوستوني العريق سلام

شكرا لمشاركتك لنا في هذا الموضوع البالغ الأهمية...وشكرا لتعاطفك التام

لكن يبدو أنك أغفلت قراءة الكثير من السطور

Quote: مع تعاطفى التام معك, الا انى لااجد ان هناك اى تجاوز تم من رجال الامن فى تحقيقهم معك, ولايوجد اى اشاره فى روايتك لتعديهم على حقوقك المدنيه.

البوليس كما ذكرت أنا كان نايس جدا وأدي واجبه
لكن مشكلتي الأساسية ما مع ناس البوليس الان
أنا متألم من الناس البلغوا ..وهم تماما عارفين أني كاتب أسفيري أحب بوسطون وأحتاج لصورها
لنشرها في الفيس بووك وخلافه
وإذا رجعت للأرشيف ستجد لي مواضيع كثيرة عن بوسطون مقرونة بالصور منها مدينة سيلم Salem علي سبيل المثال
من ناحية قناعتي أنه تم إنتهاك لحقوقي المدنية فقد حدث ذلك فعلا وإنه لأمر محزن أن يتم التبليغ عنك لانك ما من هنا بفهمهم أو مسلم أو خلافه
التنميط والعنصرية تجاه الاخر تجد مناخا مناسبا أثناء الأزمات فيخرج البعض أحقادهم وينتهزوا الفرصة تجاهنا
لابد من أن نأخذ مواقف ختي لا تتكرر مثل هذه الأشياء
وكما نتمني عودتك لبوسطون لتساهم في الحراك الثقافي والإجتماعي الذي يحتاج لأمثالكم
فنحن ومن جاؤوا بعدنا في حوجة لخبرات البوستنيون القدامي من أمثالكم
ولك خالص شكري ومودتي
سيف-بوستونيون دفعة 2006

عزيزى سيف

سلامات
قرأت بعمق روايتك واتابع بتفصيل حوادث التمييز ضد السود, المسلمين, العرب ومع احترامى لرأيك, لاارى ان هناك انتهاك تم لحقوقك المدنيه ويمكننى المساعده اذا رغبت مع .فروع NAACP,
Arab American Anti Discrimination, etc. لازلت اعتقد بضرورة كتابتك خطاب للناشر فى صحيفة
Boston Globe, كذلك يمكنك الاتصال بمكتب نائبتك فى مجلس الشيوخ ذات الاصل الهندى الاحمر الاميركى, اليزبيث وارن وشرح هواجسك ومخاوفك.
ارجو ان ترسل لى ارقام هواتفك فى بريدى
[email protected]
مع ودى وتقديرى

P.S

ابحث عن صديقى النقيب شرطه"م" محمد احمد عوض الكريم من ابناء منطقة ابوقوته وقريب كل من بشير و صلاح الزين. فهل يمكن ان تربطنى به او باقاربه?

الاخ المعز سلامات
احتمال تكون الفترة طالت بحاول أذكرك فى بوسطن
لكن الأخوة الذين ذكرتهم أعرفهم جميعهم
وأتذكر المؤتمر الإثيوبي فى هانكوك بلدينغ الذى تم فيه دعوة السفير السودانى حينها كمتحدثٍ اول ذلك المؤتمر حيث كان عن قضية اللاجئين فى أفريقيا
وتكريم بعض الأفارقة الذين نالوا شهادات علمية عالية من المؤسسات التعلمية الأمريكية وقتها.
هل كنت تسكن مع الإخوان صلاح جحا والمرحوم نبيل شتيوى فى Rever؟؟؟
ورجوعا لموضوع الاخ سيف

Quote: مع تعاطفى التام معك, الا انى لااجد ان هناك اى تجاوز تم من رجال الامن فى تحقيقهم معك, ولايوجد اى اشاره فى روايتك لتعديهم على حقوقك المدنيه.

أخونا سيف لا اعتقد انه يعترض على تعامل الشرطة
ولكن الاعتراض انه تم اختياره لانه مسلم وخاصة ان آخر نقلية له كانت من المسجد لمنزله وقد استغربت السواقة تصويره للطبيعة فى الطريق وهى تعلم انها أخذته من المسجد ولم يستعمل الاخ سيف الترحيل حتى أتاه المحققون فى المنزل
كان الامر سيكون عادياً إذا لم يكن سيف من مستعملى خدماتها وهو معروف لديهم
فإذا افترضنا ان سيف كان يتجول لوحده فى الشارع ويلتقط صور وقام شخص ليس له علاقة بسيف ولا يعرفه قام بفتح بلاغ كان سيكون الامر عادياً
ولكن الامر هنا مختلف لان سيف تم فتح بلاغ فيه لانه مسلم والدليل انه كان قادماً من المسجد والسواقين يعرفونه جيداً ويعرفون انه يمارس هذه الهواية منذ ان التحق معهم
فقد استغلت هذه المشتكية خصوصية العلاقة بين سيف وشركته الناقلة ومعلوماته الشخصية والتى لن تكون متاح لها لولا كونه عميل مسجل فى شركتهم الناقلة
بمعنى ان سيف لو لم يكن معوقاً وكان يقود سيارته الخاصة ويقوم بالتصوير ما كان ح يجيه بلاغ
إذاً هناك تعدٍ لحوجة سيف لهم لانه معاق
يعنى لولا الاعاقة ولولا انه مسلم تم أخذه من المسجد لَمَـَا تم فتح بلاغ ضده، هذا يعتبر غدر لعميل دائم معهم معروف

Quote: بدون ان يتعرض لنا اى شخص.

ولان بوسطن هى كذلك فالذى حدث للأخ سيف يتعارض وهذا الكوت
فلابد للأخ سيف ان أراد ان ان يفتح بلاغاً لان الذى حدث من هذه الموظفة لا يشبه بوسطن

Quote: ويمكنك ايضا التشاور مع فرع Amnesty International, Boston Institute, منظمة Pair اذا كنت تعتقد ان هناك انتهاك تم لحقوقك المدنيه.

لا اعتقد ان الاخ سيف يحتاج لكل هذا للتشاور
فهذا إحساس يحسه هو
فالألم يحسه صاحبه
والجمرة بتحرق الــواطيها
وليس هناك اشكالية فيمكنه ان يفتح بلاغاً وهو ما خسران شيئ حتى دون حوجة لمحامى والقضاء هو الذى سيحدد إن كان هناك ضرر وقع وان كان يحتاج لمواصلة القضية حينها سيأتيه المحامون سعياً
وشكراً

يا محمد النيل، إنت وكت شايف أمريكا دي فيها إنتهاك لحقوقك كمسلم اللي مقعدك فيها شنو؟! في زول جبرك؟!
ما تمشي السعودية أو إيران وتريح بالك، موش في آية قرآنية بتقول: ألم تكن أرض الله واسعة؟!

اخى النيل

سلامات
اعرف صلاح جحا, اظن انه كان يسكن فى ريفيرا مع معتصم الفحل, وسيد من النيل الابيض لكننى لم اسكن معهم.
اذكر اننى قابلتـك فى مطلع التسعينات, بل انك حضرت لتقديم العزاء لى فى

وفاة والدى فى 101 Calumut St, فى May 91 وكان يسكن معى أنذاك المرحوم محمد عثمان

محمد صالح من كوستى والذى كانت تربطه صلات مع شلتك من اولاد العزوزاب انذاك.

اعتقد ان الجهة المنظمه لذلك اللقاء والاحتفال كانت جمعيه ارتريه واخرى للتقراى وتظاهرنا خارج اللقاء نحن بعض اعضاء التجمع الوطنى الديمقراطى فى بوسطن ومناصريننا من اميركان ولبنانيين فى مطلع 91 ضد حضور السفير السودانى منددين بدعوة سفير نظام الكيزان فى السودان الذين كانوا يمارسون فى حرب قذرة فى الجنوب وجبال النوبة ويعذبون المناهضين لحكمهم العسكرى فى بيوت الاشباح مما اجبر الالاف من السودانيين على النزوح الجماعى واللجؤ السياسى للعديد من الدول. دعوة
عبدالله احمد عبدالله عبرت فى ذاتها على تناقض القول والافعال للجهة المنظمة
للاجتماع والاحتفال.

هل كنت انت الفنان السودانى الذى شارك فى ذلك الاحتفال?

Quote: فهذا إحساس يحسه هو فالألم يحسه صاحبه والجمرة بتحرق الــواطيها وليس هناك اشكالية فيمكنه ان يفتح بلاغاً وهو ما خسران شيئ حتى دون حوجة لمحامى والقضاء هو الذى سيحدد إن كان هناك ضرر وقع وان كان يحتاج لمواصلة القضية حينها سيأتيه المحامون سعياً

لااتفق معك فى ملاحظتك اعلاها, فى بوسطن مدينة العلم والحريات توجد العديد
من المنظمات والجمعيات المناهضه للتمييز الدينى, والاثنى, والعرقى
والتى تقف وتساعد من تعتقد ان حقوقهم المدنيه انتهكت. اخونا سيف يحتاج
لاستشارة منظمة من هذه المنظمات.
مع ودى

Quote: يا محمد النيل، إنت وكت شايف أمريكا دي فيها إنتهاك لحقوقك كمسلم اللي مقعدك فيها شنو؟! في زول جبرك؟! ما تمشي السعودية أو إيران وتريح بالك، موش في آية قرآنية بتقول: ألم تكن أرض الله واسعة؟!

الاخ النذير حجازى
سلام
ردك هذا ظاهر عليه جداً انك شايلك الحنق والغيظ وبتكتب.
ما عارف ليه
لكن المدهش او الشيئ اللى مستغرب ليه إنه دى ما بتشبه كتاباتك
ولا اعتقد انك امريكى اكثر منى
تعرف انا بدافع عن شنو؟؟؟
انا بدافع عن بوسطن
وليس سيف بعينه
بدافع عن المدينة التى عشت فيها ربع قرن من الزمان اكثر من نصف عمرى واعرفها جيداً.
حنى قبل ان يأتى حكام الظلم فى السودان.
كثيرون هم من سكان بوسطن الأصليين الذين غضبوا لسيف اليزل وقالوا له لقد تم تنميطك لأنك مسلم فكثيرون هم أمثالك من هواة التصوير لم يتم اتهامهم
فهل كل هؤلاء يجب عليهم مغادرة امريكا
هل أغادر بلدى؟
هل تحقيق الحق والدفاع عن هوية بوسطن مسطرة الحرية فى امريكا جريمة يعاقب عليها بالنفى؟؟
ماذا تركتَ لحكام الجبروت والظلم فى بلاد الظلم؟
ويبقى سؤالى هل انت فعلاً النذير حجازى الذى اعرف؟
I doubt!

سلام يا محمد النيل، والله يا محمد لمن كتبت لا زعلان ولا حاجة إنت أظنك حساس شوية هاهاه
يا محمد النيل إنت دائماً بتكتب بأنك بتكره العلمانية والعلمانيين وبوستك الآخر شاهد على ذلك،
ولذا أتاني هذا السؤال وعشعش في دماغي عندما أقرأ لأي شخص يدعو للدولة الدينية ويعيش في
دولة علمانية، مثلاً يا محمد أنا علماني وبفتخر بذلك وبتمنى أي زول يكون علماني ويتخلص من
استعباد العباد للبشر باسم الدين، يعني لو أنا عايش في السعودية بي علمانيتي دي وزول قال لي
إنت اللي مقعدك في السعودية دي شنو إنت علماني ما تطلع منها وتشوف ليك بلد تانية، والله
ما بزعل منو لأنو كلامو منطقي. وبعدين يا محمد النيل العلمانيين ما بسجدوا لتمثال الحرية أو
خلافه، العلمانيين السودانيين أتوا لأمريكا هروباً من الدولة الدينية لأنها تهدد حياتهم للخطر، ولذا
دائماً أربط ما بين الدول الغربية والدول الدينية مثل السعودية أو إيران عندما يتحدث الناس عن
الحقوق المدنية، يعني ما في شيء شخصي يا محمد، وبصراحة بشوف الناس اللي بتدعو للدولة
الدينية هم أنفسهم لن يطيقوها عند تطبيقها وهي اسعباد للبشر، وأستغرب عندما يتحدثون عن الحقوق
المدنية وهم يدعون لاستعباد البشر باسم الدين، يعني الموضوع ليس كما فهمت،
بأنني أريد أن أكون ملكياً أكثر من الملك، فهو مواصلة للصراع بين الدولة الدينية والعلمانية
في هذا البورد وأكرر لا شيء شخصي.

تحياتي وتقبل إعتذاري

ايوا خليك واضح كدا ياالنذير
مافى داعى لمداخلتك الأولى
وعذرك مقبول مافى شك
لكن يبقى سؤالى
هل لو كنتُ علمانياً هل يعنى هذا ألا اذهب الى المسجد؟؟
ياخى انا علمانى وبمشى المسجد ليه لما اطلع من المسجد يتهمونى؟؟؟
انا اعرف كثيرون هم علمانيين ويذهبون للكنيسة
يا النذير فهمك للعلمانية ذاتو فيه مشكلة
العلمانية هى فصل الدين عن الدولة
وليس إقصاء الدين عن الوطن
العلمانية اعتراف بالدين وليس محاربةً للدين.
عشان كدا فى بوسطن عمدة المدينة افتتح لينا المسجد
عشان كدا حاكم الولاية بيزورنا فى المسجد عشان ندعمو فى سياساته
عشان كدا الدولة بتعفى مسجدنا من الضرائب اللى هى أموال الدولة التى هى نفس الدولة التى تفصل عنها الدين
فصل الدين عن الدولة لا يعنى انتهاك حقوق المسلم سيف اليزل
اى بمعنى كان عجبو عجبو كان ما عجبو يمشى لأفغانستان او مكة!
هذا فهم لا يدعيه العلمانيون الحقيقيون..
وانا عندما فتحت بوست حتى ولو سجدوا لتمثال الحرية لان الاخ سيف تعرض لتهكمات فى البوست تبعه وهناك من لمح له ولسان حاله يقول له: لو انت كنت علمانى زينا ما كان جاتك عوجة
وانت اللى بيوديك الجامع شنو؟؟
هسع لو كنت بتمشى الديسكو معانا ما كان جاك الهوا..
.....
وانا أكدت لهم أنهم مهما كانوا علمانيين او اظهروا بعدهم عن الاسلام لن ينجوا من أمثال التى فتحت بلاغ فى سيف مهما يظهروا امريكيتهم حتى لو سجدوا لتمثال الحرية كرمز لمعنى كلامى طالما كانوا يحملون أسماء او هوة اسلامية..
يعنى ممكن الاتهام يجيك وانت فى اى وضع.
ممن؟؟؟؟
هل من كل الشعب الامريكى؟؟؟؟
لا بل من شريحة معينة حاقدة على الأجانب والأقليات بجميع أشكالها
هؤلاء قلة فى بوسطن لكن بوسطن تستاهل ان ندافع عنها منهم بفتح البلاغات والاحتجاجات.
انا كتاباتى هذه الأيام ليس ضد العلمانية ( نيوت قينقرش نفسه ينتقد العلمانية راجع خطبه فى الانتخابات السابقة)
ولكنى اكتب ضد من يفهمون العلمانية خطأً
وضد من يمنعنا من الدفاع عن القيم البوسطنية الحرة
ولتعلم اخى النذير ان العلمانيون هنا يذهبون للكنائس والمعابد عااااادى.
وأتمنى من إخوتنا المقلدون للعلمانية ان يذهبوا هم ايضاً لمساجدهم عااااادى دون خوف.
وكلمة أخيرة
انا لا اكره العلمانيين كما ذكرت
وهذه تهمة لا أقبلها
فرق بين ان اكتب ضد العلمانية ولا اعتقدها
وبين ان اكره العلمانيين
وحبيبنا خالد كودى يشهد على ذلك
ومثل آخر
موتى مسلم وليس مسيحى لا يعنى انى اكره المسيحيين
كبر فهمك شوية عليك الله يا اخوى النذير
تحياتى

تصحيح للجملة الأخيرة فى البوست
كونى مسلم وليس مسيحى لا يعنى انى اكره المسيحيين
وشكرا

سلام يا محمد النيل، وجميل جداً إنو الناس تكون واضحة، يا محمد النيل إنت من أشد الناس هنا مناهضة للعلمانية،
وأنا يا محمد ما عرفت أبداً العلمانية، بل عرفت بغضي للدولة الدينية التي تنتهك حقوق الإنسان وياريت تعرف لينا الدولة
الدينية وخذ السعودية كمثال.

وبعدين يا محمد العلمانيون السودانيون فيهم من يعبد الله وفيهم من يتكاسل وفيهم بعيد عن الدين وفيهم ما دون ذلك،
ولكنهم يتفقون في مناهضة الدولة الدينية، يعني القصة ما قصة نفاق، في علمانيين ما عندهم قضية مع الدين إطلاقاً،
اللي بخليهم يدخلوا المسجد شنو؟! يعني لا يتوددون لأحد بالعكس ممتنين لماما أمريكا لأنها حمتهم من الدولة الدينية البغيضة،
التي كانت ستقطع روؤسهم بلا شفقة ولا رحمة، عليك الله ما ليهم حق يسجدوا لتمثال الحرية؟!.

وبالمناسبة يا محمد النيل بتفق معاك في سودانيين علمانيين لقد إتهموا بالإرهاب وحُوكموا على ذلك وعدم النظر لعمانيتهم،
لتدخلهم في أمور لا تخصهم، وبعدين يا محمد إنت في بوستك داك وهسى ما واضح ما قلت العلمانيين في البوست اللي
قاصدهم ديل منو؟ ياريت تقول فلان وفلان علشان يوضحوا وجهة نظرهم.

تحياتي وسعيد لأعرف أنك غير متشدد دينياً

اعزائي الأفاضل..
اقرأوا الخبرين ديل وبعدين انصحوا زميلنا سيف اليزل عشان يقوم بتفعيل حسهالأمني:

- الخبر الأول نشر في جريدة ديلي نيوز" الصادرة يوم الخميس 17 مايو 2013م .. ونص الخبر بيقول " ان شرطة نيويورك القت القبض على 16 عربي مسلم بعد مراقبتهم مراقبة دقيقة لمدة عام كامل وهم يشترون السجاير من ولاية فرجينيا ويبيعونها في مدينة نيويورك لأن فرق السعر كبير جدا.. وقالت الشرطة ان هؤلاء اشتروا في خلال 17 شهر سجاير بمبلغ 55 مليون دولار وربحوا من هذه الصفقات مبلغ 22 مليون دولار ( ربح صافي) .. وان رجال المباحث لم يجدوا في حساباتهم في البنوك ومبالغ نقدية في سكنهم غير 7 مليون... وقالت تقارير الشرطة ان المراقبة الدقيقة لهؤلاء اثبتت ان لدى بعضهم روابط مع منظمات ارهابية .. وان التحقيقات تتجه الآن إلى ان اين ذهب بقية المبلغ وهو 15 مليون دولار .. وطبعا الظنون اتجهت بأنهم حولوها لمنظمات ارهابية، وخاصة ان احدهم كان له علاقة بقضية عمر عبد الرحمن المسجون منذ عام 1993م في قضية تفجيرات مركز التجاري العالمي.. والأفراد الـ16 المتهمين صورهم منشورة في الجريدة وباسمائهم الكاملة.. والخبر منشور قي صفحتين كاملتين ،، و3 منهم مجنزرين السلاسل....والخبر طويل...وممكن ترجعوا للجريدة..صفحة 4 و5..

وهذا الخبر يؤكد لنا ان الشرطة عندما تبدأ في مراقبة المشتبهين بتراقبهم لمدة طويلة جدا حتى تقبض عليهم متلبسين.. واكيد في بعض من هؤلاء ابرياء وما عندهم علاقة باية ارهاب او منظمات ارهابية ولكن مجرد معرفتهم للشبكة وتصويرهم مع بعض وتسجيل ونساتهم جعلتهم متهمين ولغاية ما يثبتوا براءتهم .. حلك...والعام الماضي قبضوا على اثنين كانوا مراقبنهم لمدة 3 سنوات...)

- الخبر الثاني منشور في جريدة اليوم واسم الجريدة AM NEW YORK وبيوزعوها في محطات القطار السريع من كونتيكت إلى نيويورك مجانا( وطبعا سمعتوا ان احدى هذه القطارات عملت حادث وانجرح فيها 72 شخص)..
والخبر بيقول بالنص الصريح:"
Smile: Your every move is being recorded"
You ever get the feeling that you are being watched? because you are>>
if you are outside your home and in public area , chances are there is cameras pointed at you< watching you window shopping and pick your nose>>

وانا ما عاوزة اكتب الخبر كله.. لكن ملخص الخبر ان مدينة نيويورك كلها اصبحت كاميرات .. والمباني والمحلات التجارية كلها عندها كاميرات ومربوطة مباشرة مع اقسام الشرطة وتسجل كل كبيرة او صغيرة في الشوارع ,, اضافة طبعا لكاميرات الشرطة الموزعة في جميع الشوارع وترصد اي تحركات...مشبوهة او غير مشبوهة..
وطبعا مدينة العلم والنور " بوسطون: وبعد الحادثة الأخيرة دي حيعملوا فيها نفس الشئ العملوه في نيويورك... ,,
وبعدين يا جماعة الخير " السواقة بتاعة الشركة البلغت على سيف اليزل ما عملت حاجة غير انها نفذت تعليمات الشرطة والبنسمعها كل يوم في القطارات والبصات : if you see something say something and do not keep it to yourself

واذا اشتكاها سيف اليزل.. ناس البوليس حيدوها جائزة لأنها حريصة على حياة مواطنيها .. وبلغت عن شئ هي شافتوه مشبوه...

وعشان كده يا سيف اليزل .. وعلى الرغم من انك بتحب بوسطون وعندك هواية التصوير .. لكن حسك الأمني لازم يكون عالي.. وفي النهاية انت برئ من كل تهمة .. لكن عشان البوليس يقتنع تماما ويطلعك من قائمة الـ database دي عاوزة وقت شوية.." والله يجازي الكان السبب""
والله يديكم العافية

الأخت أميرة سلام كثير وتحية عطرة

وشكرا لمجهوداتك ومداخلاتك الثرة معنا في هذا البوست والتي كانت سببا في إضفاء نكهة مختلفة له وكلنا مصابون وكلنا معرضون لهكذا مواقف طالما نحن minority أقلية وطالما نحن مسلمون لا يتجاوز تعدادنا العشرة مليون مسلم ..في بلد قد يكون عدد سكانها الان قراب ال370 مليون نسمة وماشيين زايدين كل يوم...
لا أريد أن أقول لك إنها صرخة في وادي الصمت لأن ذلك قد يجعلني أبدو متشائما لكنها صرخة ستتبعها صرخات إلي أن يتحسن الوضع بإذن الله ...فنحن موصمون بأشياء ما كويسة من أجل جرائم إرتكبها أفراد..لحبي لأميركا ولبوسطون خاصة كنت أنشر كل الجمال والطبيعة وأقرنها بمعلومات أحيانا لكي يري العالم الوجه الاخر لأميركا ..الوجه المشرق الغائب في الزحام..أميركا بلد سياحية من الطراز الأول وتجتاج للعالم مثلما يحتاج العالم لها..
ربما هو سوء حظ أن من صادفت لا يفهم شئ عن هذا وساء ظنه في...وإن شاء الله سأسجل إحتجاجي هذا في شكوي مكتوبة لدي الكورت في القريب العاجل ..فدعواتكم أحتاجها ونصحكم أيضا.
ولك خالص شكري وتقديري

سيف -ود بوسطون

الاخ النذير
تانى كمان سلام وتحايا
معقولة يا خوى بعد كتاباتى السنين دى كللللللللها يا دااااااب تعرف انى ما دينى متشدد
هل تعلم انى كنت من مناصرى الاخ ياسر عرمان فى الانتخابات؟؟
هل تعلم ان مقولتى كانت انه خير لنا دولة علمانية موحدة على دولتين منفصلتين شمالها يطبق مثال فاشل للاسلام والأخرى فى الجنوب دولة ناشئة محاصرة وسط القارة ليس لها منافذ؟؟؟؟
هل تعلم اننى اتبنى الدفاع عن الفن والموسيقى وأبعاد تهمة الحرمة عنه كما يفعل المغالون المتشددون
هل تعلم انى من أنصار التعدد الحزبي حتى وان كان فيه أحزاب علمانية والغلبة للاكثرية مع مراعاة حقوق الأقلية؟؟؟
وهل تعلم ان الذين ناقشتهم فى العلمانية لم يتهمونى بالتشدد؟؟؟
هل وهل وهل
اسأل عنى السمنارات الحقوقية التى شاركت فيها موسيقيا
وأدعوك لحضور المؤتمر الذى سيقام بولايتنا
عن المرأة الجنوبية والشمالية تحت رعاية الاخت الدكتورة ندى على حرم السيد خالد كودى والتى ساشارك فيه موسيقياً
وهل وهل و و و و. و.
اما بخصوص الأشخاص لن اذكرهم جارف واعرف براك
ليس هنا فقط
فى الفيسبوك تبع حساب الاخ سيف برضو تجدهم

Quote: ابحث عن صديقى النقيب شرطه"م" محمد احمد عوض الكريم من ابناء منطقة ابوقوته وقريب كل من بشير و صلاح الزين. فهل يمكن ان تربطنى به او باقاربه?

الأخ المعز أبونورة معذرة للتأخر في الرد
بعد إستشارة قدامي المحاربين هنا علمت منهم أن محمد أحمد قد ذهب لكندا وما زلت في محاولات لاحضار رقمه والذي سأرسله لك في الخاص بإذن الله
أما البقية فقد غادروا لنيوجيرسي وسأحاول أيضا إحضار أرقامهم و إرسالها لك.
ودمت بخير
سيف

الأخ العزيز محمد جاد كريم:
شكرا عميقا علي تفاعلك الحميم معنا..وعندما نشرت الموضوع هنا كنت واثق من أنه سيلقي ذلك التفاعل من إخوة لي مثلكم...
منذ بداية الأحداث وأنا أواصل الإتصال بأصدقائي في بوسطون للإطمئنان عليهم وكنت قلقا بشأنهم لأنني عايش في الريف الشمالي لبوسطون حيث الهدوء والسكينة والطمأنينة ولم يكن يدور بخاطري ما حدث لي لكنه مكتوب ومقدر..بوسطون تبعد عن بيفرلي المدينة الصغيرة التي أعيش فيها مسافة 25 ميلا تقريبا...أتجول في تلكم المدن الصغيرة الهادئة بإطمئنان وسط شوارعها الصغيرة وأناسها الطيبون وبقيت ود الحلة كده..7 سنوات هنا الناس تعرفني وأعرفهم..لذلك صدمت فيما حدث لأنني أعتبر نفسي جزء من أسرة الرايد بالتقادم ..ونسات وعشرة عبر سنوات سبع ..أعرفهم ويعرفونني جيدا..والتصوير ما من الليلة ولا أمبارح بس في الربيع الزول بتقل المحلبية شوية إذ تخضر الأرض بعد طول بياض...
أما عن حكاية أنا شايت وين فأنا إنسان معتدل ووسطي ...من أحد عيوبي إدماني لهذا المنبر..
أما بخصوص المكتب بتاع اللوتري فأحول مساعدة من يديرونه من إخوتي في السودان وانت براك عارف الظروف هناك كلو بشتغل عشان يطلع مصاريفو..وبطبع السودانيين ده بقدم ل ده تتراكم صورة قديمة ما معروف وصلت للمكتب كيف فتبدأ رحلة البحث عن صاحبها كل عام.
لكني حقيقي أنا بحب التصوير لكن اليومين ديل قلنا نهدي اللعب شوية مع انو الجو ربيعي مبالغة والزهور في أوجها..لكن الله غالب
لك خالص ودي لتداخلك القيم
اخوك:سيف

العزيز سيف اليزل، معليش عليك الله أعذرني إذا كانت مداخلاتي خارج موضوع البوست وبخصوص بوست الفنان محمد النيل الآخر،
ولأن للبوستين علاقة بي بعض حبيت أنو الناس تناقش الموضوعين في هذا البوست لفائدتنا كلنا، وشكراً جزيلاً لأميرة
السيد بالجد مداخلتك مفيدة شديد وأنا ما عارف أختي سمارت أنا وصديقي الدكتور سيف النصر محي الدين شايفنك ما ناقشة
حاجة في أمريكا والله ماليهم حق أبداً أبداً وإتلوموا معاك.

الفنان محمد النيل،
تعرف يا محمد أنا ما بقرأ كل ما يُكتب علشان كدا ما عارفك فنان والله، لكن يا أستاذ محمد والله إتلومت، ليه بتغني
للكيزان سنة 1991 ؟! هل أنت مؤتمر شعبي؟! ونرجو الرد على سؤال البروف المعز أبو نورا أدناه:

Quote: اعتقد ان الجهة المنظمه لذلك اللقاء والاحتفال كانت جمعيه ارتريه واخرى للتقراى وتظاهرنا خارج اللقاء نحن بعض اعضاء التجمع الوطنى الديمقراطى فى بوسطن ومناصريننا من اميركان ولبنانيين فى مطلع 91 ضد حضور السفير السودانى منددين بدعوة سفير نظام الكيزان فى السودان الذين كانوا يمارسون فى حرب قذرة فى الجنوب وجبال النوبة ويعذبون المناهضين لحكمهم العسكرى فى بيوت الاشباح مما اجبر الالاف من السودانيين على النزوح الجماعى واللجؤ السياسى للعديد من الدول. دعوة عبدالله احمد عبدالله عبرت فى ذاتها على تناقض القول والافعال للجهة المنظمة للاجتماع والاحتفال. هل كنت انت الفنان السودانى الذى شارك فى ذلك الاحتفال?[/QUOTE]

---

Post: #95 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: مصعب محمد عثمان Date: 05-21-2013, 09:51 AM Parent: #93 كن حذراً وما تستبعد إنو الجماعة يكونو متابعين البوست دا بعد الترجمة . ما جايبين خبر - نشيل ونستأذن وننشر في صفحاتنا من صورك - يعني نحنا ذاتنا صفحتنا بقت قاعدة في السهلة . على العموم - كمية المداخلات الإتكتبت في الأربعة صفحات فيها الحلول . سلامتك يا سيف

---

Post: #96 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: اميرة السيد Date: 05-21-2013, 01:01 PM Parent: #95 عزيزي النذير حجازي والله يا النذير كان جيت للصراحة نحن لسع ما شفنا في امريكا دي اي حاجة.. في اجازة من الاجازات القصيرة سافرت لكلفورنيا في زيارة لأهل ووجدت العجب العجاب .. وجدت اننا لسع ما جينا امريكا.. لقينا بلد مختلفة خالص,, وعرفنا ان الساحل الشرقي للولايات المتحدة ساحل متخلف .. وان الحضارة والأبهة بهناك في الساحل الغربي... والله يديك العافية يا رائع.. عزيزي مصعب تأكد ان اي موقع الكتروني في العالم كله بيخص العالم العربي تحت المراقبة الدقيقة من قبل السي اي ايه.. وهم بيقرأوا اللغة العربية احسن مننا ، بالاضافة إلى المترجمين وهم بالآلآف ..يعني ما تستغرب كان جوك ناس زائرين وشايلين معاهم قصاصات من اوراق كتبتها انت في سودانيز اون لاين... والله يديك العافية

---

Post: #97 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: محمد النيل Date: 05-21-2013, 03:55 PM Parent: #96 Quote: تعرف يا محمد أنا ما بقرأ كل ما يُكتب علشان كدا ما عارفك فنان والله، لكن يا أستاذ محمد والله إتلومت، ليه بتغني للكيزان سنة 1991 ؟! هل أنت مؤتمر شعبي؟! ونرجو الرد على سؤال البروف المعز أبو نورا أدناه: سؤالك جميل يالنذير حجازى ويمكن الاجابة توضح ليك اكتر من هو محمد النيل اولا ان فى بوسطن من قبل عصابة الانقاذ تعتدى على السلطة الشرعية الديمقراطية فى السودان ولو كنت متابع كتاباتى من قبل ذكرت انه انا الذى حرك مظاهرات الفرح العارمة من محطة سبعة فى الصحافة حين انهزم الترابى لصالح المحامى حسن شبو فى تلك الدائرة فى العهد الديمقراطى الاخير كدا انتهينا من حكاية المؤتمر الشعبى بل فقد ساهمتُ موسيقياً بإدارة فرقة شباب دار الحزب الشيوعى ايام نشيد الدقن الشيطانية لو تذكر ليس لانى شيوعى ولكن دعما للحراك الديمقراطى وساعدتُ شباب البعث وساعدت فى الانتخابات تجمع كل شباب الاحزاب بدعم مرشح الحزب الاتحادى لمحاولة اسقاط مرشح الجبهة فى دائرتنا اما المؤتمر الذى غنيت فيه فى بوسطن عام 91 لم يكن مؤتمراً نظمته حكومة السودان بل هو مؤتمر نظمه الاثيوبيين من خلال منظماتهم التى نتعامل معها قبل انقلاب البشير ومن ضمن المدعوين اعضاء فى الكونغرس وقيادات من الولاية والمدينة وضيوف من البلاك اورقنايزيشن و السفير السودانى دعوه بصفة ان السودان اكتر دولة فيه لاجئين افارقة وانا كنت من ضمن المدعوين بصفتى عضواً فى الكميونتى السودانى وعلاقتى بالموسيقى وانا غنيت بمصاحبة فرقة اثيوبية اغنية لوردى يحبها الاثيوبيون وكان من ضمن الموجودين من ليس هم مع الحكومة السودانية وفيهم من زملاء الاخوة الذين ذكرهم الاخ المعز ونحن وقتها اصلا كنا من ضمن الذين نددوا بالانقلاب على النظام الديمقراطى فى السودان بل وحصل تجمع مع السفير السودانى وقتها ومن اسئلتنا له لماذا دعمت العسكريين فى السودان؟ واجابته كانت اجابة فطيرة وكونى اتجاهى مودرِت اسلامى لا يعنى اننى مع الكيزان وراجع مكاتباتى كلها فى سودانيزونلاين لو سنحت لك الفرصة. وسؤال الاخ المعز ابو نورا لم يكن فى شكل احتجاج لانى غنيت بل هى محاولة اجترار الذاكرة عن تلك الفترة فمثلما انا حاولت اذكره انه كان ساكن مع ناس فلان ليس احتجاجاً لسكنه مع ناس فلان وانما من باب التذكر وشكراً على السؤال

---

Post: #98 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: اميرة السيد Date: 05-21-2013, 05:21 PM Parent: #97 عزيزي محمد النيل والله ردك للنذير رد مفحم وكافي وشافي .. واذا النذير ما اقتنع بالمنطق ده كله .. نحن اقتنعنا... ووالله مساهماتك من اجل الوطن الغالي لا يستهان بها.. وبعدين ياخي ضيعت لي ساعة كاملة من وقتي وانا بتفرج الشكلة بين الكديسة والشافع ده.. الله يجازي شيطان عقلك.. لكن عافيت من الكديسة .. انتقمت لنفسها انتقام صاح.. وبرضه الله يديك العافية... شفت يا محمد اننا بنفرح لأي حاجات تخرجنا من هموم الغربة وآلامها كيف...؟؟؟... وساعة بنتفرج في الشكلة دي.. والله يديك العافية والصحة

---

Post: #99 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: النذير حجازي Date: 05-21-2013, 05:33 PM Parent: #98 سلام يا محمد النيل وأميرة، يا أميرة القصة ما قصة إفحام القصة قصة إني ما بعرف محمد النيل وهسى عرفتو بالجد إتكيفت منو، وشكراً يا بوحميد على سعة الصدر. بس يا أميرة كنت بقرأ لمحمد النيل بوستاتو المناهضة للعلمانية، وبنيت عليهو رأيي، لكن شكلك كدا يا محمد يا أما ما عارف العلمانية دي شنو أو ما عارف سوء الدولة الدينية شنو؟! وإن شاء الله نتلاقي في رحاب بوست آخر عن العلمانية ونتناقش أكتر. تقبل تحياتي وتقديري

---

Post: #100 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: اميرة السيد Date: 05-21-2013, 05:46 PM Parent: #99 عزيزي النذير حجازي ايه رأيك نفتح بوست جديد عن الدولة العلمانية والدولة الدينية ، او على الأصح الدولة التي تستند إلى التشريعات الدينية ، والدولة التي تستغل الدين لتحقيق المآرب الدنيوية.. ونعرف الفرق بين التعريف المصطلحى للعلمانية والليبرالية والدينية ونعرف مساوئ ومحاسن كل جانب. ونزيد ثقافتنا شوية في عالم السياسة الدولية.... واذا انت موافق .. فمن هسع نعزم استاذنا تبارك يجي يشارك معانا والله يديك العافية

---

Post: #101 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: النذير حجازي Date: 05-21-2013, 06:01 PM Parent: #100 العزيزة أميرة، قو أهيد طواااااااااااااااااالي وأفتحي البوست وزي ما قلتي نعزم تبارك وعيدروس ومحمد النيل، على الرغم من أني ما شايف جدوى من مناقشة الدولة الدينية لأنها تقتل المفكرين وتذل الشعوب باسم الدين، وأنا شخصياً أمريكا والدول الغربية مهاجر ليهم لطلب الأمان في النظام العلماني الذي يحفظ الحقوق ويساوي بين الجميع دون وصاية ومتمني أقضي باقي عمري وحياتي في أمريكا وأربي بناتي في ظل نظام علماني بعيداً عن العقد وإضطهاد المرأة في الأنظمة الدينية.

---

Post: #102 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: اميرة السيد Date: 05-21-2013, 07:28 PM Parent: #101 Quote: ]ما شايف جدوى من مناقشة الدولة الدينية لأنها تقتل المفكرين وتذل الشعوب باسم الدين >>>>>>>>>>>>>>>>>>>>>>>>>> عزيزي النذير اها من هسع داير تبقى دكتاتور وتقول ما في داعي لمناقشة الدولة الدينية .. لازم تكون عندك روح ديمقراطية وتتقبل الرأي الآخر بدون عصبية.. وان شاء الله سنفتح بوست يوم الخميس بعنوان:" ما هو النظام الأفضل لشعوب العالم: العلمانية ام الدينية: مثالب وايجابيات كل جانب":" وخليك قريب والله يديك العافية تخريمة: متأسفين يا سيف اليزل قلبنا البوست سياسة.. لكن وعد يوم الخميس عندنا بوست جديد عن العلمانية والأسس الدينية.. وانت معزوم معانا بهناك.. والله يديك العافية

---

Post: #103 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: سيف اليزل برعي البدوي Date: 05-21-2013, 09:24 PM Parent: #102 Quote: متأسفين يا سيف اليزل قلبنا البوست سياسة.. لكن وعد يوم الخميس عندنا بوست جديد عن العلمانية والأسس الدينية.. وانت معزوم معانا بهناك.. والله يديك العافية متعك الله بالصحة والعافية أختنا أميرة وشكرا علي مساهماتك الثرة معنا في هذا البوست الذي أصبح ممتعا بكم وقبلت العزومة للبوست الجديد وحاجهز العدة باذن الله لك خالص الود سيف

---

Post: #104 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: محمد النيل Date: 05-21-2013, 11:37 PM Parent: #103 الاخوان اميرة والنذير والله انتوا ناس حلوين وشكراً ليك يا اخت اميرة على الدعم اللوجستى وشكراً ليك اخ النذير للتفهم وما عندى مانع تااااااانى نتحدث عن موضوع العلمانية وما يسمى بالدولة الدينية وبالمنابة مافى اى حاجة اسمها دولة دينية فى طرحى وانا ضد هذه التسمية وليس فى اطروحاتى بل هناك دولة العدالة والديمقراطية وهى التى نبحث عنها وهناك دول نظمها علمانية وليس فيها عدل ولا ديمقراطية وهناك دول تعتقد ان لها نظام اسلامى نفس الشيئ ليس فيها لا عدل ولا ديمقراطية فعليه يجب علينا ان نعرف الديمقراطية كأداة وليس كمعتقد بعيداً عن الايدلوجيات علمانية كانت او اسلامية. هذا سيكون محور حديثى فى البوست الذى ستفتتحونه فى الايام القادمة ولا اود ان اسبق الاحداث فلنا لقاء مع نقاش الطرح العلمانى وغيره وليكن معلوماً لديكم انا لا اعادى اواعمل على اقصاء صاحب الفكر العلمانى او غيره لمجرد اختلافى معه فمن حق اى فرد او حزب طرح فكره فى فضاء المجتمع الذى يعيش فيه وبل من حقه ان يتبنى افكاره فى برامجه الانتخابية بكل حرية دون مضايقة ومرحب بالتنوع هذا هو فكرى وهذه هى قناعاتى منذ ان بدأت وقبل ان اكتب فى سودانيزاونلاين تحياتى

---

Post: #105 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Ebrahim Hijazi Date: 05-22-2013, 03:19 AM Parent: #104 أهل الدار سلاام وأما بخصوص الدولة العلمانية والدولة التى تقوم قوانينها على الدين، فانى اقترح قبل ان تبدأ المناقشة ان يحدد كل شخص موقفه مع أو ضد ولماذا؟ وان يتم اختيار أشخاص للتداخل فى حاله انحراف الموضوع عن مضمون النقاش. وياريت لو بالإمكان اداخل تصويت لتحديد رأى الأغلبية هل مع نظام علمانى أم نظام يحتكم لشرع الله. ونحن قاطعين تذكرة من الان .... حتى نصل لبر الأمان .

---

Post: #106 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: محمد النيل Date: 05-22-2013, 10:49 AM Parent: #105 Quote: ونحن قاطعين تذكرة من الان ... ابراهيم حجازى، حاجز تذكرتو من هسة سلام يا استاذ اقتراحك جميل اتمنى بوست بنفس املك ان لا يخرج من مساره عايزين حكام محايدين من اوربا هههههههههههها

---

Post: #107 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: إحسان عبد العزيز Date: 05-22-2013, 11:18 AM Parent: #106 الاخ سيف اولاً احييك واعلن تضامنى الكامل معك، حفظك الله.. ما حدث لك يعد طبيعياً فى دولة عانت من ارهاب الاسلاميين كثيراً، ارهاب من الصقوا بديننا الحنيف صوراً نهى عنها قبل غيره.. ولكن بصدقك الذى لمسته فى هذا البوست ونقاؤك وحسن سريرتك سيحميك الله تعالى الذى لا حمى الا به وبعزته وجلاله.. امض فى هوايتك لاننى احسك تماماً فانا من محبى التصوير والمناظر الطبيعية والتوثيق ، امضى بكاميرتك (وقشة ما تعتر ) ان شاء الله فالحق بين والباطل بين فى دول تحترم القانون وحقوق الانسان.. وعلى فكرة.. سعدت بمعرفتك فى هذا البوست وارسلت لك طلب صداقة على الفيسبوك حتى اتمتع بما تنشره من صور أغرتنى بالذهاب اليها مداخلة الاخ طارق جبريل.. حفظك الله وردّ غربتك

---

Post: #108 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: سيف اليزل برعي البدوي Date: 05-22-2013, 05:53 PM Parent: #107 الأخت إحسان شكرا لكلماتك الطيبة والتي إن وضعت في الجرح السكري يبري.. وحماكم الله هنالك وحمي سوداننا من كل شر.. وأنا فخور بصداقتكم والتي أعتبرها من الكنوز.. ومرحبا بك في حائطي في الفيس بووك في أي زمان.. لك خالص ودي سيف

---

Post: #109 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: اميرة السيد Date: 05-23-2013, 02:36 PM Parent: #108 عزيزي سيف اليزل ارجو ان تقوم بقراء المقال الذي كتبه ماسيمو كلابرسي ومايكل كراولي في مجلة TIME الأمريكة الصادرة بتاريخ 13 مايو 2013م من صفحة 22 إلى صفحة 28 وغلاف المجلة به صورة لتمثال الحرية ، حيث يمسك في اليد المرفوعة لأعلى كاميرات ... والمقال مفيد جدا وستعرف كيف تتم مراقبة المشبهوهين وكيف ابتدأت هذه المراقبة وكذلك مراقبة المساجد والمصلين والتغييرات التي احدثها اوباما في ادارة الاف بي اي( مكتب التحقيقات الفدرالية.. والمقال بعنوان" هل نحتاج ان نضحي بخصوصيتنا حتى نعيش في سلام وأمان,,؟؟ وبمعنى آخر هل نضحي بالحرية في سبيل الأمن.. وقد بدأ الكاتبان المقال بخلفية تاريخية عن هاجس الأمن في امريكا منذ عهد الرئيس الأمريكي جورج واشنطن حتى بارام اوباما وأن كل جيل كان يعاني من هذا الهاجس منذ عام 1860م منذ ايان التمرد ضد الحكومة الفدرالية حتى وصل المجتمع إلى التهديدات الارهابية في القرن الحادي و والعشرين.. كما ستجد معلومات في المقا عن دليل عمليات التحقيقات التي يجريها مكتب التحقيقات الفدرالية( المسمى اف بي آي) ، حيث فوض الرئيس اوباما عام 2011م سلطات جديدة لرجال مكتب التحقيقات في ظل تصاعد اعمال الارهاب، حيث بدأ مكتب الاف بي اي ورجاله في مراقبة المشبوهين ، وخاصة المسلمين حتى وصل الأمر إلأى التجسس داخل المساجد.. ولكن بعد تدخل مدافعي حقوق الانسان,, اصبحت مراقبة المساجد ودخولها غير ممكن من دون اذنت مباشر من رئيس المكتب.. وبذلك خفت المراقبة,,, ويستطرد المقال ويقول ان الارهابي تيمرلان ، الذي قام بتفجيرات بوسطون، وخلال تواجده في مسجد في المدينة يوم 18 يناير 2013م ، بينما الامام يخطب ويتحدث عن عظمة مارتن لوثر كينق، قام هذا هائجا في وجه الإمام وصاح في وجهه" انت كافر .. وتريد ان تقوم بغسيل مخ لتفسد اسلامنا...إلا ان المصلين الآخرين اخرجو تيمورلان بالقوة من داخل المسجد .. ويقول المقال بأن رجال مكتب التحقيقات لم يدركوا هذه المعلومة الهامة عن تطرف هذا الرجل إلا بعد ان وقعت التفجيرات وبعد مقتل 3 اشخاص.. ويتساءل كاتب المقال: هل اذا كان هذا المسجد مراقبا من رجال الإف بي آي، كان يمكن تفادي هذه العملية الارهابية ؟؟ المهم المقال طويل لكن حيديك فكرة شاملة عن عمل مكتب التحقيقات الفدرالية.... ولكن المقال يوحي بأن هذه القوانين سوف تتغير وسوف نجد تشدد في مراقبة المسلمين ، وخاصة وان الأخبار جاءت فقط بالأمس ان رجلا معتوها ذبح جندي بريطاني كذبح الشاه في لندن وهو يصيح بأنه ينتقم للمسلمين ... ولذلك فتوقعوا الأسوأ ...( وبرضه عندهم حق حتى ولو قاموا بطردنا جميعا من بلادهم..... لأننا لا نستاهل ان نعيش بينهم بعد ان مرمط بعض المعتوهين الذين يدعون الاسلام سمعتنا كمسلمين.. والله يديك العافية..

---

Post: #110 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: سيف اليزل برعي البدوي Date: 05-25-2013, 00:39 AM Parent: #109 Quote: ياعمك سلا متك وبعد الشر عليك ودبرى عم عبد الرحيم ود بري كيف أخبارك ومشتاقين والله تحياتي لك ولجميع الأسرة وشكرا للمؤازرة

---

Post: #112 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Deng Date: 05-25-2013, 07:47 AM Parent: #110 الأخ سيف اليزل برعي البدوي سلام وتحية. ما زكرته في هذا البوست غير مقنع بالنسبة لي لكي تحضر شرطة بوسطن وتحقق معك لمجرد أنك مسلم وبتقوم بعملية تصوير لبعض المواقع في بوسطن! سؤالي لك هنا هو: هل أنت دخلت في نقاش حول تفجيرات بوسطن والمتهمين بها مع تلك السائقة أم لا؟ أنا بقول لك كلامي ده لأنك في الحقيقة ما كتبته من قبل بعد تلك الأحداث ، كان مزعجا جدا بالنسبة لي وبالنسبة الى معظم القراء. أعتقد الأخ المعز أبو نورة حاول تنبيهك لذلك ولكنك لم تعلق على رده لك.

---

Post: #113 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Deng Date: 05-25-2013, 07:51 AM Parent: #112 تامر منفذ تفجيرات بوسطون ضاع نتيجة للعنصرية وللشمارات أرجو من الأخوة والأخوات مراجعة هذا البوست جيدا لفهم قصدي.

---

Post: #114 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: سيف اليزل برعي البدوي Date: 05-25-2013, 10:24 AM Parent: #113 الأخ دينق شكرا لمرورك ومساهمتك معنا ما كتبته كان ضمن بوستات تخمينية كثيرة ملأت المنبر انذاك حاولت فيها تحليل شخصية الجاني من الناحية النفسية وعدم إغفال ذلك قد يكون كل ذلك الذي قلته صحيحا و قد يكون غير ذلك ما يكتب هنا قطعا لا يمكن مناقشته مع من نشأ هنا بنحاول في حياتنا العادية نتعامل معاهم بعقليتهم ما ذكرته هو ما حدث تماما الحكاية كلها كاميرا وتصوير وما فيها اي نقاشات أيدولوجية عميقة ولو ما مصدقني أسأل العنبة لك خالص التحايا سيف

---

Post: #115 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Deng Date: 05-26-2013, 05:42 AM Parent: #114 Quote: الأخ دينق شكرا لمرورك ومساهمتك معنا ما كتبته كان ضمن بوستات تخمينية كثيرة ملأت المنبر انذاك حاولت فيها تحليل شخصية الجاني من الناحية النفسية وعدم إغفال ذلك قد يكون كل ذلك الذي قلته صحيحا و قد يكون غير ذلك ما يكتب هنا قطعا لا يمكن مناقشته مع من نشأ هنا بنحاول في حياتنا العادية نتعامل معاهم بعقليتهم ما ذكرته هو ما حدث تماما الحكاية كلها كاميرا وتصوير وما فيها اي نقاشات أيدولوجية عميقة ولو ما مصدقني أسأل العنبة لك خالص التحايا الأخ سيف اليزل البرعي. لقد ظهرت حقائق وأدلة كثيرة مؤخرا حول ذلك الحادث وعن المتهمين، ولكني لم أراك تزكر ذلك في بوستك المعني. ولقد تركت القراء بالمعلومات الأولية وتخميناتك الخاصة بك . وهنا تكمن المشكلة. لأنك بكل صراحة شككت في جميع أجهزة الأمن الأمريكية والحكومة الأمريكية في ذلك الحادث الإرهابي الذي أرتكبه هولاء الأخويين.

---

Post: #116 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: ود الباوقة Date: 05-26-2013, 05:51 AM Parent: #115 Quote: لأنك بكل صراحة شككت في جميع أجهزة الأمن الأمريكية والحكومة الأمريكية الزغلباني دينق نفسي لحظة واحدة تقف مع الشعب ( المكلوم ) في دولة جنوب السودان صدقني لن ينفعك بوش الاب ولا بوش الابن وانما يمكن ان تجد المنفعة عند رياك قاي او بنق بونق

---

Post: #117 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: ود الباوقة Date: 05-26-2013, 05:57 AM Parent: #116 تحية للاخ الكريم سيف اليزل

---

Post: #118 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: النذير حجازي Date: 05-26-2013, 01:48 PM Parent: #117 موضوع ذو صلة، حساب الفيسبوك مهم في التحقيقات: Quote: (CNN)-- تحدث الطالب السعودي الذي سيطر اسمه على وسائل الإعلام العالمية مباشرة بعد الانفجارين الذين ضربا خطّ نهاية ماراثون بوسطن، للمرة الأولى لوسائل الإعلام، ساردا قصة الرعب التي عاشها. الطالب الذي يدعى عبد الرحمن الحربي روى قصته للمجلة الإسلامية الشهرية، التي تصدر في الولايات المتحدة وتهتم بأوضاع الجاليات المسلمة هناك، ومن أبرز ما ورد في الحوار ما يلي: -كنت ألهث مع الفارين من خط نهاية الماراثون، عندما اكتشفت أنني أنزف جراء إصابة لحقتني بفعل الانفجار. -ساعدني رجال الإسعاف وثلاثة من رجال الشرطة وضعوني داخل سيارة الإسعاف التي نقلتني إلى المستشفى. -عندما وصلت إلى مستشفى إلى بريغهام، بدأت الممرضات مباشرة محاولة إيقاف النزيف، فيما أحاط بي 20 ضابطا من "أف بي آي" وبدأوا يسألون عن كل شيء يخصني: جنسيتي، اسمي ، عنواني وحتى كلمة السر لدخول حسابي على فيسبوك. -كنت خائفا جدا. لقد كانوا يكتبون كل شيء. وكنت أحاول مساعدتهم. لقد أعطيتهم كل ما استطعت." -لم يكن مسموحا لي التحدث بالهاتف ولم يتم إبلاغي بحقي في مساعدة قانونية. -علم والدي في السعودية بأنني أصبت وأنه أخضع للمساءلة، عبر تويتر. -بقي الضباط في غرفة المستشفى في الوقت الذي استمر فيه تلقي العلاج. -دفعت السفارة السعودية ثمن إيجار غرفة في أحد الفنادق لي، لأنني تلقيت تهديدات ولم أكن لأشعر بالأمان لو عدت إلى المنزل. -بعد إعلان السلطات التعرف على الفاعلين الحقيقيين، بأيام كتبت على صفحتي على فيسبوك رسالة قلت فيها: أصدقائي، أساتذتي، فقط أريد إعلامكم بأنني بخير. وشكرا لكل من سأل عن صحتي." وعلى صفحة "سعوديي بوسطن" نشرت صور للحربي وهو يرقد في المستشفى، ومن ضمن الشخصيات التي زارته سيدة أمريكا الأولى ميشيل أوباما وذلك ضمن زيارتها لجرحى التفجيرين، رفقة زوجها الرئيس باراك أوباما.

---

Post: #119 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: humida Date: 05-26-2013, 01:53 PM Parent: #118 سيف .. حمد لله من الخلعة .. و انت طيب ان شاء الله و ما تجيك عوجة .. بعد ما اطمنت عليك .. قريت موضوعك .. قصة ظريفة .. و قريت استهجانك للظنية .. و انها مؤلمة .. استغربت .. عارف ليه .. لانه نفس الحركة دي عملتها معاي قبل كدا .. و ما كانت مؤلمة بالنسبة ليك .. مش حاجة تحير .. طبعا حتقول لي وين و متين و ليه .. و جيب الكابشر اسكرين و اتنين شهود و دمغة جريح ..

---

Post: #120 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Sabri Elshareef Date: 05-26-2013, 03:30 PM Parent: #119 Quote: أهل الدار سلاام وأما بخصوص الدولة العلمانية والدولة التى تقوم قوانينها على الدين، فانى اقترح قبل ان تبدأ المناقشة ان يحدد كل شخص موقفه مع أو ضد ولماذا؟ وان يتم اختيار أشخاص للتداخل فى حاله انحراف الموضوع عن مضمون النقاش. وياريت لو بالإمكان اداخل تصويت لتحديد رأى الأغلبية هل مع نظام علمانى أم نظام يحتكم لشرع الله. ونحن قاطعين تذكرة من الان .... حتى نصل لبر الأمان . الاخ ابراهيم حجازي انا وغيري نكتب حول العلمانية ومساعدتها في حل اشكال الصراع في المنطقة كلها والسودان بالتاكيد سيف البرعي كان يقف ضدي ويقف مع الدولة الدينية او الشريعة هو والنيل والمنبر شهد سجال طويل وتعرف الشريعة تقود لهذا الارهاب لانو انت عبر القران والسنة مامور بقتال المشركين والنصاري واليهود يا ريت لو ترجع للخلف لتعرف موقف سيف وين وقد وقفنا من الحوار سويا هو دخل هذا الفضاء عبري وقال انه بتاع شعر وصديق لناهد محمد الحسن لكن فتح ذهننا وصب سمه في المناداة بدولة تحكمها الشريعة ويقف ضدي في فضح الذهن الديني بشدة هذا القول له ليس لكي يبعد عما يؤمن به لكنه الحقيقة ولسيف ولغيره ان الدولة الدينية هي الشر الذي يقود لما تم في مختلف البلدان سوف اعود للشرح مرة اخري

---

Post: #121 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: Sabri Elshareef Date: 05-26-2013, 03:31 PM Parent: #119 Quote: أهل الدار سلاام وأما بخصوص الدولة العلمانية والدولة التى تقوم قوانينها على الدين، فانى اقترح قبل ان تبدأ المناقشة ان يحدد كل شخص موقفه مع أو ضد ولماذا؟ وان يتم اختيار أشخاص للتداخل فى حاله انحراف الموضوع عن مضمون النقاش. وياريت لو بالإمكان اداخل تصويت لتحديد رأى الأغلبية هل مع نظام علمانى أم نظام يحتكم لشرع الله. ونحن قاطعين تذكرة من الان .... حتى نصل لبر الأمان . الاخ ابراهيم حجازي انا وغيري نكتب حول العلمانية ومساعدتها في حل اشكال الصراع في المنطقة كلها والسودان بالتاكيد سيف البرعي كان يقف ضدي ويقف مع الدولة الدينية او الشريعة هو والنيل والمنبر شهد سجال طويل وتعرف الشريعة تقود لهذا الارهاب لانو انت عبر القران والسنة مامور بقتال المشركين والنصاري واليهود يا ريت لو ترجع للخلف لتعرف موقف سيف وين وقد وقفنا من الحوار سويا هو دخل هذا الفضاء عبري وقال انه بتاع شعر وصديق لناهد محمد الحسن لكن فتح ذهننا وصب سمه في المناداة بدولة تحكمها الشريعة ويقف ضدي في فضح الذهن الديني بشدة هذا القول له ليس لكي يبعد عما يؤمن به لكنه الحقيقة ولسيف ولغيره ان الدولة الدينية هي الشر الذي يقود لما تم في مختلف البلدان سوف اعود للشرح مرة اخري

---

Post: #122 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: سيف اليزل برعي البدوي Date: 05-27-2013, 09:19 PM Parent: #121 i will be back soon insha allah

---

Post: #123 Title: Re: الشرطة في بوسطون تأتي لشقتي لإستجوابي لنشاطات مشبوهة (يوجد ألم) Author: عواطف ادريس اسماعيل Date: 05-29-2013, 05:12 AM Parent: #122 معليش يا أبو السيوف المابعرفك ما بعزك والجاتك في صورك سامحتك إن الله جميل يحب الجمال لا تتراجع .. هواية جميلة