هل يرضيك هذا يا هشام آدم ؟ (توجد وثيقة)

كتبت يا هشام

Quote: هذه هي الخطوات الأولى لوجودنا في هذا العالم، بل ولوجود العالم نفسه، وكل خطوة لها تفسيرها العلمي المقبول في المجتمع العلمي العالمي The scientific community، ولعلَّنا في انتظار اكتشاف خطوات أخرى سابقة أو لاحقة لهذه الخطوات الأربع، وليس في وسعنا عمل شيء سوى انتظار

الموضوع ليس بهذه البساطة يا هشام بل ينطوي على فيزياء ورياضيات معقد جداً وأنت لا تفهمها
خذ مثلاً هذه الورقة :
http://arxiv.org/pdf/0901.1110v3.pdf
هل تفهمها ؟
هل يرضيك ألا تفهمها ؟

هل يرضيك ألا تفهم مثل هذا البحث يا هشام ؟
http://www.sciencedirect.com/science/article/pii/0550321384904619

أردمو يا حبشي ..
أردمو من المواقع الأجنبية دي بالله!!






هذا بعد السلام عليكم طبعا!
ثم
كاااااااااااااااااكـ!!

أردم لينا مساعد الياي بتاعكـ كمان!
شايف اليومين ديل كورتو بقت حببببة!!


قال يعتذر للزول كان طلع زميل بورض
وما يعتذر ليهو لو كان من الفيسبوكـ!!



_
اعتذار (ملكون) زي ما قال أبو ساندرا!!



_
ما تسألني يعتذر عن شنو .. لأنو المداخلة ح تكون مشخّتة!!

وعليكم السلام ورحمة الله
هذا أول ردي عليكم يا ود الصائم

Quote: - عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر

شفت حرمة الزمالة هنا كيف؟ وحل عرض من ليس بزميل هنا كيف ؟
هذا مع كامل على الاعتراض على نعتك لثاني ثلاثة -هم رافعي الحرج عن المهندسين هنا- بما لا يليق

Quote: هذا مع كامل على الاعتراض على نعتك لثاني ثلاثة -هم رافعي الحرج عن المهندسين هنا- بما لا يليق

غايتو عرفت منهم محمد ابراهيم علي

هههههههههههههههههههههههههه
غايتو صحي بقيت بيضة يا ود البشرى!!


باعتبار الأول محمد إبراهيم والتاني محمد البشرى
طيب التالت منو يا حبشي؟


_
طبعا مع استبعاد كيكي تماما

والله حا يمرق ليك بي جنس حمد ويدخل ليك بجنس خوجلي

Quote: طبعا مع استبعاد كيكي تماما

سمارت هي





















----------

كيكي يرفعوا منو الحرج البشيلو منو تاني عاد!؟
ما بقع فوق راسنا

سـلام محمد


اعــتقد ( ابوبكـر ) او ( المجمــر )


غايتو الثابت ود البشــرى
وكل زول يكمل لســتتو كما يريد





نرجع لهشــام

عبدالله يا أحيمر ..
المجمر يستحق أول المهندسين عديل!
لكن أبوبكر منو؟


أوووع يكون بكري أبو بكر .. بتضايق منكـ!!

كيكي هو الحرج بعينه ههههههههههههههههه

الثالث قد يكون حسين ملاسي هندسة الهواء برضو هندسة يا عمك

Quote: الثالث قد يكون حسين ملاسي هندسة الهواء برضو هندسة يا عمك

تصدق يا هندسة
.. قلت التالت ملاسي لكن فكرت في نفسي
هـو الهوا كمان بدورلو هنـدسة!!

كدي يا ود الصايم راجع نفسك واتذكر

حا تلقى انو الهواء اساس الهندسة

يا شفت .. الإجابة: الساعة الرملية؟

يا زول الهوا دا أساس الخستكة!!

سمح يا ود الصايم

ساعة ساعتين وحا تعرف انو الهواء هندسة وهندسة راقية كمان

دي مشكلة هشام آدم الحقيقية وهي جهله بالعلوم ، هشام آدم كأديب ما عندنا فيهو كلام، لكنه يجهل العلوم ويرى أنها
تفسر له عدم وجود الخالق في حين إنو لو فهم العلوم هو العكس صحيح، وقبل كدا ذكر هشام آدم مثل عن الصدأ
بأنه ينتج من العدم، ولو كان يدري النذر الضئيل من علم الكيمياء لعرف أن الصدأ هو أكاسيد الفلزات وهو إتحاد
عنصر الأوكسجين مع الفلزات.

هسي يا عمك النفخ البنفخو ملاسي للمنبر ولبعض اهله نفخ ناس ساي من العامة
ده نفخ بمقاييس رسم وخطوط كنتورية وبعضهم بديها ليهم 3 دايمنشن عشان المتعة هههههههههههه

كلمو يا محمد ابراهيم

سلام للكل

Quote: هسي يا عمك النفخ البنفخو ملاسي للمنبر ولبعض اهله نفخ ناس ساي من العامة ده نفخ بمقاييس رسم وخطوط كنتورية وبعضهم بديها ليهم 3 دايمنشن عشان المتعة هههههههههههه

اوسكاااااار يا هندسه.

برلوم بحب اللعبه الحلوه .


تحياتي

خليل ده مامهندس برضو ياخ

Quote: أن الصدأ هو أكاسيد الفلزات وهو إتحاد عنصر الأوكسجين مع الفلزات.

علم يامان
والله انا وود الصايم نقعد للحول ماكنا عرفناهو

Quote: علم يامان والله انا وود الصايم نقعد للحول ماكنا عرفناهو

_
محمد إبراهيم يا هندسة .. نفخ ملاسي دا
عبارة عن هندسة ملاعب .. ما هــوا!!

Quote: محمد إبراهيم يا هندسة .. نفخ ملاسي دا عبارة عن هندسة ملاعب .. ما هــوا!!

يازول ماتغالط هواء وفي الهواء سائل وصااااقط كمان
قبل كدا ما وصلو ليك منو الخرطوش المكتوب فيهو لا يصلح
ـــ
و...مسئولين من الخير في زول فيكم عفص لنكات الحبشي دي ؟
عنيّ أنا غايتو لا فاطر لا بخاطر

أيوا يا أمير .. مشيت لقيت شيتن كُتر!
إنجليزي ما أنزل الله به من سلطان .. وحساب مثلثات
ومتواليات هندسية وعلامات كـدا أول مرة أشوفا زاتو!!


_
فـ خليكـ من الهوا السائل أفضل!!

Quote: أردمو يا حبشي .. أردمو من المواقع الأجنبية دي بالله!!

هههههههههه ابو الزمل أنت فهمته حاجة ولا بتشجع ساااي
زي الزول الدخل الاستاد مباراة هلال مريخ وهو مو فارز لا هلال ولا مريخ
وعلى العليهو قعد في مدرجات الهلالاب وقعد يشجع
يمسك الكورة لاعب من الهلال عمك يقيف فوق ويكورك:

ايوا .. اضربو طلع دينو..
اضربو طلع دينو

ويعمل نفس الحكاية دي لو مسك لاعب من المريخ الكورة
المشجعين اغتاظوا مني وما عرفوه هلالابي ولا مريخابي

قام واحد سألو :: يا زول انت مريخابي؟
المشجع : لا .
طيب انت هلالابي؟
المشجع : لا
طيب انت شنو ياخ؟
المشجع : انا نوباوي

برغم كل شئ يظل هشام ادم زول محترم جدا .. جدا
ولا يعيبه الا اصراره على السير في طريقه الماشي فيه دا
أسأل الله أن ينير عقله وقلبه للايمان ..

ازيك يا محمد اي سليمان ..
يا محمد أنا لو محلك بقطع تذكرة وأمشي لهشام ادم في محله
أو عملته ليهو زيارة واتناقشت معاهو ..
((لئن يهدي الله بك رجلاً واحداً خير لك من حمر النعم))......... ولا شنو؟
متابع جرعاتك دي كلها ومستمتع جداً ... بس ما تصعّبها كمان بالرياضيات الكثيرة دي ياخ!
انت الدومة درسك ولا شنو؟

Quote: ايوا .. اضربو طلع دينو.. اضربو طلع دينو

يا البشاري إنت بتدعو للحكم بقوانين الشريعة الإسلامية،
ودحين يا العشاء ما عارف إنو سب الدين دا فيهو قطع رقبة؟!

ههههههههههههههه@ النذير
شغلكـ دا ياهو الكتيّح في البحر!!

سكروووووول@ ود البشـــرى
مفيدة جداً ومهدأة للضغط والسكري ومضادة للحموضة

كده ظنكم هشام حيجي ماري بهنا ولا حيأكل اللنكات ويقش خشمو

Quote: ههههههههههههههه@ النذير شغلكـ دا ياهو الكتيّح في البحر!!

يا ود الصائم العين الثالثه ....!

الأخ محمد E سليمان
شكرًا على هذا البوست وأُعلمكَ بأنَّه بإمكانكَ قراءة الرد على سؤالك هنا (Re: سؤال لقيقراوي والمفسرين الجدد) أمَّا أنا، فإنَّي هنا من أجل الرد على الأخ النذير حجازي في قوله:

Quote: دي مشكلة هشام آدم الحقيقية وهي جهله بالعلوم ، هشام آدم كأديب ما عندنا فيهو كلام، لكنه يجهل العلوم ويرى أنها تفسر له عدم وجود الخالق في حين إنو لو فهم العلوم هو العكس صحيح، وقبل كدا ذكر هشام آدم مثل عن الصدأ بأنه ينتج من العدم، ولو كان يدري النذر الضئيل من علم الكيمياء لعرف أن الصدأ هو أكاسيد الفلزات وهو إتحاد عنصر الأوكسجين مع الفلزات.

وبصرف النظر عن فكرة أنَّ العلوم المادية قد تقود أو تدل على وجود الله أم لا، فأنا، شخصيًا ليست لديَّ مُشكلة على الإطلاق في الاعتراف بالجهل؛ فالجهل بالشيء ليس مُعيبًا؛ لاسيما في العلوم، فليس من الواجب أن نكون كُلنا علماء في الرياضيات وفي الفيزياء، ولكن المعرفة هنا نسبي (كما هو الجهل كذلك) وليس مُطلقًا كما في حديثكَ هذا، ولكن أين قلتُ أنا بأنَّ الصدأ ينشأ من العدم؟ ألم تقرأ كلامي هذا حرفيًا:

Quote: وكذلك الصدأ ينشأ مصادفةً فقط إذا توافرت العوامل المناسبة والملائمة له

وإذا قلنا إنك لم تفهم عبارة (العوامل المناسبة والملائمة) على أنَّها شيء ضد العدم، أفلم تقرأ كلامي هذا كذلك:

Quote: ما يهمنا في هذا المقام هو أنَّ الفجأة لا تعني القفز مباشرةً من العدم إلى الوجود دون تسلسل زماني أو حدثي، فمثل هذا التصوّر ليس موجودًا أو واردًا لدى العلماء، ولا وجود له إلا في القصص الخيالية فقط.

؟؟؟

موش قلت ليكم حا يدخلكم بحمد ويمرقكم فخوجلي


عشان تقتنعوا

لا يا وليد
هشام آدم اعترف أنه يجادلنا بحجج علمية لا يفهمها
بل يتعامل معها تعاملا غيبيا ...
هشام يعترف أنه يجهل العلوم لكنه يحاج ويجادل بها :

Quote: ، فليس من المُعيب أن نجد أشخاصًا لا يفهمون في الرياضيات أو الفيزياء أو في الفلك أو في الجيولوجيا،

لكن مصيبة هشام الأفظع من ذلك هي ادعاؤه أن له القدرة على تبسيط قضايا علمية معقدة تتداخل فيها مباحث وتخصصات مختلفة هو لا يفهم فيها أو منها

Quote: فعلًا القضية ليست بهذه البساطة، وهي أكثر تعقيدًا مما تناولتُه في المقال المُشار إليه في اقتباسك، ولكن ربما مما فاتَ عليك هو أنَّ التبسيط غرضٌ مقصود تحديدًا في ذلك المقال، وهو، على أيَّة حال، ليس ورقةً أو بحثًا علميًا حتى يخوض في التفاصيل والتعقيدات.

هههههههههه

Quote: الله!.. ذكرتونا المهندس أبو بكر الـ (بالانجليزي) بتاع الأمارات .. كان كحامل المسك في هذا المنبر .. نتمناه بخير ..

يا سلاااام يا عبدالرحمن ياخ!
كلامكـ نجيض والله
إن شاء الله يكون بخير وصحة وعافية!






غايتو يا حبشي بالغت فينا ..
تحسب لينا ود البشرى مع عمنا أبو بكر في سرج واحد!!

يا ود الصائم ود الطالب وين ياخ ؟
الزول دا المنبر مشتاقلو عديل على قول ود جبريل
إلا مسعول من الخير
ود البشرى مالو شايل حسي في خيط الزردية ؟

هههههههههههههههههههههههههههه@ الحبشي
لأنو قال كلام لا يستند لأدلة علمية ..
وبالتالي ح يؤثر على تصنيفو عندكـ كمهندس متميز!!





_
لقيتكـ متابع!!

Quote: لقيتكـ متابع!!

لا والله حتى بوست الدرويشة (بت من هي بالمناسبة ؟) فتحت إلا الليلة

حمادة
وحمودي الشهير بقيقراوي
ووليد
والسادة المهندسين
ود البشاري
والحبشي
متعة ياخ



تليشة:
هشام آدم دة انا رميت طوبته من زمااااااان

يا طارق تحياتي
مشكلة هشام أنه لا يدري أنه لا يدري
ومعرفته بالفيزياء ليست بأفضل من معرفته باللغة العربية