الفايبر متاح الان للاجهزة الشخصيه

أطلقت شركة فايبر ميديا اليوم الثلاثاء إصدارا جديدا من تطبيقها للمراسلة الفورية "فايبر 3.0" للأجهزة العاملة بنظامي أندرويد و"آي أو أس"، كما أطلقت لأول مرة نسخة لسطح المكتب سواء للحواسيب الشخصية أو حواسيب ماك التي تنتجها شركة أبل.
وتتحدى تطبيقات التراسل الفوري بسعة انتشارها الشركات المزودة لخدمة الاتصال اللاسلكي ومنصات تواصل اجتماعي شهيرة مثل فيسبوك بفضل قدرتها على التراسل المجاني بين المستخدمين بغض النظر عن نوع الجهاز الذي يستخدمونه.
ويعد برنامج فايبر واحدا من أبرز تطبيقات المراسلة الفورية للهواتف الذكية التي تضم تطبيقات عديدة مثل "واتس أب" و"لاين" و"تشات أون" وغيرها، ويتجاوز عدد مستخدمي هذا التطبيق حاليا 200 مليون نحو نصفهم مستخدمون "نشطون"، حسب الرئيس التنفيذي للشركة تالمون ماركو.
وفي خطوة قوية تهدف لمنافسة لتطبيق سكايب التابع لشركة مايكروسوفت، يتيح إصدار سطح المكتب من فايبر إجراء مكالمات الفيديو لأول مرة، لكن هذه المكالمات ستبقى في هذه اللحظة حصرية بين أجهزة الحاسوب فقط، رغم أن رئيس الشركة -ومقرها قبرص- عبر عن خططه لمد الخدمة لكافة المستخدمين مستقبلا.
ويتيح تطبيق سطح المكتب من فايبر تبادل الرسائل، كما يتيح للمستخدمين تحويل المكالمات من الهاتف إلى الحاسوب بنقرة أو ضغطة واحدة. وتظهر الرسائل الواردة في جميع التطبيقات المفتوحة، لكن بمجرد بدء محادثة على الهاتف يتوفق تطبيق سطح المكتب عن إصدار تنبيهات.

أما بالنسبة للهواتف الذكية فإن الإصدار الجديد جاء بعدد من المزايا الجديدة، أبرزها رسائل الفيديو، كما تضمن ميزة جديدة تسمى "ستيكرز" أو "الملصقات"، التي يتمكن المستخدمون من إرسالها، وكذلك شملت الإصدارة محركا جديدا للصوت وواجهة استخدام جديدة كليا لهواتف أندرويد.
المصدر:مواقع إلكترونية

بعد التنزيل




http://viber.com/

بعد التجريب

يا معاوية هل الفايبر في الإصدارة الجديدة حيمكن الإتصال صوت وصورة بين الإسمارت موبايل وكدا حيكون ميزتو شنو علي التانقو والإسكايب؟

سلام معاوية

قمت اليوم بتحميل الفايبر علي اللابتوب وبعد التجربة مع الهواتف وأجهزة الكمبيوتر الشخصية
التطبيق رائع،، أعتقد أنو بقطع الطريق علي محاولات بعض الدول علي حجبه في أجهزة الهواتف الذكية
وذلك للأثر المالي السلبي للشركات المزودة لخدمة الهواتف.

نعم يا عبد الرحيم بعد كدا شركات الاتصالات ما عندها حل غير انها تتجه لبيع خدمة الانترنت فقط للمستخدم ..اصلا الناس كلاما قلً بعد ظهور الفيس بوك والواتس اب والكلام القليل دا زاتو الناس بقت توصلوا عن طريق الفيبر والاسكايب

الشغله فيها منافسة مع الاسكايب يا اسامة لكن مافي فرق بين الخدمتين ..بالعكس حتي الان وبعد التجربه معاك قبل شويه الاسكايب انضف في الصوت وامكانتو شويه اعلي ..ميزة الفيبر علي الاسكايب في الرسائل النصيه والصور والخيار دا متاح حاليا في الاجهزة الذكيه فقط ..

وآدي الفيايبر مركب في Linux Mint 14 آخر حلاوة


,


طبعا استخدمت wine

أخى معاوية والمتداخلين....شكراً جزيلاً على المعلومات المفيدة.


غايتو الله أعلم نحن ماشين وين بهذ ه السرعة التقنية....وحقو الواحد يقف ويسأل نفسو أكثر من مرة ما الفائدة البتجنيها هذه الشركات من مثل هذا ألأندياح والتنافس.

تقديرى وإحترامى

ما هي اخر استعدادات الهلال للقاء الخرطوم الوطني

..
افتقدنا سيرة الهلال

سلام يا معاوية ..

في برامج بتحاكي ليك البيئة بتاعت التلفونات الذكية في الكمبيوتر ..
انا لي فترة مشغل كتير من برامج الموبايل على الكمبيوتر ، من ضمنها الفايبر (الاصدارة القديمة من الفايبر بتاعت الموبايل ، شغالة تمام عندي في الكمبيوتر)
اتذكر لمن نزلت الفايبر على الكمبيوتر ، واحدة من الزميلات اتصلت بي فيهو وقالت لي مبروك الجالاكسي !! افتكرتني اشتريت تلفون جديد !
دي متعة برامج السيميوليشن دي ، تخليك تتجدع على الناس بالفايبر ، وانت شايل ليك موبايل كاميرا ذاتو ما فيهو :)

اجزيت خيرا يامعاويه

سلامات لكل زوار البوست وضيوفه

ممكن الناس تجرب الخيار الياباني دا برضو freepp

http://www.freepp.com/en/

شكرا ليك

\ رغم انو البرنامج ما اشتغل معاي في الماك!!!!

mac osx

يامغربي سلامات

نزلت البتاع ده لكن بقول لي عندك فايبر في التلفون ؟
بقول ليهو ماعندي بقول لي الا يكون عندك!

اجيب ليهو من وين انا ياخي ؟ :)

في خيارات تانية ولا ننسى الموضوع
طبعا لسة ما اشتريت الايفون .. واخد بال حضرتك ههههههه

سلا مات ياغالي ..ات ما تقوليهو اي عندي خايف يدفعك ضريبه :) في النهاية الحكايه رسيل كود تفعيل في موبايلك

__

يا ناصر جبريل اتاكد انو نسختك 10.7 اوالاعلي حسب طلب الموقع http://viber.com/#mac

قلت ليهو عندي يامغربي

قال لي دخل رقم التلفون
دخلتو .. قال لي ماعندك ياكضاب :)

بعد داك بقى يفتح لي في الصفحات ويقول لي الا تشتري تلفون :)


كدى اشرح لي اخوك القصة دي واظنك عارف مستوى فهمي (وش خجلان)

خلاص عشان تطلع من الحرج دا مع ناس فايبر اشتري ليهم ارخص اسمارت فون ونزل فيهو الفيبر عشان يديك الكود للويندوز :)..ياخ الايام دي اجهزة السامسونج قلقسي بقت بي اسعار زهيدة بعد اتجاه الناس للاس 4 فحصل السوق

والله حقو اشتري الاس4 واجهجه ليك ناس الفايبر ذاتهم :)

هذه البرامج ستنجح في الضغط على شركات الاتصال لتخفيض ارقام تعرفاتهم الفلكية لاستغلال المستهلكين وهذا بحد ذاته مكسب لمن لا يستخدمون مثل هذه البرامج
جنى

سلام يا أهلنا ....

أستخدم الفابيبر من فترة وجيزة .....

ملاحظتي عليهو إنو - خلاف البرامج التانية - ما بتعرف منو من أصدقائك أونلاين. يعني تتصل .. وزولك يا ردّ يا ما ردّ.