Post: #1
Title: سيرة مدينة: الشيخ حسن ود حسونة
Author: adil amin
Date: 05-09-2013, 09:41 AM
رسم التشكيلي سليمان سعيد
(2) عطبرة
يوميات الزول السوداني
عندما تاتي الجدة الحرم طيب الله ثراها لزيارتنا في معهد التربية في مدينة شندي ،الجدة العظيمة حفيدة كوش التي تقيم عن جبل البركل المقدس في بلدة مورا..تاتي محملة بالبلح والجرم....كانت امي ونساء المدرسين ينظموا ومعهم نحن الاطفال رحلة الي الشيخ حسن ود وحسونة..في الخلاءالذى يقع شمال المعهد...كان لنا dogذهبي يدعى رنجو يمشي معانا الزيارة..هذا الكل.ب له ميول يسارية مطرفة او سلفية لست ادري...بعد انتهاء الزيارة...يعبر عن شعوره بالبول على حجارة الضريح...او الشجرة ذات الانواط التي تظلل الضريح...يمكن يكون الك.لب ده سلفي الله اعلم...ولكن الجدة الحرم تصب عليه كافة لعناتها وتدعو عليه بالويل والثبور وعظائم الامر لانه افسد لها زيارتها للشيخ حسن ود وحسونة
واليوم بعد ان مرت مياه كثيرة تحت الجسر وشهدنا كائنات عجيبة من المحيط الى الخليج انتشرت بصورة وبائية مع ربيع لا زهر فيه ولا شذى تدنس الاضرحة وتدمر تراثنا الخالد في كل مكان..ادركت ان ذلك الكل.ب اللعين الذي اهداه خواجة كان يعمل مدرس انجليزي في المدرسة الى ابي كان مؤامرة من الصهيونية والامبريالية العالمية المتحالفة مع القوى الرجعية المرتبطة بالاستعمار غير المواكبة وغير مستوعبة لمتغيرات المرحلة والحديث ذو شجون.
التعديل بسبب البوليس بتاع الكلاب بكري ابوبكر ما عايز يخلي لي ###### حاييم في حوشو ده حتى ولو كل.ب جد...كرهنا السودان والدول المجاورة ذاتو
...
|
Post: #2
Title: Re: سيرة مدينة: الشيخ حسن ود حسونة
Author: علي محمد الفكي
Date: 05-09-2013, 01:01 PM
Parent: #1
عادل امين
تحية وسلام
نص اعجبني سلس وجميل لكتابة سيرة
ودا من باب التعبير عن الاعجاب فقط
معهد التربية وا ادراك ما معهد التربية والريفية
والاثنين الى ود حسونة
وقول للزمان عود يا زمان
|
Post: #3
Title: Re: سيرة مدينة: الشيخ حسن ود حسونة
Author: باسط المكي
Date: 05-09-2013, 01:54 PM
Parent: #2
سلامات ياعادل
متابعين مواضيعك مميزة
جدا عيبك بتطش وتاني ما بتعود
للمتابعة شكرا لك
|
Post: #6
Title: Re: سيرة مدينة: الشيخ حسن ود حسونة
Author: adil amin
Date: 05-11-2013, 11:54 AM
Parent: #3
Quote: سلامات ياعادل
متابعين مواضيعك مميزة
جدا عيبك بتطش وتاني ما بتعود
للمتابعة شكرا لك |
سلام يا باسط المكي
انا ما طشيت من البورد ده من 2002 بس انعدم الحوار واضحت البوستات تهوي الى الداخل بسرعة العربة التي تجرها الخيول ولاني ما عندي شلة ولا قطيع
يضحي الامر ذى مذنب هالي
واشكرك على المتابعة
والتقدير
وبركة الشيخ حسن ود حسونة تلقى مرادك والفي نيتك
وده الدين البنعرفو من زمان..الصفاء والصوفية والما عنده محبة ما عنده الحبة
|
Post: #4
Title: Re: سيرة مدينة: الشيخ حسن ود حسونة
Author: عبداللطيف شريف على
Date: 05-09-2013, 02:23 PM
Parent: #2
الاستاذ عادل امين .
الشيخ حسن ود حسونة ..
اسطورة فى بحرى الريف .
يقال ان جريمة وقعت وكان شهودها بعض حيران الشيخ ..
فى محكمة بحرى اقسموا (زورا) على المصحف انهم لم يروا شى ...!!!!
تفتق ذهن المحامى الفذ بان دعى القوم للقسم باسم الشيخ ....!!
يثولون لا تحلف بودحسونة {بى جيب خبرك} ام الرب فهو يعفو ويرحم ويمهل ..!!!
(ما ذكر اعلاه لا يعبر عن راى التاقل والواصف ) مجرد رغى لا اكثر ......!
عشانم ما ينط لينا واحد فى حلقنا ....
|
Post: #7
Title: Re: سيرة مدينة: الشيخ حسن ود حسونة
Author: adil amin
Date: 05-11-2013, 12:04 PM
Parent: #4
Quote: (ما ذكر اعلاه لا يعبر عن راى التاقل والواصف ) مجرد رغى لا اكثر ......!
عشانم ما ينط لينا واحد فى حلقنا .... |
الاخ العزيز عبداللطيف علي الشريف
ما ذكر اعلاه هو الوجه الحقيقي للسودان والمغييب ويعبر عن السودان وليس رغي..
والسودانيين كان عندهم وازع وورع ويكفيك شر الحليفة في محكمة في بربر في المصحف اب طبق
واتاكد انت هنا في عالم عادل امين السحري
ما بجي زول ينط ليك في حلقك
لاني
لابت ليهم من 2002 هنا في البورد
ما عندهم حاجة-نفس الناس-
مجرد رجرجة
اذا اجتمعو ا ضروا واذا تفرقوا لم يسمع بهم احد
والسودان القديم ملة واحدة....
ا
|
Post: #5
Title: Re: سيرة مدينة: الشيخ حسن ود حسونة
Author: adil amin
Date: 05-11-2013, 11:41 AM
Parent: #2
Quote: عادل امين
تحية وسلام
نص اعجبني سلس وجميل لكتابة سيرة
ودا من باب التعبير عن الاعجاب فقط
معهد التربية وا ادراك ما معهد التربية والريفية
والاثنين الى ود حسونة
وقول للزمان عود يا زمان |
الاخ علي محمد الفكي
تحية طيبة
ده الاسلام البنعرفو تماما ..اسلام القيم وليس اسلام الشعائر المزيف الجانا من مصر(الاخوان المسلمين) او السلفية الجهادية(نسخة حسن البنا)
وسيرة مدينة كتابات عن الوجه الغائب والمغيب للسودان عبر العصور وهي سلسلة طويلة عبر الاسافير فقط اكتب سيرة مدينة عادل الامين في قوقل بتطلع ليك
|
|