Post: #1
Title: رمضان يجمعنا
Author: عباس الدسيس
Date: 05-12-2013, 08:03 AM
يعني تاني ما نشوف تلفزيون و ل شنو!!!!!
ياخي ال mbc قناة عجيبه ختت في قلبي خلعه لو هنالك قنوات للتقاضي والتحاكم نزيهه في العالم العربي كان إشتكيتهم .
يوم الجمعه شوفتا اعلان عن مسلسل ونهاية الاعلان رمضان يجمعنا من حسي طيب خلونا نبل ريقنا من الفات ومتين هو فات ؟؟؟
الناس دي جادة.
|
Post: #2
Title: Re: رمضان يجمعنا
Author: ود الباوقة
Date: 05-12-2013, 08:06 AM
Parent: #1
اركز
كمان السنة دي جاي في صيف قائظ
ربنا يتقبل
اركز
|
Post: #3
Title: Re: رمضان يجمعنا
Author: عباس الدسيس
Date: 05-12-2013, 08:14 AM
Parent: #2
Quote: اركز
كمان السنة دي جاي في صيف قائظ
ربنا يتقبل
اركز |
عمر اخبارك يا وجيه
ياخوي الشغل بقي ردم راسو عديييييييييييييييل
جك الابري بتاع رمضان الفات لسع باقيهو في التلاجة الحكاية شنو !!!!!!
حكاية رمضان وايجار الشقة ومصاريف المدارس وتجديد الجواز اشك فيها حاجة ما طبيعيه
|
Post: #4
Title: Re: رمضان يجمعنا
Author: ود الباوقة
Date: 05-12-2013, 08:19 AM
Parent: #3
| Quote: حكاية رمضان وايجار الشقة ومصاريف المدارس وتجديد الجواز اشك فيها حاجة ما طبيعيه |
مبالفة لكن
تصدق يا دسيس بتاع الايجار اليوم اتصل على قال لي الايجار حل عليك
علما باني قد اعطيته الشيك الفات كانه امس
حاجة تحير والله
جهز نفسك من هس للحج
وشكرا
|
Post: #5
Title: Re: رمضان يجمعنا
Author: أيمن دياب
Date: 05-12-2013, 08:22 AM
Parent: #3
الدسيس يا دسيس..
مشتاقون وكده..
رمضان ده أنا بخاف منو أول يوم بس..
لكن بعدو كان بقى شهرين ماعندي مانع..
|
Post: #6
Title: Re: رمضان يجمعنا
Author: عباس الدسيس
Date: 05-12-2013, 08:29 AM
Parent: #5
| Quote: تصدق يا دسيس بتاع الايجار اليوم اتصل على قال لي الايجار حل عليك |
بق بق يا حبيب
خليك حفيظ للتواريخ والزمن .....
اشمعنا في رمضان بتحفظ وقت صلاة المغرب بالدقيقه والثانية 
بعد اعلان الmbc لو من حسي قلته لي سمع وقت اذان المغرب للثلاثين يوم بجيب فيها عشرة من عشرة
|
Post: #7
Title: Re: رمضان يجمعنا
Author: عباس الدسيس
Date: 05-12-2013, 08:43 AM
Parent: #6
Quote: الدسيس يا دسيس..
مشتاقون وكده..
رمضان ده أنا بخاف منو أول يوم بس..
لكن بعدو كان بقى شهرين ماعندي مانع.. |
حبيبنا ايمن سلام
اخبارك والاسرة الكريمة
شوقنا بحر وانهار ومحيطات والله الانهار والمحيطات دخلت هنا تبع الخلعه والعطشه
من حسي بي تصريحك ده انا بعتبرك ارجل مغترب نخليها في نطاق المغتربين عشان ما انط واحد ونبقي في حكاية جوائز ....
انت اليوم الاول بس غايتو احنا لينا الله ......افوت لينا خوفت السنة الفاتت الما انتهت لي حسي.
أنا من شوفتا الاعلان عن رمضان زي الماشي لي دكتور اسنان !!
|
Post: #8
Title: Re: رمضان يجمعنا
Author: محمد الطيب يوسف
Date: 05-12-2013, 09:12 AM
Parent: #7
ناس الام بي سي والله شفقانين شفقة امونة بت حميدان الكيسين لشنو اك ماعارف لقهاشنومجه ماعارف
بعدين لو بارته ف رمضان بدبلوا ليك العطشة أصلها مسلسلاتهم كلها بتعطش
الدسيس الظريف يالله تتم ليه ...... رمضان
ويجي ساهل وماهل
|
Post: #9
Title: Re: رمضان يجمعنا
Author: حمد عبد الغفار عمر
Date: 05-12-2013, 10:47 AM
Parent: #8
سلام يا عباس
يا دوب انتو سمعتوا بالقصة دي؟
ياخ أنا لي 5 يوم بطلت التدخين استعدادا لرمضان
عشان كدا مشكلتي إنحصرت في اليوم الأخير بس لأنو أكتر يوم بجرسني في رمضان
من أمس بدأ حر عجيب ياخ
الله هونيني
|
Post: #10
Title: Re: رمضان يجمعنا
Author: عباس الدسيس
Date: 05-12-2013, 10:51 AM
Parent: #8
Quote: الدسيس الظريف يالله تتم ليه ...... رمضان
ويجي ساهل وماهل |
محمد الطيب سلام يا حبيبنا
اخبارك يا وجيه
حكاية ساهل...انت سيد العارفين بالبلد هنا اما ماهل مافي زول بغالطك فيها مهلتو اليوم بي شهر اذان الضهر وقت إأذن لو ما متيقن بتمشي بي نظرية جغيمات الوضؤ.
اقول ليك حكاية من حكاوي رمضان يجمعنا:
مقدمة: كل ما أمشي البطحاء أو تجمع هنود الجماعه اتكلمو معاي اردو ولهجات هندية ما فاهما شنو بفتكروني هندي كيرلا من شكل الشعر وبعض الملامح .
رمضان الفات كنت طالع من المكتب ماشي علي البيت في الطريق دخلت قدام عربية دخله خطأ 100% علي الخطأ وواجب علي الاعتزار لصاحب العربية الجوطه ليهو الشارع والسخانه مولعه وفتحت الزجاج مشكله مع الزهجة توكلت وعملته ظريف فتحت الشباك عشان اعتزر لسؤ حظي وقعت في الشباب الطائش الحناكيش البشغلو المسجل لاخر صوت بالله واحد فكه فيني بصقة لصقت في زجاج السيارة الامامي وعملو لي حركة امشو قدامي وامسكو فرامل.
مع الصيام شوفتا نجوم قدام عيوين وراسي زي القامت فيهو عاصفه اعمل فووووووووووووو من الزعل .
لسؤ حظهم كان قدامنا اشارة مع وقفة العربات تلبته وجريت يد العفريته وبطريقة النبذ والاساءاة السودانية الما بتغبي زول من قباحتها وجريت عليهم الجماعه وقت شاوفوني جاري عليهم تلبو من العربية الاربعه وقامو جاريين اها ما لقيت حاجة افش فيها غبينتي غير عربيتهم طااااااخ كسر لتيهم القزاز الخلفي........
طبعا الهنود وبتاعين المحلات اعجبوك لو شافو شكله كلهم إطلعو اتفرجو .
وانا راجع للعربية بعد فشيت غبينتي بتكسر زجاج عربيتهم اسمع ليك الهنود اتكلمو ........... هذا همار فكر انت هندي ماف سوداني ....
ربك اعدي بخير
|
Post: #11
Title: Re: رمضان يجمعنا
Author: علي محمد الفكي
Date: 05-12-2013, 12:03 PM
Parent: #10
عارف يا دسيس وصلتني المس رسالة
خلعتني زي خلعة نا MBC ديل
الرسالة مكتوب لي فيها اللهم بارك لنا في رجب وشعبان وبلغنا رمضان
قلت متين هو جاء
يا اخ ناس مستعجلة بشكل
|
Post: #12
Title: Re: رمضان يجمعنا
Author: عباس الدسيس
Date: 05-12-2013, 12:17 PM
Parent: #11
| Quote: ياخ أنا لي 5 يوم بطلت التدخين استعدادا لرمضان |
حمد اخبارك يا حبيب
مشتاقين طولنا ما لاقيناك في زقاقات سودانيز
اخبار الضهر شنو؟؟
بالغت يا حمد تخلي السجاير ورمضان جاي
اكثر متعتين خلال السنة السجاير في رمضان - والشربوت في الضحية
سجارة الفطور اذكرتها حسي نفسي قام
وشربوت الضحية لو اخذ ليهو اسبوع وكبيت فيهو ببسي في اليوم الثالث ياكا المفوت الغذاء وتصحي نص الليل تدور تاني
مرة حاولت اخلي السجاير تصدق رجعته ليهو في رمضان.... ما قالو يجمعنا ............
|
Post: #13
Title: Re: رمضان يجمعنا
Author: عباس الدسيس
Date: 05-12-2013, 02:35 PM
Parent: #12
| Quote: الرسالة مكتوب لي فيها اللهم بارك لنا في رجب وشعبان وبلغنا رمضان |
علي سلام اخبارك يا الحبيب
ربنا الزمك الصبر مع ناس رسائل اللهم بارك لنا واستعد ليهم في رمضان بس خلي الجوال صامت وقت النوم
العينه دي من الناس عندها رسائل طويله سلبه وخاصة يوم الجمعه
حركة Forward تطلعو بيها روحنا
ناس كرهت التكنلوجيا حياتها
تحياتي وتقديري
|
|