إقتراح للخضر الميامين ..قيقاراوي وامونة مختار وتبارك

رايكم شنو يا شباب أي كلام يكتبه شيخ محسن خالد " ننقله " ليكم هنا دا بالبوست هذا.. وانتو تجو تورجغوا ورجغتكم العاوزنها بي جاي
وتخلوا " لينا " كتابة محسن نستمتع بما يكتبه من ربط ذكي ولماح وبعض الاحيان مُبرر ومؤسس لمختلف الحكايات والميثلوجيا والحكي الديني والقصص والقران دون تشويش منكم حتى نفهم على الأقل ماذا يقول..
لانه بصراحة ما تفعلونه هو تشويش وقناة الجزيرة بتدفع دم قلبها لمكافحة التشويش.. اها نحن ما عندنا قروش ندفعها ولا نستطيع لمكافحة هذا التشويش سوى بفتح قناة اخرى لكم تمارسوا فيها الورجغة الخضراء بكل اريحية
ومافي زول حايقول ليكم عينكم في راسكم..

ــــــــــــــــــــــــــــــــــ
يا للملل :)

بعدين تعالوا هنا دا يا الخضر ..

إنتو القصة دي يعني تكليف حزبي والا شنو :)

الشئ الحاصل في السودان كلو ما حرك شعرة حرف من المزرعة الخضراء السعيدة دي..
بقت على شيخنا محسن يعني كلكم متلمين فيهو وهاك يا ورجغة ..!!

ـــــــــــــــــــــــ
آآآي ورجغة والبتعملو فيهو دا ورجغة ...أها

ومن هسع اقول لكم شئ..
عندي انتي بايوتك ضد المساخة .. وجلدي تخين ما بتشيل فيني الغلاسة ..
وان شاكلتوني بهدي ليكم ورود حمراء...

انا بقيت زول محبة سااااكت
بنشر الحب بس


ــــــــــــــــــــــــــ..
قوموا لفوا اريتكم بالجراد اليشلع خداركم :)

عان دا كمان يضحك ..

تضحك يا اب ملاحاً ســاقــط :)



ــــــــــــــــــــــ
يا تبارك ياخ اجاد أخوى خلى الكلام دا..
إنت ما بتعرف الحب ياخ
خلى عندك محبة .. المحبة كفيلة بتذويب أي خلاف مهما كان كبير
ديني سياسي عرقي ثقافي الخ الخ الخ
المهم حب الناس حايحبوك ..

لم اجد العذر لقيقراوي وتبارك
أما آمنة يا هو حالها بتحب دايماً تتصور جنب النجوم !

__________

بالجد حركة ما ظريفة !!

يا زول هووووى الزول دا هبش (طائفتنا )عدييييل ..

يعنى البنعمل فيهو دا إسموا كفاح مقدس ....:)

،،،،،،،،،،،،،،،،

غايتو بعد طلعنا عبدة شيطان ..
دى النبذة الوحيدة الكنا ما إتنبذناها فى الأسافير السودانية دى ..
خلاص كدا كملت .

بعدين مش كتر خيرنا .. قلنا نستثيروا شوية
عشان يطلع ليكم مزيدا من ( الدرر ) ؟!


عموما يا حيدر ، أنا قلت ليهو باي باي ..قبل بوستك دا ..
لأنو الرحمة حلوة برضه .

جزيت خيراً يا طريفي
ياك زول النصيحة

























-------

انا مفكر جادي افك ارتباطي بي عبدة الشيطان ديل

وهبة يا شرير..

انت عزيزتنا امنة مختار من يومها الابدت تسلم عليـك واتجاهلتك بقيت بتمارس شرورك اتجاهها .. انا عارفك

ـــــــــــــــــ
انت بس انجز لينا موضوع بكرة دا والله تبقي نجم النجوم ولا ملاسي زاتو..
لومك بي امونة لو ماجات طلبت توقيعك على الاوتجراف شوف.. :)

يا اخواننا انا بحاول اكون فريندلي مع الراجل دا ...

لاكين كمان هو جهلول وقليل ادب ومتهور ... يعني اتلمن فوقو اصعب تلات صفات ...

زول يحارب العلمانية بالجهاد ضد الماسونية ويرش الرش بتاعو دا؟

معقولة؟

والله اشتقنا لى دكتور عارف الركابي ... فلديه عميق معرفة وأدب جم ورزانة مقارنة بهذا الفكي المسيختابي ...

ولم نر كمال علي الزين يدخل على الركابي فيقول "إنّا نحبك ومتابعين" ... فما هذه الكوميديا الساخرة التي أصابت مثقفنا بالإعجاب بهذا المسخ الفكري والأدبي؟



... المهم ...

Quote: انا مفكر جادي افك ارتباطي بي عبدة الشيطان ديل

آآآي والله .. الوضع اصبح لا يحتمل يا صديقي ... فمرحباً بعودتك لطريق الحق ومنهج الدين ..

( حبيبنا عمر صديق .. بالله احتفاء كااارب بهذا الاخ المهتدي )

Quote: عموما يا حيدر ، أنا قلت ليهو باي باي ..قبل بوستك دا ..

يا سلام يا امونة يا حنينة..
بالله قرضي على كدة وخلى تبارك عابد ابليس دا براهو بهناك ( طبعاص بعد اهتداء اخينا في الله فتح الرحمن حمودي للطريق ..


ــــــــــــــــــــ
انتي يا امونة الخضر دا حزب مركزي والا غير مركزي.. سؤال يعني عشان اديك اقتراح تاني..!
ثم السؤال التالت ممكن تورونا ماهي علاقتكم بالبنائين الاحرار - بصراحة كدة وبدون لولوة يعني .. هل للخضر اي علاقة بالغوص او البنيان ..

Quote: فما هذه الكوميديا الساخرة التي أصابت مثقفنا بالإعجاب بهذا المسخ الفكري والأدبي؟

إذا كان مثقفينا اصبح يعجبهم ابليس همسيلف تاني داير شنو ..
قال الفكي قال..

انت عجب الفكي تشوف .. وعجب ابليس ما تشوف !!

عجب شنو بقت فيها منى وامنيات بانه ربنا يملى قلبنا بإيمان ابليس... والله صحي ..

Quote: أعتقد أن ايمان ابليس بالله أقوى من إيمان جميع البشر، لأنه ايمان مدعوم باليقين وبالمعرفة، فياريت يتملي قلبنا بالإيمان بنفس القدر بتاع ايمان ابليس.

ثم تانيا..
هل المعرفة تكفيك فقط للإيمان.. يعني انا لو بعرف الشئ معناها مؤمن بيها يا تبارك ::

Quote: بعد يعرف ربو الخلقو وعباد ربو وصراط ربو ... اكتر من كدا يكون مؤمن كيف؟

ــــــــــــــــــــــــ

أين بوست محسن المعني في هذا البوست يا حيدر؟؟؟

ساعدونا بالروابط نحن ناس ما متابعين الأسافير دي يا حيدر ..

حبيبنا صديق رحمة .. يا مراحب :

مراجعة المنهج والتجربة

هاك استمتع والله بهذا الفيض من ابداع اخينا محسن خالد.
...

ــــــــــــ
بس نصيحة
اختصر زمنك اي مداخلة تلقي فيها واحد من الثلاثي دا اعمل سكرول داون ومشي للبعدها..

انا الخلاني اجي ارفع البوست دا تاني شنو ..!!
شنو...!!! شنو !!

أآآآهااا اتذكرت ... شايف برضو فتح الرحمن يكتب انه لن يمشي تاني وبرضو يمشي راجع ويكتب ويقول اخر مرة وبرجع يرجع بعد ىخر مرة وهكذا دواليكـ..
والله لكن هكر الشيطان الاسمو قيقراوي الكان مهكر روح فتح الرحمن دا قوى ..
رغم مجاهدات فتح الرحمن للتخلص من كل الطبع الـ"شين " حق الهكر لكن برضو مرات بيتأثر بروح الشيطان القديمة ..

انتو اول تفكروهو لعب والا شنو ؟
قايلنو توب وكيبورد بيتغير وخلاص.. ينادوك بالمهتدي بتبقي المهتدي .. ينادوك بالنبي بتبقي النبي؟؟
دي بصمة ياعمك سواء كنت قيقا والا بقيت قارون .. سلوك ونحن احببنا قيقا بهكرو وبشيطانوا وبجنو وفاهمنو ومتفاهمين معاهو ولا فارق معانا بشئ..
هسع بقينا في الزول الاسمو فتح الرحمن دا
متين نعرفو بيكتب باسم فتح الرحمن .. ومتين نعرف انه الشيطان استولى على كيبورده..
غايتو نضرب ربل تاني .. والا نسأل امونة تفزعنا بواحد من البنائين الاحرار يفيدنا..

قال ليك سليمان عليه السلام قال من ياتيني به ..! الجان قال ليهو قبال تقوم من مجلسك.. بتاع العلم قال ليهو قبال يرتد ليك طرفك.. ولاقهو قدامو..
العلم فاق سحر السحرة..
ودا بالمناسبة الادوهو العلم دا برضو كان من المنتظرين مع ابليس همسلف..

غايتو يا حيدر ، لو من ناحية البيكتبوا محسن دا إبداع ، فهو إبداع مافى إتنين تلاتة ...

فبالرغم من إنو شيطانو طبشورتو بتشتغل بالريموت كونترول ( تعترض على كلام محسن وللا تحاول تناقشه طواااالي الوحي المزاجي بتاعه يوحي ليهو بإنو المسيخ الدجال حا يطلع من منطقتكم ، ولغتكم وأسماء مناطقكم تبقى من وحي الشيطان ).....:)

إلا إن قراءة ما يهرف به محسن ممتعة ومسلية للغاية .

...............

والمسلي أكثر فى الموضوع :
أن محسن خالد وحده لا شريك له من يحق له أن يكفر الناس يمينا وشمالا ..
ويصمهم بعبادة الشيطان ، ورغم ذلك يهللون له ومافى زول يقول بغم ..!


آمنت بنفوذ إبليس اللعين على بعضهم ....:)

Quote: قوموا لفوا اريتكم بالجراد اليشلع خداركم :)

هههههههههههههه
حيدر يالذيذ غضبك جميل زي بسمتك
ياخ كتلتنا بالضحك ولا ولدنا وهبه
قال شنو : بنحب تتصور مع النجوم هههههههههههه


ما قلت بقيت رسول حب وبتهدي ورود وكدا ....
عليك االه اهديني ورده وضاعف علينا الريده

Quote: هل المعرفة تكفيك فقط للإيمان.. يعني انا لو بعرف الشئ معناها مؤمن بيها يا تبارك ::

هسي انت بتعرف حزب الخضر ... عضوية دي ولاّ مش عضوية يا متعلم بتاع المدارس؟





.. المهم ...

انتي يا امونة الخضر دا حزب مركزي والا غير مركزي.. سؤال يعني عشان اديك اقتراح تاني..!

عااارفة الغرض من سؤالك طبعا يا حيدر ..
واسمح لى ، ما عندي نفس أجاوب عليهو اليومين ديل .

أسأل طبارك وقيقا ..:)

..............................

ثم السؤال التالت ممكن تورونا ماهي علاقتكم بالبنائين الاحرار - بصراحة كدة وبدون لولوة يعني .. هل للخضر اي علاقة بالغوص او البنيان ..

بلا بنايين بلا رواكيب معاك إنت كمان ...
الزول بس ما يتجرأ يقول رأيه فى حاجة ، طوااااالي تروجو عنه الإشاعات المغرضة ..!!

لكن غايتو للضمان كدا ، يمكن عندي علاقة بالغواصين ..
عشان جدودي من سواكن ...
وما أدراك ما سواااااكن ................
قرقرقرقرقر

حبيبنا وليد .. واهدي ليك الريدة كمان .. المافي شنو :)

يآخي والله دا يوم سعيد الجابك لينا في احتفائتنا بالخضر اليوم هنا :

Quote: عليك االه اهديني ورده

وعشان طه مايزعل نهديك وردة خضرااااء تسر الناظرين :

Quote: وضاعف علينا الريده

ونزيدك ريدة من قلب اخضر زي قلب امونة الخضراء :)



ــــــــــــــــــــــــــــــــــــــــــــــــــــ
تبارك من الرعيــل الاخضر اللذين لاينشرون الحب مثله ومثل وهبة الشرير ..دا للعلم وكدة يعني

مزاجك حاليا كيف يا امنة مختار..!!

مزاجك لو انعدل في أي لحظة تلقيني جااهز اسمع اجابتك واناقشك وانا احمل بوكيه ورد وعقد فل وقلب مملوء بالمحبة للدنيا كلها باشرارها وبصلاحها..

هو بالله غير الحب والمحبة الدنيا شن فيها..

محبتي..

Quote: هل المعرفة تكفيك فقط للإيمان.. يعني انا لو بعرف الشئ معناها مؤمن بيها يا تبارك ::

طبارك هنا جلاها ثابتة

انما يخشى الله من عباده العلماء


وبرضو ما بجاوب على سؤال كمال علي الزين (ابليس من الجن ول الملايكة؟) .. زي ما ادعى الصادق المجولب، واحال كمال!





















----------

ثم اما بعد

قيت أ لايف يا سابقاً

مالك ومالي ارجع هناك ول ما ارجع!؟
انا التزمت عشان محسن خالد فقط لا غير ..
لكن لن اسكت على قلة ادب .. حتى لو عشان خاطر محسن همسلف!!
اكضب عليكم عاد ول على الله!؟

هسع عليكم الله المسخوت منو ؟..
محسن ولا هذا التبارك ؟!!!

Quote: ولم نر كمال علي الزين يدخل على الركابي فيقول "إنّا نحبك ومتابعين"

Quote: طبارك هنا جلاها ثابتة

تبارك " كثيبراً " ما يجيليها بالثابتة.. ويتم باقي الشوت مساخة وقطامة :)
قال ايه .. ابليس اكثرنا ايماناً ..ياخي لا.. الككويسة انه شيخ محسن بقي زول جميل جداً وترك التهاتر لانه التهاتر من عمل الشيطان وينزع به لبحث الفرقة بين قلوب بني ادم ..

Quote: مالك ومالي ارجع هناك ول ما ارجع!؟ انا التزمت عشان محسن خالد فقط لا غير .. لكن لن اسكت على قلة ادب .. حتى لو عشان خاطر محسن همسلف!! اكضب عليكم عاد ول على الله!؟

انا ما عارف لكن حاسي بنفس حار وزهجة منك كدة وزحمة خلق وضيق صدر وخمة نفس وانت بترد على .. " طبعاً من حقك الزعل من هذا التدخل السافر في شئونك "
والغضب حق انساني نبيل ..
لكن قلبي الوضئ المملوء بالمحبة ونور السماحة والتفاهم يخدش شفافيته اقل نفس حار من اي شخص..
وصدقني يا عزيزي فتح الرحمن حمودي إحتمال كبير جداً اني ما افطر ..اقول والله ما حا افطر .. ودا كله من تداعيات اني تدخلت تدخل سافر في شئونك .. وتبقي كفارتي عن هذا الحدث عدم الفطور - شفت الاخلاص دا كيف ..!!
قال ليك تبرع بوجبة لأطفال فلسطين .. تبرع بغدوة لاطفال الصومال .. تبرع ببكت دخان من اجل اللاجئين في سوريا..
وتبرع لأهل دارفور والشرق بخمسة عشر بوستاص وخمسة مقالات عصماوات ..وتلاتين كذبة وستنقذ ارواح الابرياء ..
أحب الايثار والخصخصة ..
فيآخي السماح ..
هو عليك الله غير الحب والمحبة نحن شن فايدتنا في الدنيا دي !!

ــــــــــــــــــــــــ..
لكن بالتأكيد ما بوعدك اني تاني ما اتدخل بتدخل وانت تزعل وانا املاك حب وطلب سماح.. ونشوف البفتر منو انت حاتفتر من الزعل والا انا حا افتر من الحب

ومحبتي

بسم الله الرحمن الرحيم


*



ارتيقا

لم راى قريباً بوست فيه سماحه وحب واحترام للرأى والرأى الاخر باريحيه
يا سودلنيزاونلاين عود بينا لى زمن الفرح الجميل والغضب السمح
:
:
يا ريت يكون البوست دا تاريخ للانحراف عن التنابذ بالالقاب وافاحش القول وبذيئه
يا ريت
يا ود الزين ورفاقه

Quote: لكن قلبي الوضئ المملوء بالمحبة ونور السماحة والتفاهم

متأكد الاخيرة دي ما تاء مربوطة!؟

ياخي بالمناسبة دي داير اسألك!؟


قيقراوي قال تاني ما يقولوا ليهو قيقراوي..سمح فهمنا ياقيقراوي..

مسئول من الخير -ركز: الخير بس- انا قاولتك متين .. وكيف؟

المصدر لو سمحت؟

نوع التحشر دا -الدقو فيهو الشافع- ياهو القاعدين ندق فيو انحنا

















-------

هذا ونفيد سعادتكم انه جاري دراسة طلب المحبة بتاعكم ..
حتى ذلك الحين ما تفطر ..
تاكل السم .. الفاطر ليها شنو!؟

Quote: المصدر لو سمحت؟

اهاااااااااااا .. وان جبت لك المصدر حاتعمل شنو ؟!

بعدين عاوز تغالطني في المحبة والتفاهم المالي بيها البوست دا انت ما قريت المداخلة المليانة الفوق مداخلتك دي والا شنو !!
عالم مغمضة وتكتب ساااي..

اهاا ان جبت لك المصدر بيبقي شنو متفاهم والا مابتاع تفاهم يا راجل يا متعلم يا بتوع المدارس ...


ــــــــــــــــــ
وكمان كان ابيت وما جبتو أمشي ارفع فوقي قضية ودخلني لاهاي

Quote: لم راى قريباً بوست فيه سماحه وحب واحترام للرأى والرأى الاخر باريحيه يا سودلنيزاونلاين عود بينا لى زمن الفرح الجميل والغضب السمح : : يا ريت يكون البوست دا تاريخ للانحراف عن التنابذ بالالقاب وافاحش القول وبذيئه يا ريت يا ود الزين ورفاقه

دي اهم مداخلة في هذا البوست..

بحبك يا محمد حمزة الحسين يآخي ..!

بالله لقد علمتم عنا هذه السماحة والحب واحترام الرأي ( كدي الاخر دي ما تعصر عليها شديد هسع ) باريحية ..
شفت كيف يا محمد " انا " بعود لسودانيز لاجمل الازمان..
بالله خبر عنا
ودوماً اذا اعجبناكم اخبر عنا وبأعلى صوت .. وإذا لم نعجبكم فكوس لنا العذر واحتفظ برأيك " هو مقدر عشان كدة احتفظ بيهو جواك ما يضيع "

نعم هو تاريخ جديد سنسطره اليوم هنا ..

ــــــــــــــــــ
ولك تحياتي ومودتي ا حبيب ..والبوست مخلوط هزله بلعبه بجده ولكن اغلبه احترام ومحبة للمشاركين وما يجمع اكثر مما يفرق..

محبتي

شكراً حبيبنا ارتيقا الجيلاني على المشاركة التي تحمل معنى عميــق..
فقد تكون نقطة لكن لها مدلاولات ومعاني اكثر مما تحمل الاحرف والكلمات..
كتب الشيخ عائض القرني هذا الشيخ الوقور جزاه الله عنا وعن الاسلام خير الجزاء..
كتب فقال عن النقطة :

Quote: م الغرب ونحن العرب .. والفرق بيننا نقطة...هم يتفاهمون بالحوار ونحن بالخوار .. والفرق بيننا نقطة ... هم يعيشون مع بعضهم البعض في حالة تحالف ونحن في تخالف.. والفرق بيننا نقطة ...هم يتواصلون بالمحابرات ونحن بالمخابرات ..والفرق بيننا نقطة .. . عندهم المواطن100% مزبوط وعندنا100% مربوط …والفرق بيننا نقطة ...عندهم المواطن وصل الحصانة وعندنا لا زال في الحضانة .. والفرق بيننا نقطة ... عندهم إذا أخطأ المسئول يصاب بالإحراج وعندنا يبدأ بالإخراج .. والفرق بيننا نقطة. . عندهم يهتم الحكام باستقلال شعوبهم وعندنا باستغلال شعوبهم .. والفرق بيننا نقطة.. المستقبل لأبنائهم غناء ولأبنائنا عناء ..والفرق بيننا نقطة ... هم يصنعون الدبابة ونحن نخاف من ذبابه .. والفرق بيننا نقطة ... هم يتفاخرون بالمعرفة ونحن نتفاخر بالمغرفة ..والفرق بيننا نقطة .. . هم يعتبرون انفسهم شعب الله المختار ونحن لا زلنا شعب لله المحتار … والفرق بيننا نقطة... شي يحزن والله

معاني عميقة حملها الشيخ للنقطة.. وأي نقطة.. انها النقطة بين العين والغين..
بين التقدم والرقى وبين التخلف والتقوقع حول الذات..

وكانام الشيخ كان يقرا في بوستي هذا وهو يكتب كتابه العميــق " لا تحزن " نعم لن احزن فانا سانشر الحب والمحبة ولو أبي شيطان قيقراوي ورفس وكورك .. لن افكه واعتقه حتى يحب ما احبه " انا " وحتى يقول - لا اريكم الا مايرى سلطان المحبين وهادي المضلين ومرشد الكارهين الي طريق المحبة القويم ..

شكرا ومحبتي يا ارتيقا

لو سمح كرمك يا حيدر الزين عايزة عبر بوستكم المهيب أمني نفسي بمعرفة شروط العضوية في حزب "الخضر" ..لأنني أفكر في تقديم طلب عضوية لحزبهم اذا لم يكن هناك مانع ..


وشكرا لكرمكم الدفاق

Quote: بعدين عاوز تغالطني في المحبة والتفاهم المالي بيها البوست دا انت ما قريت المداخلة المليانة الفوق مداخلتك دي والا شنو !! عالم مغمضة وتكتب ساااي..

التفاهم مش بس اغالط فيو .. بل اعتقد انو هناك سوء تفاهم عدييييل كدا في حتة (تغويلي وتكتيبي) ما لم اغول .. بس تتغولوا ساي انتو يا شباب
وقيل -في رواية ابليسية زاعقة- انو سوء تفاهم ابو تاء مربوطة ذاتو!!


ياخي انت لو عاجبك (التفسير) دا تعال لينا بهناك .. وانضم للمفسرين الجدد بالدرب العديل
لكن حكاية التغول دي اتركا لما لا يريبك
انا قلت ما (تتعاملوا) معاي كـ(قيقراوي) .. لكن ابداً ما قلت ما (تقولوا او تتغولوا)!!
الله يكفينا شر القوالات!!
قيقراوي دي زي البهق .. هي توهان في مسارب الهويولوجيا .. التوق المستحيل
(ونص) انها لصقت فيك .. تاني ما ليها علاج الا بصرف روشتة ستنا البصيرة ام حمد!
فالج لا تعالج!!

اما بعد

يسرنا ان نطلعكم على قرار اللجنة المنبثقة من لجنة الدراسة والمرفوع للجنة القبول/الرفض، وبانه بحمد الله بعد الاستخارة والاستشارة والرجوع للاثر غير الشريف عن حبيبنا حافظ الجنقو انه قال:

قرداً يونسك .. ولا غزالة تزوزي بيك

توصلت اللجنة لقبول طلب المحبة تبعكم
نسوي شنو عاد .. مشتهين الونسة ساي!












-----------
يا تبارك هاك يا زميل:

Quote: لو سمح كرمك يا حيدر الزين عايزة عبر بوستكم المهيب أمني نفسي بمعرفة شروط العضوية في حزب "الخضر" ..لأنني أفكر في تقديم طلب عضوية لحزبهم اذا

بالله عندك واحد بطاقة خضراء للخنتيلة .. وصلحو

نهنيك على اختيارك الحصيف يا زميلة

الخضر المستقبل

محبتي في البدء مرفق معها سلامي يا ام مؤيد ..

Quote: Ummoayad Moayad · الأكثر تعليقا لا قاولتو ونص كمان اها وبالامارة في نفس اليوم القاولتو فيه نزل البوست ده . انا علي الشهادةبس حلف اليمين والكابشر علي حيدر الزين .. انت مالك شغال تفك رقبة ده وتنط في رقبة التاني . رد · أعجبني · متابعة المنشور · منذ ‏26‏ دقيقة

الماعندو محبة ماعندو الحبة.. ..
شكرا يا ام مؤيد على شهادتك بما شهدتيهو ..
هي شهوة الغلاط بس من هذا الشيطان الذي هكر كيبورد عزيزنا وحبيبنا قيقا ..
و الشهوات كتبها على " ما اظن " مريد البرغوثي سابقاً ..
لكنها شهوة لا يُشبعها الشهادة بقدر ما يُشبعها الــتفاهم والتفاهـ..م نفسه شهوة..
وانا ناشر سرمدي .. للحب .. وللمحبة .. وللشهوات وللتفاهم والتسامح .. والورجغة ..والحب مبتدأ ومنتهى
المافي شنو !!
محبتي الاكيدة

Quote: لو سمح كرمك يا حيدر الزين عايزة عبر بوستكم المهيب أمني نفسي بمعرفة شروط العضوية في حزب "الخضر" ..لأنني أفكر في تقديم طلب عضوية لحزبهم اذا لم يكن هناك مانع ..

والله البوست دا كان طلعتو منو " يا الثلاثي الميمون " بطلب العزيزة داليا حافظ فهو يكفيكم..

تراكم ماهينين والله انه داليا "تبص ليكم ساي "..

داليا غايتو انا مابعرف لكن اظن إنه تبارك هو الريس ...
وامونة هي المالكة وصاحبة العلامة التجارية والحق الادبي الخ الخ الخ..
الشيطان التالت دا مابعرف مهمته شنو زاااتو وسط هذا الألق والضياء الاخضر ..

ــــــــــــــ
لكن يا ام ملكة بتقدري على عبادة ابليس والغوص وشيل قدح المونة مع البنائين .. الناس ديل قالوا كبيرهم عنده قرون بحجم جبل التاكا.. وبير توتيل
غايتو انا حذرررتك وانت حرة ..

Quote: ام مؤيد

اشهد ان لا اله الا الله .. وان محمداً رسولُ الله!!

اسي نحنا خلصنا من غلاط جدادة البيت .. لمن نقبل على غلاط ناس الخلا!؟

يا شباب الرحمة حلوة برضك
اصبروا ياخي .. دوركم بجي*
كل مرة واحد غالاط بس يا شباب



























--------

* في واحد لذيذ خلاس من الفيسبوكاب العزيزين على ألب سابقاً دا مرة لقيتو ليك راصي لي لستة المفروض اجضمم ليك:

- كمال علي الزين
- امين محمد سليمان
- د. بشرى الفاضل




ياخي الما عارف ما يقول عدس .. تعال جضمم براك يا اخوي المافي شنو؟
قيقاراوي دي شخصية وهمية وحالة ذهنية يا شباب .. خلقتها انا ونسفتها انا .. تصرف الخالق فيما خلق
وهل يأبق الانسان (الاسفيري) من ملك ربه الاسفيري ايضاً؟
ما شغال اندرتيكر انا هنا ياخي!
بطلوا سوء تفاهم ياخي!!


بعدين انتو ما عارفين ساااي ..
زي حبيب ألبي كمال علي الزين دا (محمد) .. زول عينو قوية .. كأقوى ما يكون
عمري ما لاقيت زول بقوة عينو دي ..
بعد يرشني هنا تمااااام .. يضرب لي تلفون .. ويضحك معاي بدم بااارد
والله صحي

مجنونٌ من ظن ان الاشياء هي الاشياء
عشان صحتكم النفسية يا شباب بالله ما تحكموا بالظاهر .. ول بحكم على قواكم العقلية طوالي
المافي شنو!؟


المحبة للجميع .. حتى من ابى

يا ود الزين

خُدر
من يخدرو اخدرارا فهو اخدر والمؤنث خدرا

اها خدرا دي كنكش فيها بتعرف الناس ديل مالم


فبالله قدر وافهم ياخ

Quote: والمؤنث خدرا

خدرا السجارة






























----------

السجارة سجارة بهنس

القافية (بهنس)
ارح؟

الكتراااابة ...

والله محبتكم دي تسوي الملاريا عديل كدا ...






... المهم ...

داليا يا خنتيلة ..
صحي خنتيلة وحقانية .

الزيك ديل ناسنا ذاااتهم ...
ومرحب حبابك .


،،،،،،،،،،،،،،،،،،،،،،

شفتي السودانيين ديل إستنارة الكثيرين منهم هشة كيف ؟!!

هرونا هري بصناعة أنصاف الآلهة وأصنام العجوة ، الذين يصطفونهم دون خلقه ..
ويحظرون علينا نقدهم أو حتى النقاش معهم ..

ويقول ليك عبادة شيطان آآآآل ..

Quote: والله محبتكم دي تسوي الملاريا عديل كدا ...

آآآي نعم لمن الملاريا جاتك وشايــف ادوك كلوروكين بالعضل :)

احسن زاتو نرتاح من ورجغتك شوية ..

اها ان شاء الله الهمبريب الضاربك سمح ...

حبيبك قيقا دا.. ( آسف اقصد فتح الرحمن ) ياربي حا ياخد الحقنة متين ..!!





المهم .. ( حقت تبارك لمن يقوم بالملاريا بالسلامة )

Quote: التفاهم مش بس اغالط فيو .. بل اعتقد انو هناك سوء تفاهم عدييييل كدا في حتة (تغويلي وتكتيبي) ما لم اغول .. بس تتغولوا ساي انتو يا شباب وقيل -في رواية ابليسية زاعقة- انو سوء تفاهم ابو تاء مربوطة ذاتو!!

انت اساساً يتفاهمو معاك كيفن ويفرزوا قولك من غولك كيف .. مع جنس " ورجغتك " دي ..:
اعتذار لمحمد عثماننا والبطل وآخرين .. الله يعلمهم ثم محسن خالد

بقينا لا لاميين في قيقراوي حبيبنا لا وضحت لينا معالم فتح الرحمن حمودي عشان ننضم معاهو..

من انتم ؟ من انتم ؟ من انتم؟!

ــــــــــــ
قلنا ليك بيع لينا روح الشيطان قيقا وامرق منها.. ساومتنا بالعذاب الأبدي ...
لم يتم تغويلك في شئ لكنك بتخلط الرز مع الشعير مع القمح وعاوز الناس تقعد تنقيهو وتصنفو.. وان قالوا ليك الشئ دا مخلوط بالحيل..
بتقوم تعتذر ...

هسع انا ما ضامن انك ما تجي تعتذر عن تداخلك هنا

بالله ان نويت تعمل اي شاهد شيطاني للرجم او رمي بمساخة جمراتك فما تنسي انك موقع على وثيقة محبة خضرااااء تسر الناظرين

Quote: اها خدرا دي كنكش فيها بتعرف الناس ديل مالم

قلت لي اضرب الاخدر عشان تشوف ناس حزب الاخدر ..
غايتو عوجتهم عوجة .. ما بيستعدلو الا يجوهم مكنكشين في البرنسيس .. ( هنا بيقولوا عليهو ورق شام ليييه !! الله اعلم )

ـــــــــــــ
ذكرتني نكتة .. قال ليــك حمـــــار " لا مؤاخذة " لبس نضار حمراء .. لييه؟
عشان يشوف الاحمــر منه


راحة عميقة انك تنكت وتضحك ومتاكد من انه تبارك ماخد درب كينيين وما بيقدر يقوم يجدع

Quote: راحة عميقة انك تنكت وتضحك ومتاكد من انه تبارك ماخد درب كينيين وما بيقدر يقوم يجدع

سلامتو تبارك و الممرض الأداهو الكينين كرامتو ..... اها فترة النقاهة كم ؟ ^__^

أنا جيت بالدرب أسلم على الخدر الميامين و بالأخص أمونة بت مختار

وعلى راعي المحبة و حامي حماها حيدر الشين

انتو رديتو على سؤال داليا حافظ تحت والا لا؟ مستنظرين الاجابة بالله

رشوية مشتاقين والله .
ولك التحية والسلام .

سؤال أم ملك ردينا عليهو ..لكن لو فى سؤال تاني من الفيس ما شايفاهو غايتو ( عندى مشكلة فى شوف مداخلات الفيس عبر البروكسي ).

.............

حيدر الشين (على قول رشوية )..
حقنة الكينين خليها ..حقنة البنج فى بوست محسن ما تجليها بالله ..
عشان الجو يحلو ...أكتر ...:)

انا ما متأكد عندي اكتر من مداخلة في اليوم ولا لأ ...

لاكين مسألة توقيفي هذه المرة لن تمر بسلام ...






... المهم ....

Quote: لاكين مسألة توقيفي هذه المرة لن تمر بسلام ...

حتخش الغابة يعني ولا شنو ؟ ههههههههههههه

ياخي دي اسرع عودة في تاريخ بكري وجد سعيد بعودتك

يا خسارة ...
ويا فرحة ما تمتش ..




إلا قول لي طلعن كم بالله ؟!
شايفك صحت صحة اخيـــرة في بوست شيخ محسن وتاني ما تنيتها..




المهم ،،،،

Quote: حتخش الغابة يعني ولا شنو ؟ ياخي دي اسرع عودة في تاريخ بكري وجد سعيد بعودتك

ويلكموووو تباركـ ود جبريل .... حقنة العافية إن شاء الله : )

عليك الله ما تمررها و نحن من خلفك نشد من أزرك ، في توقيفات كدا الواحد لازم يعرف سببها شنو رغم انو الواحد متشائم من أن كلهم ذاكـ الرجل..

المهم >>>> دي حقتي ^_^

أشرقت و أنورت و الله و ذبحت فرحة حيدروف من الوريد إلى الوريد




---------------

آمونة تعيشي و يدوم خيرك ياخ

في توقيفات كدا الواحد لازم يعرف سببها شنو رغم انو الواحد متشائم من أن كلهم ذاكـ الرجل..

لوووووووووووووووووووووووول @ رشوية .

للأسف لقينا البوست ذاك راح في حق الله..
والنضمي عن الديكتاتورية وتفرد بكوري دي بقت مضيعة وقت..
لكن في بالي هسع اني اخت عنوان لطيــف كدة لبوست باسم


.ماهو الفرق الخفيــف بين بكوري وكمال عبد اللطيــف

بس حقيقة كدة مشغول شوية الايام دي ومنوق وما بقدر على سحب العدة .. فبأجل البوست لمن افضى

امونة يا خدرة الليمونة ..

Quote: حقنة الكينين خليها ..حقنة البنج فى بوست محسن ما تجليها بالله .

بنج شنو .. انا مقهور يعلم الله هسع..
جيت خاشي شايل لي كلام عـــاجــبني وفرحان بيهو.. نهروني ليك فد نهرة وطردوني ..تاني باقي ليك بقدر افتح خشمي

كلو من حمودي دا والا اسمو منو هو زاااتو .. تباً له من شيطان وسواس..

شوفي كمان حالتي من حواريين شيخ محسن.. لو كنت شيطان غواص او بناء حر كان حصل فوقي شنو..


بعدين يا ادروبة انتي حقنة حيدر تشوفي .. اسطوانة البنج الفضاها كلها في نخرين عادل عبد العاطي ما تشوفي




المهم ... ( حقت تبارك لمن نشوف آخرتها )

مبروك يا تباركـ يآخ

شفتي يا رشويــة ..
اهو تبارك نقيف ونتضامن معاهو ونرفع في لافتات اطلقوا سراح " حريــة " تبارك .. ولمن ضربوا هواء الحرية ام همبريباً طالق..
مشي تاااني يعافر ويناوش في مبدعينا واهل الحظوة منا ..


ما عارف يىخي الناس ي ما عاوزة تقتنع انه الكون والناس ديل مخلوقة طبقات ودرجات وبينها في تفاضيل وتمايز لدي الناس وحتى لدي رب العزة جل جلاله ..
في ناس علماء ومكشوف عنهم الحجاب وناقشين وقد يكونوا " رسل " لقوى عظمى ..

وفي ناس كدة زيهم وزي تبارك وقيقراوي وامونة مختار ديل

العزيزة أم ملك ولمن يهمه/ها الأمر:
[email protected]




:::::::::::::::


حيدر الشين / خلي المكاواة ....
الناس طبقات آآآل ...:)

شكرا يا امونة على رفدنا بايميل الحزب..
بالتاكيد في اهتمام متصاعد بحزب الخضر وفكرته المسالمة تجاه الانسان والبيئة عموماً وسط العالم العنيــف واللاهث خلف القوة والراحة وان جار بذلك على حقوق اجيال قادمة في عالم نظيف خالي العنف والملوثات..
والخضر يعتبرون اصدقاء مثلهم ومثل الحزب الليبرالي وحركة القوى الديمقراطية الجديدة باجنحتها المختلفة وكل القوى الحديثة والجديدة..



بس ياريت لو كان برضو عندكم موقع او منتدي عام كدة الواحد يجي يناقركم فيهو شوية برضو..

بسم الله الرحمن الرحيم
المحب / حيدر الزين
( شكراً حبيبنا ارتيقا الجيلاني على المشاركة التي تحمل معنى عميــق..
فقد تكون نقطة لكن لها مدلاولات ومعاني اكثر مما تحمل الاحرف والكلمات.. )

وكأنى بك تقرأ ما بين النقاط
فتجيد قراءته .. وما بينها كثير


على العموم املآنا محبة
وورداً خضراء ..
ولا تهن ولا تحزن ان
نالك بعض من وخزشوكها ..


محبتى


ارتيقا