Post: #1 Title: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-10-2013, 08:21 AM Parent: #0
يصل الخرطوم الأسبوع القادم الإعلامي الأستاذ السر قدور مقدم برنامج " أغاني وأغاني " الشهير على قناة النيل الأزرق الفضائية إستعدادا لوضع الترتيبات النهائية للبرنامج في نسخته الجديدة والإنخراط في بروفات مكثفة تمهيدا لبدء التسجيل في مطلع يونيو القادم . وعلم " الملف الفني " أن أسرة البرنامج أدخلت تعديلات كبيرة في شكل ومضمون البرنامج بإدخال فقرات جديدة وتبديلات بدخول عدد من المطربين وبخروج عاصم البنا ، عصام محمد نور ، والرباعي ريماز ، أفراح ، منار ، صباح . وتأكد دخول المطرب معتز صباحي إلى جانب كورال معهد الموسيقى والدراما .
صحيفة أخبار اليوم
Post: #2 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-10-2013, 05:48 PM Parent: #1
Quote: وتأكد دخول المطرب معتز صباحي إلى جانب كورال معهد الموسيقى والدراما
.
ترى ماذا يدور فى كواليس النيل الازرق؟
وعن مشاركة كورال كلية الموسيقى؟
هل ستكون هناك تغييرات جذؤية؟
Post: #3 Title: Re: برنامج أغاني وأغاني تعديلات في الشكل والمضمون Author: ماهر الحويرص Date: 05-10-2013, 06:16 PM Parent: #2
و الله التغير مطلوب اخي ابراهيم , بس في معتز صباحي ده ماليهم حق لانو ببهدل الغنى بهدله شديده
مودتي
Post: #4 Title: Re: برنامج أغاني وأغاني تعديلات في الشكل والمضمون Author: Barakat Alsharif Date: 05-10-2013, 07:21 PM Parent: #3
Quote: و الله التغير مطلوب اخي ابراهيم , بس في معتز صباحي ده ماليهم حق لانو ببهدل الغنى بهدله شديده
مع انو الصباحي دا امكانياتو الصوتية جيدة، لكن كأنو بيغني وفي خشمو مسواك
Post: #5 Title: Re: برنامج أغاني وأغاني تعديلات في الشكل والمضمون Author: عادل عبدالعزيز عبد الرحيم Date: 05-10-2013, 07:45 PM Parent: #4
هم لسسسع عندهم نفس يغنو؟؟؟
Post: #6 Title: Re: برنامج أغاني وأغاني تعديلات في الشكل والمضمون Author: عزيز Date: 05-10-2013, 10:18 PM Parent: #5
صديقي الحبيب ابراهيم
مودة تعلمها
ربنا يرحم حبيبو وعصام هجر السودان وعاصم وفر فور استنفدوا طاقتهم وكتر التكرار يضرهم كفنانين أكثر من ان يضيف لرصيدهم. البنات ريماز ومنار أيضاً لم يعد لديهما ما يبهرن به المستمع. افراح وصباح ليس لديهما المقومات للمواصلة.
معتز صباحي لم يعد يملك مفاتيح صوته وخرج من الساحة الغنائية منذ زمن طويل ووجوده سيكون عبئاً على البرنامج أرجو ان ينتبه الأخ الشفيع لذلك وان يستشير بعض المتخصصين المهتمين.
ليتنا نعرف بقية الفنانين المنضمين الجدد.
لأول مرة ساكون في رمضان بالسودان أتمنى ان أتمكن من مشاهدة الحلقات
لك الأمنيات والشوق أخي ابراهيم
Post: #7 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-11-2013, 08:57 AM Parent: #6
الاخ ماهر الحويرص
Quote: و الله التغير مطلوب اخي ابراهيم
هو ماذهب له الكثيرون من الاخوة الذين كتبوا عن البرنامج
شكرا ليك
Post: #8 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-11-2013, 01:29 PM Parent: #7
Post: #9 Title: Re: برنامج أغاني وأغاني تعديلات في الشكل والمضمون Author: Emad Ahmed Date: 05-11-2013, 04:01 PM Parent: #8
سلام مبدعنا دكتور إبراهيم عبد الحليم
احتفظ بتسجيلات كاملة للبرنامج منذ بدايته وإلى أخر حلقة قدمت فيه (حوار+غنا)
ومن واقع مشاهدتي المتكررة لتلك التسجيلات أرى بأن البرنامج قد أستنفذ أغراضه
تماما والسر قدور ماعنده حاجة يقدمها بعد كده.
اذا لقيت زمن بجيك بإحصائيات ..
تقديري
Post: #10 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 09:27 AM Parent: #9
العزيز ود خطاب
خطاب الشوق واللهفة
Quote: وعصام هجر السودان
معقولة. الكلام ده بتين. بعدين مشاركة ناس كلية الموسيقى واكيد الاستاذ النور حسن استاذ الصوت والاستاذ الصافى استاذ آلة الكمان وتوزيعاتهم الموسيقية للاغنيات السودانية المشهورة. بس سيبقى السؤال هل سيتحمل الاستديو كل هذا العدد كورال زائد فنانين والفرقة الموسيقية ستكون كاملة هذه المرة حتى آلة الشيلو ستتواجد
Quote: لأول مرة ساكون في رمضان بالسودان أتمنى ان أتمكن من مشاهدة الحلقات
لايف ههههههه
يخليك واسرتك تامين ولامين
Post: #11 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 02:39 PM Parent: #10
بعد أن عصفت بهم رياح التغيير ,, الفنانون المستبعدون عن ( أغاني وأغاني ) في إفادات مثيرة”
Quote: كشف عدد من الفنانين المستبعدين عن المشاركة ببرنامج ( أغاني وأغاني ) عن عدم تذمرهم من الإطاحة بهم من المشاركة بالبرنامج في هذا الموسم وقال الفنان شريف الفحيل من مقر إقامته هذه الأيام بالعاصمة الفرنسية باريس ان البرنامج أسهم في ظهورهم وساهم في ذلك بصورة مباشرة وساعد في تقديمهم للناس لافتا الى انه كان سعيدا بالمشاركة فيه طيلة فترة ظهوره ، مؤكد ان استبعادهم لن يكون له ادني تأثير في مشوارهم ، من جهتها أكدت الفنانة الشابة صباح عبد الهج انها لم تتفاجا بقرار الإبعاد وان البرنامج قدمها للناس بشكل طيب طوال فترة مشاركتها الماضية وأضافت صباح في حديثها: ( البرنامج ما قصر معانا ولا القناة لأنهم قدمونا للجمهور بشكل طيب وأكيد استفدنا منو مواصلة بقولها لو استمرينا تبقي انانية مننا فلا بد من منح فرصة الظهور لغيرنا ) وأكدت الفنانة الشابة أفراح عصام انه لابد من مشاركة وجوه آخري بالبرنامج لافته الى انها لا ترفض الظهور عبر البرنامج أخر عبر الفضائيات المختلفة مشيرة ان البرنامج قصر لها المسافات وأصبح حلقة تواصل بينها والجمهور رافضة الاتهام الذي يشير الى أنها فنانة موسيقية بقولها : قدمت العديد من الأغنيات بعيدا عن البرنامج ما ينفي ارتباط اسمي به ) .
المشاهير
المشاركون بالبرنامج هذا العام حسب ما تسرب من القناة هم جمال فرفور معتز صباحى فهيمة عبدالله طه سليمان نسر الدين هندى مصطفى السنى معاذ بن البادية ابن الفنانة حياة طلسم - البلابل
بالاضافة لكورال جامعة الاحفاد وليس كورال كلية الموسيقى كما اشرت انا اعلاه.
ننتظر لنرى.
Post: #12 Title: Re: برنامج أغاني وأغاني تعديلات في الشكل والمضمون Author: حليمة محمد عبد الرحمن Date: 05-12-2013, 03:16 PM Parent: #11
Quote: فهيمة عبدالله
فهيمة دي بالذات يا ابراهيم صوتها ضعيف خلاص.. ---------- بالله القائمين على امر البرنامج اصلو ما مفكرين يستفيدوا من فنانين نجوم الغد الاصواتهم رائعة زي شذى عبد الله او محمد خير او اقله يمثلوا الاقاليم.. ان شاء الله بحلقات تراثية تعرفنا بتراث اي منطقة وبكون في مغني رئيسي شعبي او حديث من ناس المنطقة ليش ما يخلوها سياحة ثقافية وغنائية في داخل السودان؟ ------- سلامات يا ابراهيم وضيوف بوسته الكرام
Post: #13 Title: Re: برنامج أغاني وأغاني تعديلات في الشكل والمضمون Author: Nader Abu Kadouk Date: 05-12-2013, 03:50 PM Parent: #12
Quote: فهيمة دي بالذات يا ابراهيم صوتها ضعيف خلاص..
حليمة حرام عليك ياخي..........
سلام صاحب البوست و ضيوفة الكرام..............
Post: #14 Title: Re: برنامج أغاني وأغاني تعديلات في الشكل والمضمون Author: طارق ابراهيم ابوالفضل Date: 05-12-2013, 04:22 PM Parent: #13
شخصيا كنت اتمنى مشاركة
نانسي عجاج في هذا العام
Post: #15 Title: Re: برنامج أغاني وأغاني تعديلات في الشكل والمضمون Author: طارق جبريل Date: 05-12-2013, 04:37 PM Parent: #14
معتز صباحي لمن يغني بحس بيهو زي الداير يكد ليهو عضم كدة مع المايك كمان لو جابوا نانسي عجاج ياني الفتحت تلفزيون مسلمي بورما في رمضان
من مشت اسرار بابكر القصة خستك
Post: #16 Title: Re: برنامج أغاني وأغاني تعديلات في الشكل والمضمون Author: سفيان بشير نابرى Date: 05-12-2013, 05:37 PM Parent: #15
سلام يا فنان و مشتاقين
Quote: المشاركون بالبرنامج هذا العام حسب ما تسرب من القناة هم جمال فرفور معتز صباحى فهيمة عبدالله طه سليمان نسر الدين هندى مصطفى السنى معاذ بن البادية ابن الفنانة حياة طلسم - البلابل
بالاضافة لكورال جامعة الاحفاد وليس كورال كلية الموسيقى كما اشرت انا اعلاه.
طيب نقول كلامنا سريع (نرجع في و قت تاني للتفصيل الدقيق) اول حاجة بتفق مع كلام عبد العزيز خطاب في كلامو (يا خطاب يا صاحبي ياريت السنة دي انت تعمل لينا البوست) طيب :- فرفور صراحة برضو كان يغادر البرنامج فهيمة عبد الله بالجد عندها مشاكل و ضحة في الموسم السابق و بتدلل على ضعف صوتها و على موديتها في الغناء نسرين الهندي (انا سمعتها في بداية ظهورها بدري شوية قبل بدايته الفعلية اعلامياً ) نسرين بالنسبة لي اتوفروا ليها ناس دفعوها دفعاً عشان تبقى مغنية (ليه يارب بتذكر شروق ابو الناس!!!؟) نسرين ضعيفة في صوتها و في آدائيها و بصراحة لا تملك مقومات فنانة من الناحية الصوتية . معتز صباحي للاسف لا يمكنه ان يقدم شئ في هذا البرنامج رغم امكاناته الصوتية التي يملكها لكن معتز طريقته ليس جماعية كما البرنامج . مصطفي السني اشعر انه سيكون مفاجأة البرنامج بطريقة إيجابية . معاذ بن البادية و بن الفنانة حياة طلسم لم اسمعهم و لن احكم عليهم كذلك كورال الاحفاد. السر قدور ودي اهم نقطة :- صراحة كان يجب تغيير السر قدور لان السر قدور في هذا البرنامج اخطأ في كتير من المعلومات و التواريخ و الأسماء حتى اصبح كلامه يفتقد الثقة لدى الكتيرين و خصوصاً ان هذا البرنامج توثيقي كما يقال.
تحياتي يا هيمة و هل من عودة هل .
Post: #17 Title: Re: برنامج أغاني وأغاني تعديلات في الشكل والمضمون Author: ود الباوقة Date: 05-12-2013, 05:39 PM Parent: #16
الحمد لله ( ود الجقر ) ما معاهم
سلام صاحب البوست
Post: #18 Title: Re: برنامج أغاني وأغاني تعديلات في الشكل والمضمون Author: يحي قباني Date: 05-12-2013, 05:44 PM Parent: #16
Quote: السر قدور ودي اهم نقطة :- صراحة كان يجب تغيير السر قدور لان السر قدور في هذا البرنامج اخطأ في كتير من المعلومات و التواريخ و الأسماء حتى اصبح كلامه يفتقد الثقة لدى الكتيرين و خصوصاً ان هذا البرنامج توثيقي كما يقال.
التحية للدكتور ابراهيم و ضيوفه الكرام ...
استاذي سفيان ...
اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ...
Post: #19 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 06:30 PM Parent: #18
Post: #20 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 07:05 PM Parent: #19
هلا وغلا بملك التوثيق الحبيب عماد احمد
لازم تلقى زمن وترجع لينا فى اقرب فرصة فالقراء هنا وشخصى الضعيع اكيد سنكون شاكرين لاحصائياتك ومشاركاتك الهامة.
كل الود
Post: #21 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 07:07 PM Parent: #20
الاخت حليمة
Quote: او اقله يمثلوا الاقاليم.. ان شاء الله بحلقات تراثية تعرفنا بتراث اي منطقة وبكون في مغني رئيسي شعبي او حديث من ناس المنطقة ليش ما يخلوها سياحة ثقافية وغنائية في داخل السودان؟
هذه نقطة هامة التى اشرتى اليها وهى فعلا ستكون تغيير حقيقى فى سكل ومضمون البرنامج. ياريت يأخذو بيها.
مودتى الشديدة
Post: #27 Title: Re: برنامج أغاني وأغاني تعديلات في الشكل والمضمون Author: يحي قباني Date: 05-13-2013, 04:45 AM Parent: #19
تحياتي لك مرة اخري دكتور ابراهيم
مع انو ردكم لينا جانا فاضي ...
ما عندنا حظ معاك ...
لك الود يا حبيبنا ...
Post: #22 Title: Re: برنامج أغاني وأغاني تعديلات في الشكل والمضمون Author: Elmosley Date: 05-12-2013, 07:15 PM Parent: #16
سفيان بالغت ياخ نسرين مابتعرف تغني؟؟؟؟!!!!!! والله تاني كان لاقيتك في الجاليه الا آعضيك في آضانك كيتن ليك ياخي شوف التناسق الادائي والهارموني البتعملو من الصعب تلقى بت تهرمن كده "وعشان ماتغاطني دي الماده الانابدرسها" غايتو غفرناها ليك دي لانك زول حلو "خلي كمان واحد يقول لي سفيان ماحلو"
Post: #23 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-12-2013, 09:28 PM Parent: #22
Quote: سلام صاحب البوست و ضيوفة الكرام
وعليكم السلام اخى نادر ابوكدوك
Post: #24 Title: Re: برنامج أغاني وأغاني تعديلات في الشكل والمضمون Author: عبد المجيد محمد Date: 05-12-2013, 10:05 PM Parent: #23
Quote: والله تاني كان لاقيتك في الجاليه الا آعضيك في آضانك كيتن ليك
ههههههههههههههههههههههههه ... والله يا استاذ الموصلى كتلتنى بالضحك
ثم السلام عليكم ورحمة الله يا استاذنا الكبير - وحقيقة الفنانة نسرين دي حسب ذوقي المتواضع خطيرة جدا .. انا من زمان مركز معاها وكنت قايل روحى
براى قبضتها ومافى زول ناقشا غيرى فما تتخيل انا سعيد كيف بعد ما سمعت رايك فيها
صاحب البوست ازيك ياراجل يا جميل ... ياخي انا عايز اشكرك بى صفة شخصية من بدري
( من زمن بنتاوق بالحيطة ) على سيد الروح من بدري - الاغنية الرايعة اللى انا ما بمل من سماعها دايما
كتر خيرك يا فنان على كل مساحات الفرح البتوزعا لينا ونحن برة وجوة الحوش ..
Post: #38 Title: Re: برنامج أغاني وأغاني تعديلات في الشكل والمضمون Author: Elmosley Date: 05-13-2013, 07:03 PM Parent: #24
Quote: ثم السلام عليكم ورحمة الله يا استاذنا الكبير - وحقيقة الفنانة نسرين دي حسب ذوقي المتواضع خطيرة جدا .. انا من زمان مركز معاها وكنت قايل روحى
براى قبضتها ومافى زول ناقشا غيرى فما تتخيل انا سعيد كيف بعد ما سمعت رايك فيها
Post: #25 Title: Re: برنامج أغاني وأغاني تعديلات في الشكل والمضمون Author: سفيان بشير نابرى Date: 05-13-2013, 03:36 AM Parent: #22
سلام و محبة للغالي في الاحبة صاحبي يحي قباني و مشتاقين ياخ بالمناسبة في ناس لو قبضو (استاذ) القلتها لي دي بيشيلو حالي فشششششيل شششششيل ياخ الله يرضى عليك هههههه صح قدور منتج لكن ياريت لو كان احتكم لصوت العقل و اعتزل البرنامج لانو صراحة بقى و احد من ازمات هذا البرنامج.
طيب نجي لحبيبنا و دكتورنا الموصلي سلاااام ياخ و بركة في الشوفه دا كلامك و ما بقدر اغالطك :- (سفيان بالغت ياخ نسرين مابتعرف تغني؟؟؟؟!!!!!! والله تاني كان لاقيتك في الجاليه الا آعضيك في آضانك كيتن ليك ياخي شوف التناسق الادائي والهارموني البتعملو من الصعب تلقى بت تهرمن كده "وعشان ماتغاطني دي الماده الانابدرسها" غايتو غفرناها ليك دي لانك زول حلو "خلي كمان واحد يقول لي سفيان ماحلو") هههههههه طيب العضة بنستحمله بس يا حبيب عندي سؤال ياريت القى ليهو اجابة عندك و هو:- شنو الفرق بين الهارموني و الخط في الموسيقى ؟
ــــــــــــــــــــــــــــــ معقول اغالطك في الموسيقى ياخ!؟
Post: #26 Title: Re: برنامج أغاني وأغاني تعديلات في الشكل والمضمون Author: يحي قباني Date: 05-13-2013, 04:43 AM Parent: #25
Quote: سلام و محبة للغالي في الاحبة صاحبي يحي قباني و مشتاقين ياخ بالمناسبة في ناس لو قبضو (استاذ) القلتها لي دي بيشيلو حالي فشششششيل شششششيل ياخ الله يرضى عليك هههههه صح قدور منتج لكن ياريت لو كان احتكم لصوت العقل و اعتزل البرنامج لانو صراحة بقى و احد من ازمات هذا البرنامج.
يا سفيان الاستاذية كان فاتتك تفوت لي منو يعني ؟
اتفق معاك تماما في موضوع عمنا السر قدور ...
السنين طالت و الكلام كتر و عمك بقي مضطر يقول لو حتي ما عارف ...
المشكلة يا سفيان انو اصبحوا قليلين جدا الله يطول في اعمارهم من هم شهود علي العصر ...
ودي مشكلة لم ينتبه ليها الناس و اهملوا أمر التوثيق ده تماما ...
ايضا كل الحلقات منذ نشأة البرنامج موثقة بالمكتبة ...
Post: #28 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 06:38 AM Parent: #26
Quote: شخصيا كنت اتمنى مشاركة
نانسي عجاج في هذا العام
الاخ طارق شكرا لمداخلتك
الفنانة نانسى هجرت السودان لامريكا واخر مرة شفتها بسهرة ليالى دبى
السنة الفاتت كانت هى من المرشحين للبرنامج؟
Post: #29 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 06:55 AM Parent: #28
Quote: معتز صباحي لمن يغني بحس بيهو زي الداير يكد ليهو عضم كدة مع المايك كمان لو جابوا نانسي عجاج ياني الفتحت تلفزيون مسلمي بورما في رمضان
من مشت اسرار بابكر القصة خستك
غايتو يا طروق يوم بتعليقاتك دى بتكتل ليك زول. انا لله
مشتاقووووووون
Post: #39 Title: Re: برنامج أغاني وأغاني تعديلات في الشكل والمضمون Author: Elmosley Date: 05-13-2013, 07:10 PM Parent: #25
Quote: هههههههه طيب العضة بنستحمله بس يا حبيب عندي سؤال ياريت القى ليهو اجابة عندك و هو:- شنو الفرق بين الهارموني و الخط في الموسيقى ؟
ما بنمعك ياصديقي من حقك في عدم حبك لها فحب الناس مذاهب يغني المغني وكل على هواه نحن بنحبها هذه واحدة اما الفرق بين الهارموني واللحن العادي فاللحن العادي ياهو الوحيد الحايم براهو "قبلو ووحدو" اما الهارموني فهو مازاد عن صوتين مختلفين في إن واحد وده غالبا بعملوه الغرابه الخواجات حقينا ديل انتو وبإستثناء بسيط يطرشكم ماسمعتو بيهو وبعضكم بيعتبروه "كورنة / أو موصلة/ أو معهدة" وحكاية بالشكل ده نبرا ونستبرا / أها بتنا نسرين دي شويطره وشويطونه خليتك بي عافيه
Post: #40 Title: Re: برنامج أغاني وأغاني تعديلات في الشكل والمضمون Author: سفيان بشير نابرى Date: 05-14-2013, 04:55 AM Parent: #39
Quote: اما الفرق بين الهارموني واللحن العادي فاللحن العادي ياهو الوحيد الحايم براهو "قبلو ووحدو" اما الهارموني فهو مازاد عن صوتين مختلفين في إن واحد
يا حبيبنا سؤالي هو :- ما الفرق بين الهارموني و الخط و انت هنا اتكلمته عن الهارموني و اللحن فيبقى سؤالي لسه قايم.
اظن يا حبيبنا أي نعم الهارموني علاقة بين صوتين و العلاقة الهارمونية دي لابد لها من وجود آلة اخرى أو صوت بشري اخر عشان تتخلق العلاقة التوافقية .. مش كدا صح؟ طيب الحاجة دي بتعمله نسرين وين و كيف ؟
سؤال تاني :- هل ممكن زول يعمل هارموني بصوته فقط بدون وجود آلة أو صوت بشري اخر؟
نسرين مش ما بحبها يا الموصلي نسرين (بتشرقن) ودي حاجة لما تكتر ما كويسه .
Post: #43 Title: Re: برنامج أغاني وأغاني تعديلات في الشكل والمضمون Author: Elmosley Date: 05-14-2013, 10:00 AM Parent: #40
Quote: سؤال تاني :- هل ممكن زول يعمل هارموني بصوته فقط بدون وجود آلة أو صوت بشري اخر؟
She was singing with another singer didn't you see that Sefian? The singer was her brother. I would not say the word harmony without knowing that there was a second voice or sound. I won the debate Thanks
Post: #48 Title: Re: برنامج أغاني وأغاني تعديلات في الشكل والمضمون Author: سفيان بشير نابرى Date: 05-17-2013, 09:56 PM Parent: #43
She was singing with another singer didn't you see that Sefian? The singer was her brother. I would not say the word harmony without knowing that there was a second voice or sound. I won the debate
تمام يا حبيبنا أي نعم بيغني معاها اخوها بس لحدي هسي انا محتاج افهم طالما انو الخطوط هي علاقة هارمونية (اخدني قدر فهمي مش خط الكورال هو هارموني و خط البيز برضو هارموني؟؟) مش برضو اللخط اللحني هو الأساس البتقوم عليهو العلاقات؟ طيب اخيرة هههههههه اها هنا هل يعني عشان بغني معاها اخوها (صوت اول) بيعتبر صوته هي الهارموني ؟
معليش للكلام الكتييير بس بالجد عايز افهم القصة دي.
محبتي الأكيدة و يا صاحب البوست اعفي لينا الورجغة الكتيره دي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ الاقتباس ما شغال معاي عشان كدا شغال كوبي بيست
Post: #50 Title: Re: برنامج أغاني وأغاني تعديلات في الشكل والمضمون Author: Elmosley Date: 05-18-2013, 02:23 PM Parent: #48
Quote: تمام يا حبيبنا أي نعم بيغني معاها اخوها بس لحدي هسي انا محتاج افهم طالما انو الخطوط هي علاقة هارمونية (اخدني قدر فهمي مش خط الكورال هو هارموني و خط البيز برضو هارموني؟؟) مش برضو اللخط اللحني هو الأساس البتقوم عليهو العلاقات؟ طيب اخيرة هههههههه اها هنا هل يعني عشان بغني معاها اخوها (صوت اول) بيعتبر صوته هي الهارموني ؟
معليش للكلام الكتييير بس بالجد عايز افهم القصة دي.
محبتي الأكيدة و يا صاحب البوست اعفي لينا الورجغة الكتيره دي
لكن المشكله عزيزي سيف انت في الاول قلت مافي اي حاجه عامله هارموني مع صوتها اخوها غنى معاها وفي بعض الاماكن يفترق صوتيهما الى ابعاد مختلفة مما يحدث هارموني توافقي بينهما بمعنى اخر ان فعل الهارموني قد حدث بفعل صوتيهما ليس بالضرورة أن يكون خط الكورال هارمونيا ففي بعض الاحيان تجتمع كل الاوركستىرا والكورال في خط لحني واحد "توتي" اي الجميع يعزف نفس اللحن والهارموني يحدث بتعدد الاصوات في مناطق لحنية مختلفه ثم تلتقي هذه الاصوات لتتوحد ثم تفترق مرة ثانية تحياتي
Post: #31 Title: Re: برنامج أغاني وأغاني تعديلات في الشكل والمضمون Author: Mirghani Ali AlAmin Date: 05-13-2013, 07:41 AM Parent: #12
Quote: فهيمة دي بالذات يا ابراهيم صوتها ضعيف خلاص..
فعلاً والله حرام عليك يا حليمة ( فهيمة دي صوتها صوت سوداني أصيل ، حنين ، فيه طرب ، فيه شجن ، فيه نغمنا السوداني البنعرفو ، فيه أصالة ، وطرب عالي عالي عالي ومقدرة لا توصف )
Post: #32 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 12:58 PM Parent: #31
سفيان
والله ما طالبنى حليفة مشتاقين جد. والعيد الجابك يجيب لينا مدام هبة الماحى
شكرا للمداخلة الفارهة وكافة الدعوات بااتوفيق للصديق المشترك مصطفى السنى.
Quote: مصطفي السني اشعر انه سيكون مفاجأة البرنامج بطريقة إيجابية .
Quote: تحياتي يا هيمة و هل من عودة هل .
هل وهل
Post: #37 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 04:48 PM Parent: #31
الاخ عبد المجيد محمد
اشكرك جزيلا على ما اصبغت على بكلمات جميلة لا استحقها. وجميل ان بعض غناى واغنياتى عجبتك هذا ما يسعدنى جدا. المرة الجاية تعال بالباب عديل ماتتاوق وبس فوجودك ومشاركتك تهمنى وانا عازمك من حسع ..... سمح
تسلم
Post: #30 Title: Re: برنامج أغاني وأغاني تعديلات في الشكل والمضمون Author: Mirghani Ali AlAmin Date: 05-13-2013, 07:24 AM Parent: #4
Quote: مع انو الصباحي دا امكانياتو الصوتية جيدة، لكن كأنو بيغني وفي خشمو مسواك
أوافقك تماماً في أمكانياتو الصوتية جيدة جداً ، بس يغني سوداني ( الغناء السوداني البنعرفو ) ويبطل تعريب الغناء والسلم السباعي ، يغني بالسلم الخماسي السوداني وبدون أي فلسفات أخرى وهو يتمتع بإمكانيات صوتية عالية وقدرة على تطريب عالي بس يبطل الألحان البعمل فيها دي
Post: #33 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 01:02 PM Parent: #30
الراجل الجميل ود الباوقة
Quote: الحمد لله ( ود الجقر ) ما معاهم
سلام صاحب البو
ست
وعليكم السلام
بس سؤال ود الجقر ده منو عاصم؟
Post: #34 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 01:17 PM Parent: #33
العزيز حق وحقيقة قبانى
انساك؟ وانت بتتنسى
والله كنت مخطط هذه السنة لزيارتكم انت والاحبة بكندا ونتونس لايف ونتعرف بيك بقرب بس زوجتى تريد الاجازة هذه السنة شرقا وليس غربا. السنة الجاية انشاء الله يا حبيب.
Quote: اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ..
فعلا وهذه هى النقطة الاساسية. حسب معلوماتى ان السر قدور تقاضى مبلغ 80 مليون جنيه فى الموسم الفات من قناة النيل الازرق ولكن القناة حققت دخل حوالى 3 مليار جنيه. الظرفاء يقولون ان السر قدور قبل برنامج اغانى واغانى كان يقدم لزواره بشقته بالقاهرة الشاى كشرى. الان بعد اتملئ بقروش اغانى واغانى اصبح يقدم لضيوفه الشاى مظبوط وزيادة بالسكر ههههه.
آل اولاد بمبة آل
شكرا لاثراء البوست يا يحى
Post: #35 Title: Re: برنامج أغاني وأغاني تعديلات في الشكل والمضمون Author: محمد أبوالعزائم أبوالريش Date: 05-13-2013, 01:26 PM Parent: #34
سلام يا فنان ....
يا جماعة أنا عندي سؤال:
إنتو (أغاني وأغاني) من أركان صيام رمضان ونحن ما عارفين؟
يعني مافي زول تاني يعمل برنامج منوعات تثقيفي؟ ..... لأنو الحكاية بقت مكررة ورتيبة ومملة.
بالعدم، يُنظر في أمر وجهة نظر الأستاذة حليمة، وسوداننا ده مليان ثقافات مختلفة .. ليه التركيز على ثقافة وفنون الوسط؟
الغريبة السنة الفاتت، في محطات تانية حاولت منافسة البرنامج، فأتت بشكل باهت لم يجذب الكثيرين.
Post: #36 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-13-2013, 04:41 PM Parent: #35
العزيز الموصلى
Quote: "خلي كمان واحد يقول لي سفيان ماحلو"
Quote: والله تاني كان لاقيتك في الجاليه الا آعضيك في آضانك كيتن ليك
انت تعضعض وطارق جبرين يكدكد. البوست كده بقى لحمة شية. بعد ده نجهزوا الدكوة والشطة بالليمون ولا شينو ههههههه
العزيز الموصلى
كل التمنيات برحلة فنية موفقة لكندا ودائما تامين ولامين
Post: #41 Title: Re: برنامج أغاني وأغاني تعديلات في الشكل والمضمون Author: محمد عبد الله شريف Date: 05-14-2013, 05:04 AM Parent: #36
Quote: من مشت اسرار بابكر القصة خستك
والله يا طارق جبريل القصه مش خستكت و بس البرنامج ذاتو بقي مابيتبلع بالمويه زي ما بيقول صاحبي
حقو يشيلو الفكه دي كلها يصموها باعادة سر الغنا اسرار
سؤال ,,,, للمهتمين ... هل اعتزلت اسرار الغنا ولا الحاصل شنو ....
Post: #42 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-14-2013, 05:59 AM Parent: #41
Quote: إنصاف مدني في أغاني وأغاني
الفنانة إنصاف مدني سوف تكون من ضمن مجموعة برنامج أغاني وأغاني الذي تبثه قناة النيل الأزرق في شهر رمضان المعظم وقد علمت مصادر مقربة من الفنانة إنصاف مدني سوف تشارك هذه المرة في هذا البرنامج خاصة وأن هناك فراغا في المجموعة بعد رحيل الفنانين نادر خضر ومحمود عبدالعزيز . كما علمت أيضا بان الفنانة أفراح عصام سوف تغيب هذه المرة من البرنامج خاصة وان هناك إتجاه آخر يقول بأنه سوف يتم احداث عمليه ابدال في هذه الخارطة لهذا البرنامج الذي تبثه قناة النيل الأزرق .
صحيفة الدار
Post: #44 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-14-2013, 12:34 PM Parent: #42
الاخ ميرغنى على
جزيل الشكر على اثراء البوست
عاطر التحايا
Post: #45 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-14-2013, 12:37 PM Parent: #44
العزيز ودحلتنا محمد ابو العزائم
اسئلتك ونقدك غاية فى الاهمية وفعلا سيكون ذلك تعديل جوهرى فى البرنامج.
تحاياى الصادقة
Post: #46 Title: Re: برنامج أغاني وأغاني تعديلات في الشكل والمضمون Author: يحي قباني Date: 05-14-2013, 02:09 PM Parent: #45
Quote: العزيز حق وحقيقة قبانى
انساك؟ وانت بتتنسى
والله كنت مخطط هذه السنة لزيارتكم انت والاحبة بكندا ونتونس لايف ونتعرف بيك بقرب بس زوجتى تريد الاجازة هذه السنة شرقا وليس غربا. السنة الجاية انشاء الله يا حبيب.
Quote: اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ..
فعلا وهذه هى النقطة الاساسية. حسب معلوماتى ان السر قدور تقاضى مبلغ 80 مليون جنيه فى الموسم الفات من قناة النيل الازرق ولكن القناة حققت دخل حوالى 3 مليار جنيه. الظرفاء يقولون ان السر قدور قبل برنامج اغانى واغانى كان يقدم لزواره بشقته بالقاهرة الشاى كشرى. الان بعد اتملئ بقروش اغانى واغانى اصبح يقدم لضيوفه الشاى مظبوط وزيادة بالسكر ههههه.
آل اولاد بمبة آل
شكرا لاثراء البوست يا يحى
تشرفنا بالجد يا ابراهيم يا صديق ...
وصيفنا هنا ما ليهو مثيل ... انشالله في انتظاركم كان الله مد في العمر يا دكتور ... __________________________________________________
Post: #47 Title: Re: برنامج أغاني وأغاني تعديلات في الشكل والمضمون Author: يحي قباني Date: 05-14-2013, 02:12 PM
Quote: إنتو (أغاني وأغاني) من أركان صيام رمضان ونحن ما عارفين؟
يعني مافي زول تاني يعمل برنامج منوعات تثقيفي؟ ..... لأنو الحكاية بقت مكررة ورتيبة ومملة. __________________________________________________
ابو الريش يا دفعة ...
الوحيد النافس كان الطيب عبد الماجد في رمضان 2010 برنامج بيني و بينكم
وكنت اتمني ان يستمر ...
لكن الناس في السودان ادمنت اغاني و اغاني علي علاته ...
Post: #49 Title: Re: برنامج أغاني وأغاني تعديلات في الشكل والمضمون Author: البشير دفع الله Date: 05-17-2013, 10:35 PM Parent: #47
تحياتي صاحب البوست وضيوفه الكرام
أفضل تغيير باعتقادي هو مغادرة شريف الفحيل للبرنامج
والباقي كلو هين .
Post: #51 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-18-2013, 07:17 PM Parent: #49
الاعزاء الموصلى وسفيان
اتابع معكم حديثكم عن الهارمونى
اتمنى ان يجعل الله حياتكم سويا مليئة بالهارمونى- بالتجانس
Post: #52 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-19-2013, 08:35 AM Parent: #51
Quote: تحياتي صاحب البوست وضيوفه الكرام
تحياتى ايضا البشير دفع الله
Post: #53 Title: Re: برنامج أغاني وأغاني تعديلات في الشكل والمضمون Author: إبراهيم عبد الحليم Date: 05-20-2013, 09:48 AM Parent: #52
Quote: برنامج (أغاني وأغاني) الذي يقدمه الشاعر السر قدور يقرر الاستعانة بمجموعة من كورال الاحفاد
يبدو بأن نشاطات جامعة الاحفاد للبنات ستنتقل هذا العام من المركز النشاطي الطلابي والمهرجانات السنوية المصاحبة للاكاديميات إلى القنوات الفضائية خصوصا قناتي الشروق والنيل الازرق فقد قررت ادارة برنامج (أغاني وأغاني) الذي يقدمه الشاعر السر قدور الاستعانة بمجموعة من كورال الاحفاد في نسخة هذا العام. وفي المقابل إختارت ادارة الانتاج الفني سلسلة حكايات سودانية التي تبث يومياً في قناة الشروق الفضائية مجموعة من الطالبات بالاحفاد للعب دور البطولة في عدد من الحلقات الدرامية.