مواقف محرجة وطريفة مع التوائم هل مرت بكم؟

انا ذات نفسي توم وبتمر بينا مرات مواقف مضحكة
قبل اسبوع تومي حلق شعروا عند حلاق مغربي هنا في السعودية
اها حلاقتو عجبتني قمت مشيت للحلاق دا بعد تلاتة يوم من حلاقة تومي دا
بسال فيهو الحلاقة بكم وهو مخلوع بعاين لي
قال لي انت موش جيت حلقت عندي قبل 3 يوم هنا؟
تاني استدرك وقالي اخوك داك موش؟
انا اضحك ساي وقلت ليهو ايوه
قال لي انا قلت متين شعرك قام في تلاتة يوم

ومواقف كتيرة بتحصل وصراحة فرز التيمان ما ساهل لانو في بنات جيرانها صغار تومات ما قعد اقدر افرزهم
لذلك الناس البطلخبطو فينا بعذرهم

كدي يا زول ورينا بتتقلبوا كدايس ولا لشاعات يا عمدة ..

السلام عليكم ورحمة الله وبركاته
التوم أحمد
معاى تومى عضوالمنبر ياسر
جاييك راجع برواقه ومعاى الكتير
ياسر يسرى
كما ينطقها الكثير تفاديآ للحرج

Quote: كدي يا زول ورينا بتتقلبوا كدايس ولا لشاعات يا عمدة ..

هلا يا عبد العزيز
ودي
هههههههههههههه

لازمن اشاعات

Quote: السلام عليكم ورحمة الله وبركاته التوم أحمد معاى تومى عضوالمنبر ياسر جاييك راجع برواقه ومعاى الكتير ياسر يسرى كما ينطقها الكثير تفاديآ للحرج

وعليكم السلام ورحمة الله التوم يسري
ومنتظرنك تنداح
شكلكم كنتو متلتلين العالم

كنا بنمشي سوا طبعا كتير
اها ايام الجامعة واحد كان قدامنا وقت شافنا تيمان حكى حكاية ظريفة
قال واحد صحبو عندو زميلو توأم وهو ما كان عارف المعلومة دي
اها قابل توأم زميلو دا يوم في المواصلات
وطبعا التوأم ما بعرف الزول دا ولا شافو قبل كدا
اها وقت جا الكمساري التوأم كان قاعد قريب منو
المهم دفع لنفسو فقط
قام صاحبنا دا بعد مسافة قاليهو يا فلان
باسم توأمو
ياخ سلّم علي ساي.... ما عايزك تدفع لي
التوأم اتخلع وبقى يقنع فيهو انو ما ياهو الزول القاصدو
الا وراهو البطاقة حتى اقتنع

ههههههههههههه
________________________

فعلا مشكلة كبيرة لمن تكون ما عندك معلومة انو صحبك عندو توم

لكن نحنا الابتدائي كلو والمتوسط كلو قريناهو في فصل واحد
الثانوي في مدرسة واحدة بس كل زول في فصل براهو
كذلك الجامعة نفس الكلية بس كل زول في قسم براهو

لذلك ايام الدراسة غالبا كل زملائي وزملاء تومي عندهم المعلومة اننا تيمان

بس بعد التوظيف حصلت مواقف ظريفة لانو كل زول شغال في اتجاه وما كان زملاء العمل بعرفو انو نحنا تيمان

ممكن نحكيها لقدام في البوست

سلامات يامحمد
عندنا في بلدنا قصة شهيرة لتوائم
لسبب ما احد التوائم دخل السجن
فكان تؤامو لامن يجي زيارة للسجن يستغل أي غفلة للحراس عشان يبدل معاهو وطبعا الزمن داك لافي كاميرات ولايحزنون
لما حراس السجن اكتشفو بالصدفة الحكاية دي جابو المسجون الاساسي وعملو فيهو علامة مميزة ( كسرو ليهو السن الامامي ) ( بالله شوف اجرام الناس ديل )
المهم انو تؤامو بي بساطة برضو كسر نفس السن
لامن قضي او قضو فترة محكوميتم ( سنتين ) ببدلو في السجن
الغريب انو نفس التوائم ديل كانو متزوجين من سيدتين تؤائم برضو
والله لامن ماتو عليهم رحمة الله اغلبية الناس لايتفرزم لا بتفرز حريمم

وعليكم السلام اخونا عبدالله

ههههههههههههه والجماعة ديل بقو زي فلم مين فينا الحرامي بتاع عادل اما

عارف التيمان لو ناس مشاغبين ممكن يستغلو قصة التوأمة دي استغلال شديد

العزيز التوم احمد وضيوفه الكرام
في رابطة الحي لكرة القدم كان عندنا تيمان ( حمزة والعباس) يلعبان في فريق واحد حمزة حريف جدا ولكنه احيانا عنيف وعندما يتم طرده بسبب العنف في الشوط الأول فإنه يلبس فنلة العباس في الشوط التاني ويعود للملعب ولا يتعرف عليه الحكم..

سلام صاحب البوست الوم


انا بناتي تؤام بس ما بتشابهو نهائي بتعرفو اخوات لكن ماف يشبه طبق الاصل


المهم بي حكاية التيمان دي


اخوي مشي لي جماعه يوصل ليهم وصيه قاعد في الديوان جاه واحد سلم عليه وطلع من الباب ومن الباب التاني جاء نفس الزول سلم عليه اخوي قال الزول ده مجنون ولا شنو وكت جو الاتنيين قعد يضحك وغلبو يوريهم بضحك في شنو

سلامات يا أحمد

أهنئك
دا ح يكون ألطف بوست في الربع دا

كل الطرف / المواقف المذكورة حتى الآن رهيبة

متابعة أكيدة
وربما مشاركة

علماً بأنني لست توأم

Quote: العزيز التوم احمد وضيوفه الكرام في رابطة الحي لكرة القدم كان عندنا تيمان ( حمزة والعباس) يلعبان في فريق واحد حمزة حريف جدا ولكنه احيانا عنيف وعندما يتم طرده بسبب العنف في الشوط الأول فإنه يلبس فنلة العباس في الشوط التاني ويعود للملعب ولا يتعرف عليه الحكم..

يا مرحبا اخونا جعفر

ههههههههههههه والله حمزة شفت عديل...وفعلا ممكن يستفاد من قصة التوائم دي والله فوائد كبيرة خلاص بس للاسف نحنا ما استغليناها مظبوط

شكرا كتير وزيدنا لو في حكاوي تانية

Quote: سلام صاحب البوست الوم انا بناتي تؤام بس ما بتشابهو نهائي بتعرفو اخوات لكن ماف يشبه طبق الاصل المهم بي حكاية التيمان دي اخوي مشي لي جماعه يوصل ليهم وصيه قاعد في الديوان جاه واحد سلم عليه وطلع من الباب ومن الباب التاني جاء نفس الزول سلم عليه اخوي قال الزول ده مجنون ولا شنو وكت جو الاتنيين قعد يضحك وغلبو يوريهم بضحك في شنو

وعليكم السلام اخونا عباس

وربنا يخلي ليك توماتك ويحفظهم من كل شر....
صح في بعض التوائم بكونوا ظاهرين ومافي تطابق يعني ياهو شبه الخوه فقط والزي دي مريحة ولكن بتكون ضيعت فوائد اكبر هههههههه

هههههههههههههههههههههههه قلت قال الزول دا مجنون والله ظريف اخوك ياخ
عارف في اولى متوسطة وفي اول حصة علوم ونحنا جداد لنج في المتوسط
وكانت الحصة بعد فسحة الفطور
وكنا بنفطر في البيت لانو قريب
المهم جيت خاشي اول انا والحصة شغالة ثم بعدي طوالي تومي
اها الاستاذ قال لي يازول انت هسي موش دخلت؟
ههههههههههههه

تسلم يا عبس واسمك زاتو اسم تيمان وزيدنا حكاوي لو عندك

Quote: سلامات يا أحمد أهنئك دا ح يكون ألطف بوست في الربع دا كل الطرف / المواقف المذكورة حتى الآن رهيبة متابعة أكيدة وربما مشاركة علماً بأنني لست توأم

وعليكم السلام اخونا عاطف

وشكرا كتير على الكلام الطيب حول البوست ومعاك نتمنى ذلك


وازيدك انا شوية حكاوي من المتذكرهم وحصلت لينا


لمن تومي دا اتزوج في يوم المناسبة واحد من زملانو في الشغل ساكيني وينادي
يا عريس...... يا عريس
وانا طبعن كنت لابس سفنجه ولبس خمسه واخر بهدله مع الشغل والجري بتاع العزومة
قمت قلتليهو العريس بهناك انا اخوهو
قام قال والله انا ذاتي اتحيرت
قلت الزول دا مالو يوم عرسو لابس سفنجه وما قاشر ههههههه