Post: #1 Title: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 03:01 PM
الكيزان الفيديو هزاهم جميعا فقالوا الفيديو قديم ونزل قبل الان في النت وتم تحديهم بان العندو الفيديو ينزلو ..... ويجيب الرابط النزل فيهو بغض النظر عن ان الفيديو نزل او مانزل المهم المادة التي في الفيديو
Post: #2 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 03:37 PM Parent: #1
دي اسمها قرصة اضان لود ابراهيم وصحبه نطلق سراحكم بهنا ونسجنكم بهنا ودي المناظر يعني اعملوا حسابكم عندنا الكثير المثير البورطكم معانا اذا سقط النظام فانتوا ايضا سوف تكون وقعتكم سودا كل زول ماسك علي التاني فضيحة وكل زول بزولو التنظيم القذر تنظيم مبني علي الفضائح والعفانات
Post: #3 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 03:58 PM Parent: #2
اظرف حاجة ادوهم قرصة بجاي وحفزوهم بجاي كل الضباط المتهمين بالمحاولة الانقلابية بما فيهم القائد ود ابراهيم حايمشوا عمرة فاخرة علي حساب احد قيادات النظام وطبعا كلو من خزينة الدولة
Post: #4 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 04:11 PM Parent: #3
الي متي تحارب القبائل نيابة عن الكيزان ؟ فالتتعظ القبائل من مكر وخديعة الكيزان
Post: #5 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: abubakr salih Date: 05-13-2013, 04:29 PM Parent: #4
حشد الفقراء ... لحرق قرى الفقراء، و تكسب العصابة فى النائمة فى الخرطوم.
Post: #6 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 04:58 PM Parent: #5
الاخ ابو بكر صالح في تقصير في التوعية النظام احتوي قيادات القبائل ومن خلالها يستطيع توجيه القبيلة كلها ( الفقراء ) وواجب علي الشباب المتعلم التصدي لذلك وتوعية القبيلة بما يراد لها دون كلل او ملل بعض الشباب حاول ولكن عند اول العقبات يئس وانسحب من الميدان اهم حاجة في محاربة الكيزان النفس الطويل وان دعي الداعي استخدام نفس اسلحتهم وهذا ما يوجعهم
Quote: حشد الفقراء حرق قرى الفقراء، و تكسب العصابة فى النائمة فى الخرطوم.
Post: #7 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: abubakr salih Date: 05-13-2013, 05:00 PM Parent: #5
ياخي الدنيا دى عجيبة، عاين الزول دا منزعج و نفسوا قايم كيف قال و هو يحدث افراد الملشيا التى يصنعها على عجل، نمشى نجيب ليكم اكل من سوق من جن احمر، و سلاحكم و زخائركم بتجيكم هنا. الرجل يصنع ملشيا على عجل، على طريقة حلة القطر قام.
Post: #8 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: abubakr salih Date: 05-13-2013, 05:40 PM Parent: #7
يا صلاح ياخي بعد اذن الفيديو دا، استلفوا منك لبوست تاني.
Post: #9 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 05:49 PM Parent: #8
الاخ ابوبكر اخذت راحتك الفيديو من رصد وهو ملك للجميع
Post: #10 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: Mohamed Hamed Ahmed Date: 05-13-2013, 08:59 PM Parent: #9
سبحان الله هدا المدعو ود إبراهيم كان إدا حالفه الحظ ونجح إنقلابه تخيلوا أن يحكم مثل هدا الشخص و بأسلوبه (ال######## هدا) أمة من 40 مليون نسمة
نسأل الله أن يحل البلد من هدا الجيش المأزوم والمهزوم بإدن الله بإرادة هدا الشعب الصابر قريبا.
Post: #11 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: Al-Shaygi Date: 05-13-2013, 09:24 PM Parent: #10
يا أخوانا دي عسكرية شنو؟؟؟ كل زول يشيل مويته ،،، (هرج ومرج) .... إحنا ح ننوم هنا للصباح؟؟؟ ...
وين الطوابير ،، وصفا إنتباه وين الضبط والربط حق العسكريين؟؟؟
الزول ده كأنه بيشرف ليه على نفير أهلي لحصاد سمسم القضارف...!!!
ما عاوز أترحم على الجيش السوداني الذي شهد له الأعداء قبل الأصدقاء في الإنضباط والترتيب والشجاعة والإقدام.... لأني متفائل بأنه لا يزال بالجيش وطنيين وعسكريين وسيعود إنشاء الله كما كان وأحسن... وعلى قول بت العباسي (.. بكره أحلى .. )...
حرم الفلاتية كان عاشت الزمن ده كان غنت (لا يجو عايدين لا هم منصورين)......
Post: #12 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-13-2013, 09:28 PM Parent: #10
الاخ محمد حامد دي سياسة حزب كامل وماهو الا منفذ ليس هناك الان جيش بل قوات حزبية لا هم لها الا حماية النظام واهو وزير الدولة للاعلام قال سنقاتل حتي ولو خسرنا كل الشعب السوداني في زول نصيح بقول كلام زي ده ؟ قالوها اكثر من مرة يموت كل الشعب ويعيشوا هم الماسونية ما قالت زي ده
Quote: سبحان الله هدا المدعو ود إبراهيم كان إدا حالفه الحظ ونجح إنقلابه تخيلوا أن يحكم مثل هدا الشخص و بأسلوبه (ال######## هدا) أمة من 40 مليون نسمة
نسأل الله أن يحل البلد من هدا الجيش المأزوم والمهزوم بإدن الله بإرادة هدا الشعب الصابر قريبا.
Post: #13 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: Siddig Elghali Date: 05-13-2013, 09:37 PM Parent: #12
هؤلاء هم الكيزان فدينهم واحد وتأمل فيما يفعل كادرهم وأحد قادة الجبهة الثورية دكتور جبريل يقتل غيلة فهو كشيخه أنا للسجن وأنت للقصر والآن جبريل يغتال أبناء عمومته بدعوتهم لوليمة غداء والانقضاض عليهم فهو اسلوب كيزاني رخيص
Post: #14 Title: Re: حرب التسريبات بين قيادات النظام فيديو خطير لود ابراهيم ( فيديو ) Author: صلاح جادات Date: 05-14-2013, 10:51 AM Parent: #13
الاخ الشايقي كلامك سمح بس الناس ديل اخلوا الجيش من الوطنيين تماما
Quote: يا أخوانا دي عسكرية شنو؟؟؟ كل زول يشيل مويته ،،، (هرج ومرج) .... إحنا ح ننوم هنا للصباح؟؟؟ ...
وين الطوابير ،، وصفا إنتباه وين الضبط والربط حق العسكريين؟؟؟
الزول ده كأنه بيشرف ليه على نفير أهلي لحصاد سمسم القضارف...!!!
ما عاوز أترحم على الجيش السوداني الذي شهد له الأعداء قبل الأصدقاء في الإنضباط والترتيب والشجاعة والإقدام.... لأني متفائل بأنه لا يزال بالجيش وطنيين وعسكريين وسيعود إنشاء الله كما كان وأحسن... وعلى قول بت العباسي (.. بكره أحلى .. )...
حرم الفلاتية كان عاشت الزمن ده كان غنت (لا يجو عايدين لا هم منصورين)......