Post: #1 Title: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 12:15 PM Parent: #0
وشكرا
Post: #2 Title: Re: يا ملاسي اذهب من حيث اتيت وافدا انت وجميع اهلك Author: حيدر حسن ميرغني Date: 05-12-2013, 12:18 PM Parent: #1
المخرج ابراهيم حسين ملاسي - الاستديو - الرشيد مهدي - عطبرة = تاريخ تليد
Post: #3 Title: Re: يا ملاسي اذهب من حيث اتيت وافدا انت وجميع اهلك Author: عصام علي أحمد Date: 05-12-2013, 12:30 PM Parent: #2
ونزار برضو وافد خليهو يشتت كرهنا دبي والدول المجاورة
اها جاي متين فى حبة شوق بس ماكتير
Post: #4 Title: Re: يا ملاسي اذهب من حيث اتيت وافدا انت وجميع اهلك Author: الامين موسى البشاري Date: 05-12-2013, 12:36 PM Parent: #3
Quote: يا ملاسي اذهب من حيث اتيت وافدا انت وجميع اهلك
ديشااااااااااك .. يا ولي ياخ العناوين الزي دي ما بفكوها ساي كدا :) كان تكلمني قبلها بيومين كان طبعته لي تذاكر ووقفته في خشم باب البوست دا إن شاء الله نعمل الدخول ب 50 قرش بس
والله كان عملنا لينا قروش مع الرجال
تحياتي
Post: #5 Title: Re: يا ملاسي اذهب من حيث اتيت وافدا انت وجميع اهلك Author: garjah Date: 05-12-2013, 12:50 PM Parent: #4
الاخ وليد
لم تتوفق في هذا العنوان
معقول ملاسي عامل ليكم زنانة للدرجة الانكم تطردوهو هو واهلو من البلد كمان
صدقني هذا يزيد اسهم ملاسي ولا ينقصها شيئا
قال هواني على الناس قال
Post: #6 Title: Re: يا ملاسي اذهب من حيث اتيت وافدا انت وجميع اهلك Author: معاوية المدير Date: 05-12-2013, 12:56 PM Parent: #5
Quote: لاخ وليد
لم تتوفق في هذا العنوان
معقول ملاسي عامل ليكم زنانة للدرجة الانكم تطردوهو هو واهلو من البلد كمان
صدقني هذا يزيد اسهم ملاسي ولا ينقصها شيئا
قال هواني على الناس قال
يا قرجة وليد قاصد عطبرة، ويا ملاسي خسمتك بالرسول ما تمرق من الخرتوم اتبرا دي ما بتستحمل. والله صحي.
عاطر التحايا لكم جميعاً...
Post: #16 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:05 PM Parent: #6
مدير هسع لو اهل ملاسي ديل مشو عطبره انت كان باقي ليك قريت الجامعة ؟!
Post: #15 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 03:59 PM Parent: #5
مرحب الاخ قرجة
اسعدنا مرورك والله .. لكن انت شايت بره الشبكة
Post: #14 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 03:52 PM Parent: #4
يالمين موسى
امال باب كبار الزوار ده عملوه لي منو ؟
Post: #12 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 03:35 PM Parent: #3
عصام يا صاحب
الدور ده بسوق انا .. ولا ما جاي كلو كلو !!
تحياتنا لي نزار .. قالوا عايش اسرة الايام دي ان شاء الله حللهم تكون احلى من حلل مرضى وما اظن
هاهاهاهاهاهاهاهاهاهاهاهاهاهاها
Post: #7 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 03:07 PM Parent: #2
حيدر يا حبيبنا
انهم لا يعلمون ان الملاساب قد ساهموا وكانوا من الرواد في تثقيف وتعليم الشعب السوداني - وانا اقصد تثقيف كلمة منفصلة وتعليم كلمة اخرى منفصلة ولكل كلمة دلالاتها المنفرده
Post: #8 Title: Re: يا ملاسي اذهب من حيث اتيت وافدا انت وجميع اهلك Author: وضاحة Date: 05-12-2013, 03:15 PM Parent: #7
وليد ملاسي دا بتاع الردود مس كول
Quote: يا ملاسي اذهب من حيث اتيت وافدا انت وجميع اهلك
هو مقيم وين ياخى دا كرهنا زاتوا المنتدى كلوا ملاسي ملاسيى ملاسي
علشان نخت اسموا تانى ما يخش اى دولة خليجية
Post: #17 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:21 PM Parent: #8
يا وضاحة
البوستر المختوت في مدخل البوست .. ده البوستر بتاع اول فلم رؤائي سوداني
اها دي حصة في الثقافة السودانية استاهل عليها عقد عمل في شركة بترول عندكم هناك
ولا كيف يا شيخة وضاحة
Post: #9 Title: Re: يا ملاسي اذهب من حيث اتيت وافدا انت وجميع اهلك Author: abubakr salih Date: 05-12-2013, 03:18 PM Parent: #7
فى ما يبدو ان الاستاذ ابراهيم ملاسي كان راجل ما ساهل لكنه لم يخرج عن نواميس الطبيعة حينما خلّفت ناره الرماد
----- سلام يا وليد
Post: #20 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:26 PM Parent: #9
ابوبكر صالح
ازيك ياخ
Quote: فى ما يبدو ان الاستاذ ابراهيم ملاسي كان راجل ما ساهل لكنه لم يخرج عن نواميس الطبيعة حينما خلّفت ناره الرماد
يمكن كلامك يكون صاح ويمكن لا
لكن اصلا البوست ده ما مفتوح لملاسي الابن قرينا كتير في المنبر ده كتابات بتقول انو ملاسي وافد هو واسرته .ز وبتناديهم بان يتخارجوا يشوفوا ربهم وين
وكثيرين لا يعلمون ان هذه الاسرة قد ساهمت في الثقافة السودانية والتعليم كذلك بنصيب كبير جدا
يعني في ناس كتااااااااااااار قروا بسبب الملاساب ديل
Post: #10 Title: Re: يا ملاسي اذهب من حيث اتيت وافدا انت وجميع اهلك Author: امين علي الشيخ Date: 05-12-2013, 03:21 PM Parent: #7
والله يا وليد خلعتني بالعنوان صراحة ياخي عموماً لو كانت المواطنة بالعطاء فآل. ملاسي سودانيين اكتر مني ومنك ياخي ملاسي ده اختلفت او اتفقت معاه لا تملك الا ان تحترمه ما شايف ود المدير حتي في اختلافه مع ملاسي قمة الرقي والاحترام ياريت لو كان كل من اختلف معاك ذي ود المدير سلام واحترام لي ملاسي وود المدير وليك يا شفت
Post: #11 Title: Re: يا ملاسي اذهب من حيث اتيت وافدا انت وجميع اهلك Author: محمد البشرى الخضر Date: 05-12-2013, 03:28 PM Parent: #10
يا قرجة وأمين ما تستعجلوا في قراية وليد, لايمكن الشفت يقول كلام زي دا اكيد الشفت قرا العبارة دي من واحد تاني و عايز يشيل حاله :) - ولاّ كيف يا شفت
وضاحة!! قلت لي الخليج كلّو بي سعوديتو!! ما ساهلة ابدا لقيتك
Post: #13 Title: Re: يا ملاسي اذهب من حيث اتيت وافدا انت وجميع اهلك Author: كمال سالم Date: 05-12-2013, 03:40 PM Parent: #11
حتى إين أختى صار ( يلهث ) ؟!
معلم يا ود اليشرى .
إزيك ياوليد .
Post: #18 Title: Re: يا ملاسي اذهب من حيث اتيت وافدا انت وجميع اهلك Author: النذير حجازي Date: 05-12-2013, 04:22 PM Parent: #13
شكراً يا ولي على البوست، يا وليد عندي بوست بوثق للحلبة في السودان من أيام المهدية وتذكير العنصريين بأصالة الحلب في السودان على الرابط أدناه: للتوثيق: أتراك و مصريين حول المهدي والخليفة عبد الله التعايشي والتحية والقومة للأمير محمد الضكير (لاحقاً محمد الخير) أستاذ المهدي وأمير ولاية نهر النيل في زمن المهدية الذي أمن على حياة المصريين والأتراك في السودان وعاملهم معاملة كريمة ، وقال قولته الشهيرة: "المصريين والاتراك، مسلمون ولا يجوز سبئهم أو استعبادهم أو إراقة دمائهم، حتى وإن لم يؤمنوا بالمهدية، ولقد كان كل من لم يؤمن بالمهدية في ذاك الوقت يُعامل معاملة الكافر ويجوز استعباده وهدر دمه، ولقد كان الامير محمد الضكير، يحظى باحترام وتقدير الإمام المهدي لأنه قد كان شيخه عندما كان صغيراً، وعندما إنضم محمد الخير للمهدية، سماه المهدي محمد الخير بدلاً من محمد الضكير، وهاجر معظم المصريين والأتراك إبان الثورة المهدية إلى ولاية نهر النيل تحت حماية الامير محمد الضكير، لذا نجد أن أغلب المولدين ينحدرون من ولاية نهر النيل، فلقد كانت الولاية الوحيدة الأمان في السودان بالنسبة للمصريين والأتراك. --------- المعلومة دي ذكرتها إبراهيم فوزي باشا في كتابه الشهير "السودان بين يدي غردون وكتشنر"
Post: #19 Title: Re: يا ملاسي اذهب من حيث اتيت وافدا انت وجميع اهلك Author: النذير حجازي Date: 05-12-2013, 04:24 PM Parent: #18
يا وليد يا ريت توثق للأستاذ إبراهيم حسين ملاسي وتروينا علاقة بزميلنا حسين ملاسي
تحياتي
Post: #21 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:30 PM Parent: #19
Quote: يا وليد يا ريت توثق للأستاذ إبراهيم حسين ملاسي وتروينا علاقة بزميلنا حسين ملاسي
ابوه توشك يا النذير حسب ما اعلم
حسين ابراهيم حسين ملاسي اعتقد انه اسمه كاملا لو ما كنت شايت غلط
Post: #22 Title: Re: يا ملاسي اذهب من حيث اتيت وافدا انت وجميع اهلك Author: abubakr salih Date: 05-12-2013, 04:30 PM Parent: #19
Quote: يا وليد يا ريت توثق للأستاذ إبراهيم حسين ملاسي وتروينا علاقة بزميلنا حسين ملاسي
ابوه ياخي ابوه عديل، اٍنها جدلية النار و الرماد
Post: #25 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:37 PM Parent: #13
Quote: حتى إين أختى صار ( يلهث ) ؟!
جنس لهثان هو يا خال
هاهاهاهاهاهاهاهاهاهاها
كيف اخبارك ..؟ لعلك بخير
Post: #24 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:35 PM Parent: #11
ود البشرى يا حبوب
كيفك ياخ
بنحاول نذكر الناس لعل الذكرى تنفعهم ويبطلوا فجوز في الخصومة
Post: #23 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:31 PM Parent: #10
Post: #26 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:38 PM Parent: #23
ابو احمد ابو احمد
يديك العافية يا حبوب
Post: #27 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-12-2013, 04:43 PM Parent: #26
الاخ سيف الدين محجوب
سلامات
Quote: يا اخ وليد ناس ملاسي ما ناس دخلا على السودان حتى تقول الكلام الكتبتو هنا يا اخي لازم تعرف ديل ناس لهم جذور في السودان قديمة جدا يرجعوا ليه لمجرد اختلافك معه هناك قاضي عظيم اسمه شوقي حسب الله ملاسي لا اظنك سمعت به ديل ناس جميلين دعنا نختلف معهم ولكن لا نقصيهم حقهم باي حال من الاحوال - نجن كنا في حي الدناقلة شمال بالخرطوم بحري واشقاء حسين ملاسي هشام وعمر اصدقاء جميلين جمعتنا بهم مدرسة الدناقلة شمال الابتدائية بالخرطوم بحري ذلك الحي الجميل الذي ضم عبدالعزيز محمد داؤود وعبد الكريم الكابلي وايوب فارس وسليمان فارس ياخ الناس ما تتكلم بدون ماترف حاجة يذهبواا دا وطنهم وما عندم علاقة باي تنظيم ظلامي اخوان ولا غيرهم - سيف الدين نجار - الخرطوم بحري ذلك الحي الحميل الذي ضم كل السودان
يا حبيبنا هدي نفسك اساسا بيني وبين حسين ملاسي ماف الا كل موده واحترام
البوست ده اساسا مفتوح بنفس فهم كلامك ده
خلاصتو الناس ديل يمشو وين وهم من الرواد في الثقافة والتعليم وانت سع اضفت ليهم القضاء
فبراحة علينا ياخ
Post: #32 Title: Re: يا ملاسي اذهب من حيث اتيت وافدا انت وجميع اهلك Author: خالد عبد الله محمود Date: 05-12-2013, 05:41 PM Parent: #27
لم يجد له إنجازاً يتباهي به فتباهي له بإنجازات والده .. فتأمل !!
النجيضة يا وليد في الموضوع ده إنو لا يملكـ مواطن أن يقدح في سودانية مواطن آخر لأنه ببساطة لسه كلمة ( سوداني ) في ذات نفسها ما عندها تعريف محدد* ...
* الحقيقة أعلاه لا تنطبق علي الحبشي فايز ود القاضي
Post: #35 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 05:56 AM Parent: #32
مرحب خالد
Quote: لم يجد له إنجازاً يتباهي به فتباهي له بإنجازات والده .. فتأمل !!
؟!
لم اقراء لملاسي اي تعليق يذكر فيه محاسن والده وهي كثيره
كلامك المتأمل ده جبتو من وين ؟
Post: #42 Title: Re: يا ملاسي اذهب من حيث اتيت وافدا انت وجميع اهلك Author: خالد عبد الله محمود Date: 05-13-2013, 08:24 AM Parent: #35
Quote: لم اقراء لملاسي اي تعليق يذكر فيه محاسن والده وهي كثيره
كلامك المتأمل ده جبتو من وين ؟
يعني الوجه الأخضر الباسم ده ما شفتو يا وليد !! للعلم التعليق ده مجرد مزحة و على أسلوب و طريقة ملاسي
و برضو تتهم بلير إنو بقرأ بالإضنين
Post: #46 Title: Re: يا ملاسي اذهب من حيث اتيت وافدا انت وجميع اهلك Author: garjah Date: 05-13-2013, 08:43 AM Parent: #42
Quote: اسعدنا مرورك والله .. لكن انت شايت بره الشبكة
وانت ما عندك موضوع زاتو
قال عطبرة قال
Post: #49 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 09:17 AM Parent: #46
Quote: وانت ما عندك موضوع زاتو
قال عطبرة قال
ماف مشكلة
لكن برضو انت شايت بره الشبكة
Post: #48 Title: Re: يا ملاسي اذهب من حيث اتيت وافدا انت وجميع اهلك Author: عماد موسى محمد Date: 05-13-2013, 08:58 AM Parent: #42
Quote: ياخي ملاسي ده اختلفت او اتفقت معاه لا تملك الا ان تحترمه
Like شكرا وليد
Post: #50 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 09:18 AM Parent: #48
يديك العافية يا عمده
Post: #61 Title: Re: يا ملاسي اذهب من حيث اتيت وافدا انت وجميع اهلك Author: Abdel Aati Date: 05-13-2013, 01:01 PM Parent: #42
التحية لذكرى العم الرشيد مهدي والعم ابراهيم ملاسي واالعم جاد الله جبارة وعموم اهل عطبرة المبدعين والذين ابتدأت منهم صناعة السينما في السودان
ويا اريت لو رجعت عوائلهم كلها الى عطبرة فبنا حنين اليهم ...
Post: #63 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 01:16 PM Parent: #61
Quote: التحية لذكرى العم الرشيد مهدي والعم ابراهيم ملاسي واالعم جاد الله جبارة وعموم اهل عطبرة المبدعين والذين ابتدأت منهم صناعة السينما في السودان
ويا اريت لو رجعت عوائلهم كلها الى عطبرة فبنا حنين اليهم ...
طبعا يا عادل البوستر الجبتو ده من جوه الاستديو بتاع عم الرشيد
مشيت عطبره الاسبوع الفات معانا بروفيسر من جامعة اكسفورد اسمها مارلين دقن متخصصة في الرقمنة الانسانية ( عشان تامنوا )
ده تبع الكلام الزمان داك بتاع مبادرة رقمنة التراث الثقافي السوداني
اصبح الان مشروع قومي اسمه المشروع القومي لرقمنة التراث الثقافي السوداني
حا افتح ليه بوست منفصل لي قدام
المهم عطبرة حا تكون من المدن الاولى المعنية بالامر ده من الجهات الحا نرقمن ليها استديو عمك الرشيد ده .. ياخ ديل عندهم 4 مليون صورة تصدق وكمان حا نرقمن لمتحف السكة حديد
Post: #28 Title: Re: يا ملاسي اذهب من حيث اتيت وافدا انت وجميع اهلك Author: النذير حجازي Date: 05-12-2013, 04:45 PM Parent: #23
شكراً يا ولي وبكوري على المعلومة، ويا بكوري: أخونا حسين ملاسي ما مشى بعيد من مجال الإخراج، النبي فيك يا بكوري كتابات ملاسي دي وسـخـريته مننا، ما إخراج بالمؤخرة؟!
Quote: حسين ابراهيم حسين ملاسي
حسين إبراهيم حسين شكلو كدا حلبي شايقي يا ولي هاهاها دا اسم شوايقة، أحكي ليكم القصة الطريفة دي، كنا في حصة اللغة الفرنسية بمدرسة الخرطوم القديمة الثانوية، المهم أستاذ اللغة الفرنسية كان شايقي مسيخ شديد، وأخلاقو ضيقة شديد، أها كان بنده في أسماء الحضور لأخذ التمام علشان الطلبة كانوا بدكوا حصة الفرنسي، المهم قام نده اسم واحد معانا في الفصل اسمو: محمد علي محمد علي قام الأستاذ قرأ اسمو ورفع رأسو من الورقة وقال يا جماعة دا منو الشايقي الثقيل دا على الرغم من إنو الأستاذ زاتو شايقي معروف
Post: #29 Title: Re: يا ملاسي اذهب من حيث اتيت وافدا انت وجميع اهلك Author: عبدالوهاب علي الحاج Date: 05-12-2013, 05:01 PM Parent: #28
____________________ وينك يا ولي ياخ مشتاغووووون
Post: #30 Title: Re: يا ملاسي اذهب من حيث اتيت وافدا انت وجميع اهلك Author: Barakat Alsharif Date: 05-12-2013, 05:23 PM Parent: #29
Quote:
تعتبر مدرسة عطبرةالثانوية هي الرابعة نشأة ً بين المدارس السودانية حيث كانت توجد المدارس التالية :
/ مدرسة وادي سيدنا الثانوية بنين بالخرطوم
/ مدرسة حنتوب الثانوية بنين مدني
/ مدرسة خورطقت الثانوية بنينالبيض
/ مدرسة عطبرة الثانوية بنين عطبرة
وكلها كانت بداخليات تضم طلبة الضواحي .. بينما مدرسة عطبرة كانت تضم طلبة من حلفا وحتى شندي.
وقد كان أول مدير إفتتح مدرسة عطبرة الثانوية هو الأستاذ / حسن فريجون ..
تلاه الأستاذ عبدالرحمن عبدالله .. والذي أكمل مباني المدرسة بجهد خاص ومساعدة من هيئة السكة حديد بعطبرة ثم تلاهم الأساتذة :
Post: #31 Title: Re: يا ملاسي اذهب من حيث اتيت وافدا انت وجميع اهلك Author: PLAYER Date: 05-12-2013, 05:29 PM Parent: #30
Quote: يا ملاسي اذهب من حيث اتيت
مشلكتك ليس في وجود ملاسي في السودان انما وجوده في عقلك حكمة اليوم الكابوس يعيش في الراس وليس في الواقع المعاش
Post: #33 Title: Re: يا ملاسي اذهب من حيث اتيت وافدا انت وجميع اهلك Author: سامى عبد المطلب Date: 05-12-2013, 10:33 PM Parent: #31
التحيه والتجله للاستاذ ابراهيم ملاسى ولابنه حسين وان كانت الوطنيه بالعطاء لما سبق ال ملاسىى احد ....!
Post: #34 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 05:51 AM Parent: #33
Quote: مشلكتك ليس في وجود ملاسي في السودان انما وجوده في عقلك حكمة اليوم الكابوس يعيش في الراس وليس في الواقع المعاش
مرحب بلير
حقيقي مداخلتك دي خير برهان وتجسيد لمصطلح القراية بالاضنين كابوس منو وحسن سخانة* شنو
ركز يا حبيبنا
________________ * حسن سخانة هو خال ياسر كابوس والاثنين من اساطين حلة الحريقة بالثورة الحارة الثانية كانت تقال فيهم مقولة سخانة بالنهار وكابوس بالليل والمقصود حسن سخانة ورديتو في الحلة بالنهار وابن اخته ياسر كابوس وريته بالليل
Post: #40 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 06:59 AM Parent: #33
اسعدنا مرورك سامي عبد الله
Post: #37 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 06:10 AM Parent: #30
الاخ بركات
شكرا جزيلا على الاقتباس ومصدر الاحالة
فهو يمفيد ويصب في مصلحة البوست وخطة تماما
تحياتي
Post: #36 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 06:04 AM Parent: #29
وهبة يا حبيبنا
شكرا على الخطاب التوثيقي التحفه ،
والله الشوق بالكراتين كيف الاخبار ياخ
Post: #39 Title: Re: يا ملاسي اذهب من حيث اتيت وافدا انت وجميع اهلك Author: محمد عبد الماجد الصايم Date: 05-13-2013, 06:42 AM Parent: #36
هههههههههههههههههه@ الشفت!! المشكلة مش في قراية بلاير بالاضنين ياخ اليقرا كلام الناس باللول!!
Post: #41 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 07:29 AM Parent: #39
Quote: هههههههههههههههههه@ الشفت!! المشكلة مش في قراية بلاير بالاضنين ياخ اليقرا كلام الناس باللول!!
المشكلة انو كاتب الكلام ده في شكل حكمة يا ود الصايم
اها حكمة اليوم يا بلير كما قال ليك ود الصايم
اقرا كلام الناس في الاول .. بعدين اكتب حكم
Post: #38 Title: Re: يا ملاسي اذهب من حيث اتيت وافدا انت وجميع اهلك Author: عباس محمود Date: 05-13-2013, 06:16 AM Parent: #28
وليد .......السلام عليكم
حأقول ليكم كلام عام السودان ده الناس العايشين فيه كلهم اصحاب نفس الحق
ومن كل اعراقهم وقبائلهم ووافديهم قدموا من اسهم بي شيئ ايجابي او سلبي في تاريخ البلد
انا ضد اي تصنيف وضده بشدة علي اساس انه الزول ده اصله شنو ولا اهله جايين من وين ....البلد دي كلها لحم راس ولازم نتعامل علي الأساس ده
ياخي مرت علي وثيقة في قروب صور السودان القديمة في الفيس بوك وانا عضو فيه لقائمة قبول طلاب سنة 1944 في مدرسة مدني الوسطي
كل تلميذ مصنف حسب قبيلته ومن ضمنهم جعفر نميري لكن لاحظت انه ( اولاد اعمامنا ) الحلفاويين مكتوب في خانة القبيلة مستوطن ...شفت كيف.
______________________________________________
بالمناسبة في ربع في المنبر كنت مسميه ربع العشرات وده بسميه ربع ملاسي.
لا اقبل اي رد من شاكلة شايت بره ولا طاشي شبكة ....شفت التعسف ده كيف
لك التحية والتقدير
Post: #43 Title: Re: يا ملاسي اذهب من حيث اتيت وافدا انت وجميع اهلك Author: Al Sunda Date: 05-13-2013, 08:24 AM Parent: #38
Quote: لكن لاحظت انه ( اولاد اعمامنا ) الحلفاويين مكتوب في خانة القبيلة مستوطن ...شفت كيف.
?????????????????????????????????????????????????????? الغريبة ان 3أو 4 من نظار مدرسة عطبرة من المستوطنين !!!!!!!!! وهم ألأستاذ / عبدالمجيد محمد طلسم ألأستاذ / علي صالح داوود ألأستاذ / علي أحمد علي
Quote: حأقول ليكم كلام عام السودان ده الناس العايشين فيه كلهم اصحاب نفس الحق
100%
سلام يا وليد
Post: #57 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 11:38 AM Parent: #43
عليكم السلام يا السنده
كيف اخبارك ؟
Post: #44 Title: Re: يا ملاسي اذهب من حيث اتيت وافدا انت وجميع اهلك Author: محمد البشرى الخضر Date: 05-13-2013, 08:27 AM Parent: #38
يا عباس محمود.. انت شايت برة وطاشي شبكة في آن أها شفت اللياقة دي كيف :)
Post: #45 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 08:29 AM Parent: #38
حبيبنا عباس
انت في النص ياخ لا شايت بره ولا يحزنون
انت الشبكة ذاتها ياخ
تحياتي
Post: #47 Title: Re: يا ملاسي اذهب من حيث اتيت وافدا انت وجميع اهلك Author: عباس محمود Date: 05-13-2013, 08:50 AM Parent: #45
Al Sunda
تحياتي
قرأت عن سيرة واحد من اعظم نظار المدارس الثانوية الأستاذ محجوب شورة والذي افتتح مدرسة الخرطوم الثانوية الجديدة
سيرة تدعو للأعجاب ...برضه من ناس حلفا .
ودالبشري
فعلا ..لايوق وعكليتة ومتلقي حجج بالاضافة لما يصفك به طلحة عبد الله
عندك عندي كتاب رسله الزنجي ....بوصله ليك
التحية للجميع
Post: #51 Title: Re: يا ملاسي اذهب من حيث اتيت وافدا انت وجميع اهلك Author: Maawya Hussein Date: 05-13-2013, 09:24 AM Parent: #47
Post: #54 Title: Re: يا ملاسي اذهب من حيث اتيت وافدا انت وجميع اهلك Author: Maawya Hussein Date: 05-13-2013, 09:29 AM Parent: #51
"آمال وأحلام" فيلم سينمائي قديم
عرضت وزارة الإعلام بولاية نهر النيل فيلم "آمال وأحلام" وهو أول فيلم روائي سينمائي بالسودان إخراج الرشيد مهدي وإنتاج إبراهيم ملاسي، وقال عدد من النقاد الفنيين إن التجربة كان من شأنها أن تؤسس لصناعة السينما بالبلاد. ويأتي عرض الفيلم امتداداً لمنتديات الفكر والحوار التي يديرها مركز البحوث والإنتاج بوزارة الإعلام بمدينة عطبرة حاضرة ولاية نهر النيل. وشارك بالمنتدى مجموعة من النقاد الفنيين وعدد من الممثلين بالفيلم نفسه وهو جمع أكثر من عشرين ممثلاً هاوياً لكنهم أدوا أدوارهم بصورة لافتة. وانتهز المشاركون عرض الفيلم لمناقشة مشكلات السينما السودانية منتقدين انصراف الحكومة الكامل عن دعمها وعدم محاولة القطاع الخاص لاقتحامها ما جعلها غير موجودة ولا تحوي ساحتها سوى بضع محاولات على مرّ التاريخ السوداني. محاولة أولى ويعتبر فيلم "آمال وأحلام" الذي تسعى الجهات الإعلامية بعطبرة لإذاعة صيته مجدداً أول محاولة لإنتاج فيلم روائي طويل عام 1970، وقام بالمحاولة الثانية أنور هاشم الذي تخرج في المعهد العالي للسينما بالقاهرة عام 1971 عندما أنتج وأخرج فيلم "شروق" عام 1974. وأنتج قسم السينما في وزارة الثقافة الاتحادية فيلمين فقط خلال السبعينيات، وهما فيلم "دائر على حجر" من إخراج سامي الصَّاوي، ويتناول حرفة يدوية في طريقها إلى الانقراض، وهي صناعة حجر الطاحون. وفيلم "أربع مرات للأطفال" من إخراج الطيب مهدي، ويعالج مشكلة الأطفال المعوقين.
ومن الأفلام السودانية التي نالت جوائز في المهرجانات فيلم "ومع ذلك فالأرض تدور" للمخرج سليمان النور.
أفلام تسجيلية ونال سليمان النور إحدى جوائز مهرجان موسكو الحادي عشر في مسابقة الأفلام التسجيلية، وللمخرج نفسه فيلم آخر مميز باسم "أفريقيا". واعتبر أمين الرشيد المهدي أن فيلم آمال وأحلام تجربة سينمائية نادرة وقدمت مشاهد متنوعة وشيقة برغم أنه كان نتاج مخاض قاسٍ، مؤكداً أن إعداد الفيلم كلف المخرج والمنتج الكثير إذ أن إمكانياته كانت شحيحة للغاية وتم تصويره بواسطة كاميرا صغيرة. وقال الممثل حسن فتح الرحمن إن الفيلم كان بإمكانه أن يؤسس لصناعة السينما في السودان لكن انصراف الدولة بمهام أخرى شغلها عن إحداث تطور في السينما السودانية ما انعكس سلباً على مسيرتها وظهرت في فترة وجيزة واختفت لفترة قصيرة جداً بسبب عدم التمويل.
سابقة نادرة وقدم الفيلم حينها سابقة نادرة من نوعها فأدت البطولة امرأة سودانية هي ليلى حسن التي استطاعت أن تتحلل من قبضة الأسر السودانية التي كانت تنظر حينها للتمثيل والغناء بأنهما أمران معيبان وصفة منبوذة تستحي منها الأسر. وقالت ليلى حسن للشروق إنها بدأت طريقها عبر الغناء وكانت تغني إيقاع التمتم في حفلات الأحياء، وأكدت أنها عشقت دورها ولم تجد حينها اعتراض من أسرتها لأنها كانت تكبر إخوتها ولم يستطيعوا اعتراض طريقها. وأكدت أن الفيلم مثل لها الكثير وقدمها كنموذج نادر في المجتمع ما أدهش الجميع وتبدي حسرتها على عدم انطلاقة السينما السودانية قائلة: "كان بالإمكان أن تلقى قبولاً وصيتاً في المجتمعات العربية والدولية". وأرجع مدير مركز البحوث والإنتاج في وزارة الإعلام بنهر النيل عثمان السيد أن تراجع السينما واندثارها في وقت قصير يعود إلى انشغال الحكومة بالجوانب الأمنية فهي كانت أمام تحديات أخرى لم تنظر معها لتطوير السينما. وقال إن القطاع الخاص كان بإمكانه سد تلك الفجوة لكن تكاليفها الباهظة جعلته ينظر للأمر بأنه مخاطرة أكثر من أداة ربحية. ويتناول فيلم آمال وأحلام حياة السودان إبان استقلاله ويعكس حوار شيق بين الريف والحداثة.
شبكة الشروق
Post: #56 Title: Re: يا ملاسي اذهب من حيث اتيت وافدا انت وجميع اهلك Author: محمد عبد الماجد الصايم Date: 05-13-2013, 09:38 AM Parent: #54
سبحان الله يا معاوية .. شبه مبالغة عديل!!
Post: #58 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 12:05 PM Parent: #54
شكرا يا معاوية ياخ على المعلومات
بس تعديل بسيط
Quote: وهو أول فيلم روائي سينمائي بالسودان إخراج الرشيد مهدي وإنتاج إبراهيم ملاسي
الكلام ده معكوس
الرشيد مهدي صاحب القصة والسيناريو والمونتاج ومدير التصوير
وملاسي هو المخرج
Post: #52 Title: Re: يا ملاسي اذهب من حيث اتيت وافدا انت وجميع اهلك Author: احمد محمد احمد عتيق Date: 05-13-2013, 09:26 AM Parent: #47
Quote: التحيه والتجله للاستاذ ابراهيم ملاسى ولابنه حسين وان كانت الوطنيه بالعطاء لما سبق ال ملاسىى احد ....!
نعم والله ...وليست الوطنية وحدها ..بل الاخلاق والعشرة والتهذيب واحترام الناس ...
وطوال عمرنا لم نسمع عنهم الا كل خير ..من اصغرهم لي اكبرهم ...
مع تحياتي له واسرته ...الكبيرة والصغيرة ..
Post: #60 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 12:36 PM Parent: #52
اسعدنا مرورك احمد عتيق
Post: #53 Title: Re: يا ملاسي اذهب من حيث اتيت وافدا انت وجميع اهلك Author: garjah Date: 05-13-2013, 09:27 AM Parent: #47
يا وهبة
الارشيف
ما عندك
ياخي دي كان تفتح ليها بوست براها بدل البوست الما مفهوم ليهو جيهة ده
Post: #74 Title: Re: يا ملاسي اذهب من حيث اتيت وافدا انت وجميع اهلك Author: الصادق عبدالله الحسن Date: 05-22-2013, 02:23 PM
- العنوان – أخي العزيز وليد - حقق غرضه في جذب المتداخلين ... لكنني – وقد أكون مخطئاً - أراه عنواناً مستفزاً وغير موفق..
رغم أن المحتوى ومداخلات الزملاء في مجملها كانت رائعة ومؤثرة... وما أتى به الإخوة الكرام من معلومات موثقة هي وسام يستحقه ملاسي الأب والإبن..
غير أنني أرى أنه ليس شرطاً أن ينال الشخص جدارته بالمواطنه لأنه أنجز وساهم في الثقافة والتعليم وغير ذلك..
ففي المجتمعات التي ترقت في سلم الحضارة يكفي أن يولد الطفل فيها حتى وإن جاءت أمه لحظة ولادة طفلها عابرة في صالة الترانزيت لينال الطفل جنسيته وكامل حقوقه المدنية والسياسية..
واعتقد أن ملاسي وغير ملاسي ليس في حاجة لشهادة نمنحها له أنت وأنا وغيرنا ممن يظنون أنفسهم أصلاء و اقحاح من أحفاد (العباس) و (فاطمة الزهراء) والدوحة الشريفة وهلمجرا.. ملاسي هو مواطن ، شأن أي مواطن .. وكفى
... .. .
Post: #55 Title: Re: يا ملاسي اذهب من حيث اتيت وافدا انت وجميع اهلك Author: عماد موسى محمد Date: 05-13-2013, 09:38 AM Parent: #28
Quote: كتابات ملاسي دي وسـخـريته مننا، ما إخراج بالمؤخرة؟!
لولا أنك تكتب بحروف وكلمات في سودانيز لحسبتك خرجت من حفرة جهل لم تتعلم فيها حرفا هجائيا ناهيك كلماً جميلا أو شعورا اصيلا، أو تعبيرا نبيلا ... ولكن رب كلمة كانت للإنسان عنوانا:
Post: #59 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 12:14 PM Parent: #55
Quote: ياخي دي كان تفتح ليها بوست براها بدل البوست الما مفهوم ليهو جيهة ده
جيهتو معروفة البوست ده بدليل انك حاتل فيه من اول امبارح
Post: #62 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-13-2013, 01:07 PM Parent: #59
Quote: و برضو تتهم بلير إنو بقرأ بالإضنين
كويس بلم فيك
Post: #64 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-21-2013, 10:06 AM Parent: #62
Post: #65 Title: Re: يا ملاسي اذهب من حيث اتيت وافدا انت وجميع اهلك Author: احمد الأمين على إدريس Date: 05-21-2013, 10:54 AM Parent: #64
وليد يا شفت سلام وتحايا
وفى كسلا ايضاً فى الثمانينات عرفنا بعض ال ملاسى وماكانوا الا كما اشتهينا -- مكارم اخلاق - وادب وتهذيب وانا على يقين بان حسين امتداد طبيعى لاولئك الأفذاذ ... مارسوا المواطنة الحقة بان اعطوا لهذا الشعب وما بخلوا ايجابيين وفاعلين اينما وجدوا ..لهم منا التحايا وكثيف الاحترام .. ولا يزال ملاسينا الهنا دا يفعل ذلك باريحية وشوية مساخة
ومع كل ذلك فهوقطيم شوية
Post: #66 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-21-2013, 12:40 PM Parent: #65
ازيك يا احمد الامين
Quote: وشوية مساخة
لالا ما شوية
يفعلها مع كثير جدا من المساخة .. ولايقة وحلوه فيه
الغريب لو قابلت هذا الملاسي بالدرب اكاد اجزم بانه الطف اهل سودانيز اون لاين
Post: #67 Title: Re: يا ملاسي اذهب من حيث اتيت وافدا انت وجميع اهلك Author: رشا احمد Date: 05-21-2013, 01:03 PM Parent: #66
Quote: لالا ما شوية
يفعلها مع كثير جدا من المساخة .. ولايقة وحلوه فيه
الغريب لو قابلت هذا الملاسي بالدرب اكاد اجزم بانه الطف اهل سودانيز اون لاين
سلامات وليد ...
طلعت من آل جوقة ملاسي .... و النِعم و الله!
-------------
السطر التاني دا مية مية ... ملاسي يفعلها بمساخه و افتراء لايقات عليهو ..... غياظ و برفع الضغط و يمكن يكون اف اف ار برضك بس مهضوم
Post: #70 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-22-2013, 06:03 AM Parent: #67
يا رشا يا كحيل على قول عمر الفاروق
اسهمك في المنبر ماشة بسرعة الصاروق تجاه النجومة شكلك كده حا تبزي دينا خالد
___________ حقيقي يا رشا جميع البوستات البتدخليها بديها مسحة لطافة وبتخليها سااااااااااهة تحيه كبيرة
Post: #68 Title: Re: يا ملاسي اذهب من حيث اتيت وافدا انت وجميع اهلك Author: محمد حمزة الحسين Date: 05-21-2013, 03:25 PM Parent: #64
Quote:
وبعد الاعلان دا ونحنا فى الصفحه 3 ملاسى ما هببو ليك يا وليييد حكمة اليوم يا بلير مالكم تتملسون : : : الشفت ياخى اتنازل من الاسم دا لى ABUHSSAIN تانى وش اخضر متدردق
Post: #69 Title: Re: يا ملاسي اذهب من حيث اتيت وافدا انت وجميع اهلك Author: رشا احمد Date: 05-22-2013, 01:20 AM Parent: #68
Quote: وبعد الاعلان دا ونحنا فى الصفحه 3 ملاسى ما هببو ليك يا وليييد حكمة اليوم يا بلير مالكم تتملسون
والله أنا عجبتني (مالكم تتملسون) دي ..... ههههههههه
دمك شربات يا محمد حمزة ... بس لو وليد طلع التاني في الشفتنة فــ انت طلعت الطيش رسمي وداخل المدرسة مستمع ^^
Post: #71 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-22-2013, 06:14 AM Parent: #68
حبيبنا محمد حمزة
Quote: وبعد الاعلان دا ونحنا فى الصفحه 3 ملاسى ما هببو ليك يا وليييد حكمة اليوم يا بلير مالكم تتملسون : : : الشفت ياخى اتنازل من الاسم دا لى ABUHSSAIN تانى وش اخضر متدردق
غايتو يا حبة رشا ما قصرت معاك تحت
المهم ملاسي الذي اقصده ماف ليه طريقة يجي .. لسبب بسيط لانو ميت رحمة الله عليه
اما ملاسي الابن فهو اعقل من ان ياتي .. وانا اعلم اني قصمت ظهره بهذا بالوست ده واجب في ظل عنصرية بغيضة حاول المختلفين معه استخدامها ضده - وهي سبب هذا البوست - لتبيان سودانوية هذه الاسرة العريقة المدلل عليها بالعمل الجاد والفكر الثاقب والرائ الراجح
ملاسي الابن بكون خجلان خجل المتواضعين وشاكر شكرهم
Post: #72 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-22-2013, 06:22 AM Parent: #71
مرحب نانا
Quote: وليد المبارك باين ما قرأ عمود عمنا المرحوم محمد توفيق فى جريدة الخرطوم فى خلال سنوات الإنتفاضة وحكومة الصادق المهدى حينما اساء الوافد د. غلى الحاج لبعض السكان الاصليون للسودان ! اما الكركاتير للوافد على الحاج فكان تحفة ما بعدها تحفة وهو على ظهر امه صبيا يدلل رجليه فى رحلة عبورها الى أرض السودان !!! ثلاث ارباع السودان وافد يا وليد المبارك فده باب من صالحك عدم فتحه لان المتمتعين بحسن الضيافة لمئات السنين قد يكون منهم اهلك أيضا !
نموذج اخر للقراية بالاضنين والعنصرية المضادة كدي يا نانا امشي اقري البوست كله .. بعدين علقي التعليق الذي لا يختلف شكلا ولا مضمونا عن تعلقات وافكار المختلفين مع ملاسي
ده بالنسبة لي موضوع البوست
بالنسبة لصالحي نديك شوية من جهالة القبلية يمكن تروقي اهلي لن يكون ضيوفا على هذه البلاد لسبب بسيط انا دنقلاوي من ود نميري دنقلاوي يعني نوبي و نوبي يعني زول ما اتعرف ليهم مكان تاني خارج السودان ده بتاتا فشوفي ليك شغلة تانية .. ما عندك طريقة معاي في الدرب ده
المهم البوست ده مفتوح لمن هم امثالك من العنصريين لتبيان خطلهم .. وان السودان للجميع .. وانت مثال كويس للاتجاه الاخر من العنصريين
Post: #73 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-22-2013, 08:27 AM Parent: #72
عينة
Quote: اللهم زد و بارك اكيد وارث.. من التركية السابقة
Post: #75 Title: Re: يا ملاسي اذهب من حيث اتيت وافدا انت وجميع اهلك Author: الصادق عبدالله الحسن Date: 05-22-2013, 02:27 PM Parent: #73
- - العنوان – أخي العزيز وليد - حقق غرضه في جذب المتداخلين ... لكنني – وقد أكون مخطئاً - أراه عنواناً مستفزاً وغير موفق.. رغم أن المحتوى ومداخلات الزملاء في مجملها كانت رائعة ومؤثرة... وما أتى به الإخوة الكرام من معلومات موثقة هي وسام يستحقه ملاسي الأب والإبن.. غير أنني أرى أنه ليس شرطاً أن ينال الشخص جدارته بالمواطنه لأنه أنجز وساهم في الثقافة والتعليم وغير ذلك.. ففي المجتمعات التي ترقت في سلم الحضارة يكفي أن يولد الطفل فيها حتى وإن جاءت أمه لحظة ولادة طفلها عابرة في صالة الترانزيت لينال الطفل جنسيته وكامل حقوقه المدنية والسياسية.. واعتقد أن ملاسي وغير ملاسي ليس في حاجة لشهادة نمنحها له أنت وأنا وغيرنا ممن يظنون أنفسهم أصلاء و اقحاح من أحفاد (العباس) و (فاطمة الزهراء) والدوحة الشريفة وهلمجرا.. ملاسي هو مواطن ، شأن أي مواطن .. وكفى ... .. .
Post: #76 Title: Re: يا ملاسي اذهب من حيث اتيت وافدا انت وجميع اهلك Author: وليد محمد المبارك Date: 05-23-2013, 08:01 AM Parent: #75
مرحب العزيز الصادق
فعلا ملاسي او غيره لا يحتاجون الى تذكية لنيل الجنسية من احد ... لكن في ناس الا يذكروهم ويخاطبهم حسب فهمهم
