Post: #10 Title: Re: فيصل محمد خليل وجمهور الاعضاء والمهندسين ، حلو اللغز دا بمليون$ Author: خالد عبدالوهاب Date: 05-09-2013, 05:51 PM Parent: #9
والله بعد الرسوم التوضيحية دي كلها برضو مافهمت !
يازول مافي اي فاصل بين السلمين ديل .. لو الزول وقف بيناتهن ومدا يديهو بي جاي وبي جاي حايظهر يد فو ويد تحت !!
Post: #11 Title: Re: فيصل محمد خليل وجمهور الاعضاء والمهندسين ، حلو اللغز دا بمليون$ Author: فيصل محمد خليل Date: 05-09-2013, 06:53 PM Parent: #10
تعرف يا حيدر مرة كان عندي كشك هنا في المجر والكشك واقع في شارع رئيسي و الشارع دا في شارع متوازي ليهو بيبعد حكاية بتاعت 500 متر . قاموا بنوا مول بين الشارعين . وزمان بمشي من الشارع بتاعي للشارع داك عديل في خط مستقيم ومافي اي فرق ارتفاع بين الشارعين حسب ظني .لما المول انتهاء بناءه . قمت دخلت بالبوابة الرئيسية و ماشي للشارع التاني . مشيت عديل لقيت امامي دكاكين . اتلفت جاي وجاي مافي طريقة توديني للشارع البهناك . قمت سالت السكيورتي قت ليهو انا عاوز اطلع للشارع الهناك دا . قال لي امشي للسلم المتحرك بيوديك الطابق الفوق من هناك عديل بتطلع للشارع . ما صدقت ولكن مشيت وفعلاَ لقيت الممرر بيودي للشارع الانا كنت بشوفو من شارعي و بعتقد ان مافي ارتفاع في المنسوب حسب اعتقادي و للان ما مقتنع لكن الواقع يقول في فرق في المنسوب . طبعاً مافي علاقة بين الـ topic وحل اللغز
Post: #12 Title: Re: فيصل محمد خليل وجمهور الاعضاء والمهندسين ، حلو اللغز دا بمليون$ Author: فيصل محمد خليل Date: 05-10-2013, 06:34 AM Parent: #11
ود الزين مراحب حك عينك من القضى وركز
________ شخارم بخارم وشك واريم اندارايس كدايس
Post: #13 Title: Re: فيصل محمد خليل وجمهور الاعضاء والمهندسين ، حلو اللغز دا بمليون$ Author: MOHAMMED ELSHEIKH Date: 05-10-2013, 07:52 AM Parent: #12
ياشباب تتصورو عندنا هنا مبني من خمس طوابق في ابها تخلى عربيتك قدامو وتدخل تطلع الطابق الخامس بالأسانسير تخلص تسوقك تلقى باب تطلع تلقى عربة اصحابك واقفة برة!
موضوع السلم دا ممكن يكون هناك مصعد غير ظاهر في التصوير يتم استخدامه لعمل الخدعة!
سلام مكعب
Post: #14 Title: Re: فيصل محمد خليل وجمهور الاعضاء والمهندسين ، حلو اللغز دا بمليون$ Author: HAIDER ALZAIN Date: 05-10-2013, 08:26 AM Parent: #6
سلامات الطيب الجاك .. مشكور على الرابط..
الصورة الجات في الرابط دي ياالطيب بتحير زيادة خليها من كون انها تشرح .. غايتو لو كانت الصورة مصاحبة ليها قياسات الارتفاع والطول ممكن تتفهم او على الاقل تقنع لكن كدة استمرار في الصعود في مساحة سلم طولو تقريبا مترين او تلاتة بالكتير وتصعد لمكان العتبة الاولى صعبة..!