Post: #1
Title: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-07-2013, 07:07 PM
Parent: #0
قلت شنو؟
الحقوق لاتتجزأ؟
ياخى فى حكمة أنا لقطتها من المضيفات بتاعة سودانير
يقولن ليك لما ينقطع الأكسجين, ضع القناع على نفسك قبل أن تضع القناع على الأطفال..
وفهمت بعد بحث مضنى أنهم عايزين يقولوا: فى معافرتك لوضع القناع على الأطفال احتمال تقطع أكسجين وانت تموت والأطفال يموتوا..
فياخى خلينا نشوف حقوقنا أولا
وبعدين حقوقنا زاتا شنو؟
ماهى حقوق بحتاجوها المثليين قبل أن يقوموا بعملية التمثيل
يعنى المثلى زينا عايز ياكل عشان يعمل طاقة
وعايز يتعالج عشان يكون صحى
وعايز بيت يمارس فيه التمثيل
وعايز توابع تمشيل
وعايز أمن وأمان
وعايز مراوح شفط عشان الدخان مايعكل فى البيت ويوس خ الحيطان
وعايز وظيفة محترمة, يعنى حايجيب قروش الحاجات ديك من وين؟
بعدين المشليين والمشليات الهبشم منو؟
موش احتمال تكون الحكومة ماهاضمة حقوقن؟ اللهم إلا العايز يمثل على عينك ياتاجر ويحرج الحكومة.
المثليين فى الدول المتقدمة زى كندا وأمريكا وأوروبا عنهم منظمات..
انت قايل همها كلوا دخان ودلكة وسرير دبل؟
لا..لا.. ياعمك
الناس ديل بتكلموا عن الزواج فى بعضهم عشان فى حقوق مدنية لاينالها إلا الزوج من زوجته والزوجة من زوجها.. يعنى زى ماتقول كدا حكاية الميراث والوصية عندنا
واقلاها الواحد لو مرض التانى يكون عندو الحق يصاقروا ويتطلع على أخص خصوصياتو..
واذا اتبنوا طفل يكون عندهم الحق فى تسجيلوا فى شهادة الميلاد باسم الأم جون والأب مارك.. وهلم جرا...
أما نحنا ياحبيب عندنا ناس طموحين ومحرومين من حرية أن يحلموا دون قيود..
فعندك الأنصارى مايقدر يحلم برئاسة حزب أو إمامة ناهيك عن رئاسة البلد
الاتحادى بيفرفر لكن يشمله ليل الراعى الرسمى وأسرته ولايتبقى له إلا كابوس فى شكل منشق مطرود..
والشيوعى لايحلم برئيس حزب إلا يدخل سن المعاش..
وبقية الشعب والأحزاب العايز يبقى رئيس إلا يكون اتوسط ليه الميرغنى أو المهدى أو الترابى فى الدخول للكلية الحربية..
هسع انت قايل الثوار بموتوا من أجل المواطن البسيط المهمش؟
لا ياعمك ماتبقى مثالى
الناس دى بتموت عشان محرومين من الأحلام الوردية القلناها فوق دى..
كدى جيب واحد منهم ودخلوا فى ناموسية كحلية وانثر عليه حرية أن يحلم دون سقف..
وشوف تانى لو قال هامش أو مطحونين..
أنا زاتى بكتب ليك هنا دا عشان ماقادر أنقنق بحرية..
سمعت بالناس الرفعوا شعار: دعونا نسف بحرية؟
أها الناس ديل كلهم حققوا رغبتهم فى مايختص بالسف
بس فيهم ناس سفوا بشلاليفهم وآخرين سفوا بجيوبهم..
سمعت بالناس الرفعوا شعار: دع الأشجار تنموا؟
برضو حققوا مانادوا به
لكن بعضهم نموا صبارا
وآخرين نموا فلا ونرجسا وياسمينا
وخصومهم لازالوا فى مرحلة هزى إليك بجزع الدومة.
ياخى سمعت نكتة فرعون مع سيدنا موسى؟
تصدق فرعون بيتهم موسى بأنه عايز يبوظ دين الشعب وعايز يفسد فى الأرض؟
كل الفراعنة فى هذا الزمان بيقتلوك عبر هاتين التهمتين..
سبحان الله الذى جمع هيئة علماء السودان مع فرعون!!!
|
Post: #2
Title: Re: أنا بقول نشوف حقوقنا أولا, وبعد داك نشوف حقوق المثليين
Author: محمد الطيب يوسف
Date: 05-07-2013, 07:22 PM
بلة سلام
والله كلامك سامح خاصة في حتة الحقوق دي ....
ا
لكن بالجد كده انت عاوز تقول شنو؟؟
|
Post: #3
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-07-2013, 07:42 PM
Parent: #2
إزيك يامحمد الطيب
عموما عايز أعمل بيادة للكيبورد
بتعجبنى لما يقول ليك القوات الفلانية عاملة مناورات
يعنى كدا زى الجيش السودانى بعمل عشان يستعدوا لأى عدو خارجى
الحمد لله ماجانا عدو خارجى
عشان كدا قلنا الجيش بدل يقعد خامل خليه يقزقز بالمواطنين..
وثانيا يامحمد
عندنا ناس كدا جوا فى أمريكا وكندا وأوروبا وشافوا المثليين بعملوا استعراض قوة كل سنة فى التايم اسكوير فى نيويورك..
فمواطنينا ديل قالوا ندافع عن مواطنينا المثليين فى السودان..
قلنا نقول ليهم المثليين الفى العالم الأول ديل بعد أن نالوا كل الحقوق لقوا نفسهم فاضيين فأصيبوا بترف الحرية..
|
Post: #4
Title: Re: أنا بقول نشوف حقوقنا أولا, وبعد داك نشوف حقوق المثليين
Author: صبري طه
Date: 05-07-2013, 08:13 PM
Parent: #3
|
Post: #5
Title: Re: أنا بقول نشوف حقوقنا أولا, وبعد داك نشوف حقوق المثليين
Author: محمد الطيب يوسف
Date: 05-07-2013, 08:51 PM
Parent: #4
بله
أها بعد ماطلقت كرعين الكيبورد كويس
إنت الناس البنادو بالحقوق دي مايمكن بنادوا بحقوقهم هم في عضمهم إنت مالك مكتمن النفس
ياخ دعوا الأشجار تنمو
|
Post: #6
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Dr. Salah Albashier
Date: 05-08-2013, 02:02 AM
Parent: #5
متابعون .. بلا مثليه ..
|
Post: #7
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-08-2013, 02:19 PM
Parent: #6
عيل صبرى وطه ياصبرى
شكرا ليك يامميز
|
Post: #8
Title: Re: أنا بقول نشوف حقوقنا أولا, وبعد داك نشوف حقوق المثليين
Author: معتز يوسف نجم
Date: 05-08-2013, 03:58 PM
Parent: #7
دعوها تنمو سليمة
|
Post: #9
Title: Re: أنا بقول نشوف حقوقنا أولا, وبعد داك نشوف حقوق المثليين
Author: عاطف عمر
Date: 05-08-2013, 08:01 PM
Quote: هسع انت قايل الثوار بموتوا من أجل المواطن البسيط المهمش؟
لا ياعمك ماتبقى مثالى |
سلامات يا دفعة
مثالي دي عندها علاقة بـ ( التمثيل ) الفوق داك ؟؟؟
_____________
أطلقت عليك بين صحبي لقب
" ملك الكتابة بين السطور "
أعادوا قراءتك
فعادوا يشكرونني
|
Post: #10
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Yousuf Taha
Date: 05-08-2013, 09:57 PM
Parent: #9
مش برضو الاشجار عندها تمثيل
|
Post: #11
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-08-2013, 09:59 PM
Parent: #9
محمد الطيب
ياخ ديل أصحابنا
فبالله ماتلبسهم الحلق فى الأضان اليمين
دم متعافى
|
Post: #12
Title: Re: أنا بقول نشوف حقوقنا أولا, وبعد داك نشوف حقوق المثليين
Author: الامين موسى البشاري
Date: 05-08-2013, 10:49 PM
Parent: #11
بله يا بله ..
انت بس ارفع حقوق المثليين ديل يافطه
وحقوقك بتجيك في محلك ياخ
دا اعلى سقف ممكن تصله الحقوق وبلا قيود كمان
شفته كيف؟
|
Post: #13
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 02:01 PM
Parent: #12
دكتور صلاح
شاكرون بلا حدود
|
Post: #14
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 02:11 PM
Parent: #13
والنعمة عشانك يامعتز يوسف
نخليها كمان سليمة زوق
|
Post: #15
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:06 PM
Parent: #14
سلام ياعاطف
| Quote: مثالي دي عندها علاقة بـ ( التمثيل ) الفوق داك ؟؟؟ |
لا ياعاطف
مثالى دى ضوئية
لكن التمثيل المقصود تمثيل غير ضوئى وغير ظلامى
والناس المقصودين بالحوار عايزين يعملوه تمثيل ضوئى بدون كلوروفيل
قالوا شنو؟
قصدهم التخلص من ثانى اوكسيد الكربون ومعالجة الاحتباس الحلالى ( بس ماتقراها خطأ أرجوك)..
الكلام ذو شدوق يا عاطف لكن الوقت ضيق وانا فاضى!
عليك الله سلم لى على صحابتك الميامين
وقول ليهم الزول دا قال: لئن قرأتم لأزيدنكم
الحرف بالحرف والكلمة بالكلمة والسطر بالسطر ومابين السطور أساس.
|
Post: #16
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:16 PM
Parent: #15
نعم يايوسف طه
بلحيل الأشجار عندها تمثيل نسبى
|
Post: #17
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:23 PM
Parent: #16
| Quote: انت بس ارفع حقوق المثليين ديل يافطه |
والله فكرة يااللمين البشارى
خلينا نخلى اليافطة عابرة قارات
انت امسك طرفا الفى السعودية والطرف التانى الفى أمريكا هين.
|
Post: #18
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:26 PM
Parent: #17
| Quote: لولا ملل دكتور بله من بوستاته الجميله |
شكرا ياسيدا
وان شاء الله نتخطى مرحلة الملل ونخش على مرحلة النحل :)
|
Post: #19
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:34 PM
Parent: #18
| Quote: أعجبنى آخر ماتفتق عليه ذهن بعض السودانيين |
يوسف باشرى
إعجابك بمن ذكرت أدلج صدرى
قف
أتمنى ألا تكون صادقا فى إعجابك.
|
Post: #20
Title: Re: أنا بقول نشوف حقوقنا أولا, وبعد داك نشوف حقوق المثليين
Author: الامين موسى البشاري
Date: 05-09-2013, 03:45 PM
Parent: #17
Quote:
والله فكرة يااللمين البشارى
خلينا نخلى اليافطة عابرة قارات
انت امسك طرفا الفى السعودية والطرف التانى الفى أمريكا هين. |
يا بله في السعودية دي الا تفتش ليك واحد غيري انا
لكن في امريكا في واحد جاهز ممكن يمسكها ليكم
والله صحي :)
|
Post: #21
Title: Re: أنا بقول نشوف حقوقنا أولا, وبعد داك نشوف حقوق المثليين
Author: Balla Musa
Date: 05-09-2013, 03:52 PM
Parent: #20
| Quote: يا بله في السعودية دي الا تفتش ليك واحد غيري انا |
يا اللمين
واحد قريبنا وقع من جمل كسر يدو
وعمل ليها جبيرة والكسر جبر غلط (يعنى فيه عوجة بسيطة)
أصر لازم يدو ترجع عديلة
ودوه لبصير
قال ليه: نكسر اليد ونجبرا تانى
وطبعا الشغلانة مافيها بنج
اتلفت جاى وجاى وسأل مستعطفا:
يعنى غير الكسر مافى طريقة ياشيخنا؟؟
|
|